build.mk Homepage
Forum Home Forum Home > Главни теми > Инфраструктура > Воздухопловство
  Active Topics Active Topics
  FAQ FAQ  Forum Search   Register Register  Login Login

Авиосообраќај (статистики)

Bookmark and Share
 Post Reply Post Reply Page  <1 666768
Author
Message
  Topic Search Topic Search  Topic Options Topic Options
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4009
  Quote my Macedonia Quote  Post ReplyReply #1341 Posted: 04-Oct-2020 at 13:57
Приштинскиот аеродром полека но сигурно се полнува со патници. Ако се оди по ова темпо, ќе бидеме последни оваа година.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15050
  Quote stef4o Quote  Post ReplyReply #1342 Posted: 26-Oct-2020 at 12:38
Тунтев: Загубите од ковид-19 се евидентни, авиосообраќајот ќе ги достигне минатогодишните бројки во 2023 година (видео)



https://meta.mk/tuntev-zagubite-od-kovid-19-se-evidentni-aviosoobrakjajot-kje-gi-dostigne-minatogodishnite-brojki-vo-2023-godina-video/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15050
  Quote stef4o Quote  Post ReplyReply #1343 Posted: 29-Oct-2020 at 10:36


https://meta.mk/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15050
  Quote stef4o Quote  Post ReplyReply #1344 Posted: 01-Nov-2020 at 12:41
Ковид-19 за неколку месеци успеа да го сруши деценискиот раст на авиосообраќајот во земјава [фото+инфографик]



Како гром од ведро небо, пандемијата на ковид-19 удри врз авиосообраќајот во меѓународни рамки и за само неколку месеци успеа да го сруши бројот на превезени патници во воздушниот сообраќај на нивото кое беше пред четири и пол децении. И во Македонија бројот на превезени патници со авион за првпат во изминатава деценија ќе забележи намалување, а разочарувачките податоци веќе е извесно дека ќе го сведат авиосообраќајот на нивото на периодот од пред модернизацијата на скопскиот аеродром во 2011 година.

Од компанијата ТАВ, како концесионер на македонските аеродроми, велат дека 2020 година започнала со одлични резултати во авиосообраќајот, при што во првите два месеци имало пораст на бројот на превезени патници од 15 отсто. Сепак, кризата со ковид-19 започнала со затворањето на двата аеродрома во средината на март 2020 година за период од три и пол месеци, како дел од владините мерки за спречување на влез и ширење на корона вирусот во земјава.

„Авијацијата е најпогодениот сектор од ковид-19 ширум светот. Штетите допрва ќе се пресметуваат, а последиците сигурно ќе се чувствуваат во следните неколку години. Следствено, ТАВ Македонија се соочува со тешки времиња поради ковид-19. Немавме приходи цели 3,5 месеци, од средината на март до 1-ви јули, кога повторно ги отворивме аеродромите. Сега сообраќајот на патници е намален за 68 отсто, како резултат на тоа и нашите приходи се намалени, додека трошоците сè уште остануваат исти“, истакнуваат за „Мета.мк“ од компанијата ТАВ.

Според податоците на Државниот завод за статистика, низ портите на двата македонски аеродрома од јануари до септември 2020 година минале вкупно 631.791 патник. Во идентичниот период лани, бројот на патници на аеродромите во земјава ја достигнал бројката од 2.043.228 патници, односно поради ковид-19 пандемијата авиосообраќајот изгубил над 1,4 милиони патници, без притоа во оваа бројка да се вкалкулира планираниот годишен пораст на патници којшто се очекуваше на аеродромите за годинава доколку не се појавеше пандемијата.

„Се надеваме дека наскоро ќе бидат укинати забраните за патување, воведени поради ковид-19 од страна на земјите членки на ЕУ, така што авиокомпаниите „Катар ервејс“, „ФлајДубаи“, „Ејџиан“ и „ЛОТ“, како и дел од рутите на „Виз ер“ ќе се вратат во мрежата на дестинации и од аеродромот во Скопје и од аеродромот во Охрид. Ограничувањата за патување за македонските граѓани се главниот предизвик за нашиот бизнис во моментот“, велат од ТАВ Македонија.

Не постои координиран пристап меѓу земјите во мерките против ковид-19

Директорот на Агенцијата за цивилно воздухопловство, Томислав Тунтев во интервју за „Мета.мк“ посочува дека најголемо негативно влијание во однос на воздушниот сообраќај имаат едностраните мерки за заштита од ширењето на ковид-19 кои ги преземаат државите. Авиосообраќајот не трпи национални прописи, односно еднострани применувања на мерки, како што се: забрани, карантини, изолации, ПЦР тестови и слично.

„Меѓународните воздухопловни организации инсистираа на координиран пристап. И првата прогноза за закрепнувањето на воздушниот сообраќај која ја направи Евроконтрол и која излезе на крајот на април, всушност имаше две варијанти – координиран пристап на државите и некоординиран. И се потврди тоа дека некоординираниот пристап, односно едностраните мерки на владите во државите, пред сè на Европска Унија, а и пошироко во регионот, значат големо негативно влијание врз воздушниот сообраќај“ вели Тунтев.

Податоците на Евроконтрол покажуваат дека целокупната авиоиндустрија се уназадува како резултат на недостигот на координација помеѓу европските земји. Според постојното сценарио, вкупниот број на летови во Европа се очекува да биде намален за 55 отсто во споредба со 2019 година или на европското небо да има 6 милиони помалку летови. Ова е дополнително намалување од 1 милион летови во Европа во споредба со претходното сценарио, кое пред неколку месеци го разви Евроконтрол во однос на влијанието на ковид-19 врз авиоиндустријата.

Поради недостатокот на координиран пристап меѓу земјите во однос на мерките за заштита од ковид-19, во ноември 2020 година се очекува намалување на бројот на летови за 58 отсто, до дека за декември падот би бил 54 отсто во споредба со идентичниот месец од 2019 година. Доколку би постоел координиран пристап меѓу самите земји преку хармонизирање на тестирањата и заеднички епидемиолошки пристап кон ковид-19, тогаш за последните два месеци од годинава намалувањето на бројот на летови би изнесувало само 20 отсто, прогнозира Евроконтрол. Слични предвидувања се дадени и за првите два месеци од 2021 година.

„Што се однесува до Македонија, евидентна ќе биде финансиската загуба на сите сегменти во авиоиндустријата, значи тоа пред сè мислам и на аеродромскиот оператор, и на давателот на навигациски услуги, затоа што и бројот на прелети е на ниво на 45 проценти во однос на минатогодишните, очекувам тој број да се задржи до крајот на годината, а секако и тоа се однесува и за Агенцијата за цивилно воздухопловство. Еве сега предвидуваме дека до крајот на годината нашиот годишен буџет ќе биде преполовен“, објаснува директорот на Агенцијата за цивилно воздухопловство.

Единствена надеж за авиоиндустријата, вели Томислав Тунтев, е дека сообраќајот на почетокот на следната година ќе почне да закрепнува со побрзо темпо отколку што досега се очекуваше дека ќе биде направено.

Исмаил Камбери, истражувач од Институтот за европска политика, констатира дека во блиското минато не се забележани слични рестрикции од таков размер за движење во рамките на Шенген-зоната на ЕУ и од земјите-членки кон држави надвор од Европската Унија. Слични ситуации имаше за време на мигрантската криза во 2015 година, но со поединечни потези за затворање на граничните премини на одредени земји-членки на ЕУ.

Меѓу бројните некоординирани мерки против ковид-19 што ги презедоа европските земји е оној на Унгарија, која од 1 септември ги затвори границите за сите туристи и странски државјани, со неколку исклучоци за дипломати и брачните партнери на унгарски државјани. Оваа мерка е продолжена барем до 1 ноември, иако унгарските власти со неа воопшто не ја земаат во предвид епидемиолошката ситуација со ковид-19 во различните земји од каде би дошле посетителите од странство.

„Пандемијата е вонредна околност и таа имплицира воведување на вонредни мерки. Затворањето на границата на Унгарија како мерка кога безбедноста на земјата или нејзината јавна политика е загрозена е предвидено со Шенгенскиот граничен код. Имајќи го во предвид ова, дејствието на Унгарија не претставува загрозување на политиката на ЕУ, што во секој случај доколку ситуацијата се влоши, загуба би имале сите земји и нивните граѓани и на економски и на политички план“, посочува истражувачот Исмаил Камбери.

Тој дополнува дека Унгарија уште за време на мигрантската криза на некој начин си ја презема екслузивноста на менаџирање на сопствените граници. Камбери објаснува дека доколку бројките на новозаболени лица од ковид-19 продолжат да растат, тогаш може повторно да дојде до затворање на границите како внатре во ЕУ, така и во целиот свет.

„Доколку нашата земја бележи низок број на заболени, тогаш можеби другите земји ќе имаат послободна политика во однос на пропуштање на наши граѓани, доколку земјата на дестинација бележи висок број на заболени, тогаш можеби нашата држава ќе воведе задолжителен карантин на сите граѓани кои доаѓаат од таа земја“, поентира тој и додава дека земјите сакаат да постигнат баланс помеѓу заштитата на здравјето на граѓаните и одржувањето на нивото на економските текови.

Срушените планови за развој на македонскиот авиосообраќај

Владата на РСМ со унгарската нискобуџетна авиокомпанија „Виз ер“ склучи Договор за финансиска поддршка за периодот од 2019 до 2022 година, со кој државата требаше да одвои субвенции во висина од пет милиони евра во наредните четири години за воведување на нови летови од аеродромите во Скопје и Охрид. Поради пандемијата на ковид-19, владата пролетва го стави во мирување ваквиот договор, а оваа состојба ќе продолжи до реактивирањето на авиолиниите согласно уредбите и условите предвидени во Договорот.

„За сите летови опфатени со Договорот за финансирање кои во моментов се суспендирани од страна на компанијата „Виз ер“ не се исплаќа финансиска поддршка“, објаснуваат за „Мета.мк“ од Министерството за транспорт и врски.

Всушност, ваквиот договор со „Виз ер“ е колатерална штета од пандемијата на ковид-19. Притоа, унгарската авиокомпанија не е единствената што привремено ги укина летовите од македонските аеродроми или ја намали фреквенцијата на летови што ги одржуваат на неделно ниво. Зимскиот ред на летање, којшто традиционално секоја година стапува на сила на крајот на октомври, како никогаш досега во земјава се соочува со воведувања и откажувања на авиодестинациите, кои се случуваат дури и на неделно ниво.

Моментално, на скопскиот аеродром, од 13-14 превозници кои оперираа редовно, оперираат осум меѓународни воздушни превозници. Бројот на дестинации со кои е поврзан Скопје од оние вообичаени 40-ина сведен е на 20-ина. Со зимскиот ред на летање од превозниците кои оперираа минатата година, четири веќе ги откажаа операциите“, објаснува директорот на Агенцијата за цивилно воздухопловство, Томислав Тунтев.

Тој дополнува дека покрај четирите авиокомпании кои нема да летаат до почетокот на летниот ред на летање во март 2021 година, другите превозници најавиле дека ќе летаат со редуцирана фреквенција и број на дестинации. И на охридскиот аеродром, од вообичаените од четири до шест превозници што ги одржуваат авиолиниите во зимскиот период, претстојнава зима операции најавиле само една до две авиокомпании.

„Имајќи ги во предвид прогнозите за закрепнувањето во воздушниот сообраќај, имајќи ги во предвид прогнозите и на глобално и на регионално ниво, јас очекувам дека физичкиот обем на сообраќај би можел најрано кон крајот на 2023 година да дојде на ниво кое беше минатата година. Се разбира, сето тоа под претпоставка дека ќе има координиран пристап на државите, посебно во Европската Унија во однос на мерките за заштита и дека во сферата на здравствената заштита на глобално ниво ќе се случуваат работи кои ќе значат дека патниците ќе можат помирни, покомфорни, поопуштени да ги користат услугите во воздушниот сообраќај“, прогнозира Тунтев.

Охридскиот аеродром ќе чека подобри времиња за нова терминална зграда

Втората негативна последица што ја предизвика корона кризата во земјава е одложувањето на плановите за развој на охридскиот аеродром „Св. Апостол Павле“. Терминалната зграда на овој аеродром беше димензионирана за максимум 300.000 патници годишно, а лани имаше речиси 320.000 превезени патници на овој аеродром. Томислав Тунтев вели дека аеродромскиот оператор размислувал во првата фаза да оди со реконструкција и проширување на постоечката терминална зграда во Охрид, додека во следната фаза да биде инвестирано дополнително во инфраструктурата што би овозможило прифаќање и отпрема на максимум 700.000 патници годишно.

„И сето тоа, веќе беше во фаза на план, на проект, имаше преговори и со Владата, во однос на релокација на одредени средства, оние што останаа од неуспешниот проект за штипскиот аеродром, и реална беше потребата од реконструкција и проширување на инфраструктурните капацитети на охридскиот аеродром“, посочува Тунтев.

Сепак, од ТАВ Македонија потенцираат дека сите дополнителни инвестиции што биле планирани пред ковид-19 кризата се запрени сè додека компанијата не закрепне од огромниот удар што го зададе корона вирусот.

„Во овој момент, се обидуваме да го одржиме бизнисот во живот. Се обидуваме да ги исполниме своите финансиски обврски навреме, во ситуација кога имаме драматично намалени приходи“, велат од ТАВ Македонија.

Покрај одложувањето на инвестициите на охридскиот аеродром, пандемијата на ковид-19 ги збриша сите реални прогнози за тоа кога аеродромите во земјава би можеле да го пречекаат 3.000.000-тиот патник во текот на една година. И експертите, но и аеродромскиот оператор, не се осудуваат во моментов да даваат оптимистички прогнози за развојот на авиосообраќајот во Македонија.

Сепак, состојбата со воздушниот транспорт во земјава ќе зависи од натамошното справување со ширењето на корона вирусот и статистичките податоци за бројот на активни случаи на ковид-19 што ќе ги имаме на 100.000 жители во наредниот период, а што претставува услов за прекин на ограничувањата за патување на македонските граѓани во земјите-членки на ЕУ. Постигнувањето на координираниот пристап на меѓународно ниво меѓу самите земји во однос на мерките за заштита од ковид-19 ќе биде значаен услов што би определил во кој правец ќе се развива и авиосообраќајот во земјава во следните месеци.

Засега прогнозите на Меѓународната организација за цивилно воздухопловство се мрачни. Во 2020 година вкупниот број на патници во авиосообраќајот во светот ќе се намали за 57 до 61 отсто во однос на бројките што беа постигнати лани. Авиоиндустријата ваков драстичен пад не бележи во историјата наназад за време на било кој друг значаен меѓународен настан, вклучувајќи ги и нафтената криза во 70-ите години, ирачко-иранската војна во 80-ите години, кризата во Голфскиот залив на почетокот на 90-ите, азиската криза на крајот на 90-ите години на XX век, терористичкиот напад во САД на 11 септември 2001, како и епидемијата на САРС и светската финансиска криза што се случија во првата деценија од XXI век.

https://meta.mk/kovid-19-za-nekolku-meseczi-uspea-da-go-srushi-deczeniskiot-rast-na-aviosoobrakjajot-vo-zemjava-foto-infografik/
Back to Top
gorazd View Drop Down
Senior Member
Senior Member
Avatar

Joined: 29-Oct-2011
Online Status: Offline
Posts: 521
  Quote gorazd Quote  Post ReplyReply #1345 Posted: 03-Dec-2020 at 15:10
10te top aerodromi na Wizz ovaa sedmica spored ponudeni mesta.


source: routes online

SKP vo dadenive uslovi (zatvoreni granici) kako edinstven non-EEA aerodrom (UK incl) na poveke od respektabilno 9to mesto

ne deka statistikive se nesto mnogu znacajni vo edna godina na pandemija: Skopje jes da ke ima povtorno pomalku patnici od Pristina no za sporedba ke ima duplo poveke patnici od eden Dubrovnik i e vo izednacena trka so Split.
Back to Top
gorazd View Drop Down
Senior Member
Senior Member
Avatar

Joined: 29-Oct-2011
Online Status: Offline
Posts: 521
  Quote gorazd Quote  Post ReplyReply #1346 Posted: 08-Dec-2020 at 12:11
izgleda Noemvri e prviot mesec vo koj Skopje ima poveke patnici od Zagreb.

ZAG: 42,7k
SKP&OHD: 45,2k (Ohrid so otprilike <2000 patnici )

i toa se slucuva DunnoSmile
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15050
  Quote stef4o Quote  Post ReplyReply #1347 Posted: 24-Dec-2020 at 13:58


https://www.facebook.com/meta.mk.mk
Back to Top
carver91 View Drop Down
Senior Member
Senior Member


Joined: 09-Mar-2015
Online Status: Offline
Posts: 134
  Quote carver91 Quote  Post ReplyReply #1348 Posted: 31-Dec-2020 at 20:17
https://www.exyuaviation.com/2020/12/skopje-airport-to-handle-700000.html
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4009
  Quote my Macedonia Quote  Post ReplyReply #1349 Posted: 03-Jan-2021 at 20:10
Само денес од приштина до базел летале 25 авиони. И приштина ова година ќе не тепа.
Back to Top
gorazd View Drop Down
Senior Member
Senior Member
Avatar

Joined: 29-Oct-2011
Online Status: Offline
Posts: 521
  Quote gorazd Quote  Post ReplyReply #1350 Posted: 11-Jan-2021 at 13:19
2020 konecen rezultat: SKP & OHD 782.8k  -71%
(SKP ~710k)

Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15050
  Quote stef4o Quote  Post ReplyReply #1351 Posted: 17-Jan-2021 at 15:56
Драстично намален бројот на патници од аеродромите во Скопје и Охрид

Меѓународниот аеродром Скопје и аеродромот „Св.Апостол Павле“ во Охрид“ поради ковид пандемијата минатата година ја завршија со 782 876 патници, за 71 отсто помалку во однос на 2019 година. Една од опциите за надминување на состојбата е да се овозможи систематско тестирање на патниците на аеродромите, што го иницирал кај Владата аеродромскиот оператор.

-Поради одлуките на владите поврзани со КОВИД-19 и ограничувањата на патувањата ширум светот, 2020 година беше многу тешка година за авијацијата, следствено на тоа и за ТАВ Македонија. Скопскиот и охридскиот аеродром беа затворени за сообраќај на патници цели 3,5 месеци – од средината на март 2020 година до 1. јули 2020 година. По повторното отворање, се соочивме со забрана за патување во ЕУ/Шенген за македонските граѓани. Тоа резултираше со намалување на бројот на патници за 71 процент за целата 2020 година (јануари-декември 2020) или од 2.677.618 патници на двата македонски аеродрома во 2019 година, 2020 година ја завршивме со вкупно 782.876 патници, изјавија за МИА од ТАВ Македонија, концесионер на аеродрмите во државава.

Најголемата пречка за закрепнување на македонскиот воздушен сообраќај е забраната за патување поради КОВИД-19 воведена од земјите на ЕУ/Шенген за носителите на македонски пасош. Додека не се отстранат тие ограничувања и луѓето не почнат слободно да патуваат од туристички причини како што правеа претходно, велат од ТАВ Македонија, ќе се соочуваме со тешкотии.

-Една од опциите за надминување на оваа состојба е иницијативата што ѝ ја предложивме на Владата на Република Северна Македонија – систематско тестирање за КОВИД-19 на аеродромите во Скопје и Охрид, што доколку биде прифатено од ЕУ, треба да овозможи слободен влез на македонските граѓани во земјите на ЕУ каде е концентриран над 77 проценти од македонскиот воздушен сообраќај, наведуваат од ТАВ Македонија.

За време на оваа пандемија, појаснуваат, авиокомпаниите брзо и постојано го менуваат распоредот на летовите. Тие најавуваат одреден лет, но подоцна можат да го откажат, во зависност од правилата за патување на владите воведени поради КОВИД-19.

Од Меѓународниот Аеродром Скопје има 20 редовни авиолинии, до дестинациите: Белград, Загреб, Истанбул, Виена, Цирих, Киев, Берлин, Базел, Келн, Дортмунд, Ајндховен, Фридришахафен, Минхен (Меминген), Гетеборг, Хамбург, Малме , Франкфурт, Лондон, Брисел и Стокхолм.

Други дестинации, како на пример, Париз, Нирнберг, Баден-Баден, Турку, Копенхаген, беа функционални во одредени периоди, а сега се паузирани, сè додека авиокомпаниите повторно не ги отпочнат. Од аеродромот во Скопје летаат авиокомпаниите: Туркиш ерлајнс, Виз ер, Аустриан ерлајнс, Ер Србија, Кроација ерлајнс, Виндроуз ерлајнс, Еделвајс и Чер ерлајнс.

Од аеродромот во Охрид согласно зимскиот распоред на летови сега има летови до три дестинации – Базел, Дортмунд и Цирих, на кои летаат Визер и Чер ерлајнс.

Од ТАВ Македонија се надеваат дека со летниот распоред на летови во 2021 година, кој почнува на крајот од март, дел од другите дестинации и од Скопје и од Охрид, кои беа прекинати со почетокот на ковид-кризата, ќе бидат обновени.

Пред почетокот на кризата аеродормскиот оператор најави дополнителни вложувања во аеродормите во Скопје и во Охрид. Договорените специјални проекти дефинирани од Владата, како што велат од ТАВ Македонија се приоритетни точки. Ќе бидат реализирани согласно поврзаните аеродромски проекти. Од временски аспект, информираат, нивната реализација ќе биде во линија на закрепнувањето на авиосообраќајот од КОВИД-19

https://alsat.mk/mk/drastichno-namalen-brojot-na-patnitsi-od-aerodromite-vo-skopje-i-ohrid/
Back to Top
gorazd View Drop Down
Senior Member
Senior Member
Avatar

Joined: 29-Oct-2011
Online Status: Offline
Posts: 521
  Quote gorazd Quote  Post ReplyReply #1352 Posted: 09-Feb-2021 at 13:13
ako nekoj go interesira so kakva popolnetost Wizz letal od Germanija za Makedonija za vreme na vtoriot bran (so reduciraniot red na letanje) eve gi brojkite (bi rekol solidni):

Oktomvri:67,8% ; Noemvri:70,3%;  Dekemvri:84.9%
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15050
  Quote stef4o Quote  Post ReplyReply #1353 Posted: 02-Mar-2021 at 10:18


https://www.facebook.com/meta.mk.mk
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15050
  Quote stef4o Quote  Post ReplyReply #1354 Posted: 17-Mar-2021 at 15:05
Авиосообраќајот во земјава само во февруари изгубил 120.000 патници, во Европа авиокомпаниите на колена [инфографик]



https://meta.mk/aviosoobrakjajot-vo-zemjava-samo-vo-fevruari-izgubil-120-000-patniczi-vo-evropa-aviokompaniite-na-kolena-infografik/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15050
  Quote stef4o Quote  Post ReplyReply #1355 Posted: 24-May-2021 at 17:42
Скопскиот аеродром според прометот го надмина аеродромот во Загреб

Скопскиот аеродром имал повеќе патници отколку неговиот традиционално попрометен конкурент во Загреб во текот на првите четири месеци од оваа година.
Најпрометниот македонски аеродром превезол 197.887 патници во периодот од јануари до април, што е пад од 48,6 отсто. Во Загреб, бројот на патници се намалил за 65,8 отсто, на 167.420 за четири месеци, пишува Ex-Yu Aviation News.

На повеќето македонски граѓани сè уште не им е дозволен влез во повеќето земји-членки на ЕУ, кои традиционално се најпрометните пазари на аеродромот во Скопје. Околу 77 отсто од прометот на воздуопловното пристаниште се генерира од пазарите во ЕУ, пренесува регионалниот бизнис портал СЕЕбиз.

Пандемијата ссо КОВИД-19 го смени традиционалниот редослед на најпрометните аеродроми во поранешна Југославија, при што Приштина имаше најмногу патници во текот на првиот квартал, надминувајќи ги Белград, Загреб, Сплит и Дубровник.

Во периодот јануари-април, најголем капацитет во и надвор од Скопје беше понуден на двата аеродроми во Истанбул – Истанбул Интернешнл и Сабиха Гокчен – а потоа следуваа Базел, Лондон Лутон, Дортмунд и Виена. Во исто време, повеќето места во и надвор од Загреб беа понудени на Франкфурт, проследено со Амстердам, Дубровник, Сплит и Истанбул. Скопје го надмина Загреб и во февруари и во март, иако хрватската престолнина беше попрометна во април, што ги вклучи велигденските празници.

Овој месец, количината на понудениот капацитет од Македонија изнесува 45,6 отсто во споредба со нивото пред ковидот во 2019. Од друга страна, Хрватска во мај достигна 20,6 отсто од капацитетот од пред две години.

И со Скопје и со Загреб управува иста компанија, иако втората е дел од поголем конзорциум. Најпрометниот аеродром во Хрватска се очекува силно да закрепне во текот на летото, а Рајанер ќе отвори база во градот кон крајот на август и ќе започне шеснаесет нови линии во текот на летото.

Коментирајќи ја моменталната состојба на македонскиот пазар на авио патувања, генералниот директор на операторот на скопскиот аеродром ТАВ Македонија, Метин Батак, рече: „Сè додека не бидат укинати ограничувањата на ЕУ / Шенген и луѓето не можат слободно да патуваат за несуштински цели, како што тоа го правеа и претходно, ќе се соочуваме со тешкотии. Имајќи ги предвид овие предизвици и поместувањата во авионската индустрија на глобално ниво, закрепнувањето ќе биде бавно и ќе биде потребно време со цел македонските аеродроми да се вратат на истиот број на патници што ги имавме пред кризата“, пишува порталот.

https://nezavisen.mk/skopskiot-aerodrom-spored-prometot-go-nadmina-aerodromot-vo-zagreb/
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 1771
  Quote user8642 Quote  Post ReplyReply #1356 Posted: 25-May-2021 at 20:38
Споредување баби и жаби. Колку аеродром има у Хрватска со меѓународни линии, колку има во Македонија? Која е државната политика на Хрватска со монополизација на паарот за националната авиокомпанија, која е политиката на Македонија со ефтини летови. Може не до толку баби и жаби, колку што е непотребен начин за балканско "мерење кур".
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 14160
  Quote Џоле Quote  Post ReplyReply #1357 Posted: 20-Dec-2021 at 19:51
TAV SAW THE FIRST SIGNS OF AIR TRAFFIC RECOVERY: For 11 months Skopje and Ohrid airports handled 1,3 million passengers

Skopje International Airport and Ohrid St. Paul the Apostle Airport handled 1,3 million (1.256.263) passengers for the 11 months of 2021, which is a 71% increase compared to the same period in 2020, showing the first signs of passenger traffic recovery, after the negative impact of Covid-19 to aviation sector. At the same time, January-November 2021, both Macedonian airports served 13.679 flights, which is an annual increase of 63% compared to 2020.

“This year we saw the first solid signs of passenger traffic recovery at Skopje and Ohrid airports, after the negative impact Covid-19 caused to aviation sector since the start of the pandemic in 2020. The positive travelling trend, feed by passengers’ hunger for air travel and their enthusiasm to get back to the normal travelling they had before Covid-19, was especially felt in the summer months of 2021 when EU travel restrictions for Macedonian passport holders were temporarily lifted, to then be facilitated with vaccination certificates as a condition for touristic travels for most of the countries. Still, there are a lot of challenges ahead us, because the air traffic will continue to be highly dependable on the air travel restrictions by different countries, while airports, passengers and airlines will try to adapt to the frequent changes of rules based on different national health policies”, states Metin Batak, TAV Macedonia General Manager.

Although the current trend is rising and both Macedonian airports had an increase in passengers number by 71% compared to 2020, the level of passenger traffic is still - 49% and the level of flights still -32%, compared to the figures achieved in the same period of 2019, considered as a referent year in aviation.

Batak emphasizes that the recovery of the Macedonian air traffic market, should move within the ACI’s forecast for the global air traffic movement, whose optimistic scenario projects that 2021 will be finished with -56% of the air traffic in 2019, while 2022 global air traffic will be on the level of -23%.

- “As a developing and a fast-growing market, as the Macedonian airports were before the crisis, we may rise back little bit faster than the developed EU aviation markets, since our traffic is mostly low-cost, while the developed EU markets base their traffic on legacy carriers. However, the fact that more than 70% of our total air traffic is concentrated on the European markets and their air travel rules for Macedonian citizens change very frequently, we are always in a state of alert, in order to be able to react and adapt quickly. The air traffic recovery speed will be prone to all new blows of the pandemic, especially as airports now brace the Omicron impact”, explains Batak.

TAV Macedonia air traffic statistics for the 11 months of 2021, shows that the most frequent destinations from Skopje International Airport are Istanbul (12%), Zurich (7,7%), Basel (7,3%) and Vienna (7,0%), while from Ohrid St. Paul the Apostle Airport those are: Zurich (33,2%), Basel (21,7%), Memmingen (18,2%), Vienna (9,8%) and Dortmund (9,8%).

According to the current, winter flight schedule, there are 36 destinations from Skopje Airport, operated by 13 airlines and 7 destinations from Ohrid Airport operated by two airlines.

From the beginning of covid-19 pandemic, airlines make very frequent changes in their flight schedules, while countries also make very frequent changes in their air travel rules.

Therefore, TAV Macedonia always appeals to passengers to check the latest information regarding flights and the air travel conditions, with their airline and Embassy of the country they’re about to travel.

http://skp.airports.com.mk/en-EN/media-centre/press-releases/page/tav-saw-the-first-signs-of-air-traffic-recovery-
За сè има вторпат
Back to Top
 Post Reply Post Reply Page  <1 666768

Forum Jump Forum Permissions View Drop Down



This page was generated in 0.547 seconds.

Copyright ©2007 - 2022  build.mk

Коментарите на форумот претставуваат лично мислење на нивните автори и не претставуваат официјален став на build.mk.