Ски центар Кожуф

Оваа година, ски центарот Кожуф ќе функционира како дневен скијачки центар се со цел да се запознаат луѓето со природните услови на планината Кожуф како и ресурсите за скијање и другите активности кои може да ги понуди Ски Кожуф.
Условите на техничкиот пат се одлични. Машината за чистење на снег е постојано во функција долж патот кој води од Смрдлива вода, се до влезот во ски центарот, но сепак сообраќајната патрола не пропушта лесно возило кое не е опремено со задолжителна зимска опрема, поради лична безбедност на патниците.
За време на викенд, пристигнувањето и заминувањето од ски центарот ќе биде организирано во два временски термини:


* во нагорна насока од 08 – 13 часот
* во надолна насока од 14 – 17 часот

Организиран превоз од страна на Ски Кожуф сеуште не постои, но во наскоро време се очекува неколку возила кои се во сопственост на Ски центарот да помогнат за превоз на посетителите организирани во групи.
Бидејќи ски центарот оваа година нема капацитет за сместување на туристите, секој заинтересиран може да побара преноќиште во околината на месноста Смрдлива вода каде освен мотели може да се најдат и приватни куќи кои издаваат соба или кревет.
За помош околу сместувањето, можете да се јавите на телефонот 070 801 801 кој ќе биде пуштен во функција 24 часа.