Трамвај Скопје ( Лесна железница / LRT )

Готова подлога на јужниот булевар

Да, само што ЛРТ трасата треба да оди во средина на Јужен Булевар и заедно со булеварот да е денивелирана.

Па не баш, би требало да е готов ископот и надвозниците. Ама да не навлегувам во детали, и онака секогаш сум се држел до тоа дека ЛРТ и некои алки во примарната сообраќајна мрежа мора да се градат заедно. На крајот на краиштата никој не ни е крив што сме имале тенденција важни големи проекти да одложуваме до недоглед - јужен до сега требало три пати да биде готов. Битно да не продолжиме понатака со таков пристап.

Ги имав на ум тие столбови, ама според ГУП трасата не треба да поминува по К.Ј.Питу, туку кај приградскиот терминал, каде може на други начини да се реши...
А ако поминува по К.Ј.Питу (во голема мерка оправдана измена), стално сум викал дека треба да поминува под земја и директно да продолжува во тунелот под плоштад. Знам дека е скапо, ама е оправдано - таа оска е `рбет на градот а веќе е преоптоварена. И денеска има ужасна гужва на двете крстосници кај железничака (а краткиот сегмент помеѓу нив во шпицовите не може да го абсорбира целиот сообраќај). Како ли ќе биде за неколку години со пораст на сообраќајот, поготово со трамваи на постоечките сообраќајни ленти, не сакам ни да помислам.
Единствен лек би било под итно да се ангажираат за изградба на булеварот што треба да ги спојува АВНОЈ и Гоце Делчев. Ако не, ова тесно грло кај железничка тотално ќе рикне. А колку е реалистично да очекуваме да се покрене проект како врската помеѓу АВНОЈ и Гоце Делчев не знам, ама после толку долго запоставување на примарната сообраќајна мрежа, нормално е дека све се натрупа и сега не знаеме кај попрво да се свртиме...

а во тие делови на коловозот ќе има ограда висока 80 сантиметри, за да се спречи диво паркирање на автомобили и диво претрчување преку коловозот

Не разбирам, ограда помеѓу тротоарот и коловозот, или сакаат да ја оградат десната лента од остатокот на коловозот?!?
И едното и другото ми звучи глупо... Ограда помеѓу тротоарот и коловозот токму во делот кај станиците не треба да има, а ограда помеѓу сообраќајните ленти би била вистинска катастрофа - кога веќе ги сместуваат трамваите на сообраќајни ленти каде што се движат и автобуси и такси возила, мора да остават можност за заобилокување!

Подобро не ги прават ни првите два км. Во април ќе добиеме друг градоначалник кој сигурно ќе ја батали работава. Трамвајат на трифка е истот што сака да го направи владата со двокатни автобуси. Тоа депо што сакаат да го прават во Н.Л. подобро да биде дислоцирано депото од во К. Вода. во Н.Л.

Првиот трамвај во Скопје. Купен од Виена за 50 турски златни лири. Овој трамвај го влечеле 2 коња со шпедитерски тркала. Сообраќал на релацијата од Бурмали џамијата до паркот "Ислахане" и работел до 1910 или 1911 година.
Вториот трамвај бил сопственост на Општината и бил во употреба од 1909 до 1912 година, се движел по шини, а го влечел еден коњ.

http://skopjeodspomeni.com.mk/nastan.php?n=1

Originally posted by mitatos Знаете што ми падна на ум, како можеле бе на Рефередум тогаш кога сакале да градат Трамвај нашиве селјаци гласале за НЕ  , колку биле прости овие постариве генерации hehe стварно се чудам кога ке размислам или можеби било некој фалсификат на гласови ? што мислите вие?

Сигурно немало фалсификат. Луѓето од населбите кои не ги тангирал трамвајот генерално гласале против.... барем јас така знам

Четири понуди за трамвајски систем во Скопје

Четири фирми доставија понуди на тендерот за изработка на основен проект за трамвајски систем и пруга во Скопје, соопшти вчера Одделението за односи со јавноста на Град Скопје. Понуди доставиле германската фирма „Планунгсбиро - Дрекер“, австриската „ВЦЕ - консалт ЗТ“, шпанската „Идом ингениерија и консулторија“, а четвртата е на група понудувачи (домашната „МАК 2000“, италијанските „Дот.инг“ и „Аксиома дизајн“ и бугарската „Проџект билдинг оф транспорт системс“).

Вредноста на доставените понуди е од 470 илјади до 1,33 милиони евра. Откога ќе се разгледа доставената документација, по што ќе се одбере најповолниот понудувач, а по рокот за жалби ќе биде потпишан и договор за изработка на трамвајски систем во Скопје. (Д.Р.)

http://utrinski.com.mk/?ItemID=E0DDB9FE5F162C4AB8466E14A7660E0C

"Наредниве 6 месеци ќе биде изведена првата траса и ќе набавиме пробни два-три вагони. Со тоа мојот наследник ќе го ставам во ситуација да не може назад, односно да мора да го заврши проектот, како што беше случајот со спортската сала која јас ја наследив од претходното раководство", вели Костовски.

Како прво премногу себично, детски, глупо и што све не, од страна на Трифун. Како второ на салата не треба да гледа како да сакал некој него да го заебе.

Со тоа мојот наследник ќе го ставам во ситуација да не може назад, односно да мора да го заврши проектот

Дали со ова потврдува дека воопшто нема ни да се обиде да се бори за втор мандат? Дека беше лош градоначалник тоа мислам не е спорно, но бидејќи тој со тоа не се сложува и тврди дека со оглед на околностите не можело подобро да се сработи, нека се обиде да им ги објасни работите на граѓаните. Нејсе, се плашам да не добиеме и полош градоначалник во наредниот мандат...

Инаку проектот за брз трамвај е поставен на лоши основи и не треба да се „заврши“ така, туку со коренито реобмислување.