Јавен автобуски превоз (општо)

Епа, тој загубар, прави Панорамско тркало како капитална инвестиција

Инаку, најновото им е дека нема ништо да се смени до 1 мај, некако случајно датумов се помести после, како гласање да ќе има тогаш, чудно

мене цените ми се ок, не е ок тоа што системот е невидена мешаница од цени кои очигледно некој произволно си ги наредил...
дури и мене сега не ми се некои работи јасни
1. што значи дневен или неделен билет? колку сакаш се возиш во тој временски период? ако е така, тогаш цената е во ред и е поевтина од досегашната
2. зошто цената за плаќање со мобилен е поголема?
3. каде ќе може да се набават картичките? дали сите билетари на ЈСП ќе ги издаваат? и зошто на никому не му смета фактот што на целото подрачје на градов има вкупно помалку од десет билетари, а огромен број на автобуски постојќи?
4. ова е можда малце поглупо прашање, ама како знаеме дали одреден патник го куцнал својот билет за време на возењето?

проблемот со наплатата во јавниот превоз беше во се, освен во тоа дали била електронска или не... поентата на модернизацијата е да се намали потребата од контролори, да се ослободат возачите од таа обврска и да не се прават гужви при влез во автобус

од сите ствари што можевме да ги копираме од други градови, ги ископиравме нивните обележја, а ваквите системи не...

Мислам дека темава за како функционира системот на плаќање со електронска картичка ја имам веќе елаборирано поназад. И тогаш кога пишував се сеќавам дека потполно истите неразбирања за придобивките на тој систем што беа реплицирани од други членови ги читам и во последниве две страници.
Значи принципот кој е применет во ценовникот е многу сличен ако не и малтене ист на тој што се применува во Бризбен и Мелбурн. Сиднеј сега е во процес на етаблирање на систем на плаќање со електронска картичка.
Имено кога се воведоа електронските картички цените кои беа постоечки се задржаа како цени кои ќе се наплаќаат со картичките додека цените за билет кај шоферот (и ова важи само за автобускиот превоз, за воз и трамвај не се издаваа веќе класични билети) беа покачени за да стимулира употребата на електронските картички.
Еднаш кога ќе се етаблира системот и повеќето патници ќе ги користат картичките ќе приметите само како ќе ве нервира кога некој ќе сака да купи карта кај шоферот пото само ќе ви одолговлекува патувањето. Ова е од мое лично искуство.
Е сега мислам дека имам образложение за тоа што претставува дневен или неделен "билет".
Имено може тоа да се реши на два начина. Првиот кој е покомплициран е да се активира картичката за дневен или неделен билет преку инсталираните посттерминали или за персонализирантите картички преку интернет. Вториот и многу поедноставен систем е поставување на горна граница на колку може некој да потроши од електронската картичка дневно, односно неделно. Имено според ценовникот ако потрошите 150 денари во денот за возења, секое наредно возење во денот би ви било бесплатно односно секое возење после четвртото во денот ви е бесплатно. Соодветствено ако во неделата достигнете до сума од 500 денари секое наредно возење во неделата ќе ви е бесплатно. Тоа би дошло на пример ако четири дена по ред користите од електронската картичка колку за дневна карта, тогаш возењата во наредните три дена од неделата ви се бесплатни.
Тоа се два функционални модели за кои знам и се имплементирани успешно.
Како што и порано елаборирав а и сега укажав драстично повисоката цена за билетите кај шоферите е само и само да се стимулираупотребата на електронската картичка. А цената за електронската картичка е симболична со оглед на тоа дека ќе биде користена повеќе години.
Ова може горазјаснува првото прашање на забеган.
За второт прашање можам само да шпекулирам дека поскапа е цената бидејќи се вкалкулирува услугата што ја наплатува мобилниот оператор.
За третот прашање, веќе имаше пишано за дистрибутивната мрежа, имено решение кои е застапено и во Австралија. Непресонализирантите картички се достапни како во билетарите така и во локалните тобакоа, додека за персонализираните треба да се иде кај официјалните билетари. За персонализираните карти искрено мене ми е малку непотребен фактот да треба да се стави слика. Тука во Бризбен ти купуваш картичка која има свој сериски број и ако сакаш да ја персонализираш само идеш на интернет и внесуваш свои податоци за картичката која ја користиш. Тоа ти овозможува и да наместиш автоматски да ти се надополнува картичката со одреден износ кога ќе се испразни со тоа што ќе ја поврзеш со твојата лична сметка.
Забеган одговорот на твоето последно прашање е многу едноставно. Контролорите ќе бидат снабдениу со електронски читачи кои ја отчитуваат картицата исто како инсталираните читачи на автобусите и им покажуваат на контролорите кога е последниот пат кога си ја отчитал картата, на која станица и евентуално на кое возило или линија.
Тука најверојатно има уште еден детаљ кој не ми е мене баш најасен. Никаде не се спомнува дали и при излегување треба да се отчита картичката. Ова е потребно за системот да знае дали станува збор за возење само во зона 1 или и зона 2 (градска и приградска). Јас се сомневам дека ова и ќе биде така само не е образложен овој детаљ. Исти така со овој начин на читање на картицата најверојатно ќе постои и паричен пенал ако не се отчита картичката при излегување од автобусот. Вака е барем во Австралија.
Во однос на информацијата дека е поместен датумот за новиот ценовник (тука имплицитно се мисли на поскапиот билет купен кај шоферот) за мај само покажува дека заборавиле да дадат тест период во кој народот ќе се навикне на новиот систем. Најверојатно тест периодот и бил планиран, ама бидејќи политичариве наши се "таленти" излгеда се избрзале да покажат дека прават нешто добро. Па отпосле сфаќаат дека се избрзале кога ги гледаат негативните реакции на нардот, кои секагаш ќе постојат кога се менува добро познат систем. Народот, а особено кај нас е скептик во поглед на промена кон понови технологии. Само сетете се колку време помина додека се научи народот да користи дебитни картички наместо да носи секогаш кеш во џеб.
Се на се основниот концепт на имплементација на електронската картичка е во рамките на тоа што е застапено во светот. Е сега постојат технички детали кои се нејасни или за кои постојат поедноставни решенија а се резултат на неискуството на ЈСП а до некаде и на фирмата добитник на тендерот за електронските картички.
Еден доказ за ова е фактот дека читачите се специјално дизајнирани и произведени само за нас, а сум сигурен дека со едноставна адаптација на читачи кои се применуваат во други поголеми метрополи и кои се произведуваат во многу поголеми броеви би поминале поевтино и ќе осигураат многу поевтини разервни читачи бидејќи со тек на вереме самите читачи ќе почнат да се расипуваат (5/10 години) и ќе треба да се набавуваат нови.
Во однос на цените воочливо е дека нема некои премногу големи заштеди ако се користата дневни, неделни или месечни карти. Имено јас тргнувам од точката каде секој секој што користи јавен транспорт најмалку ќе треба да искористи две возења дневно (кон и од работа/факултет/школо) во текот од пет дена во неделата. Во овој случај ќе се потрошат 70-80 денари на ден односно 350-400 денари на недела, односно 1500-1700 денари на месец. Од тука се гледа дека ретко кој од тие што редовно го користат јавниот транспорт ќе имаат некоја придобивка со дневната, неделната или месечната карта.Во однос на картата за десет возења во рок од 15 дена за 250 денари е малку во конфликт со неделната карта. Ако идеме по системот на ограничување колку може да се потроши електронската картичка, тогаш имплементација на билетот од 10 возења би била следнава, ако се навршат 7 возења во период помалку од 15 дена тогаш следните три возења се бесплатни, со можност за повеќе безплатни возења ако во меѓувреме се постигне условот за дневна карта. И тука се јавува конфликт со неделната карта. Тоа значи дека многу поретко ќе се постигнува условот за неделна карта. Ако ова го ставиме во моделот на користење на јавниот транспорт кој го наведов погоре, тогаш е се гледа дека картата од 10 возења е поевтина алтернатива на неделната и де факто се гледа дека постоењето на таа карта за 10 возења се базира на погорниот модел (5 дена по две возења од и кон работа). Што е поинтересно е и фактот дека со оваа карта е поевтино да се користи јавниот транспорт отколку да се набави месечна карта.
Како и да е воведување на ситемот на наплаќање со елетронска картичка овозможува многу лесен и брз начин на менување и прилагодување на цените како и моделите за поевтини цени при редовно користење на јавниот транспорт (дневни, неделни, 10 возења). Со елетронската картичка нема да има потреба повеќе од тендери за печатење на класични билети а со тоа и долгорочно ќе се намалат расходите на ЈСП.
А ЈСП како и секое претпријатие за јавен транспорт нема никогаш да биде профитабилно и ќе има потреба да биде субвенционирано од градот. Бризбен има еден од најскапите цени за карти во свет за јавен транспорт и покрај тоа претпријатието има потреба од субвенции. Но тоа не значи дека јавниот транспорт треба да биде бесплатен, бидејќи тоа не би било фер спрема тие што нередовно го користата јавниот транспорт. Тие веќе допринесуваат за функционалност на претпријатието преку данокот што го плаќаат. Фер е тие што навистина го користат јавниот транспорт да плаќаат поголем удел во одржувањето на претпријатието, и тој поголем дел доаѓа во форма на билети кои се наплаќаат.
Идејата за комплетно бесплатен јавен транспорт, што всушнот значи комплетна финансиско одржавање на претпријатието од страна на градот односно даночните обврзници има смисла и оправданост само таму каде што над 80% од населението редовно го користи јавниот транспорт и економијата на градот е доволно јака за тоа.
Во целава анализа комплетно го игнорирам моментот "Тркало" на Вардар бидејќи самиот проект и идејата тоа да биде под финансиски и технички менаџмент на ЈСП се според мене сулуди.

Edited by mirakuliks - 19-Dec-2015 at 16:40

Vo zemja so 30% nevrabotenost, so 2000 den. socijalna pomos, so sistem vo koj se e koncentrirano vo glavniot grad, taka sto sekoe utro od vnatresnosta se upatuvaat stotici avtobusi i nekolku pati poveke avtomobili kon Skopje, i so JSP koe i onaka cica ogromni sumi od drzavniot budzet, javniot gradski prevoz treba da bide besplaten.

I mene cenive mi se ok, no ima ranlivi kategorii na luge koi ne mozat da kupat bilet a javniot prevoz treba da bide za site dostapen.
PS: Toa so penzionerive e nevidena glupost a site znaeme so kakva cel.

Originally posted by alexsend Цената на единечен билет мора да биде поскапа за да се стимулираат граѓаните да користат електронски картички.

Aко веќе сакаат цената на билетот да биде поскапа, нека воведат експресни линии со минибусеви како во Белград (како Ѓорче Петров -Драчево, Ѓорче Петров-Илинден, Радишани-Драчево, Радишани-Сопиште, Волково-Ново Лисиче) кадешто билетот ќе биде 60 денари и ќе се купува исклучиво во возилото, а не тука да ми измислуваат топла вода и да ми градат вртелешки.

Воведен е како не, ама како што реков и претходно до 1 мај (кхкх, до избори) ќе важат и старите карти. Инаку, картички со едно возење купени во билетарници, кои беа 30 денари, повеќе нема да има можност да се купат во нив, односно не постојат, само со купувања кај шоферот (35 денари). Само картите со десет возења се уште постојат.

Иако мене се уште не ми е јасен до крај тарифниот систем и планирам да си продолжам со велосипед секаде каде што е можно, избегнувајќи ги ЈСП на секој можен начин, кои продолжуваат со своето неодговорно работење.

Вели:

Системот за електронска наплата веќе го промовиравме и тој успешнио функционира, а денеска со директорот Јанушев го промовираме работењето на контролниот центар во кој се следат автобусите во реално време, дали се запазуваат пропишаните возни редови, односно за секој автобус има една линија на која се следи неговото движење, дали има доцнење или потреба од негова замена доколку има дефект.

A потоа вели:

Со воведувањето на овој систем патниците ќе имаат големи придобивки поради навремено добивање информации поврзани со патувањето, односно на автобуските стојалишта ќе има 50 троредни информациони дисплеи за пристигнување на автобусите, испраќање СМС порака преку која патникот ќе добива информација за неколку следни пристигнувања на автобус на бараната линија, преку веб апликација на која покрај времето на пристигнување на одреден автобус на одредена постојка, ќе биде на располагање и т.н. планер на патување со користење исклучиво на јавниот превоз, како и бесплатна телефонска линија 0 800 115 за сите информации поврзани со јавниот превоз.

Дали оваа значи дека патниците нема да имаат информации да ја следат рутата на автобусите во реално време, односно таа ќе им биде достапна само на вработените во контролниот центар на ЈСП?

Инаку, еве како се следат движењата на автобусите во реално време на Исланд (aпдејт на локацијата на секои 15 секунди):

http://www.straeto.is/english/live-bus-map/

Функционира и во двојка, а веројатно и во други автобуси, ама за жал се уште не во сите автобуси и не секогаш.

Инаку, тоа е најголемата глупост од страна на ЈСП, многу помали градови имаат едноставни табели на секоја автобуска кога пристигнува автобусот на таа дадена автобуска, мислам дека не е некоја научна фантастика да се одреди кога е автобусот на секоја автобуска.

Originally posted by Dexter26 Originally posted by zabegan конечно профункционира системот за најава на постојќи на некои линии, барем 5-ка и 15-ка го имаат... претпоставувам нешто поврзано со веста погоре? инаку, ова што го спомнува phenomenon би било добро за корисниците кај нас, затоа што во возниот ред пишува време на тргнување од почетна станица, ама не и време на пристигање на конкретната постојка, па треба сам да пресметуваш дали автобусов доаѓа за 15 минути или пола саат, ако не си чест корисник на таа линија  Благодарам за потсетувањето забеган.  Мислам дека заборавив да го објавам ова во декември 2015, а можеби па за да не ги урочам овие од ЈСП Скопје намерно не сум го објавил.  Во декември 2015, иако не се возев со автобусот, сепак од надвор се слушна дека во единечен нископоден ЛАЗ кој сообраќаше на линија 16, кога застана на автобуската постојка, на звучниците беше спомнато името на автобуската постојка.  Инаку, името на постојката не го спомна возачот преку микрофонот, туку автоматски се пушташе аудио снимка. Немој да ме држиш за зборот, но мислам дека беше гласот на Бранка Станковска, но и да не беше таа, дефинитивно беше женски глас.

и мене ме потсети на Бранка
инаку, една замерка ми е што разгласот е многу тивок и се меша со радиото, ама ај да речеме дека е чекор напред