Споменици и скулптури (општо)

Само да се дополнам, во хералдиката има нешто што се вика блазон. Тоа е впрочем реченица која еднозначно го опишува грбот. Таа реченица е побитна дури и од самото графичко решение, кое (под услов да го следи блазонот) може да варира во зависност од уметничката инспирација.

Така, земскиот грб на Македонија во основа е сосем различен грб од оној на Бугарија:

Македонија
On a red field, lion rampant double queued or.

Бугарија
On a dark red field, lion rampant or.

Case closed.

Муабетов за бугарофилството стварно не ви требаше

Иако сум реално против политикава и идеите на оваа влада (кои неразумно трошат пари од странски кредити, бидејки нели едвај најдоа неколку инвеститори колку што се на власт веќе 5 год.), морам да се согласам со тврдењата на повеќемина дека лавовиве имаат ите како врска со Македонија:

   

Тука има објаснето прилично: http://makedonija.name/government/macedonia-coat-of-arms

Баталете ги тоа бугарите аман...лав, орел, сонце, змејови се симболи што од Јапонија до Аљаска се користат и може да си ги користи кој како сака - отиде темава у безвезна политика...

Ако е за тоа концептот за скулптури до Камен мост е комплет српско-краљевски, па макар што се поставени наши херои...

Темата со комшиски завери и странски идеологии мене ми е поприлично конфузна со оваа власт и не би ме чудело да ги наредат оние евзони (или како и да се викаат оние смешни грчки војничиња) да менуваат стража на пешачкиот мост, кај жабар...нормално дека у меѓувреме некој неизживеан видел негде и тоа му се свиѓало

Концепти на некакво градско споменично уредување се преземаат и ќе се преземаат во иднина, нема што ние да измислуваме сега, под мост или пред мост, во фонтана или во парк, локациите се тие (дека се пренатрупани е веќе друга тема)...Лавов мост во Софија е реплика на нешто веќе видено(не можам да се замарам да барам, ама соодветен пример ќе најдам во Париз, Виена па што сака нека е), па така имам впечаток дека не е баш соодветно да се праат паралели од тој тип и да се земаат такви второкласни примери...

Тоа што не убива во моментов е комплетната неоригиналност...авторот дали бил џанак или покондирен фраер или не знам што е тотално неважно, ама тоа што го видов од него ми кажа се’ (важи и за овие и за многу од скулптуриве од претходниов период)...целово бунило со некаква помала болка ќе го преживеев, барем авторите на скулптурите да покажеа некаков талент, да ја извадеа со мајсторство целата ситуација. Да гледаме реално, кој не знаеше дека травертинските плочите на зинго нема да се стаат и кај треба и кај не треба (бар на нешто да личеа), ко да се одлепени од сител телевизија и редени по споменициве (па и они да се омрсат малце, не само да лаат како кучиња), ама дека толку утепани може да бидат и уметниците, тоа никако не ми влегува во памет...којзнае што ќе се изнагледаме понатаму!?

Значи зборот Евзони, освен што е грчко име за селото Мачуково, значи и нешто друго. http://en.wikipedia.org/wiki/Evzones. Ова колку да не остане нејасно што сакаше да каже Гахан. Инаку едно време се спомна некаков редизајн на гардата или па можно е да било и дополнителна претседателска, или па владина или па некое друго дополнување за вакво нон-стоп шетање околу институции. Не дека не е можо ни нешто такво, барем на многу места има такви. Најпознати се британските, а освен во Грција од соседство ги има и во Бугарија. Тоа е доста интересна идеја, а особено што не захтева многу работа, нема градба, не треба многу средства.


Edited by lslcrew - 25-Aug-2010 at 12:51

Еве еден вистински лав во стоечка позиција.

Edited by Jumbo - 25-Aug-2010 at 13:08

Originally posted by lslcrew Значи зборот Евзони, освен што е грчко име за селото Мачуково....

На друго беше стаен акцентот, пуштете тоа со селата и со гардите...

Мене една работа ми смета што спомениците ги поставуваат баш во Скопје, градот после земјотресот имаше модерен план кој што никогаш не се реализираше до крај,а сега некој сака да го направи градот со сила град на УМЕТНОСТА ,можеше на пример да се направи една населба која што ке беше препознаена како населба на уметноста,а не вака да се натрупуваат безброј споменици на секои 100 метри,и овие лавовите не беа за мостот гоце делчев би рекол дека проширувањето на бетонскиот мост до холидеј ин со проширување и уредување на светилките кои со децении мислам дека не работат лавовите би се вклопиле 100 %.

ВМРО-ДПМНЕ ЈА ШИРИ ТРЕСКАТА СО СПОМЕНИЦИ
Струмица во трка со „Скопје 2014“ Сузана Тасева

Владејачката партија предлага амбициозен план за поставување десетици скулптури, споменици и спомен-обележја во Струмица, со што овој град ќе тргне по стапките на Скопје и на неговиот проект „Скопје 2014“. Според планот, Струмица ќе добие споменик на римскиот император Тибериј, на цар Самуил, а се предвидени и ред манифестации и реконструкции на важни историски објекти. Програмата за култура на општинската организација на ВМРО-ДПМНЕ „Струмица 2014“ беше промовирана завчеравечер на легендарните Цареви кули. Таа предвидува изградба на повеќе споменици на личности од поблиската и од подалечната историја на Струмица и на Македонија. Освен на Тибериј, како основач на Струмица, ќе се гради споменик на средновековниот цар Самуил, на генералот Борис Поцков, ослободител на Струмица, како и уште еден споменик на трагичнозагинатиот претседател Борис Трајковски, роден во Струмичко. Покрај тоа, со програмата се предвидува да се премести гробот на легендарната Струма од селото Баница во Градскиот парк во Струмица. Зградата на стариот и изгорен театар да се обнови и да се изгради нов регионален музеј и нов завод за заштита на спомениците на културата во центарот на градот, предлага ВМРО-ДПМНЕ. Партијата, исто така, има целосен план како да се одбележи илјадагодишнината од Битката на Беласица во 2014 година. Планирано е да биде поставена голема изложба во манастирскиот комплекс „Свети Леонтиј“ во Водоча, а до ловниот дом на Цареви кули да се поплочи патека со точно 1.000 скалила. Во проектот не се прецизно одредени роковите, приоритетот, динамиката на изведба и финансиската конструкција. Како извори на финансирање се посочени Владата на Република Македонија, Министерството за култура, локалната самоуправа и странски фондации и донатори. Претседателот на општинската организација на ВМРО-ДПМНЕ во Струмица, Славе Гошев вели дека сите овие проекти ќе му бидат предложени за реализирање на градоначалникот на Струмица, Зоран Заев од СДСМ. - Ние немаме намера да глумиме опозиција во Струмица, ниту, пак, да плукаме по нашиот политички противник бидејќи тоа не е наш стил на работа. Ние предлагаме конкретни проекти и предлози, од кои дел ќе бидат дадени на реализирање на градоначалникот како предлози од нас или од нашата советничка група. Ако не бидат прифатени ќе бидат вметнати во нашата програма за следните локални избори и ние како победници на тие избори ќе ги реализираме во наредниот период - изјави претседателот на партискиот разгранок. Според Гошев, проектите имале конкретни рокови за реализација и ќе се изведувале според предвидената динамика во програмата. Градоначалникот на Струмица смета дека изградбата на толкав број споменици во Струмица не соодветствува со реалноста. - Програмата „Струмица 2014“ е еднаква на „Скопје 2014“. Поттикнати од нивните водачи во партијата во Скопје, кои истовремено ја водат и Владата, со огромните провизии што ги земаат од спомениците, и ОК на ВМРО-ДПМНЕ од Струмица прави калкулации. Зошто и тие да не се офајдат од реализацијата на вакви проекти? Споменикот на бегалците во Струмица, кој го реализираше Општината, вреди 550.000 денари, а исти вакви споменици во Скопје поставени од власта чинат 840.000 евра. Ваквата калкулација, претпоставувам, е предизвик за струмичките вмровци. Додека сум градоначалник на Струмица сум отворен за сите добри идеи, на сите граѓани и на сите политички партии, но ваквите идеи од кои ОК на ВМРО-ДПМНЕ планира да се офајди, а тоа да го плати нашата Општина, нема да поминат. Постојат многу други проблеми за решавање за кои отворено треба да дебатираме, а поставувањето толку многу споменици не е решавање на проблемите на граѓаните на Струмица - рече Заев.

http://www.vreme.com.mk/DesktopDefault.aspx?tabindex=3&tabid=1&EditionID=2105&ArticleID=147251

А зошто да изгледаат застрашувачки? Па најубо живи лавои да ставеа, ако е тоа целта. И која е логиката, просторот да се смени за да се вклопи со новите објекти/споменици? Ја би рекол дека природно е да биде обратно.

А првово прашање ти е онака или сериозно? Мене ми личат на афрички лавови. 

Edited by Cloverstack - 26-Aug-2010 at 13:57