Пазари (општо)

Пред некој ден се отворил нов затворен пазар во Кратово. Фотографијата е скриншот од видеото подолу. Баш ми се допаѓа изгледот, т.е. фасадата на самиот пазар, мислам дека добро се вклопува во локалната архитектура.

Финансиската конструкција за изградба на овој пазар е околу 25 милиони денари. Средствата се обезбедени преку Министерството за финансии, кое овозможи Општина Кратово да земе кредит од Светска банка. Реализацијата на проектот траеше една година и овозможи одлични услови и за продавачите кои ќе го користат пазарот, но и за купувачите – истакна Мите Андоновски, градоначалник на Кратово. Пазарот се простира на површина од 2.000 квадратни метри со 125 тезги на кои ќе се продаваат земјоделски производи, а има и дел наменет за продажба на текстил. Објектот е од затворен тип, ќе работи во петок и сабота, со обезбеден простор од 500 квадратни метри за паркирање.

http://www.aberdzija.com/gradska/otvoren-nov-pazar-vo-kratovo-vreden-25-milioni-denari-video.html

Edited by Џоле - 11-May-2017 at 22:28

Originally posted by Џоле Пред некој ден се отворил нов затворен пазар во Кратово. Фотографијата е скриншот од видеото подолу. Баш ми се допаѓа изгледот, т.е. фасадата на самиот пазар, мислам дека добро се вклопува во локалната архитектура. Финансиската конструкција за изградба на овој пазар е околу 25 милиони денари. Средствата се обезбедени преку Министерството за финансии, кое овозможи Општина Кратово да земе кредит од Светска банка. Реализацијата на проектот траеше една година и овозможи одлични услови и за продавачите кои ќе го користат пазарот, но и за купувачите – истакна Мите Андоновски, градоначалник на Кратово. Пазарот се простира на површина од 2.000 квадратни метри со 125 тезги на кои ќе се продаваат земјоделски производи, а има и дел наменет за продажба на текстил. Објектот е од затворен тип, ќе работи во петок и сабота, со обезбеден простор од 500 квадратни метри за паркирање. http://www.aberdzija.com/gradska/otvoren-nov-pazar-vo-kratovo-vreden-25-milioni-denari-video.html

Да се надоврзам на постов Џоле, воедно и да се пофалам дека карпестата маса во позадина беше обезбедена со производ од палетата на жичани материјали од компанијата во која работам. Па во прилог ќе ставам и некоја фотка од друг агол. Инаку навистина ова е пример како уредно треба да изгледа една пазарска површина.

Па, добро бе, да му се невиди, до кога ќе градиме згради во духот на 1990-те?! Толку ли не можеме да се помрднеме од таа проклета транзициска архитектура?!

Започна изградбата на затворениот градски пазар во Охрид

Струшката градежна фирма „Илинден“ ја започна изградбата на новиот градски пазар во Охрид. Затворениот објект со четири нивоа ќе биде лоциран на местото на досегашниот пазар во центарот на градот. На денешното поставување на камен-темелникот се обрати охридскиот градоначалник Никола Бакрачески, кој истакна дека проектот е вреден над 239 милиони денари, односно речиси 3,9 милиони евра. „Охрид ќе добие нова административно-деловна зграда, што ќе го подобри лицето на градот и најсовремен зелен пазар кој што ќе ги исполнува сите стандарди за трговија со земјоделски и прехранбени производи“ изјави Бакрачески.



Новиот објект ќе има површина од 6.779 метри квадратни и ќе биде висок 10,2 метри. Пазарот ќе биде лоциран на приземјето, додека подземниот простор ќе биде наменет за паркирање на 100 возила. Приватниот инвеститор на општинските власти ќе им отстапи 10 паркинг места, 200 метри квадратни деловен простор на вториот кат и самиот градски пазар со површина од 1.230 метри квадратни. Објектот ќе се гради по пат на јавно-приватно партнерство, за кое гласаше охридскиот општински совет во 2015 година.

http://build.mk/zapochna-izgradbata-na-zatvoreniot-gradski-pazar-vo-ohrid/

Еве, најдов и поголема слика:



Edited by Џоле - 16-Jun-2017 at 09:34

Копија на Буњаковец.

Edited by ironm - 22-Jan-2019 at 10:48

Може и една табла „1994“ под бескорисниот круг да стават.

Се согласувам дека од естетска и архитектонска гледна точка не е некое достигнување, но да не заборавиме дека ова е првпат да се направи затворен пазар во Охрид Мислам дека на 10/10 пазарџии не им е воопшто битно како изгледа, а само 1/10 купувачи ќе застанат да размислат за истото.

Да не заборавиме дека пазарот функционираше во супстандардни услови, а ова е резултат на јавно-приватно партнерство и ретко на кој инвеститор му се исплаќа да даде голема сума на пари само за изгледот на објектот (посебно во мал град како Охрид). Истовремено да не заборавиме дека проектот го изработи општината на тендер, а на тендер знаеме дека добива најевтината понуда, така што се останато е нереално.

Originally posted by ironm Се согласувам дека од естетска и архитектонска гледна точка не е некое достигнување, но да не заборавиме дека ова е првпат да се направи затворен пазар во Охрид Мислам дека на 10/10 пазарџии не им е воопшто битно како изгледа, а само 1/10 купувачи ќе застанат да размислат за истото.Да не заборавиме дека пазарот функционираше во супстандардни услови, а ова е резултат на јавно-приватно партнерство и ретко на кој инвеститор му се исплаќа да даде голема сума на пари само за изгледот на објектот (посебно во мал град како Охрид). Истовремено да не заборавиме дека проектот го изработи општината на тендер, а на тендер знаеме дека добива најевтината понуда, така што се останато е нереално.

На илјадници жители и туристи им е битно како изгледа. Охрид не е Кочани па да е небитна естетиката, секоја нова градба таму треба да биде vetted. Па уште на централна локација.

Сумата не е клучна тука, невкусот е.

Да, сумата не е клучна, бидејќи секој нормален архитект ќе можеше барем да не експериментира со прозорите и со некакви сводови. Впрочем, има низ државава еден куп проекти каде се фрлени многу пари со никаков естетски резултат.

Инаку да, ако општествово го категоризираш како афричко, ќе се задоволуваш со секакви фрлени трошки. Моите очекувања се поголеми, така да не може да се согласиме.