Градинки

Аеродром

Новиот објект „Црвенкапа“ што е во склоп на Јавната детска установа „Срничка“ и со тоа се зголеми капацитетот на градинката за 210 деца.



https://www.facebook.com/profile.php?id=100077753190307

Градинка во Прилеп чека 15 месеци да биде ставена во употреба



Основата на детската градинка во прилепската населба „Точила“ веќе 15 месеци е изградена, но се уште не е ставена во функција иако треба да го реши прашањето со недостиг на капацитети за сместување на децата.

Објектот е вреден 133 милиона денари, а на социјалните мрежи реагираше и поранешниот пратеник и министер за транспорт и врски, Горан Сугарески.

- Срам и грев е готова детска градинка која може да згрижи 250 дечиња, и после 15 месеци да не биде ставена во употреба, објави Сугарески.

Иницијатива има и од невладината „Мултимедија прес“ за подигнување на јавната свест од потребата што побргу да биде пуштена во употреба градинката.

Градинката беше најавено да биде готова пред околу година и половина. Роковите се пробиени. Влатко Петкоски, портпарол на локалната самоуправа вели дека Општината ги завршува обврските, а внатрешното доопремување е на Министерството за труд и социјална политика.

-Градежните работи за новата детска градинка во населбата Точила се на самиот крај. Како обврска на Општината останува она што со првичниот проект не беше предвидено, оградниот ѕид околу градинката. Процедурата тече, има согласност и предвидени средства. Мислам дека внатрешното уредување е обврска на Министерството за труд и социјална политика. Завршена е и трафостаницата. Од целосната сума од 133 милиона денари ние лани ја плативме првата рата од 37 милиони денари, овој месец се платени уште осум милиони денари. Начинот на исплаќање не е поврзано со пуштањето во употреба, изјави Петкоски.

Од Министерството за труд и социјална политика велат дека целосното опремување на градинката ќе заврши за два месеца.

-Набавката, испораката и монтажата на опремата за детска градинка е дел од Програмата за изградба, опремување и одржување на објекти за детска заштита за 2022 година на Министерството за труд и социјална политика. Министерството распиша постапка за Јавна набавка и склучи договори за опремување со економски оператори во износ од 9.288.202 денари. Исто така ве информираме и дека испораката на опремата е во тек. Целосното опремување на објектот ќе заврши најдоцна за два месеци, стои во информацијата на Министерството.

https://faktor.mk/gradinka-vo-prilep-cheka-15-meseci-da-bide-stavena-vo-upotreba

Градинката во Волково ќе биде пуштена на 16 февруари (од фб профилот на градоначалникот на општина Ѓ. Петров)

Архитектонски конкурс за идејно решение за детска градинка
Локација: Општина Аеродром Скопје
декември 2022 год

Архитектонскиот конкурс презентира решение на детска градинка, која ја неарековме „ОВАЛ“. Форма како круг, но поширока во една насока од другата насока, која леснo се приспособи на локацијата примајќи ги сите потребни содржини.
На дадената градежна парцела предвидени се две интегрални тела, едното е со елипсовидна, а другото со неправилна форма со вкупна површина од 2221м2. Преку аналитичкиот пристап, формата се дефинира од самата градежна површина и според принципот на задавање на функционално решение и решавање на содржините. Волуменот добива елипсовидна форма која го оформува дворното место и му дава акцент на атриумскиот пристап и интимност на дворот каде децата би се чуствувале сигурни.
Објектот е со висина приземје и кат. Призeмјето и припаѓа на детската зона и сервисниот дел, а катот на администрацијата.
Објектот е поставен така да главните содржини – занималните се сместени во елипсовидниот волумен и ја имаат источната и јужната ориентација. Во зимскиот период кога сонцето е ниско има предност источната страна како и јужната , а летниот период кога сонцето е високо, се предвидува заштита со конзолно поставена настрешница. Просторот под настрешницата е наменет за игра, отворени занимални, во секој дел од денот, и во услови на дожд и снег каде децата би можеле да поминат краток период на отворено во текот на денот.
Според предвиденото зонирање на објектот, направено е волуменско – содржинска поделба, а со тоа и позиционирање на пристапите кон нив.
Предвидени се три влезови за во објект кон детската зона.
1. Централен влез кој води директно во главниот хол, кој покрај дневната функција ќе служи за манифестации, игра и разни собирања
2. Влез за во јасли и мала група (јужна страна)
3. Влез за во средна и голема група (југо-источна страна)





https://www.facebook.com/photo/?fbid=874368580567928&set=pcb.874377357233717

Изградба на детска градинка во општинa Тетово - ЛОТ 1











https://www.facebook.com/photo/?fbid=651114803688754&set=pcb.651115713688663

К.Вода

нов објект во склоп на ,,Кокиче” за 120 дечиња









https://www.facebook.com/groups/501284030554617/

Се согласувам,лошо и неинвентивно решение,крпење класично.

Градинката во прилепската населба Точила и покрај тоа што е изградена повеќе од 2 години не е пуштена во употреба

И покрај големите ветувања и очекувања и овој септември Прилеп нема да добие нова детска градинка. Градинката во населбата Точила која што веќе подолг период е изградена се уште нема да биде ставена во функција поради недостатоци кои требало да ги отсрани изведувачот. Градинката која има капацитет да смести 250 дечиња требаше да биде пуштена уште во 2021-ва. Останува нејасно зошто толку се чека на санирање на работите кога недостатоците се одамна утврдени. На последната средба пред неколку денови изведувачот рекол ќе ги отстрани недостатоците до средината на септември.

„На почеток спротивно на правилникот за стандарди и нормативи за детски градинки штекерите беа направени на помала висина од колку што е пчредвидено. Исто така нема поставено паравани во тоалетите за деца, во кујната исто така има некои недостатоци, не се поставени преградни ѕидови, потоа во пералната и сушарата не е решен проблемот со одводот на водата која би се собирала итн...“, изјави Христина Трпческа, в.д. директор на градинки „Наша Иднина“ Прилеп.

Откако се ќе биде во ред и ќе се направи технички прием на објектот, Министерството за труд треба да издаде решение за употреба на објектот, а потоа Советот на Општина Прилеп треба сопственоста на овој објект да ја пренесе на градинките „Наша Иднина“. И како краен чекор Министерството за финансии треба да одобри вработување на 40-тина лица кои се потребни за да овој објект функционира. До тогаш над 400 дечиња во Прилеп остануваат на листа на чекање. Што е премногу. За да се амортизира притисокот ќе се барало дозвола за зголемување на групите во постоечките градинки.

„Се донесе одлука за прием на поголем број на деца во групите и таа одлука е доставена до Советот на Општина Прилеп. Доколку таа биде усвоена на седницата на Совет на Општина Прилеп, ние од септември 2023 година ќе имаме запишано над 1.300 деца. Проектираниот капацитет на нашата институција е 1.020 деца, но сите сме свесни дека потребите се огромни дека многу родители и и нивните деца се подолго време на листа на чекање и затоа треба да им излеземе во пресрет на поголем број наши сограѓани. Нашата листа на чекање во овој период е над 400 деца“, додаде Трпческа.

Кога ќе профункционира градинката во Точила не се знае. А освен неа се ветуваше изградба и на нова градинка во населбата Кузман 2, како и пренемена на дел од ООУ „Кочо Рацин“ во ваков простор, но за ова засега нема ниту збор. Прилепските деца засега ќе си почекаат.

https://sitel.com.mk/gradinkata-vo-prilepskata-naselba-tochila-i-pokraj-toa-shto-e-izgradena-povekje-od-2-godini-ne-e

Originally posted by Danifilth Дали во скоро ќе се гради градинка кај Фон/Мерцедес? Каде ги носат лугето во градинка децата? Ново лисиче или?

Во деталниот план за тој дел немам забележано дека е предвидена градинка,реално ќе има потреба бидејќи сега се користат оние што се во Аеродром.Сепак не е доцна има простор каде да се изгради и градинка и училиште но обично кај нас таквите објекти ги оставаат за на крај се влечкаат со години.