Меморијален центар на холокаустот

Одбележан Меѓународниот ден на холокаустот

Музејот за еврејските жртви готов идната година

Со положување цвеќе во спомен на еврејските жртви, во објектот на Меморијалниот центар, кој е во изградба, Еврејската заедница во Македонија и Фондот на холокаустот вчера го одбележаа Меѓународниот ден на холокаустот-Јом Ашоа.
- Им оддаваме почит на шест милиони Евреи од Европа меѓу кои и 7.200 македонски еврејски жртви на еден невиден злостор во историјата на најцрниот период за човештвото - нацизмот, рече Рахамин Мизрахи, заменик-претседавач на Управниот одбор на Еврејската заедница во Македонија.
- Во нас и со нас продолжуваат да живеат еврејската вера, култура и традиција како дел од етничкото шаренило на нашата татковина. Нека поменот за шесте милиони невини жртви од кои еден милион деца задушени во нацистичките логори и крематориуми ни биде основа во грижата и совеста на секој од нас за зачувување на традиционалните вредности на живеењето во заедништво и разбирање како и верски соживот со заемна доверба и почит, потенцира Мизрахи.
Томислав Илиев, член на УО на Фондот на холокаустот на Евреите од Македонија рече дека се изведуваат завршните градежни работи на објектот на Меморијалниот центар во некогашното Еврејско маало во Скопје. Информира дека сите спорови околу земјиштето се завршени и се очекува дека на 11 март идната година ќе биде свеченото отворање на Музејот. Во Македонија, Еврејската заедница денес брои околу 250 членови.

 

Тука денес се работеше со полна пареа. Имаше поставено скелиња од сите страни на објектот.

Апдејт за фасадата. Како што навикнавме за овој објект, исклучително бавно темпо...

Edited by SkyBoy - 07-Aug-2010 at 15:30

Originally posted by lupo A sto e so niskiov rozev objekt? Ke go butkaat ili sto?

колку што јас памтам, сопственикот на розевиот објект имаше имотен лист за него (само во Македонија таков привремен објект на таа локација може да добие траен статус) и имаше шанса да остане тука како чир. Драго ми е дека се нашло решение.

paneli ke stavaat a?

Музејот на холокаустот се отвора во март

Меморијалниот центар на Евреите, кој моментно е во изградба кај некогашното Еврејско Маало, кај старата меѓуградска автобуска станица, треба да биде пуштен во употреба на 9 март 2011 година, дознава „Дневник“. Претседателката на Управниот одбор на Фондот на холокаустот на Евреите од Македонија, Лилјана Мизрахи, не сакаше да го прецизира датумот на официјалното отворање на овој објект. Секој момент се очекува да се монтираат мермерните делови од фасадата.

- Според проектот, предвидено е мермерните делови од фасадата да се редат на шини кои веќе монтираат. Поставени се специјалните стакла за да не се оштетат артефактите кои ќе бидат во внатрешноста на објектот. Дел од надворешната фасада ќе биде изработен од композитни панели во окер боја, дел ќе биде застаклен, а дел од фасадата ќе биде обложен со патиниран цинков лим. Се пробива и влезната партија од задната страна на објектот, вели Мизрахи, додавајќи дека се во прашање само неколку месеци до официјалното отворање на објектот. Идејата за меморијал на холокаустот во Македонија потекнува од големиот ерудит, научник и хуманист, академик Иван Дејанов, некогашен претседател на првото Македонско-израелско друштво за пријателство.
http://dnevnik.com.mk/?ItemID=E28EB2FD2AF97849A7A9294EE680B0D6

Тука позади треба да биде катната гаража. Во празното триеголниче, веднаш под клучката.

Какви се овие содржини во музеј. Ајде бифе, ама градинка, хотел. А најбитното за евреите синагога во склоп накомплексот никаде не се спомна. Којзнае какви се плановите, ама веројатно нема да биде некој зебра што во склоп ќе има и музеј.

Еве уште една потврда дека се отвара во Март. Веста е од денес, иако е слична со предходните

Меморијалниот центар на Евреите се отвора во март



Симболично, со поставување урни на олтарот, Македонија ќе се прости од 7.200 сограѓани убиени во Треблинка


Меморијалниот центар на холокаустот на Евреите ќе се отвори во март идната година, во некогашното Еврејско Маало. Симболично, на денот на отворањето, со поставување урни на олтарот во центарот, Македонија ќе се прости од 7.200 свои сограѓани што беа убиени во нацистичкиот логор Треблинка. Точниот датум на отворањето на музејот не е прецизиран, но извесно е дека ќе се поврзе со годишнината од депортацијата на Евреите од скопскиот монопол, 11 март.

Меморијалниот центар во Скопје е трет во светот по веќе изградените во Тел Авив и во Вашингтон. Реализацијата на проектот започна пред повеќе од две години, а финансиите се обезбедени од денационализацијата на имотите на Евреите што го завршија животот во Треблинка и немаат правни наследници. Целиот објект се состои од неколку целини, меморијален дел и деловен комплекс објект во кој ќе функционира повеќенаменски арт-центар.

Во Меморијалниот центар во завршна фаза е подготовката на музејот со скулптури што ќе го симболизираат одведувањето на Евреите од Македонија. Тоа се метални скулптури со дигитални рамки што ќе содржат имиња и податоци за сите што го завршија својот живот во Треблинка. На првиот кат од центарот е планирана посебна поставка, која по 2013 година ќе се користи како специјална егзибиција за Битола и Штип.

„Во приземјето на музејот централно место ќе зазема олтарот, на кој со поставувањето на урните со пепел, македонската држава официјално ќе ги погребе Евреите убиени во холокаустот“, вели Панде Лазаревски, заменик-претседател на Управниот одбор на Фондот, што според него, е момент од исклучително значење за Македонија и за еврејската заедница.

Музејот во иднина ќе се надоградува со различни артефакти, пишани и филмувани материјали што зборуваат за настаните врзани за холокаустот. Целта е со своите содржини да зборува и да опоменува за последиците од верската, расната и националната нетрпеливост.

Вкупната површина на објектот е околу 5.000 квадратни метри, со две подземни нивоа и паркинг за 120 возила.

„Забрзано се работи и на фасадата и на ентериерот. Веќе се поставени стаклата на фасадата, како и носачите на кои ќе стојат мермерните плочи. Пробиена е и влезната партија и пристапната улица, обезбеден е приклучок за електрична енергија и распишана е јавна набавка за генератор“, вели Лилјана Мизрахи, претседател на Управниот одбор на Фондот.

На вториот кат од центарот, во 2012 година ќе биде отворен и детски музеј, кој ќе ја има основна едукативна функција. На пристапен начин на најмладите ќе им се објасни што, всушност, значи холокаустот, во кој огромен број деца го загубија животот и како во иднина да не се повторат слични настани. Во 2013 година, планираат од Фондот, ќе се заокружат сите содржини од Меморијалниот центар и со тоа ќе се обележи 70-годишнината од депортацијата на македонските Евреи.

„Содржините што се планирани и бројот на артефактите собирани од сите страни на светот, засега се доволни за отворање на Меморијалниот центар. Сепак, како и кај сите музеи, можност за промени, проширувања и надоградување се' уште има, па истражувањето и прибирањето докази, пишани и филмувани материјали и фотографии ќе продолжи и во иднина“, вели Мизрахи.

Таа информира дека во септември минатата година во Израел е потпишан и меморандум за соработка со меморијалниот центар „Јад Вашем“, од каде што Фондот има голема поддршка. Во октомври 2009 година е промовиран и Меѓународниот консултативен совет, со кој претседава рабинот Ендрју Бејкер, преку кој му се отвораат вратите на Фондот пред светските институции што нудат помош и соработка во обезбедувањето на артефакти што сведочат за холокаустот на македонските Евреи.

линк