Надградба на ГТЦ

Други можности се кафич во сопственост на ГТЦ на кровот и редовно организирање културни и забавни настани, а може и спортски и едукативни (мали турнири во фудбал, ракомет, шах..., школски натпревари по секој предмет итн.) и намалено ДДВ/зголемен поврат на купеното од ГТЦ, Бисер и останатите трговски центри во пропаѓање.

Originally posted by Staro Skopje А неколку битни шалтери да преселат на 2 кат? Централни и локални даноци, вадење изводи, плаќање сметки... може и поголема училница каде студенти од повеќе факултети би изучувале македонски јазик и литература, предмет задолжителен за сите во првиот семестар. Ако не регуларна, наставата би била екстерна - курс без кој нема да може да се дипломира.

Да се малку повеќе креативни и храбри тие што треба да бидат, ГТЦ може да е преполн 24/7.

А неколку битни шалтери да преселат на 2 кат? Централни и локални даноци, вадење изводи, плаќање сметки... може и поголема училница каде студенти од повеќе факултети би изучувале македонски јазик и литература, предмет задолжителен за сите во првиот семестар. Ако не регуларна, наставата би била екстерна - курс без кој нема да може да се дипломира.

причината зошто дуќаните се празни е поради лошите услови и високата кирија

инаку не знам зошто се лажете дека проблемот е до ГТЦ а не до трендовите, како се отвара нов мол, останатите изумираат, да не беше Косово во Сити мол и Рамстор сега штурци ќе свиреа... и Сити мол е до пола полн и дуќани стално се отвораат и затвораат

Уф би рекол тешко сето ова Сегашиве Власти живејат во некој свет кога Скопје некогаш било „преубаво и премодерно“ ама тоа е веќе минато. Таа некогашна „убавина“ со која се гордеат нема да донесе ништо освен повеќе „лоши“ денови и уште „празни дуќани“ во ГТЦ. На плус 35+ во лето или пак на -15 во зима со попатен смог, сигурно нема да шетам по ГТЦ за да „ме бие промаја“. ГТЦ има две опции според мене, брза модернизација (ако сака да остане „мол“) или нека го тргнат оттука па здравје боже натаму да видиме некој бизнис-центар како што и доликува на една „европска“ метропола.

Сите тие бутици и маалски дуќани се осудени на пропаст штом почнаа да никнуваат првите молови низ градот а сега тоа само се повеќе и повеќе доаѓа до израз бидејќи почнаа молови да никнуваат на многу места па така овие другиве ќе мора да стават клуч на врата...пустелија се и Мавровка,Скопјанка,Бисер каде освен по некоја кафетерија и бурекџилница друго ништо неможе да опстои.Изградбата на Ист Гејт и Дајмонд значително ќе ги загрози и Капитол и Рамстор за другиве да не коментирам,незнам каква понуда ќе даде молот во рамки на Скај Сити комплексот.

Со ГТЦ се управува лошо веќе неколку децении, можам да замислам што ќе се случи по отворање на трговските центри кај Дајмонд и Скопје Ист Гејт

Приземјето никогаш нема да одумре, подрумот можеби ќе опстои поради маркетите, но првиот и вториот кат и сега зјаат празни, пола дуќани се веќе затворени.

Над 80 дуќани во ГТЦ затворени - се издаваат без кирија, сметките „изгор“, дел од нив паушални



https://tv21.tv/mk/nad-80-dukani-vo-gtts-zatvoreni-se-izdavaat-bez-kirija-smetkite-izgor-del-od-niv-paushalni/

Добра е идејата со библиотека. Во еден таков случај ГТЦ би требало да се преименува во Градски центар - ГЦ. Да не биде фокусот на продавници туку да се направи голема читална/библиотека која би била бесплатна за користење од страна на студентите од УКИМ и на тој начин ГЦ да стане централно место за собирање на студентите. Дополнително, одлична би била таа идеја со ресторан на сите катови. Продавници само на прв кат каде што поминуваат луѓе. А и тоа на кровот да се направи пазар, исто така е супер. На ваков начин изгледот не би се променил премногу, но би бил функционален за денешно време.

ГТЦ има подобра локација од кој било друг трговски во градов, тоа што е празен е плод на катастрофален менаџмент. Во САД трговските умираат и биваат заменети со отворени outlet центри, кај нас релативно на куповната моќ работат добро, а 3 во моментов се градат. Треба малку поопширна дебата за македонската трговија, па да видиме каде и како треба да се инвестира.

Додека уште не е готов проектот за паркингот карши, државните органи треба да издејствуваат:
- неограничена висина за станбени, деловни и угостителски кули;
- пешачки коридор од влезот на ГТЦ до Железничка станица;
- парк и ноќни клубови;
- отсуство на трговски центар и поголеми комерцијални содржини.

На овој начин, просторот до ГТЦ би се пополнил со луѓе, а самиот ГТЦ ќе стане уште побитен коридор помеѓу плоштадот, паркингот-претворен-во-кули и железничката станица. Внатре треба да се отвори барем еден кафе бар на сите четири ката и неколку ресторани на последниот, а доколку има услови за тоа, во подрумот да има и ноќен клуб. На приземје и прв кат да се повикаат попопуларните брендови кои ги има во другите ТЦ, но и оние кои не се присутни во Македонија, а на втор да останат послабите продавници, за да има за секој по нешто. Сигурно има простор и за студентска читална. Со зелено пазарче на кров, ГТЦ и тоа како ќе живне.

Една од внатрешните кули да се пренамени во административна (по можност нешто со многу шалтери и проток на луѓе), другата во деловна, а предните три може да станат хотели, факултети, студентски домови... или пак да се дадат на саглам инвеститор кој ќе ги реставрира (по проект изработен од државата) и продаде/изнајми/користи за себе, а за возврат да им изгради станови на станарите. Со малку визија, би му се дало да гради 30-катници во Маџир и Ново Маало наместо сегашните голубарници, кои би биле доволни за сегашните станари од ГТЦ + многу нови (=профит).

Се разбира, нужна би била и целосна автентична реставрација и осветлување на објектот, нови лифтови, нови тоалети, поголем заеднички јавен простор (некој квази-амфитеатар каде би настапувале улични уметници), оживување на конгресниот центар (работи ли тој?)... Имајќи го предвид значењето на објектот, во финансирањето би се вклучиле Владата, Град Скопје и Општина Центар, а средствата би почнале да се враќаат со функционален ГТЦ.

Мало освежување и модернизирање на изгледот не е проблем, сѐ додека се почитува автентичноста на зградата. Еве идеја за кулите (која може значително да се подобри):

Originally posted by Џоле