Македонска Филхармонија

Левиот кеј на Вардар ќе биде културен центар на државата

Покрај МНТ треба да се градат зграда на филхармонијата и палата на филмот

Филхармонијата треба да е сместена помеѓу МНТ и Музичката академија, а Палатата на филмот помеѓу МНТ и мостот на Вардар. Пред објектите ќе има амфитеатрално уреден плоштад на културата

Левиот брег на Вардар, од Старата меѓуградска автобуска станица до мостот на улицата †Стив Наумов° (кај †Холидеј инни) треба да биде културен центар на Скопје, во кој, покрај Македонскиот народен театар и Музичката академија треба да има и зграда на филхармонијата и палата на филмската уметност.

Идејата потекнува од средината на седумдесеттите години, а ја промовирале група словенечки архитекти. Идејниот проект и макетата многу години поминале во подрумот на МНТ, за денес да се претстават на јавноста како една добра замисла за организирање на просторот во Малиот ринг. Во времето кога е граден новиот театар, замислата за културниот центар постоела, а можните локации каде што би се изградиле зградата на филхармонијата и палатата на филмот сў уште се слободни. Според макетата, зградата на филхармонијата е сместена помеѓу МНТ и Музичката академија, а палатата на филмот помеѓу МНТ и мостот на Вардар. Пред објектите ќе биде амфитеатрално уреден плоштад на културата, какви што имаат многу западноевропски градови и на него ќе можат да се одржуваат претстави на отворено. Идејата за културен центар покрај Вардар стана интересна откако градските власти најавија дека во 2005 година приоритет ќе им биде реконструирање на левиот брег на Вардар, заедно со изградбата на Меморијалниот центар на холокаустот на местото на Старата автобуска станица и довршувањето на црквата †Света Богородицааи, чиј ктитор е познатиот бизнисмен Трифун Костовски.

>†Овој дел од Малиот ринг треба да има посебна функција за градот и штета би било сега кога се отвора можност за тоа, да не се реализира идејата за културно катче во кое ќе бидат сместени повеќе значајни институции од областа на културата. Тука ги имаме предвид и Даут-пашиниот амам, кој повеќе години е уметничка галерија, црквата †Свети Димитријааи, зградата на Ибни Пајко, целата стара скопска чаршија и Калето. Тоа е еден природен спој на значајни културно историски споменици во кој постојат природни предиспозиции да биде културно јадро не само на градот туку и на државата. Планирам цела година да ја посветам на сериозна презентација на оваа идеја која има легитимитет од градските власти и за која ќе треба да се изработи проектти, вели Зоран Тониќ, главен градски архитект.

Тониќ нагласува дека на делот помеѓу Камениот мост и мостот †Гоце Делчев° е локацијата каде што би можел повторно да никне стариот театар, кој со својата раскошна архитектура ќе придонесе за збогатување и разубавување на центарот. Влезот на театарот, според замислата, треба да излегува на плоштадот †Карпошово востание°. Македонскиот народен театар пак, според Тониќ, ќе биде фасадно реконструиран, целосно обложен со нови заштитни материјали, ќе биде сменето осветлението и порталот. Истовремено со уредувањето на културниот центар, Градот планира и партерно уредување на кејот од мостот †Гоце Делчев° до МАНУ, кој треба да биде комплетно модерно шеталиште. Кејот ќе се поплочи, со цел да заживее и да овозможи непречена комуникација помеѓу мостовите †Гоце Делчев° и оној кај †Холидеј инни.

Утрински - Сања Наумовска - 28.01.2005