Поставен споменик на Никола Петров Русински во центарот на Берово

Како град со доста значајни личности во историјата и во чест на еден од најголемите денови во македонската историја „Илинден“, во Берово беше поставен споменик на Никола Петров Русински на сообраќајниот остров на ул.„Маршал Тито“ во близина на Музејот на град Берово. 

Автор е на книгата „Прилог кон историјата на Внатрешната македонско одринска револуционерна организација“.

Неговата револуционерна дејност почнува од 1895 година. Рано му се придружил на Гоце Делчев во неговите обиколки низ Македонија. Истакнат организатор и војвода на чета, најмногу работел во Западна Македонија – Мариовско, а потоа во Охридско струшкиот крај. Учествувал на Смилевскиот конгрес, а како војвода со чета, за време на Илинденското востание дејствувал во Мариовско.

.

НА ПЛОШТАДОТ ВО АВТОКОМАНДА

Коњаникот ќе дојава пред Нова година

Од општината информираат дека леарницата "Јеремиц" има доставено временска рамка со план како ќе се одвиваат фазите до конечното поставување на скулптурите. Деловите од скулптутрите беа осигурени пред носењето во леарницата. Врдноста на договорот изнесува 19.671.266,70 денари или 319.780 евра, а рокот за поставување на скулптурите е до крајот на 2010 година

Од Општина Гази Баба велат дека по неколкуте објавени конкурси за споменик плоштадот во населбата Автокоманда конечно ќе се закити со споменик. Монументалната скулптура на коњаник на постамент треба да биде изведена во траен материјал и да се вклопи во зададениот архитектонски простор. Постапката за спомен-обележјето - скулптура на коњаник на постамент, што треба да биде поставен на плоштадот во населбата Автокоманда, е започната уште во 2008 година. Склуптурата на коњаник ќе се постави во населбата Автокоманда, помеѓу воената кула и детската градинка "Детска радост", поточно меѓу улицата "Јани Лукровски" и булеварот "Александар Македонски".

Одговорните од општината велат дека на првиот тендер не избрале фирма за леење, бидејќи немало прифатлива понуда.
- Вториот тендер за леење во бронза на скулптура - коњаник и човечки фигури за фонтана, беше објавен на 31 март 2010 година. На 26 мај беше отворањето на шесте пристигнати понуди. Најповолен понудувач на тендерот за лиење на спомен-обележјето коњаник и скулптурите за фонтаната е леарницата Јеремиц" од Белград, велат од општината.

Оттаму додаваат дека на 30 јули потпишан е договор за леење во бронза на скулптура - коњаник со релјефи за постамент и за осум човечки фигури за фонтаните.
- Леарницата Јеремиц" има доставено временска рамка со план како ќе се одвиваат фазите до конечното поставување на скулптурите. Деловите од скулптутрите беа осигурени пред носењето во леарницата. Врдноста на договорот изнесува 19.671.266,70 денари или 319.780 евра, а рокот за поставување на скулптурите е до крајот на 2010 година, информираат од општината.

(А.И.)

Тони Ангеловски

„Филип Втори“ е мистериозната скулптура на воин што, во грандиозни размери и за сума од пет милиони евра ќе биде поставена на плоштадот „Карпошово востание“, меѓу зградата на Министерството за транспорт и за врски и црквата „Свети Димитрија“ во Скопје, тврдат извори од Општина Центар иако никој официјално не го открива идентитетот на воинот. Само леењето на бронзената скулптура во италијанската леарница „Фондерија артистика Гуастини“, која се наоѓа во гратчето Гамбелара во областа Калабрија, ќе чини три милиони евра, а вкупната проценета вредност на споменикот е пет милиони евра. Воинот ќе го придружуваат и други елементи од бронза, а на плоштадот „Карпошово востание“, според Деталниот урбанистички план за „Малиот ринг“, се планира изградба и на четири фонтани. Во договорот со „Фондерија артистика Гуастини“, кој е склучен на 16 август, а во петокот беше објавен на веб-страницата на Бирото за јавни набавки, стои дека треба да се излее скулптура на воин, без да се прецизира за кого станува збор, но според нашите информации, станува збор токму за скулптура на Филип Втори.
Градоначалникот на општина центар Владимир Тодоровиќ во телефонска изјава за „Време“ не потврди дека се работи за скулптура на Филип Втори, но, исто така, и не ги демантираше сознанијата дека станува збор за скулптура на таткото на Александар Македонски, чијшто споменик веќе се знае дека ќе биде поставен од другата страна на Вардар, на централниот дел од плоштадот „Македонија“.
- Не можам да ви кажам точно за кого станува збор. Тоа е воин. Е, сега, дали потоа ќе личи на Филип, не знам, ќе видиме. Нека не ве буни цената на скулптурата. Таа не се формира според тоа кој е ликот, чијашто скулптура се прави, туку според големината на скулптурата. Колку е поголема толку повеќе пари влече, без оглед на тоа кој е претставен - вели градоначалникот Тодоровиќ.
И премиерот Никола Груевски не сака да открие чиј споменик ќе го краси плоштадот „Карпошово востание“. Премиерот вчера присуствуваше на поставувањето камен-темелник за изградба на новиот објект во кој ќе бидат сместени Јавното обвинителство и Управата за финансиска полиција, кој ќе се гради на левата страна од кејот на реката Вардар, во непосредна близина на „Македонскиот народен театар“ и кој, исто така, е дел од проектот „Скопје 2014“, но одби да одговара на новинарските прашања.
Според советникот од СДСМ во Општина Центар Благородна Крстевска-Мојсовска, пак, чудно е што повторно се крие чија скулптура ќе биде поставена на плоштадот „Карпошово востание“, исто како што тоа беше правено со споменикот на Александар Македонски.
- И овој споменик го кријат, исто како во случајот со Александар. Во општинските документи стои дека се прави скулптура на воин, а за споменикот на Александар Македонски пишува дека е коњаник со придружба. Ние залудно поставуваме советнички прашања, кога не добиваме одговори. Шест месеци чекам да ми се даде финансиски извештај за сите споменици поединечно, но не ми даваат - вели Крстевска Мојсовска.
Бројката од пет милиони евра, планирани за новата скулптура, за половина милион евра е повисока од таа што ќе се потроши за Александар Велики, најголемиот споменик на плоштадот „Македонија“.
Мистеријата за подигнувањето на споменикот на Филип на влезот на Старата скопска чаршија, но и одолжувањето со признавањето на проектот за изградба на плоштадот „Скендер-бег“ ги подгреа шпекулациите за нов пазар меѓу ВМРО-ДПМНЕ и ДУИ. Упатените тврдат дека ВМРО-ДПМНЕ намерно тактизира со поддршката на новиот плоштад пред стоковната куќа „Илинден“ за да може да се испазари со ДУИ и да избегне евентуална реакција на својот коалициски партнер бидејќи Филип Втори ќе го засени споменикот на Скендер-бег и според големината, но и според цената на чинење. Од ДУИ тврдат дека се е договорено и дека Владата ќе го финансира плоштадот „Скендер-бег“, но министерката за култура Елизабета Канчевска - Милеска вели дека се уште не го видела проектот и дека допрва за него треба да се обезбедат потребните дозволи.
- Плоштадот „Скендер-бег“ ќе мора да се гради според законите и прописите и нема да се дозволи да го наруши концептот на Старата скопска чаршија. Се уште го немам видено идејното решение за плоштадот „Скендер-бег“. Сега за сега станува збор за идејно решение. Во натамошната постапка ова идејно решение ќе треба да се реализира во согласност со законот за старата скопска чаршија. Мора да се почитуваат процедурите на законот што значи проектот да добие дозвола од сите надлежни институции – рече министерката за култура на форумот на ВМРО-ДПМНЕ посветен на Чаршијата, кој се одржа во саботата.
Градоначалникот на Чаир, Изет Меџити, пак, е дециден дека плоштадот ќе се гради
- Ако има какви било дилеми ве уверувам дека ќе ги снема за многу кратко време. Точно дека во моментов ова е само идеен проект, така и го презентирав. Во буџетот со ребалансот се предвидени 10 милиони денари за плоштадот „Скендер-бег“ и тоа не е тешко да се провери. Точно е дека не бев повикан на форумот на ВМРО-ДПМНЕ, но тие кажаа дека тоа било нивна партиска дебата и тоа е легитимно. Јас ги поздравувам сите дебати и ги повикувам сите да се вклучат за да направиме поубав плоштад. Нема никакви партиски пазарења ниту поврзување на овој плоштад со други проекти - вели градоначалникот на Чаир, Изет Меџити, во изјава за „Време“.


ВМРО гради, СДСМ чисти


Социјалдемократската младина на Македонија во саботата, пред чествувањето на 11 Октомври, организираше акција за чистење на спомен-обележја и на спомениците на борците од НОБ низ Македонија.
- Преку оваа акција СДММ сака да покаже дека денес во Македонија се уште постојат млади луѓе што го ценат придонесот на борците од НОБ и нивното значење за државата - вели претседателот на СДММ Дарко Давитковски.
Според него, власта со непотребното трошење на милиони евра на шмизли, бикови и на восочни фигури ја занемарува сопствената историја и вистинското значење на НОБ.
Претседателот на Унијата на млади сили на ВМРО-ДПМНЕ, Сашо Стефаноски, пак, од пред новиот споменик на Методија Андонов-Ченто на скопскиот плоштад му порача на Давитковски дека власта гради споменици токму како резултат на грижата кон борците на НОБ и на луѓето што вреди да се паметат. Ако СДСМ навистина се грижела за културата, според Стефановски, ќе вложувала во неа, но за 20 години оваа партија не изградила ниту еден споменик за борците од НОБ.