Буџет(и) - Скопје

Не.

Јас се чудам како е можно од 10 скопски општини само 2, Аеродром и Гази Баба да ги имаат поставено нивните буџети на нивните веб-страни... а другите не... Или јас неможам да ги најдам или до нив е...

А, инаку буџетот на Гази Баба, расходниот дел им е... околу 12 260 000 евра... 

Јас сум фрапиран од сумиве! Ако можете ве молам најдите ги буџетите на другите општини. Сепак можеме да направиме една приближна проценка од ова што го имаме: богата општина (Аеродром) = 30 милиони и поскромна општина (Гази Баба) = 12 милион или заедно 42 милиони евра за две скопски општини. Значи целиот град (Град Скопје + 10 Општини (составени од 5 богати и 5 поскромни): 56 + 5x42 = 266 милиони евра. Ова се ОГРОМНИ пари кои за жал се прскаат на тротоарчиња и други декоративни ситници.

Мислам дека најголема пречка за развојот на град Скопје е фактот што наместо 1 општина имаме цели 11. Ова освен очигледните пречки кои ги носи координацијата и дуплата администрација, доведува до неможноста на градот Скопје сам да започнува и завршува капитални проекти. Под ова мислам навистина големите и витални за Скопје проекти.

Во секој буџет околу 50% мислам дека треба да биде насочен кон програма за капитални расходи. Значи ако Скопје имаше 1 општина која располага со 260 милиони евра годишно ќе можеше многу полесно сам да се нафаќа на проекти (не да зависи од милоста на Владата и со тоа да ги цица републичките пари од сите други градови), потоа имајќи многу поголема база на свои сретсва ќе можеше многу полесно и повеќе да се задолжува, со што ќе се даде огромен бран на инвестиции во градот. Мислам дека ќе мора да се обединат сите општини во една градска, тоа треба да биде прв приоритет бидејќи во моментов е главна кочница на развојот (покрај немањето интелектуален капацитет, волја и далновидност од страна на властите). Но мислам дека и самите власти имајќи волку голем буџет полесно ќе се зафаќаат со навистина големите проекти какви му се навистина потребни на градов, бидејќ ќе имаат далеку поголема и посериозна финансиска основа за оваа намена.

Нешто над 3 милиони евра има потрошено само за паркови, фонтани и слично... 

Не е заради број на постови... 

Туку ми е за да не биде пропуштено тоа што сум го пишал... зашто кога се едитира потешко се приметува... 

А друга работа е што како што ги наоѓам информациите така ги постирам... 

Многу поголем проблем мислам дека е недовршената децентрализација и неспремноста на државата но и на општините многу од обрските и правата а со тоа и финансиите да преминат во раце на општините.

Друг проблем е што град Скопје не добива доволно пари воопшто... Како е можно општина со територија од 20 км квадратни да има буџет од 29 милиони евра а еден град со административна површина од +500 км квадратни да има буџет од 56 милиони евра...

Kапитални проекти: - Градска куќа - 100 милиони денари - Просторни и урбанистички планови - 40 милиони денари - Проектна документација за панорамско тркало - 30 милиони денари - Довршување катни гаражи (кај ТЦЦ „Плаза“ и спроти „Рамстор“) - 100 милиони денари плус 20 милиони денари за лифтови - Етапна реализација на подземна сообраќајница од Влада до комплекс банки (вкупно 32 милиона евра) - Проширување на „Христијан Тодоровски-Kарпош“ - 40 милиони денари - Реконструкција на „Јане Сандански“ - 30 милиони денари - Трета фаза „Илинденска“ - 50 милиони денари - Трета фаза „Теодосиј Гологанов“ - 40 милиони денари - Проширување на „Партизански одреди“ од Влае до Ѓорче Петров - 35 милиони денари - Реконструкција на мостови - 60 милиони денари - Обнова на тротоари во Скопје - 60 милиони денари - Проекти, изработка и надзор за фасади - 115 милиони денари

Повеќето капитални проекти што беа предвидени за 2012 се реализирани или префрлени за 2012, меѓутоа овој проект кој беше најаваен за 2012 ниту се реализираше, ниту се спомнува дека е планиран за 2013:

- пробивање на нова сообраќајница од "Благоја Стефковски" кон пругата (ќе поминува преку објектот "Шмеки", којшто ќе треба да се урне, па преку пругата и ќе заврши кај Пивара ( на првиот надвозник на влез во Скопје);

Се надевам дека не е комплетно отпишан, затоа што овие 250-300 метри кои фалат за ова поврзување ќе имаат пропорционално многу поголем позитивен ефект во однос парите кои треба да се потрошат за да се реализира проектот.


1


2

Чаир е во загуба според саjтов
858,090,420 приходи
1,717,780,840 расходи

Можеби средства наменети за надминување на имотно-правни проблеми?

Трајановски в година ќе има 54 милиони евра за трошење

Градската каса в година ќе тежи околу 54 милиони евра. Советот на Град Скопје вчера се очекуваше да го усвои буџетот за 2014 година по најавена долга расправа. Само советниците од СДСМ и од ДПА имаа предложено 90-ина амандмани, но до затворањето на весникот расправата се' уште не беше почната.

Според проекциите од нацрт-буџетот, градоначалникот Коце Трајановски речиси сите пари ќе ги троши на тековни почнати проекти, а значителна сума ќе искористи за инфраструктура и за сообраќај (за изградба на канализации, проширување и санација на булеварите). Сепак, пари ќе има и за стилско преслекување на фасадите во центарот на градот, за изработка на просторни и урбанистички планови, како и за субвенции за јавните претпријатија, за отплата на кредитите, за странски консултации...

Голем дел од средствата ќе се наменат за доизградба на катната гаража на „Даме Груев“. За неа се планирани околу 3,2 милиони евра, а половина од таа сума ќе се наменат за катната гаража на „Мито Хаџивасилев-Јасмин“. Само за стилско обновување на фасадите е предвидено да се потрошат околу 2 милиона евра. Над еден милион евра се предвидени за изградба на подземната сообраќајница од Влада до Народна банка.

По нецели половина милион евра Трајановски предвидува да потроши за изградба на пречистителна станица во Волково и за изградба на фекален колектор по должина на булеварите „Србија“ и „Видое Смилевски-Бато“. В година од градската каса ќе се троши и за веќе почнатите реконструкции на булеварите „Трета македонска бригада“, „Теодосиј Гологанов“, „Христијан Тодоровски-Карпош“, „Илинден“... Пари ќе има и за реконструкција на училишни згради, за инсталирање громобрани, за изградба на фискултурна сала во „Боро Петрушевски“, за финансирање на ФК „Вардар“...

Пред расправата за обемот на градската каса, опозицијата обвини дека буџетот ќе се скрои нереално, ненаменски и за проекти кои не се од суштинско значење на скопјани. Од СДСМ сметаат дека најголем дел од парите ќе се трошат за проекти со кои Трајановски и неговата партија ќе профитираат политички.

Градоначалникот, пак, реплицираше дека буџетот е реално скроен. Ги демантираше сите наводи на опозицијата појаснувајќи дека ќе имало пари за сите ставки, а ќе се трошело и за нови и за веќе почнати проекти.

http://www.utrinski.mk/?ItemID=E8795CC75917C6489ABEA615CCBC47C3