Археолошки Музеј / Архив / Уставен Суд

Jaс не сум чул техно музика на плажите, ниту на една од двете. Можеби да имало едновечерна журка и толку. Како што знам таа плажа во Центар цело време претежно имаше реге забави. Инаку не знам на која градска плажа во денешно време си видел дозволено капење?? Посебно тоа не би требало да биде случај на нашиве. И капење да дозволеа, тогаш претпоставувам ќе кажеше, како можеа капење да дозволат.. Плажите се одлични, само што мене не ми се допаѓа локацијата на плажата во Центар бидејќи не ми иде во корелација со театарот и музејот над неа. Инаку плажата кај Градски парк е прекрасна и во летен период врие еден куп "стари скопјани" кои ја користат за сончање и рекреација. Навечер е полна со млади. Плус наместо капење има тушеви за разладување во жешки периоди а има и убави терени на песок за одбојка и ракомет. Плус, дел за забава на мали деца. Заклучок, плажите се повеќе од одлична идеја и реализација.

Edited by HugoGoulding - 23-Jan-2013 at 22:46

„Шмекот“ на Старо Скопје.

Хехе, и тоа колку сакаш...а за вакви примери првенствено мора да се пофалат Ново Маало и Маџир Маало  


Edited by mr bombastic - 27-Jan-2013 at 22:12

Интензивно СЕ ГРАДИ АРХЕОЛОШKИОТ МУЗЕЈ ВО СKОПЈЕ

Александрискиот саркофаг во центарот на поставката

Турците првпат ни дозволија изработка на копија, имајќи ги предвид нашите културни и пријателски односи, вели Паско Kузман, директор на Управата за заштита на културното наследство

Kопијата од Александрискиот саркофаг од 4 век пред новата ера, чиј оригинал е изложен во Археолошкиот музеј во Истанбул, ќе биде еден од најатрактивните предмети во новиот Археолошки музеј во Скопје. Ќе му парира и скулптурата на срамежливата Венера (Пудика), која пред неколку години беше пронајдена на античкиот град Скупи. Тие ќе бидат централно изложени во приземјето, чиј простор е наменет за лапидариумот - местото каде што ќе бидат изложени камените споменици, вели Паско Kузман, директор на Управата за заштита на културното наследство, институција која ја координира изградбата на Музејот и неговото опремување.

Изработката на копијата е со помош на Државната агенција за информации на Турција, ТИKА, но с` е договорено пред неколку години во Анкара на ниво на премиери и министри за култура. Kузман вели дека во моментот се прават тродимензионални снимања на саркофагот.

- Деновиве ми бара податоци колкав е влезот во музејот, за да знаат дали да го прават монолитен или во два дела, па тука на самото место да го монтираат. Иако е копија, таа ќе биде драгоцена. Станува збор за навистина репрезентативен објект, редок во светот. Со сите релјефи и битки, многу е атрактивен. Тоа е драгоцена копија. Турците првпат нам ни дозволија изработка на копија, имајќи ги предвид нашите културни и пријателски односи - вели Kузман.

Неизвесно за мумијата

Kонцепцијата веќе е направена - точно се знае што каде ќе биде изложено. Музејот ќе има три ката и сутерен, каде што ќе биде сместен лапидариумот. Најгорниот кат е наменет за археолозите и за стручната служба, за канцеларии и кабинети. Во средината ќе биде археолошката поставка, поделена на праисторија, антика и на среден век.

Според Kузман, и во подрумот има простор за некоја специфична изложба. Порано мислел таму, во специјални услови, да биде изложена мумијата од Липково, која долги години се наоѓа на Институтот за судска медицина.

- Но таа треба да се конзервира. С` уште не сме нашле конзерватори за да ја заштитат. Тоа ќе чини и не сум сигурен дека ќе успееме да ја подготвиме за излагање. Но, во поставката ќе има многу реконструкции на скелети, на гробни конструкции, многу ситуации како што биле оригинално пронајдени на локалитетите. Ќе има и оригинални мозаични подови, на пример, од базиликата од Дебој. Тие ќе бидат поставени на повеќе места во подовите, под плексиглас. Но ќе има и поголеми површини преку кои ќе може да се поминува преку, по одредени, специјално направени патеки. Ќе биде многу атрактивен музеј - објаснува Kузман.

На прашањето дали најатрактивните предмети ќе бидат одвоени, како што е на пример издвоена гробницата на Тутанкамон во Музејот во Kаиро, Kузман одговара:

- Не, тие ќе бидат изложени, нагласени, специфично и посебно презентирани, но во рамките на периодите од поставката.

Животот на Александар на саркофагот

Информацијата дека во земјава ќе биде изложена копија од Александрискиот саркофаг пред неколку години предизвика многу реакции кај нас. Станува збор за камен објект од 4 век пр.н.е. украсен со барелјефни резби со Александар Македонски. Откриен е во некропола близу Сидон, Либан во 1887 година. Денес е изложен во Археолошкиот музеј во Истанбул.

Саркофагот е направен од полихромен мермер во облик на грчки храм. На едната страна во релјеф е прикажан Александар како се бори против Персијците во историската битка кај Иц. Александар е прикажан на коњ, со лавовска кожа на главата, подготвувајќи се да фрли копје на персиската коњица. Некои експерти сметаат дека вториот македонски коњаник близу средината е Хефестион, побратимот на Александар. Третиот македонски коњаник се смета дека е Пердика.

Весна И. Илиевска

http://www.dnevnik.com.mk/?ItemID=7989B46D43E7AD4CAD70274F28727123

Постаментиве доле, на кои се поставени столбовиве се оставени така бетонски необработени или се работи за сив мермер... ?




Edited by HugoGoulding - 09-Feb-2013 at 16:25

ВО ИСТАТА ПРОСТОРИЈА СО САРКОФАГОТ


И златните монети на Филип и Александар во новиот музеј


Во тек е подготовка на нумизматичката поставка која ќе содржи над 1.500 монети од 6 век пр.н.е. до крајот на Средниот век и ќе биде лоцирана на централното место во новиот Археолошки музеј на површина од околу 150 квадратни метри

Во новиот Археолошкиот музеј и тоа во централниот простор, каде што ќе биде поставен и саркофагот со ликот на Александар Македонски, ќе биде лоцирана и постојаната нумизматичка поставка во која ќе се презентираат и златните монети, статери од времето на Филип и Александар откупени минатата година.

Според Перо Јосифовски, директор во Музејот на Македонија, поставката чија подготовка е во тек ќе има две основни содржини, еден дел ќе биде посветен на античката, а вториот дел на средновековната нумизматика.

"Во лапидариумот во една од ротондите на 150 до 180 квадратни метри ќе биде поставена нумизматичката поставка. Концепцијата е да се прикаже монетарната историја од античката Македонија до крајот на Средниот век, односно од појавата на монетите на македонско тло до крајот на Средниот век", објаснува Јосифовски.

Во делот на античката монетарна историја на Македонија поставката, според Јосифовски, ќе опфаќа монети од периодот на нивното појавување во 6 век пр.н. е, па се до 4 век, време на римското владеење или период од десет века. Во овој дел ќе бидат изложени околу 800 до 1.000 одбрани примероци, а нешто помалку ќе има и монети од Средниот век.

"Посетителите и туристите ќе можат да ги видат првите изданија на монетите од времето на пајонските племиња и кралеви и македонските кралеви, изданија на монети на македонски градови, потоа римските републикански монети кои циркулирале во Македонија, монети на римските императори и изданија на римските градови, од официјалните римски ковања и локални ковања на македонска територија во римско време. Најголем дел од монетите се пронајдени од археолошките наоѓалишта во Македонија, а еден помал дел се и откупени", објаснува Јосифовски
Во поставката меѓу селектираните и одбраните примероци ќе се најдат и петте златни монети-статери од времето на Филип Втори и Александар Трети кои се одлично очувани и се откупени минатата година, а ќе бидат претставени и останатите златни, сребрени и бронзени монети во сопственост на Музејот.

"Целта ни е не само преку искористување на нумизматичкиот материјал, туку и со богат показен илустративен материјал, карти, табели, легенди, објаснителни текстови и зголемени монети изработени во рељеф од бронза да ја доближиме монетарната историја до посетителите. Притоа, задржувајќи ја стручноста и да го прилагодиме едукациското ниво до степен разбирлив за широк круг на посетители. На видеобим, пак, ќе бидат претставени и останатите неизложени примероци. Исто така, ќе се подготви и посебен каталог за нумизматиката", додава Јосифовски.
Најбогат материјал кој Музејот го поседува, како што вели, е од Исар Марвинци кој брои околу 600 примероци од кои дваесетина отсто ќе се искористи за поставката. (Д.Т.)

Златните статери тешко се наоѓаат
Последните неколку години, како што дознаваме, Музејот има откупено над 100 примероци, бронзени, сребрени и златни монети, поради пополнување на одредени празнини, периоди во континуитетот на монетарната историја.

"При археолошките ископувања многу тешко се наоѓаат златни монети. Тие се најчесто гробни наоди, а во гробовите не се оставале златни монети, па дури ретко и сребрени поради ограбувања кои секогаш ги имало. Сепак, се случувало да се најдат и златни монети, но не статери, туку од подоцнежниот период, на пример, 3 - 6 век од нашата ера. Во античкиот период златните монети најчесто се претопувале и од нив се создавале монети на следните кралеви и императори, голем дел како трофеј се однесени во Рим каде се претопени во римски пари и накит", вели Јосифовски.

вечер

Влезот е за никаде. Не личи на зградата воопшто...

се најавуваше дека долж таа делница од кејот ќе се ставаат потпорни ѕидови, поради тоа што земјиштето не може да ги издржи објектите
но мене ова не ми личи на потпорен ѕид, можно е да ја прошируваат платформата пред објектот која скоро и да ја нема

од камерите тешко се гледа,ако поминува некој нека види па нека пиши

Влезот за паркингот кој беше наведено дека ќе биде под земја, уствари ќе поминува преку еден крак на камени мост до паркингот кој се гледа на сликата доле: