Возен парк (ЈСП - двокатни автобуси)

Полната функционалност на автобусите ќе сe види по воведување на електронска наплата.

Ќе се зголеми проточноста на патници, ќе се намали задржувањето на автобусите на станици, со тоа и потрошувачката на гориво, помалку метеж и најважно - задоволството ќе се максимизира.

Несфатлива ми е досегашната пракса, купување билет во автобус!?! (патници кои влегуваат во бус без ситно, а стојат 10мин на станица на која има и трафика). Да се разбудат во ЈСП и што побргу да се воведе електронската наплата.

Помисливме дека кај новите двокатни градски автобуси во ретро стил, бидејќи возачот е во целост изолиран од патниците, ќе се стави крај на праксата на купување на билет во возило, но наместо тоа, работите тргнаа кон полошо - вработување на уште едно лице за секој автобус, чија што единствена одговорност е да продава билети и да внимава на горниот кат на автобусот да нема повеќе патници од дозволениот број, а истовремено никој од патниците на горниот кат да не стои.
 
Ова само ги зголемува трошоците за ЈСП Скопје, лицето кое ги осигурува горниот кат и ги продава билетите во автобусот треба да земе плата, истовремено тоа лице не може целото патување да го помине на нозе стоејќи, мора да седи, што го намалува капацитетот на патници во автобусот, и за крај, има две скалила кон горниот кат, а лицето кое ги продава билетите и го осигурува горниот кат ќе мора како на деца постојано да им објаснува на патниците зошто не смеат на горниот кат на автобусот додека капацитетот на горниот кат е исполнет.
 
Ниту едно од скалилата нема електронска рампа која би се заклучувала автоматски откако капацитетот на горниот кат на автобусот би бил исполнет до последно седиште, или возачот би можел да ја заклучи електронски, на крајот на краиштата, внатрешноста на целиот автобус е опремена со камери и возачот постојано има визуелен пристап кон внатрешноста на целиот автобус.
 
Но ништо од ова не функционира согласно со денешните европски и светски стандарди.
 
За поништување на билетите предвиден е само еден автомат, барем по тоа што го видов кога двокатните градски автобуси беа пуштени во употреба на 6 септември 2011, иако без никакви проблеми може да бидат поставени по два автомати, односно по еден автомат на секој влез, во случајот со двокатните градски автобуси од кинески Јутонг, кај кои има по два влеза, изводливо е да се постават два автомати за поништување на билетите, а во случајот со единечните нископодни градски автобуси од украински ЛАЗ, кај кои има по три влеза, изводливо е да се постават три автомати за поништување на билетите.
 
Не знам какви се плановите на ЈСП Скопје за во иднина околу продажбата и поништувањето на билетите, помнам дека неодамна конечно одбраа некоја словачка фирма ЕМ Тест која треба да ги опреми со автомати за продажба на електронски билети, како и со автомати за поништување на електронски билети, но не знам ни дали потпишале договор со ЕМ Тест, ни кога треба да почнат да ги опремуваат возилата и станиците со новите автомати.
 
Можеби ЕМ Тест планираат да постават по еден автомат за поништување на билети на секој влез во автобусите, но според тоа што го видов на 6 септември 2011 кога двокатните градски автобуси беа пуштени во употреба, повеќе од очигледно е дека ЈСП Скопје не планираат да ги прифатат, имплементираат и применат современите европски и светски стандарди за продажба и поништување на билети.


Edited by Dexter26 - 11-Sep-2011 at 17:17

Originally posted by krale Originally posted by BOJAN Originally posted by Macedonicus не знаете да се радувате за ништо супер се двокатните, помалку загадуваат и се модерни и навистина предизвикуваат убаво чувство гледајќи ги Јас сметам дека сепак е подобро во сообраќајот да има 1 еден зглобен автобус отколку два автобуси кои прават дупла гужва во патниот сообраќај. Дека се модерни и дека не загадуваат тоа е точно, но колкави ќе бидат трошоците во однос на број на ангажирани возачи, гориво и др. тоа допрва ќе бидиме. Јас сум скептик дека загубите на ЈСП - Скопје и понатаму ќе растат на годишно ниво. Загубите се друга работа. А околу зглобните автобуси, мислам дека тие се најлошо решение, и треба да се користат ИСКЛУЧИВО на многу фреквентните линии. Буквално пола од гужвата ја прават тие. Инаку јасно е дека двокатните сами по себе нема да го решат сообраќајниот проблем во Скопје. Втор чекор треба да биде ФИЗИЧКО ОДВОЈУВАЊЕ на жолтата лента. Тоа ќе биде дополнение кое ќе го забрза, па дури и ќе го направи атрактивен јавниот превоз. Така, ако еден даблкдекер сообраќа во текот на денот 20 пати на релацијата прва-последна, со физичко одвојување ќе може да сообраќа 30 пати. Со тоа, за 50% го зголемуваш капацитетот на сообраќање. Второ, што не смее да се заборави е дека КВАЛИТЕТОТ на превозот е ДРАСТИЧНО зголемен наспроти зглобните автобуси. Во нив, 80% од патниците стојат, а 20% седат. Во двокатните тоа е обратно, а имаат сличен капацитет како едно-спратните. Тоа е голема придобивка. Трето, естетиката на единечен и двоспратен, ама со ништо не е споредлива. Едноставно двокатните се ИКОНА на градот - фантастично решение во секој поглед. Изненаден сум колку генијално испадна, иако бев скептик.

Да не си застапник за Youtong во Македонија?

Најмногу ме интересира со што ќе ја поткрепиш тезата дека зглобните правеле гужва?

Естетиката е работа на вкус - ретро дизајнот мене лично воопшто не ме привлекува.
Втора работа каква продобивка за обичниот граѓанин е тоа што е подобрен квалитетот, ако 2 дена по ред на автобуската станица неможе да се качи во преполниот двокатен автобус и е приморан да чека и по 30-40 мин да пристигне следниот?!


Ајде сега околу економската исплатливост:
Потрошувачка на гориво: Стари автобуси 30-35л/100км     ЛАЗ до 50л/100км     Јутонг над 50л/100км
(извор за информацијава е вработен во ЈСП кој е добро запознаен со состојбите, на лагата и се кратки нозете , па во скоро време се надевам дека ова ќе го пренесат медиумите)

Вработени: Јавното претпријатие кое и онака редовно продуцира загуби ќе мора да вработува нови минимум 150 вработени (за 67-те двокатни) задолжени за продажба на билети.

Цена: Лаз 125 илјади евра       Јутонг 177 илјади евра
(Ние не сме во западна европа или скандинавија - па 52 000 евра во македонија се сума за респект - или во превод би имале наместо 200 двокатни - 283 единечни автобуси, ако овде се додададат и останатите 80 ЛАЗ авотбуси стиугнуваме до бројката 363 автобуси со што речиси целосно би се заменил возниот парк)

И конечно ЗОШТО во Австрија , Германија, Франција ... или речиси сите европски држави со исклучок на Британија се возат еднокатни нископодни авотбуси?
Дали европејците со неколкукратно подлабок џеб од нас се можеби глупави и несакаат поквалитетен превоз - или можеби увиделе кој тип на автобуси е пофункционален и подобар избор.

Виена

Берлин

Париз


Edited by vlatko.mk - 12-Sep-2011 at 12:38

Влатко,

посебно мислам дека е интересен податокот за потрошувачката. Ако 30 години стар автобус троши дупло помалце гориво од нов двокатен, тоа мора да било чудо на техниката во тоа време. Податоциве ти се од тежок ракав истресени, дури и логика си запоставил.

Другите податоци ти се исто безврска, само ќе одговорам на тоа како тоа зглобните прават гужва.

Дадов веќе еден пример, ќе дадам уште еден. На автобуската станица кајшто застанува зглобен, а зад/пред него уште 1-2 други автобуси, постои сериозно закрчување на претходната раскрцница. Ова се јавува кај Мавровка, Рекорд, понекогаш дури и кај Буњаковец. Должината на зглобниот прави закрчување на раскрсница, тешко менува ленти и тешко се движи низ густиот сообраќај. Затоа помалите двокатни многу побрзо и ефикасно ќе се движат низ Скопскиот метеж.

Дали ЈСП Скопје дознале за муабетиве кои ги правиме по форумов, или од чиста случајност, денес кога се возев во двокатна 50-ка, немаше лице задолжено за продажба на билети и за осигурување на горниот кат во автобусот.
 
Па затоа, најкомотно, возачот го кркаше стапот, ем мора да вози, ем мора да гледа позади додека зема пари од патникот и му го дава билетот или билетите, и многу често и кусурот.
 

 

 

 
Ова на последнава слика е некаков автомат кој изгледа води евиденција за тоа кој возач го возел возилото во кој временски период, бидејќи на дигиталниот дисплеј на автоматот пишуваше нешто како "...without driving card", најверојатно пишуваше "No driving without driving card", но кој знае, можеби планираат да го користат за издавање фискални сметки за билетите кои ги продаваат во возилото, а и да не можат да го искористат автоматот за тоа, кој знае, можеби ќе им текне да вградат таков автомат дополнително во секое возило, срам невиден.
 
И понатаму на внатрешните електронски дисплеи, наместо која е наредната станица на која возилото ќе застане, пишува "Среќен роденден татковино!".
 
По кој знае кој пат, ЈСП Скопје на дело ни покажува и докажува дека знае да го менува влакното, но истовремено да си го задржи кристално истиот карактер несменет.
 
Имаше уште барем една двокатна 50-ка бидејќи ја видов како поминува од спротива додека се возев со оваа двокатна 50-ка.
 
Исто така видов и двокатна 57-ца, 63-ка, 65-ка, 2-ка, 3-ка и не сум 100% сигурен, но мислам дека видов и двокатна 23Б.


Edited by Dexter26 - 12-Sep-2011 at 16:25

 
Точно krale, детето не може веднаш да се запишува во средно, но од една страна возејќи и стекнувајќи искуство во возење на двокатен градски автобус, а од друга страна продавајќи билети истовремено, возачот повеќе е во градинка, односно забавиште, наместо во основно училиште, за да подоцна се запише во средно училиште.
 
Се согласувам, најкрупниот проблем се реши, поситните остануваат за решавање, но ЈСП Скопје воопшто не го решија сами најкрупниот проблем, владата на Република Македонија им го реши најкрупниот проблем, а ЈСП Скопје можеа во меѓувреме сами да си ги решат поситните проблеми, всушност, тоа можеа да го направат уште многу поодамна со старите канти, а не да чекаат нови автобуси за да дури подоцна да почнат да ги решаваат поситните проблеми.
 
Поситните проблеми, токму бидејќи се поситни, побрзо и полесно се решаваат, а ЈСП Скопје можеа да ги решат своите поситни проблеми многу порано, многу побрзо и многу полесно, наместо да чекаат нови автобуси да им стигнат за да се најдат вака во небрано.


Edited by Dexter26 - 12-Sep-2011 at 23:14

Разговор

Возењето на новите автобуси е песна

Весна Најдоска, шоферка во ЈСП зборува за натпреварувачкото искуство, панорамскиот автобус, патувачката култура на скопјани...

Бојан Шашевски


„Порано им беше малку чудно на патниците кога ќе влезат во автобус и зад воланот ќе видат жена. Имаше секакви реакции, но веќе се навикнаа секој ден да ги пренесувам до дома. Го сакаат моето возење. Плус, не сум единствена. Во ЈСП има уште четири жени кондуктерки, од кои едната сега работи во гаража“, вели Весна Најдовска од Волково, вработена во ЈСП „Скопје“.

Таа во јуни годинава ги урна стереотипите за жени-шофери и го освои вицешампионското место на европското првенство за вешто возење автобуси во Софија, Бугарија. Триесет и деветгодишната Најдовска за „Утрински весник“ раскажува како поминала на континенталното натпреварување и дека била единствениот претставник од понежниот пол меѓу 120 пријавени возачи.


Од секоја земја имаше по двајца вработени возачи од локалните фирми за транспорт. Откако со ЈСП аплициравме за првенството, два пати ми ги враќаа документите бидејќи мислеа дека се работи за некоја грешка. И директорот Мишо Николов кога уплаќаше за натпреварот велеше дека е најважно да учествуваме. Сметаше дека ќе бидеме атракција доколку однесеме жена да го претставува нашето претпријатие. Но, ете, на крајот направив успех. Освоив второ место“, раскажува ведрата Весна.

Гордата мајка на две женски и на едно машко дете вели дека прв на натпреварот бил Бугарин што управува меѓународен автобус. Иако временското возење низ препреките на полигонот го завршила одлично, бугарскиот натпреварувач имал предност бидејќи дополнителните тестови биле на неговиот мајчин јазик, па првото место и' го „земал“ за едно прашање.

По успешниот настап на првенството и докажаните возачки перформанси, министерот за транспорт и врски Миле Јанакиески ја задолжил да ги вози турите со новопристигнатиот двокатен панорамски кабриолет на ЈСП.

„Еднаш неделно, до кога ќе не' служат временските услови, освен редовните линии со мојата 22 а, ќе правам тури и со двокатниот автобус со отворен покрив. За нив имавме неколкудневни специјални обуки на ЈСП и ’Авто Македонија’. Претходно не сум управувала ваков автобус. Овие имаат повеќе копчиња и помагала, но прилично лесно се возат. Двокатните имаат подобра амортизација од украинските, многу лесно се врти со нив. Убави се, функционални, со клима-уред и со соодветна опрема. Внатре е чисто и мириса на ново. Искусните шофери брзо учат да ги управуваат, само габаритот се разликува. Плус, ние сме навикнати на стари искршени модели, па возењето на новиве е ’песна’“, кажува низ смеа Најдовска.



Со двокатниот кабриолет автобус со жолта церада досега имала неколку тури, главно низ познати градски локации.

„Со странците бевме на разгледување низ градот, а се реализираше и тура до Кале. Едните беа Италјанци, а во другата тура возев и Англичани. Инаку, може да се организираат тури преку туристичката агенцијата на нашето претпријатие ’ЈСП турс‘. Патниците ќе се возат со истиот билет од градски. На пример, доколку двокатниот носи патници до Водно, ќе ја има истата карта како другите градски автобуси. Нема да се двои по ништо. Но, мислам дека се' уште е рано за една таква редовна линија со панорамскиот. Наскоро доаѓа зима, а и верувам дека само странци ќе сакаат да прават такви тури. А, кога ќе го донесат и вториот панорамски, се планира и линија до Охрид. Но, нема постојано да сообраќа Скопје-Охрид туку кога ќе замине за Охрид, ќе остане во градот покрај езерото цело лето и ќе служи за тамошно разгледување“, вели Најдовска, додавајќи дека вториот панорамски автобус ќе дојде околу Нова година, па од пролет и тој ќе биде пуштен во употреба.

„Во меѓувреме ќе профункционира и пристигнатиот, односно треба да има интерес за тури низ Скопје. Треба да оди и до жичарница на Водно. Веќе има два двокатни со број 25, кои постојано сообраќаат нагоре без проблем“, додава Најдовска, тврдејќи дека има доволен простор и услови за возење по патот низ скопската планина.

Весна Најдоска шест години е возач на ЈСП „Скопје“. Прв пат конкурирала кога имала 23 години, кога немало ниту една жена кондуктер. Еден од претходните директори на ЈСП, Крсте Велјановски, ја одбил нејзината пријава за работа. Му било чудно и нереално жена да вози автобус. Но, сепак, по голема упорност и по повеќе конкурси успеала да седне на шоферската позиција.

„Долг период бев на договор на дело. Беше тешко, постојано се мислев да се откажам. Брат ми исто работи како возач во Словенија, па кога веќе решив да напуштам и да отидам таму да аплицирам за работа, како за беља ми дадоа решение. Имаше периоди кога возев и на линијата 56 до селото Бојане. Мораше маж ми да ме придружува до таму. Имав многу непријатни ситуации. По 150 лица се возеа во автобус. Беше неподносливо. Немаше ден да не се вратам дома нервозна. Колку од автобусиве стари толку и од народот што те нервира“, вели Најдовска и додава дека патувачката култура на луѓето е на незавидно ниво.

„Секакви патници се возат во автобусите. Многу работи трпиме. На пример, во новите автобуси има копчиња на рачките што ни даваат сигнал кога ќе застанеме дека некој сака да се симне. Некои луѓе цело време го држат копчето. Бадијала се налепниците и ознаките. Навистина ни сметаат таквите работи, цело време нешто ни свири и свети, не можеш да се концентрираш и да возиш... Постојано се сечат држачите во автобусите, се демолираат седиштата, веднаш ги украдоа и противпожарните чеканчиња што се поставени во новите украински автобуси“, раскажува таа.

Но, сепак, споредено со годините кога возела демолирани автобуси -антиквитети, сега чувствува дека, лека-полека, патниците почнуваат да се однесуваат поодговорно, но и контролорите се покултурни со граѓаните.

„Сега, во просек има само по двајца што се шверцуваат во бројот 22. Во новите полноќни тури мораме да возиме со контролор, сами не можеме, бидејќи има секакви хулигани и наркомани. Но, сега е далеку подобро отколку кога почнавме да работиме. Не е веќе толку ’дива лига‘. Посмирени сме. Работат образувани и коректни контролори. Има казни и за нив, а има и за нас. Мораме да ги облекуваме униформите со светлосините кошули. Беше редно време да живне јавниот градски сообраќај. Во украинските и во кинеските автобуси се возиш како господин“, смета шоферката Весна Најдоска.
http://www.utrinski.com.mk/default.asp?ItemID=309293F5A803F14FA5BC1EE93A7175B4

Токму на ова мислев.

1. Во светските меторполи каде се корисат двокатни тие не се основата
2. НИКАДЕ ама БАШ НИКАДЕ се немаат занесено со некаков си НЕФУНКЦИОНАЛЕН ретро дизајн како нашиов

Околу големата потрошувачка и вработувањата времето најуваво ќе покаже - мислам дека тешко ќе се затскриваат овие податоци - особено што драстично ќе влијаат врз цената на билетите - освен ако не се реши владата да го плаќа долгот на јсп...

 
Точно, и зошто да се малтретираме да градиме трамвајска мрежа, кога најкомотно можеме да ги пуштиме товарните вагони да поминуваат низ веќе постоечката железничка инфраструктура во Скопје ?
 
Па на кого му е блиску дестинацијата ќе си заврши работа побргу, на кого му е подалеку ќе си шета повеќе, а шетањето е добро за здравјето.
 
Исто како што Мирјана Најчевска кога се кандидираше за градоначалник на Скопје на локалните избори 2009 како кандидат на ЛДП, велеше дека ќе ги промовира велосипедите како главно превозно средство, не ни требал автобускиот превоз, па тие кои бркаат 50-ка до државна болница нека се качуваат со велосипедите по онаа угорницана на Водњанска, без разлика дали се 20, 30, 40, 50, 60 или повеќе годишни луѓе, а да не правиме муабет па за велосипедската вожња на линиите 2-ка и 57-ца.


Edited by Dexter26 - 13-Sep-2011 at 11:42

Мое гледиште.

Двокатниве направија хаос во градскиот превоз.

Да. Комотни, комфорни се, квалитетни се... се е тоа добро. Но кога се празни... односно оптимално искористени.

Да. Како што рече влатко.... пример...15 од Ново Лисиче до Бисер веќе е 95% полна, ако може само уште неколку луѓе да влезат....

Внатре... превртување... иако горе е забрането стоење, а исто така и забрането стоење кај вратите... луѓе има низ цел автобус што стојат... и не еден-двајца... цел автобус... дури и по скалите има луѓе што стојат...

незнам, некој спомна насмевка се појавила на скопските граѓани откако се пуштиле двокатните... да може, но на луѓе кои во шетање ќе ги видат, од кола, или нешто слично... но не и на луѓе кои чекаат автобус, кој кога ќе видат колку е полн не им се ни качува, или пак, ќе се качат со мисла ај некако ќе издржам.... а да не зборувам за луѓе кои се возат... џабе климата (освен горе каде се осеќа, за доле исто ко без клима да си)... внатре топло, на пот мириса... ко да си се бањал во пот.... се гужваат еден до друг... незнам колку тие се среќни што се возат во автобус... иако пак... еден парадокс, па сите сакаат во двокатните да се возат, а овие обичните сега па празни се... ама тоа ти е... глуп народ... гледаат дека нема место и упорно влегуваат во автобус...

на едно девојче и се слошило денес на враќање од школо во 15ката двокатна... ми кажа другарка...

Од друга страна па... пензионерите... уште тие фалат во вторниците и петоците... е тогаш 40 минути до школо и 40 минути назад ми се пекол во денот... како на пример денес...

Стави им сабота и недела.... не преку недела... зар толку мозок да се немало...

Значи јас не ги сфаќам одговорните.... значи толку да не се знаело да се организира оптимално градскиот превоз во Скопје.... па јас можам да им кажам како... а не они кои дали некад се возеле во автобус, со своите (службени) коли се движат и им е гајле дали тоа функционира или не... само да може од кола да го види и да му се радува...

А со двокатниве.. уште тие требаа.... сега имаме уште полош градски превоз... како некој или намерно или е доволно незапознаен па го става во хаос целиот градски превоз...

Наместо работите да одат кон подобро.... тие кон полошо ги водат...

Катастрофа...

Edited by FoSsiL - 13-Sep-2011 at 13:11