Автобуски постојки и терминали

БАРАЊЕ за ИЗЈАВУВАЊЕ НА ИНТЕРЕС во врска со Избор на приватен партнер за поставување на автобуски стојалишта на подрачјето на Општина Битола Општина Битола , ул.Булевар 1-Ви Мај бр.61, согласно планот на активности за 2012 година има намера да отпочне постапка за јавно приватно партнерство за поставување на 101 автобуско стојалиште на подрачјето на Општина Битола поточно на локации на кои се превезуваат патници во градскиот линиски превоз и тоа: 58 автобуски стојалишта во урбаниот дел сосоставени од еден, два, три или повеќе еднакви, истообразни, самостојни модули во кои може дополнителн да влезе киоск. Стојалиштата содржат конзола, настрешница, клупа за седење, корпа за отпадоци, два сити лајта (едниот за ознака на стојалиштето, а другиот за рекламирање), а може да се постави и киоск за комерцијална намена. За овие автобуски стојалишта постои и електрика која се снабдува со електрична енергија од градската електрична мрежа за осветлување на сити лајтовите и греење на киосците. 43 во руралниот дел, на локации на кои се превезуваат патници во општинскиот линиски превоз. Овие стојалишта се користат само дење и затоа не е предвидено електрифицирање. Во Програма за поставување на автобуски стојалишта на општински линиски превоз на патници на подрачјето на општината Битола е предвидено демонтажа на стојалиштата од урбаниот дел и нивно репарирање со цел поставување во руралниот дел на општината. Се известуваат заинтересираните страни дека во стојалиштата има можност за комерцијални активности согласно ДУП. Се повикуваат заинтересираните домашни и странски физички и правни лица да достават Изјава за интерес најдоцна до 05-05-2012 година. Изјавите за интерс може да се доставуваат по писмен пат на адреса на Општина Битола , како и електронски на следната адреса: slavica.nabavki@bitola.gov.mk По истекот на рокот за доставување на Изјавите за интерeс ќе биде одржан состанок со сите заинтересирани субјкети, за што истите дополнително ќе бидат известени. За подетални информации, заинтересираните субјекти можат да се обратат на: Славица Димитровска-лице за контакт Тел. + 389 47208326,+38947234234, E-mail: slavica.nabavki@bitola.gov.mk Комисија за спроведување на постапката за доделување на договор за јавно приватно партнерство за поставување на автобуски стојалишта и опрема.

http://bitola.gordsys.net/?InteresAvtobuskiStojalista

Еве многу убави автобуски постојки:

Многу нормално, а и што друго може да се очекува во оваа држава освен да пропаѓаат зделки и тендери, да се пробиваат рокови, да се одложува до недоглед и.т.н.

Пропадна зделката за нови автобуски постојки

Избраните грчки партнери ја откажаа соработката со Јавното сообраќајно претпријатие

Ни 220 нови автобуски постојки, ни автоматска локација на автобусите нема да обезбеди ЈСП „Скопје“ до крајот на годинава по пат на јавно-приватно партнерство. Скопјани уште најмалку една година ќе чекаат автобус под „печурките“, без информативна табла за возниот ред на автобусите, клупа за седење, канта за ѓубре... Избраните партнери, грчка фирма за постојките и словачка за АВЛ-системот, ја откажале соработката, поради како што посочиле, немање пари.

Сепак, како што најавува Мишо Николов, директор на ЈСП, тоа не значи дека овие два проекта нема да се реализираат.

„По новонастанатата ситуација одлучивме да се откажеме од намерите проектите по секоја цена да се реализираат по пат на јавно-приватно партнерство. Претпријатието само со сопствени сили и средства ќе обезбеди нови постојки и АВЛ-систем. Наскоро ќе распишеме тендери и очекуваме до крајот на годинава почеток на реализација на двата проекта“, најавува Николов. Во план е станиците да бидат опремени речиси идентично како што најавуваше грчката фирма, сепак, во случајов најверојатно на постојките ќе има значително помал простор наменет за рекламирање.

Инаку, Николов е свесен е дека на претпријатието за оваа намена ќе му требаат многу пари, но се надева дека ќе добие финансиска помош од Град Скопје, а значителна сума ќе обезбеди и од сопствениот буџет, кој меѓу другото, има приходи од изнајмувањето на рекламниот простор на автобусите и жичарницата.

Од ЈСП објаснуваат дека грчката фирма побарала продолжување на рокот за изведба на новите автобуски постојки, што на надлежните не им било во прилог. Практично, барале автобуските станици да ги осовременат до крајот на 2013 година. И оваа и фирмата што го доби тендерот за АВЛ- системот за автоматска локација ќе плаќаат пенали за откажување на соработката, односно ќе им се активираат банкарските гаранции. (Дс.Т.)

http://www.utrinski.com.mk/default.asp?ItemID=6E4393A3A5328A4C8C6A56D359094A10

Грешка е што избраа грчка фирма во старт. Во вакви економски околности требаше да претпостават дека фирма од Грција нема да има пристап до поволни кредити и дека не е ликвидна.

Originally posted by Dexter26 Мислам дека грците паметно постапиле, извадија жива глава од инвестиција во која тие требаше да го трпат идиотизмот на несовесните скопјани кои од досада или од гнев го уништуваат заедничкиот народен имот.

Да, сега како награда за паметната постапка ќе им биде активирана банкарската гаранција.

Originally posted by <Fresno> Грешка е што избраа грчка фирма во старт. Во вакви економски околности требаше да претпостават дека фирма од Грција нема да има пристап до поволни кредити и дека не е ликвидна.   Да, сега како награда за паметната постапка ќе им биде активирана банкарската гаранција.

 
Банкарската гаранција на таа фирма сигурно е многу помала од парите кои што истата таа грчка фирма ќе мораше да ги потроши санирајќи ги штетите предизвикани од културата и навиките на скопјани.
 
Неликвидни, во криза, или не знам што, не ме интересира, факт е тоа дека извадија жива глава од инвестиција која сигурно ќе беше повеќе неисплатлива отколку исплатлива за нив.


Edited by Dexter26 - 14-Jul-2012 at 12:28

ТРЕТ ОБИД ЗА ИЗГРАДБА НА 226 АВТОБУСКИ СТОЈАЛИШТА

Новите постојки без информативни табли

Се бара фирма која ќе ги гради новите автобуски постојки.

Јавното сообраќајно претпријатие "Скопје" објави тендер за изработка на 226 постојки, на кои нема да има информативни дисплеи. Тие ќе се набавуваат со посебен тендер, кој ќе се се објави во следниот период.
ЈСП го распиша тендерот после два неуспешни обида постојките да се градат со јавно-приватно партнерство. Новите стојалишта треба да го задржат истиот дизајн каков што беше најавен на почетокот на процедурата. Единечни ќе има 63, кои ќе бидат застаклени од сите страни, а во нив ќе има клупи и корпи за отпадоци, 48 ќе бидат исти, но дупло поголеми од единечните, и 115 ќе бидат без клупи, само со натстрешник.
"Отворањето на понудите ќе биде на 23 ноември. Ако успее тендерот, рокот за изградба на 23 стојалишта ќе биде до март следната година, додека останатите треба да бидат готови до крајот на 2013", изјави Билјана Јанкуловска, портпарол на ЈСП"Скопје".
По изградбата на автобуските постојки, ЈСП најави поставување на околу 80 електронски дисплеи, на кои граѓаните во секое време ќе имаат можност да видат кој автобус кога пристигнува на станица.




vest.com.mk/?ItemID=A887F9B10CAA2A4CBE202357BB3708E8

1. Кој ќе биде задолжен за поправките (кои ќе треба да се случуваат доста често, барем од претходни искуства со постојките во Македонија)
2. Што ќе се случува со инфо-дисплеите, и дали конечно сите автобуси ќе добијат GPS?
3. Конечно ќе имаме мапи! (Веројатно нема само возниот ред да биде)
4. Овој модел изгледа не предвидува јавно приватно партнерство, што би значело користење на рекламниот простор од фирмата победник на тендерот, туку едноставно за ~1.000.000€ ќе ги направи постојките, по што преминуваат во сопственост на ЈСП. Мене ме интересира само каде одат парите од рекламите!

МАКЕДОНИЈА | 29. ДЕКЕМВРИ 2012 - 12:04

Нови 226 автобуски станици ќе никнат во Скопје



Нови автобуски станици ќе гради Град Скопје, целиот проект ќе чини 1,6 милиони евра.

Според најавите ќе бидат изградени 226 нови автобуски станици од страна на македонската фирма Турбоинжинеринг и се очекува сите станици да бидат готови до крајот на следната година.

Станиците ќе бидат изработени од нерѓосувачки челик во комбинација со стакло. На секоја постојка ќе се постави клупа, корпа за отпадоци и информативна табла на ЈСП.

http://sitel.com.mk/novi-226-avtobuski-stanici-kje-niknat-vo-skopje

Edited by HugoGoulding - 29-Dec-2012 at 13:23

Толку прости... А изгледа и на Скечап ко да се правени ... или пак уште полошо... земени од 3D Warehouse

Љут сум ти