Урбанистички планови и парцели (општо)

За овој дел со куќите десно долго време се зборува дека ќе го пополнат со згради но деталниот е сеуште под мораториум

ДУП за Јурија е донесен, одобрение за градба уште не е издадено

Во информацијата за планот објавена на веб-страницата на Општина Ѓорче Петров, покрај некои попрецизни дообјаснувања, нема ниту збор за она што го бараат граѓаните организирани како Иницијативата против урбаното дивеење – дали постои можност планот да се повлече и да се ревидира.

Општина Ѓорче Петров донесе Детален урбанистички план за Градска четврт СЗ 24, за локалитетот Јурија, со кој се овозможуваат услови за градење на овој простор, но одобрение за градење сѐ уште не е дадено. Ова го тврдат од Општината, притоа прецизирајќи дека одобрение за градба се издава врз основа на основни проекти за градбите, во постапка во согласност со Законот за градење.

Оттаму додаваат дека донесениот ДУП е изработен во согласност со Генералниот урбанистички план на Град Скопје 2012 – 2022 и Регулациски план на ГУП за четврт СЗ 24 од 2018 година. Според нив, решението на новиот план нуди современ концепт за развојните потреби на општината.

Објаснувањето за планот, Општината го даде ден подоцна откако дел од жителите на населбата Дексион излегоа на протест и ја блокираа главната улица во Ѓорче Петров незадоволни од решенијата што ги нуди новиот ДУП, пред се од изградбата на, како што велат „бетонски ѕид во Јурија“ и згради високи по 17 ката и побараа негово ревидирање.

Во информацијата за планот, објавена на веб-страницата на Општина Ѓорче Петров, покрај некои попрецизни дообјаснувања за планот, нема ниту збор за она што го бараа граѓаните организирани како Иницијативата против урбаното дивеење – дали постои можност планот да се повлече и да се ревидира.

Напротив, од Општината велат дека максимално дозволените нумерички параметри за градежната парцела не дозволуваат изградба на целата површина на објекти со височина од 58 метри, односно приземје и 17 ката. Всушност, станува збор за една парцела каде што е предвидена изградба на „облакодер“.

– Всушност, ова е планска одредба со која ќе се условат архитектите да изнајдат посмели архитектонски решенија за градбите, со разиграни и денивелирани површини и волумени, односно интенцијата е да се побегне од стерилните архитектонски решенија, кои беа вообичаени во изминатиот 10-годишен период кога се реализираа „ѕидови“ во должина на улиците – тврдат од Општината.

Според локалните власти, нема да биде спречен ниту протокот на воздух, затоа што со проектирање разиграни и денивелирани површини и волумени на градбите, по целата должина ќе се појават продори во површините за градење.

Во просторот значаен дел е одделен и за зеленило, па како што објаснуваат дури 4.257 метри квадратни се планирани за јавен парк, а во секоја градежна парцела инвеститорот мора да обезбеди и најмалку 20 отсто зеленило.

Засега нема реакција на граѓаните од Иницијативата против урбаното дивеење, кои беа организатори на протестот, во однос на информацијата од локалните власти, иако најавија дека нема да се откажат од „борбата“ додека не се исполнат нивните барања.

Сепак, освен незадоволните жители од донесениот ДУП, има и граѓани што го поддржуваат и сметаат дека Ѓорче Петров треба да се урбанизира.

https://www.slobodenpecat.mk/dup-za-jurija-e-donesen-odobrenie-za-gradba-ushte-ne-e-izdadeno/

СОВЕТОТ НА ГРАД СКОПЈЕ УСВОИ ШТЕТЕН РЕГУЛАЦИСКИ ПЛАН ЗА ПОТЕГОТ КОЗЛЕ-ТРНОДОЛ-ЖДАНЕЦ КОН ВОДНО

Документациска основа. Покажува дека неточно и набрзина е направена. Постоечки уреден парк класифициран е како девастирано земјиште.



Се гледа како заштитно зеленило од важечки ДУП-ови на Општина Карпош сега се предвидуваат за домување.



Се гледа како заштитно зеленило од важечки ДУП-ови на Општина Карпош сега се предвидуваат за домување.



Прикажани се 2 локации кои претходно не биле во опфат на ГУП (=опфат на Град до граница на град, туку надвор од град). Во документациска основа нема ни куќички по цела нивна територија, туку само во дел, а во Регулациски план цели зони се предвидени за домување.



повеќе на следниов фб профил

https://www.facebook.com/dragana.velkovska

Во Автокоманда зграда од три ката ќе стане десеткатница





Во предлог деталниот урбанистички план за Градска четврт ССИ 09, Општина Гази Баба е исцртана маркица со која постојна зграда со приземје и три ката, треба да се „легализира“ изградба на објект – десеткатница.

Случајот го актуализираат советници од општина Гази Баба и ги повикуваат жителите на Автокоманда, каде што впрочем се наоѓа зградата на булевар „16 Македонска бригада“, ако се против решението вцртано во ДУп-от да пополнат анкетни листови кај претседателот или секретарот на местата заедница „Автокоманда“ бидејќи рокот е до 14 октомври 2020 година.

Во ваши раце е да одлучите дали и покрај тоа што веќе населбата нема доволно чист воздух, има проблеми со канализација, места за нови ученици и паркинг за автомобилите сакате да ви се изградат нови згради со повеќе од 10 ката. Имено, некојси „урбаниста“ нацртал во предлогот на ДУП за Градска четврт ССИ 09, Општина Гази Баба – Скопје, да се „легализира” изградба на објект – десеткатница на булевар „16-та Македонска бригада“, и покрај тоа што во претходниот ДУП овој објект е планиран со висина од П+3 ката и истиот е веќе изграден со предвидената височина – велат советници од општина Гази Баба.

Оттаму посочуваат дека дел од становите се веќе продадени, а сопствениците при купопродажбата немале сознанија дека објектот ќе го менува габаритот и катноста.

– Изградбата на десеткатницата што се предводува со предметниот ДУП, ќе предизвика промена на микро-климата и ќе влијае на условите за живот на постојните објекти во околината. Ќе се спречи струењето на воздухот овозможено со близината на парк-шумата Гази Баба и ќе се спречи продор на сончева светлина заради разликата во катностите на планираната десеткатница и соседните објекти – сметаат советниците.

https://www.vecer.press

Градежна милијарда уставни порти отвора

Една недела пред Градежната комора да понуди спасоносна милијарда евра инвестиции во замена за отстранување на пречките за градење, како мораториумите во општините и други, Уставниот суд почнал да разгледува иницијатива поднесена од двајца охриѓани за да се укине одлуката за неградење во Општина Центар, покажува документ во кој БИРН имаше увид.

Градежниците го соопштија својот предлог на средба со министерот за транспорт и врски, Благој Бочварски, на 8 октомври, претставувајќи го како обид да помогнат во справувањето со тешките економски последици предизвикани од пандемијата со корона вирусот. Судот, пак, почнал да постапува по барањето на иницијаторите на 30 септември.

Ниту еден од подносителите не е познат во градежниот бизнис. За првиот нема никаква информација дека поседува или управува со некакво претпријатие, а вториот се занимава со трговија со пијалаци. Неуспешни беа обидите да стапиме во контакт со некој од нив за да ги објаснат мотивите зошто бараат укинување одлука во Општина Центар.

Ова е втор обид преку Уставниот суд да се отвори патот кон нова градежна офанзива во Центар, откако тој во март 2019 година донесе одлука да го запре мораториумот во оваа општина за да ја испита неговата законитост. Тогаш иницијативата ја поднесе токму Градежната комора што сега ја даде понудата за инвестирање, заедно со Стопанската комора на Северозападна Македонија. Но, општината, една недела подоцна донесе нова одлука за запирање на спроведувањето на деталните урбанистички планови, која сега двајцата жители на Охрид ја оспоруваат.

Претседателот на Градежната комора Ивица Јакимовски, за БИРН, вели дека тие во моментов ниту водат некакви постапки пред Уставниот суд, ниту размислуваат во таа насока, и дека наместо тоа, излегле со, како што рече, јасна понуда во интерес на целото општество.

„Оваа понуда не е во интерес само на инвеститорите, затоа што во рамките на градежниот сектор високоградба учествуваат дополнително уште 26 индустриски гранки“, рече Јакимовски.

Новата иницијатива, како што дознава БИРН, се надоврзува на старата. Во неа се споменува дека Уставниот суд веќе еднаш го запрел мораториумот, но општината не го испочитувала тоа и донела нова одлука. Таа се повикува на истите членови, ставови, алинеи и амандмани на Уставот, како и иницијативата од 2019 година, и на истите закони.

Во двете иницијативи, со речиси истите зборови, се укажува на правото на сопственост како уставно загарантирано право и на правото на градење што произлегува од него согласно важечки урбанистички документи. Се вели и дека со оваа одлука, Општина Центар ги доведува во нееднаква положба граѓаните што имаат имот на нејзината територија во однос на другите граѓани, бидејќи тие не можат да располагаат со својата сопственост.

Главната разлика меѓу нив е што во новата иницијатива се цитира и Законот за урбанистичко планирање донесен во февруари 2020 година, со кој се уредуваат начините како се суспендира урбанистички план.

Непристојна понуда?

Понудата на градежниците, како и новата иницијатива за уривање на мораториумот, доаѓаат во време кога се појавуваат сѐ повеќе иницијативи за запирање или за намалување на градењето во најгусто изградените делови на главниот град. По граѓаните на Центар, кои го издејствуваа мораториумот, слични иницијативи водат и жители на Карпош, Аеродром и Кисела Вода, во врска со различни подрачја што се интересни за инвеститорите, како Расадник или фабриката Треска. Некои формираат здруженија, а други остануваат неформални, организирајќи се преку социјалните мрежи.

Дел од експертите и активистите сметаат дека градежниците се обидуваат да ја искористат кревката економска состојба наметната од пандемијата на ковид 19 за во јавноста, но и кај властите, да ги наметнат своите тези над ставовите дека каде што е преизградено, веќе не треба да се гради.

„Гледам најбескрупулозно користење на ситуацијата со економската криза. Притисокот да се гради над капацитетите на просторот постои пред пандемијата, а заложбите тоа да се стави под контрола се од пред повеќе години. Но, сега го користат моментот и се претставуваат како спасители. Ова е крајно неодговорно и навредливо“, вели професорката од Архитектонскиот факултет Дивна Пенчиќ, една од поборниците за ограничување на градењето за да се овозможат похумани животни услови.

Активистите од иницијативата „Расадник на можности – за похуман живот во Кисела Вода“, пак, велат дека градежните инвеститори би си ја вратиле инвестираната милијарда само од деталниот урбанистички план за Расадник против кој тие се борат, а секое друго градење би им било профит.

Квадратурата за домување што ја предвидува овој план, која четирикратно ги надминува параметрите од Генералниот урбанистички план, изнесува 943.771 квадратен метар. Ако се одземе 15 отсто за комуникации и лифтовски јадра, остануваат 802.205 квадрати. По најмалку 1.000 евра од квадрат, тоа се 800 милиони евра. Уште 200 милиони од деловен простор, и ете ја милијардата“, објаснуваат за БИРН активистите на „Расадник на можности“.

Во одговорот на овие тврдења, претседателот на Градежната комора, Ивица Јакимовски (сосопственик и директор на фирмата Голден Арт), го става фокусот на две нешта – сопственост и облагородување. Вели дека желбите и забелешките на одредени субјекти и здруженија не можат да го ограничат ниту правото на сопственост, ниту правото на изградба на објект со одредена вредност, предвиден со детален урбанистички план.

„Бараме да инвестираме на сопствени локации што постојат. Не бараме да инвестираме на државен имот, туку на имот што е во стопроцентна приватна сопственост“, нагласува Јакимовски.

Тој додава дека не му е јасно зошто има толкав отпор кон градењето во центарот и во зоните околу него, кога таму постојат руинирани локации, депонии, стари фабрики и различни објекти на кои им поминала вредноста.

„Ние како градежна комора нудиме обнова, а со тоа и ново руво на градот, да се понудат модерни станбени и деловни објекти, кои ќе бидат во функција на општеството, а и директно да се помогне на економијата“, вели Јакимовски.

Што кога ќе снема место за градење?

БИРН веќе анализираше колку локации сѐ уште се кријат низ ДУП-овите и го чекаат својот инвеститор во подрачјата од Скопје, каде што високоградбата беше најинтензивна во изминатата деценија.

Анализите што ги направија граѓанските движења како „Здравје пред профит во Центар“, „Расадник на можности“ и други покажуваат дека во централните подрачја веќе не може да се гради со исто темпо без да се деградираат условите за хумано и безбедно живеење.

Предупредуваат на недостиг од простор за образовни и здравствени услуги, зеленило и рекреативни зони, но и на неисполнување на стандардите за заштита и спасување ако се случат несреќи. И тие се повикуваат на Уставот и на заштитата на правото на здрава животна средина.

Здруженијата укажуваат дека на местата каде што е пресметано дека може да живеат 8.000 жители се планираат згради што може да сместат 29 илјади луѓе (Расадник), а во местата каде што се преоптоварени училиштата и градинките се предвидуваат нови згради и неколку илјади жители (Треска).

И покрај тоа, градењето продолжува најинтензивно во центарот на главниот град и во неговото непосредно опкружување, односно на местата што се лесно поврзани со него.

Според податоците од Државниот завод за статистика, од 2010 до 2019 година, во земјава се изградиле над 57 илјади станови. Од нив, 19 илјади, или една третина, се направени во општините Центар, Карпош, Аеродром и Кисела Вода, а другите две третини се во преостанатите 76 општини.

Но, просторот е најограничен ресурс, не може да се создаде повеќе отколку што го има. Еден ден секако и физички ќе се потрошат локациите за градба во централните зони. Дали тоа ќе значи дека градежните компании ќе стават клуч, или ќе го откријат она што сега им го укажуваат активистите – дека може да градат, но на други места?

Професорката Пенчиќ вели дека постојано се прави замена на тези, па барањето контрола врз градењето за да се спречи понатамошно згуснување на Скопје се толкува како целосна забрана за градење. Според неа, градежната индустрија нема да пропадне и ќе може и натаму да инвестира и да вработува ако, наместо во Кисела Вода, Аеродром, Карпош и Центар, гради во периферните делови на Скопје и во другите 33 градови низ Македонија.

„За градење има каде, но прашање е зошто е атрактивно во центарот на Скопје“, вели Пенчиќ.

Претседателот на комората, Јакимовски вели дека за компаниите да вложат во недвижности некаде треба да се решат два услова – сопственоста и урбанистичките планови.

„Згради се градат и во Општина Илинден, Гази Баба, Хиподром, во периферните делови на Општина Ѓорче Петров. Имаме изградено згради и во Сопиште. Не може да ни се припише дека исклучиво финансираме градење во центарот“, вели Јакимовски.

Како што додава тој, градежните компании се свесни дека не може секој да си дозволи стан во централното подрачје, па и самите бараат алтернативи, но потребно е да има понуда. Поточно, потребно е општините да направат планови со кои ќе се создадат услови за современо живеење – училишта, трговски објекти и друго.

„Како ќе поминува времето, потребата за живеење на периферија ќе се зголемува, но само ако се подобруваат условите“, смета Јакимовски

За позначително ширење на градежните инвестиции од Скопје кон внатрешноста, пак, претседателот на комората е донекаде скептичен. Вели дека таму прво треба да се создадат економски услови, луѓето да имаат причина да останат наместо да се иселуваат, и да вложат во нови недвижности во родните места. Само тогаш градежната оператива може да види шанса за инвестирање.

Во меѓувреме, Скопје ќе остане мегдан каде што со прашањето дали и колку ќе се гради ќе се занимаваат, не само општините, фирмите и граѓаните, туку и највисоките судски и државни власти.

https://prizma.mk/gradezhna-milijarda-ustavni-porti-otvora/

ДВАЈЦА ОХРИЃАНИ ПОДНЕСОА ИНИЦИЈАТИВА ДО УСТАВЕН ЗА УКИНУВАЊЕ НА МОРАТОРИУМОТ ЗА ГРАДБА, БОГДАНОВИЌ БАРА ДА СЕ ОДБИЕ

Деталните урбанистички планови (ДУП) кои се под мораториум се штетни и директно и индиректно ќе влијаат врз загрозување на животот и правата на граѓаните, се вели во одговорот на Општина Центар до Уставен суд, откако повторно беше поднесена иницијатива за укинување на мораториумот за градба. Иницијативата за укинување на мораториумот за градба во Центар до Судот ја поднеле двајца граѓани од Охрид.

Градоначалникот Саша Богдановиќ денеска достави одговор до Уставниот суд во кој покрај образложение зошто е стопирана реализацијата на ДУП-те, бара поднесената иницијатива да биде отфрлена.

„Деталните урбанистички планови кои што се опфатени во Одлуката за начиниот на применување на деталните урбанистички планови од 27.3.2019 година, не се усогласени по ниту еден основ со Генералниот урбанистички план (ГУП) на Град Скопје од 2012 до 2022 година. Донесувањето и спроведувањето на деталните урбанистички планови претставува дел од двостепеноста на системот на урбанистичкото планирање. Ако генералните урбанистичките планови служат за да ја одредат намената на земјиштето и функционалната организација на просторот, примарните инфраструктурални мрежи и основните услови за изградба, деталните урбанистрички планови служат за разработка и спроведување на ГУП-от, согласно Законот за просторно и урбанистичко планирање. Според тоа, ниту едно право, вклучувајќи го и правото на сопственост, не смее да биде исклучиво над друго право. Генералниот урбанистички план на Град Скопје од 2012 до 2022 и деталните урбанистички планови, не смеат и не ги третираат поединечните права како исклучиви над преостанатите поединечни права“, се вели во одгвоорот на Општина Центар со Уставен суд.

Лани, Иницијативата за оценување на уставноста и законитоста на мораториумот до Уставен суд беше поднесена од Градежната комора и Стопанската комора на северозападна Македонија. Потоа, на 20 март Уставниот суд времено го укина мораториумот додека не се донесе одлука дали тој е законски донесен и во согласност со Уставот.

По ваквата одлука на Уставен суд, Општина Центар донесе нова одлука за мораториум со која Деталните урбанистички планови кои се спротивни на Генералниот урбанистички план на Град Скопје (ГУП), нема да се применуваат. Сите планови кои се ревидираат се спротивни на ГУП-от, па со тоа во Општината не се издаваат дозволи за градба додека не бидат усогласени со Генералниот план, односно не бидат донесени нови планови.

Советот на Општина Центар по предлог на градоначалникот Саша Богдановиќ, на 27 декември 2017 донесе мораториум на градба, со кој беше стопирана реализацијата на 31 детален план. Досега се донесени само пет планови.

https://sdk.mk/index.php/dopisna-mrezha/dvajtsa-ohrigani-podnesoa-initsijativa-do-ustaven-za-ukinuvane-na-moratoriumot-za-gradba-bogdanovik-bara-da-se-odbie/

Еве што е предвидено со планот за Тафталиџе во делот кај ГУЦ и Архивот што се запали



https://www.facebook.com/groups/168386496689872/

Новиот ДУП не е во интерес на жителите на Општина Карпош

Предлогот за нов Детален урбанистички план за Градска четврт 3 06, Блок 3 не е во интерес на Карпошани и не е согласно реалните потреби на Општина Карпош.
Со овој ДУП, во четвртот кај СГГУГС Здравко Цветковски се предвидува две нови станбени згради. Едната со приземје + шест спратови и поткровје со вкупна висина од 21,80 метри, а другата со приземје + пет спратови и поткровје со вкупна висина од 18,80 метри.
Загрижува и тоа што на парцелата 09.02, на местото на Заводот за урбанизам и архитектура и Институтот за социолошки и правни истражувања се предвидува објект со приземје и девет спратови со вкупна висина од 41.70 метри.





https://www.facebook.com/LevicaKarpos

овој се гласа за 2 дена





Edited by stef4o - 10-Nov-2020 at 11:11

Попладнево го усвоиле деталниот за овој потег на Илинденска





https://www.facebook.com/groups/883203825068334