Урбана уметност: графити, мурали, стикери и сл.

УШТЕ ЕДЕН МУРАЛ НА „ЗЕРО“ ВО МКЦ

Покрај стариот мурал во холот, ликовната група работи на нов мурал на надворешниот ѕид на „Фросина“

На надворешниот ѕид на киното „Фросина“, во Младинскиот културен центар (МКЦ) веќе се гледа работата на уште еден мурал од ликовната група „Зеро“. Новиот мурал е со површина од 60 м2, а како што најавуваат од МКЦ, официјално ќе биде промовиран на 7 септември, како сегмент од одбележувањето на 25 години самостојност на Република Македонија.



Од МКЦ потсетуваат дека групата „0“-Зеро, во 80-тите години на 20 век претставуваше парадигма за вонинституционално генерациско дејствување на македонската ликовна сцена. Ликовната група во состав: Александар Станкоски, Беди Ибрахим, Златко Трајковски, Синиша Цветковски, Зоран Јаневски, Роберт Михајловски, Горанчо Ѓорѓиевски, Стефан Шашков и Владо Манчевски-Марсо, како и Перица Георгиев-Пепси и Миодраг Десовски-Мишко, кои повеќе години се вон Македонија, пред 30-ина години го наслика култниот мурал во холот на МКЦ. „Додека го создава новиот мурал, ‘Зеро‘ ќе го реставрира и стариот во холот на МКЦ, кој исто така ќе биде заштитен и осветлен со соодветна светлосна опрема, со што во иднина ќе претставува постојана, трајна изложба, за што е и првично создаден“, потенцираат од МКЦ.


link

Се ширеа деизнформации дека максимава е скопска. Не е, битолска е. Спроти Св. Димитрија, точно.

Еден од најдобрите концепти во Бт, според мене. Антинихилистичка критика на богобојзаливите безбожници: