Скопски сообраќај (општо)

Ok, mi beše samo kako mala zabeleška

Свечено отворена реконструираната улица Јоаким Крчовски



По цели 39 години, општина Центар целосно ја реконструираше улицата Јоаким Крчовски.

Поставен е нов асфалт, променет е горниот и долниот строј и тротоарите, заменети се шахтите и улицата е одбележана.

На одделни места зајакнат е потпорниот ѕид. Средствата се обезбедени од буџетот на Општина Центар.

За одмор и дружење општината ќе постави чешма, зеленило и урбана опрема.

http://opstinacentar.gov.mk/%D0%A1%D0%B5%D1%80%D0%B2%D0%B8%D1%81%D0%B8-%D0%B7%D0%B0-%D0%B3%D1%80%D0%B0%D1%93%D0%B0%D0%BD%D0%B8%D1%82%D0%B5/%D0%9D%D0%BE%D0%B2%D0%BE%D1%81%D1%82%D0%B8/ArtMID/549/ArticleID/645/%D0%A1%D0%B2%D0%B5%D1%87%D0%B5%D0%BD%D0%BE-%D0%BE%D1%82%D0%B2%D0%BE%D1%80%D0%B5%D0%BD%D0%B0-%D1%80%D0%B5%D0%BA%D0%BE%D0%BD%D1%81%D1%82%D1%80%D1%83%D0%B8%D1%80%D0%B0%D0%BD%D0%B0%D1%82%D0%B0-%D1%83%D0%BB%D0%B8%D1%86%D0%B0-%D0%88%D0%BE%D0%B0%D0%BA%D0%B8%D0%BC-%D0%9A%D1%80%D1%87%D0%BE%D0%B2%D1%81%D0%BA%D0%B8

Се убаво ама.за велосипедскиот сообраќај ни збор. И додека во светот цела енергија е насочена кон велосипедот и градскиот сообраќај со цел тие 90 илјади возила дневно кои ги има на една раскрсница да станат 40 илјади ние сеуште се движиме во.правец како од 90 илјади да направам 120 илјади.

„Бауер БГ“ ќе ја проширува улицата „Маџари“ во Гази Баба

Улицата „Маџари“ во скопската општина Гази Баба ќе добие четири коловозни ленти и нова атмосферска канализација во должина од 666 метри. Градот Скопје потпиша договор со фирмата „Бауер БГ“ за реконструкција и проширување на оваа сообраќајница, на потегот од улицата „Јужноморавски бригади“ до улицата „Палмира Тољати“. Од градскиот буџет за овој градежен потфат се издвоени финансиски средства во висина од 51.912.580 денари или околу 840.000 евра. Во согласност со објавените податоци од Бирото за јавни набавки, новиот профил на улицата „Маџари“ ќе биде комплетиран во рок од 20 месеци.



Основните проекти за сообраќајната инфраструктура и за атмосферската канализација веќе се изработени од „Давос Инвест“ од Скопје, додека нивната ревизија ја изврши Градежниот факултет. Целосното проширување на оваа скопска сообраќајница до надвозникот кај автопатот кон Велес ќе се оствари во две фази.

http://www.build.mk/?p=44646

Не дај боже нешто со сопствени пари да направат, а воедно да не заборавам дека и покрај пуста надеж повторно мојата уличка, а крак на Исаија Мажоски (инаку, мала грешка погоре), не е во списокот, па така се уште како во минатиот век ќе си бидеме без асфалт и зафрлен сокак.

550 илјади евра за Кружен тек кај Железара



Во функција на надминување на сообраќајните проблеми и зголемување на безбедноста, пред влезот во скопската населба Железара, кај стадионот на Металург е предвидено да се гради кружен тек. Градот Скопје денеска го објави тендерот за избор на изведувач. Кружниот тек ќе го регулира сообраќајот на вкрстувањето на улиците 16-та Македонска Бригада, Коце Металец и сообраќајниот влез во скопската железарница. На оваа крстосница досега не беа поставени семафори, така што регулирањето на метежот се одвиваше единствено со сообраќајни знаци. Проценката е дека за овој инфраструктурен проект ќе се потрошат околу 550 илјади евра. Градежните компании што се заинтересирани да учествуваат на распишаниот тендер треба да ги достават понудите најдоцна до 29 јуни, за кога се очекува и отворање на пристигнатите понуди.

http://www.build.mk/?p=44754

ГРАДОТ ЌЕ ГРАДИ КРУЖЕН ТЕК КАЈ „ХУБОМАРКЕТ“

Веќе течат роковите за избор на фирма која ќе го изработи основниот сообраќаен проект, по што ќе се спроведе постапка за изработка на конечно градежно решение.

Градот ќе гради кружен тек на вкрстувањето на улицата „Скупи“ и булеварот „8 Септември“. За таа цел, распиша тендер за избор на фирма за изработка на основен сообраќаен проект за реализација на ова сообраќајно решение. Градските власти се' уште немаат детали за проектот и објаснуваат дека во тек е фазната разработка на техничката документација за изградба на кружен тек со вклучување на улицата „Скупи“ кај „Хубомаркет“.

„Досега е изработено инфраструктурното решение и веќе течат роковите за избор на фирма која ќе го изработи основниот сообраќаен проект, по што ќе се спроведе постапка за изработка на конечното градежно решение. Се очекува во текот на летово да бидат завршени документациските постапки. Овој проект е дел од оние кои претставуваат решенија кои го забрзуваат сообраќајот, ги намалуваат застоите и со тоа се намалува емисијата на гасови во воздухот“, објаснуваат од канцеларијата за информирање во Градот.

Конечниот изглед на кружната раскрсница ќе биде утврден со изработката на комплетната документација, а тогаш ќе биде позната и точната сума на чинење на изградбата, како и времетраењето на работите и другите технички детали.

Во јавната набавка се бараат архитектонски, инженерски и интегрални услуги, како и услуги за просторно планирање и уредување на земјиштето.

Исто така, Градот распиша тендер и зa избор на фирми за изработка на основни сообраќајни и идејни проекти за поставување на сообраќајни знаци на главните влезови во Скопје, за режим на сообраќај на дел од улицата „Павел Шатев“ на потегот од раскрсницата со „Јордан Мијалков“ до раскрсницата со „Партениј Зографски“, како и на дел од булеварот „Босна и Херцеговина“ на потег од раскрсницата со улицата „Хрватска“ и улицата „Кристијан Тодоровски-Карпош“ до раскрсницата со булевар „Словенечка“. Ваква документација на Градот му е потребна и за дел од улицата „Боца Иванова“ на потегот од раскрсницата со булевар „Христијан Тодоровски-Карпош“ до раскрсницата со улицата „Александар Урдаревски“. Ќе се задолжи фирма и за изработка на документација за поставување на светлосни сигнали на раскрсници на дел од улиците „Борис Трајковски“, од раскрсницата со влез во фабриката „Стаклара“ до раскрсницата со улицата „Јустинијан Први“. Проценетата вредност на договорите без ДДВ е на 974.576,27 денари.

http://utrinski.mk/default.asp?ItemID=9119F8ABAB3C4747BA11B96859940003

Ова е одлично, ми се допаѓа изведбата на кружни текови. Но што правиме 100 метри подолу кај раскрсницата со качанички пат? Мора некако да изведат две ленти за вртење лево (кон качанички)

Започна проширувањето на улицата Маџари



Денеска започнаа градежните работи за реконструкција и проширување на улицата Маџари, во општината Гази Баба.

Овој проект ќе се реализира во две фази, а во оваа фаза улицата Маџари ќе се реконструира на потегот од крстосницата со улицата Јужноморавски бригади до улицата Палмиро Тољати во должина од 666 метри.

Планирано е улицата да добие 4 сообраќајни ленти со ширина од по 3,25 метри (по две ленти во секоја насока) и нови тротоари покриени со бекатон-плочки. Од левата страна на улицата Маџари, гледано кон надвозникот, ќе се формира велосипедска патека со ширина од 3 метри и пешачка патека со ширина од 1,5 метри.

Градот Скопје за овој обемен проект ќе вложи околу 52 милиона денари.

Додека траат градежните работи на улицата Маџари ќе се воведе привремен сообраќаен режим. Градот Скопје апелира до сите учесници во сообраќајот да ја почитуваат поставената патна сигнализација и да ја приспособат брзината на движење на условите на патот.

http://www.plusinfo.mk/vest/30813/zapocna-proshiruvanjeto-na-ulicata-madjari

Се поставува ограда висока метар и половина
    
Она што пред околу 4 месеци го започнаа јавните претпријатија „Улици и патишта“ и „Паркови и зеленило“ деновиве продолжи со реализација. Станува збор за оградата на средишниот дел на жардиниерата на булеварот „Крсте Мисирков“ на Бит-пазар, прнесува Сител.



Ова е проблем кој со години го закочува сообраќајот на овој булевар. Реализиран беше надвозник со лифт кој речиси никој не го користи, потоа се поставија и семафори исто така залудно.



Последна мерка е оградата. Отворен е уште еден пешачки премин на местото каде е надвозникот, а на останатиот дел од булеварот се поставува ограда со која треба да се спречат граѓаните од претрчување, односно непрописно преминување на улицата.



Се надеваме дека после поставувањето на заштитната ограда ќе проработи совеста на граѓаните и конечно ќе се реши овој долгогодишен проблем.

http://www.skopjeinfo.mk/gradot/780047921/foto-se-postavuva-ograda-visoka-metar-i-polovina