Урбанистички планови и парцели (општо)

Со лиценци ќе се дисциплинираат урбанистите

Деспина Трајковска

Елиминирање на нелојалната конкуренција и максимално почитување на законите при урбанистичкото планирање на просторот се само дел од ефектите што ќе се почувствуваат во иднина како резултат на лиценците за изработка на урбанистички планови кои на 15 овластени правни лица вчера им ги врачи министерот за транспорт и врски, Миле Јанакиески. Лиценци добија Архитектонскиот факултет при Скопскиот универзитет „Свети Кирил и Методиј“, Агенцијата за просторно планирање, „Зуас“, „Инпума“, „Зум“ и „Билд“ од Скопје, како и урбанистички планери од Куманово, Штип, Гостивар, Тетово, Штип, Прилеп, Гостивар и од Кавадарци. Иако планерите и досега работеа со лиценци, сепак, како што истакна министерот Јанакиески, тие не ги задоволуваа потребните критериуми согласно со новите и изменетите закони што се однесуваат на планирањето на просторот и градењето воопшто. Новите лиценци се со ограничена важност од пет години со можност за нивно одземање доколку субјектите при извршувањето на своите обврски доследно не ги почитуваат законските прописи и правилници.

„Лиценците ќе придонесат за уредување на пазарот за проектирање. Досега проектантските фирми работеа со лиценци издадени пред повеќе од десет години. Лиценците значат одделување на квалитетните од неквалитетните компании, бидејќи во минатото често имавме случаи кога изготвените планови не беа во согласност со законите“, истакна министерот.

Од новите лиценци за урбанистичко планирање на просторот задоволни се и директно засегнатите планери. Сметаат дека со лиценците ќе се стави крај на аматеризмот на одредени субјекти.

„Лиценцата овозможува да учествуваме на тендери за изработка на урбанистичка документација, на кои нема да може да учествува фирма што не поседува лиценца“, изјави Јанко Јовановски, претседател на УО на АД „Зуас“ од Скопје.

http://utrinski.com.mk/?ItemID=15557CC4388FA0429ACA45BD74ED5567

Црквата ќе се гради според проект на архитектот Јован Стефановски-Жан и на површина од 400 квадратни метри. Во нејзината околина е предвиден и мини-плоштад и подземен паркинг

Генерално, проектот предвидува максимално искористување на просторот од 1.800 квадратни метри, од кои на 400 квадрати ќе се наоѓа црквата. Во нејзината околина е предвидена и изградба на мини-плоштад и подземен паркинг. Во целиот реон околу салата „Партизан“ се предвидува да се изградат и два хотела, спортски терени, комерцијални и деловни објекти, објект со намена за социјални грижи, а планирана е и изградба на споменик. И покрај тоа што просторот е „мртов“ и ќе заживее доколку првенствено се изградат јавните и комерцијални содржини, тој сепак ќе почне да се урбанизира со верски објект. Причината, велат од општината, е тоа што најголемиот дел од земјиштето е во приватна сопственост, додека црквата ќе се гради на државно земјиште.

Инаку, во овој реон уште пред повеќе години требаше да почне да се гради мини град „Александрија“, проект кој остана само на хартија, а не се изгради ниту маркет на српска „Делта“, на која сегашната власт и' го поништи договорот за купопродажба на земјиштето.

Трговски центар со висина од 17,8 метри ќе се гради на тревникот на аголот од улиците Никола Тесла и Партизански одреди во населбата Карпош 1. На овој простор сега се наоѓаат колонијален простор, пошта, барака на АМСМ и парк, па жителите жестоко се противат на планот.
Со Деталниот урбанистички план за овој реон е предвиден комерцијален објект со продавници, на приземје, четири ката и простории под покривот. Жителите од околните згради не се задоволни со ова решение бидејќи сметаат дека ќе им се одземе единствениот зелен простор во близина, кој особено им користи во летните месеци. На тревникот, велат, има и неколку реквизити и катче за децата, каде што може да си играат, па со изградба на објектот тоа ќе биде урнато. Тие тврдат дека не биле информирани за јавната анкета за планот, а за трговскиот разбрале од соседите.
- Сакаат да ни го одземат и ова парче зеленило, кое во урбанизиран простор значи многу. За важни работи како оваа властите никогаш не се обидуваат да раскажат насекаде, како што прават кога имаат корист од нешто. Месните заедници воопшто не функционираат и повеќето од нас не се информирани кога се случуваат анкетите за деталните планови. Згора на тоа, тие се секогаш во работно време и работни денови - велат жителите.
Поучени од примери во други населби и општини, жителите од Карпош 1 се плашат дека ќе им се случи истото, па со изградба на комерцијален објект ќе го загубат досегашниот мир.
- Во близина имаме два трговски центри - Буњаковец и Лептокарија и нема потреба за уште еден, па нека е и мал. Не може да се гледа само на остварување профит, а потребите на обичните луѓе да се занемарат - реагира станарка од една од зградите.
Во општина Карпош велат дека анкетата за деталниот план завршила пред Нова година и сега тој е во понатамошна процедура во Министерството за транспорт и врски. Тие објаснуваат дека станува збор за урбанистички план, кој е од приоритетната програма на Владата. Со него на местото на Драмски театар е предвидена и изградба на десеткатница. Во објектот со висина од 30 метри, на приземјето и мезанинот ќе се смести Театарот, а на другите катови ќе има станови. Земјиштето на кое сега се наоѓа театарот е државно, но новиот објект нема да го гради државата, туку приватен инвеститор, кој ќе биде заинтересиран за тоа.

Еве по трети пат за нас среќен успеавме да издејствуваме зелено светло за отпочнување на проектот во советот. Со ова се спасивме и ние и Аеродром за сивилото кое населбата го имаше години наназад, велат претставниците од Здружението на граѓани Црква-Б

Советниците на општина Аеродром на вчерашната 93 седница на Советот на Општината, од трет пат успеаја едногласно да го изгласаат и воедно да го усвојат деталниот урбанистички план за Локалитетот Црква УЕ-Б во населбата Аеродром.

Станува збор за новиот ДУП на таканаречениот локалитет Црква Б, односно по старо маалото Стар Аеродром, каде сегашните трошни воени бараки, ќе бидат урнати и на нивно место со новиот усвоен план ќе треба да се изградат повеќе станбени згради, современ трговски центар, спортски терени како и неколку зелени површини за рекреација. Советниците досега на претходните две седници на општината немаа заедничко мислење околу донесувањето на овој крупен проект во време на предизборие, време за кое според нив, само ќе придонело за позитивни поени кај граѓаните. Но претходната проверка од антикорупциска комисија за издржаност за ваква одлука на советот како и молбите од жителите од Стар Аеродром за што побрзо реализирање на овој проект, советниците вчера решија позитивно да се изјаснат за ДУП-от на Локалитетот Црква-Б.

- Пред се сакаме да изразиме благодарност до сите пратеници на овој советнички одбор на Општината Аеродром за позитивниот сигнал кој го добивме денес, од името на членовите на Здружението на граѓани Црква-Б, кое брои над 300 граѓани или повеќе од 500 семејства се заблагодаруваме за ваквата за нас одлука од животно прашање. Со овој потег се стави крај на лебарките, бубашвабите и мувлата проблеми со кои секојдневно се среќававме во дотраените воени бараки во кој живееме со години наназад. Еве по трети пат за нас среќен успеавме да издејствуваме зелено светло за отпочнување на проектот во советот. Со ова се спасивме и ние и Аеродром за сивилото кое населбата го имаше години наназад, велат претставниците од Здружението на граѓани Црква-Б, Златко Бабник и Драги Амишковски.

Инаку откако се усвои претходно Генералниот Урбанистички план а подоцна деталниот, сега жителите на Аеродром кај локалитетот Црква-Б во иднина ќе требаат надлежните куќни совети оттаму да изберат инвеститор кој ќе се обврзе врз основа на ДУП-от да почне со реализација и изградба на предвидениот тамошен станбен комплекс.

ДУП-от Скопјанка не пројде
Деталниот урбанистички план за Скопјанка актуелен изминативе денови околу неговата контроверзност според жителите на аеродром кај Неоком, вчера не ја доби советничката поддршка. Причината за ваквата одлука, според советниците се многубројните приговори на граѓаните од тој реон во врска со трговскиот центар и катната гаража која треба таму да се гради. Тие тврдат со оваа одлука не наштетиле на граѓаните на Аеродром, напротв со ова оставиле повеќе време да се разгледаат забелешките на граѓаните.