build.mk Homepage
Forum Home Forum Home > Главни теми > Урбани прашања > Јавен превоз
  Active Topics Active Topics RSS Feed: Јавен автобуски превоз (општо)
  FAQ FAQ  Forum Search   Register Register  Login Login

Јавен автобуски превоз (општо)

Bookmark and Share
 Post Reply Post Reply Page  <1 7879808182>
Author
Message
  Topic Search Topic Search  Topic Options Topic Options
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5359
  Quote гитардемон Quote  Post ReplyReply #1581 Posted: 25-Mar-2021 at 21:15
Порастот од 0,02 на 0,137 е 585% (па заокружиле на 700%), ама процентуален пораст и пад не се едно и исто.

Е сега ако пресметувале нешто со број на патници, ова она, можеби има смисла да е повеќе од 85%, но математички е невозможно падот на една вредност да е повеќе од 99.99%. Едноставно не може. Како делење со нула.
Arguing on the internet is like running at the special olympics. Even if you win, you're still retarded.
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2656
  Quote Staro Skopje Quote  Post ReplyReply #1582 Posted: 25-Mar-2021 at 22:39
Евентуално ако има филтри за воздух и сади дрвја дур вози, па да биде PM негативен.
Градот убав никна, но го откорнаа
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1583 Posted: 30-May-2021 at 17:29
Конечно Тетово најде возачи, Арифи: Автобусите за градски превоз многу брзо во употреба



https://mk.tv21.tv/konechno-tetovo-najde-vozachi-arifi-avtobusite-za-gradski-prevoz-mnogu-brzo-vo-upotreba/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1584 Posted: 01-Jun-2021 at 13:30
ГРАД СКОПЈЕ ЌЕ ПРАВИ НОВИ РУТИ ЗА ДВИЖЕЊЕ НА АВТОБУСИТЕ, СЕГА ВОЗАТ СПОРЕД КОНЦЕПТ ОД ПРЕД 40 ГОДИНИ

Град Скопје ќе воведува нови линии на автобусите, со кои ќе се замени сегашната организација на јавниот превоз стара 40 години. Денеска беше потпишан договор со израелско-англиски конзорциум, кој во рок од една година треба да понуди нов концепт на движење на автобусите низ градот. Оваа студија ќе понуди нови автобуски рути, унапреден систем за наплата и унапреден возен ред. Дополнително, студијата ќе ги вклучи и двете рути на брзиот автобуски транспорт (БРТ).

Како што кажа на денешната прес-конференција градоначалникот Петре Шилегов станува збор за исклучително искусни и реномирани компании кои изработувале вакви студии за потребите на јавниот превоз на градови од Израел, Велика Британија, Романија, Литванија, Хрватска и други земји членки на ЕУ.

„Имајќи предвид колку градот е променет за овие 40 години и во однос на популацијата и во однос на урбаниот развој, изработката на оваа нова студија е и повеќе од неопходна. Застарениот концепт е причината за континуираниот пад на атрактивноста на јавниот превоз во Скопје, а со тоа и неколкукратно намалениот број на патници кои ги користат услугите на ЈСП и приватните превозници, за сметка на зголемувањето на употребата на автомобили што го прави неодржлив системот на јавен градски превоз. Од оваа студија очекувам да понуди нови решенија за системот на јавниот превоз кои ќе ја зголемат неговата популарност што недвосмислено води до пораст на бројот на патници кои го користат јавниот превоз, правејќи го индивидуалниот автомобилски превоз помалку атрактивен, а градскиот одржлив“, кажа Шилегов.

Студијата е опфатена со проектот за набавка на 33 еколошки автобуси кои беа купени преку кредит од Европската банка за обнова и развој (ЕБОР). Во рамките на тој проект од ЕБОР е обезбедена и техничка поддршка преку грант од неповратни средства за изработка на Студија за оптимизација на мрежите на линии на автобускиот јавен превоз.

https://sdk.mk/index.php/dopisna-mrezha/grad-skopje-ke-pravi-novi-ruti-za-dvizhene-na-avtobusite-sega-vozat-spored-kontsept-od-pred-40-godini/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1585 Posted: 02-Jun-2021 at 07:12
Град Скопје ќе плати 320.000 евра за студија за подобар градски превоз

Градот Скопје потпиша договор со странска компанија да спроведе студија за олеснување на јавниот превоз. Според нив, студијата наречена BRC, ќе направи реорганизација на градските автобуски линии за да се олесни сообраќајниот метеж. Студијата ќе ја спроведе конзорциум од израелска и к британска компанија, а ќе чини нешто над 320 илјади евра.



https://alsat.mk/mk/grad-skopje-ke-plati-320-000-evra-za-studija-za-podobar-gradski-prevoz/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1586 Posted: 22-Jun-2021 at 11:19
Порталб: Градските автобуси за Тетово шест месеци „спијат“ на паркинг



Додека директорот на ЈП „Тетово Транспорт“, Дарко Спировски, чека нов сообраќаен режим во Тетово за автобусите да започнат да сообраќаат, бидејќи, според него, во моментов нема услови за тоа, Секторот за сообраќај во Тетово не размислува за такво нешто. Од таму нагласуваат дека режимот е подготвен пред две децении, а, иако признаваат дека ќе има проблем со точноста на пристигнувањето на автобусите навреме, според тогаш одредените сатници, велат дека проблемот не е кај нив, туку во Законот за легализација. Ариф Селами од Алијанса за Албанците, пак, вели дека на Тетово не му недостигале само автобуси, туку и план за нивно функционирање, пишува Порталб.мк.

Иако поминаа речиси шест месеци откако пет автобуси за јавен превоз пристигнаа во Тетово, возилата сè уште не се видени низ градот.

Пред два месеца, во интервју за Порталб.мк, директорот на ЈП „Тетово Транспорт“ истакна дека сè уште не се обезбедени инфраструктурните услови за автобусите да можат да сообраќаат без дополнителни проблеми во Тетово и додаде дека сегашните услови ќе го оневозможат почитувањето на однапред договорениот распоред.

Според советникот во Совет на општина Тетово од Алијансата за Албанците, Ариф Селами, постојат сомнежи дека некогаш ќе созреат условите за работа на пет автобуси паркирани во Тетово од јануари. Тој вели дека општинските власти доцнат со подготовките за планирање и организирање на јавниот транспорт во градот.

„Тетово останува без јавен превоз и покрај бројните ветувања на локалната самоуправа со години. Сите ние како граѓани сме разочарани од доцнењето и неисполнувањето на ветувањата и со право сме скептични дека ова прашање некогаш ќе се реши. Бидејќи сум дел од Советот, овој скептицизам е уште поголем, а се заснова на информациите што ни се доставени за ова прашање. Иако автобусите се паркирани во зградата на Противпожарната служба од јануари годинава и имаме нов директор на претпријатието, не можеме да се надеваме на функционирање на јавниот превоз без регулирање на сообраќајот, режимот на сообраќај во еден правец во одредени улици, без постојана соработка со СВР Тетово, без отворање булевари и без уредување на градскиот паркинг. Со оглед на временската амортизација, вредноста на автобусите опаѓа уште пред да бидат искористени, а времето на отплата на заемот се приближува секој ден! Значи, јасно е дека во јавниот превоз не недостасуваа автобуси, туку предвидување, планирање и организација“, вели Ариф Селами, советник на Алијансата за Албанците во Општина Тетово.

Што велат од единицата за сообраќај во општина Тетово?
Според надлежните за регулирање на сообраќајот во Општина Тетово, режимот на сообраќај е непроменет две децении и нагласуваат дека во наредните денови ќе има интензивирање на контролите од страна на СВР Тетово и општинските власти.

„Сообраќајниот режим е подготвен пред две децении и ништо не е сменето, бидејќи на булеварот Илинден никогаш не било дозволено паркирање, освен во мал дел во близина на плоштадот, каде што условите на патот дозволуваат, односно каде што функционира зонското паркирање. Сепак, обично со доаѓањето на летната сезона (со доаѓањето на припадниците на нашата дијаспора), единицата за сообраќај заедно со СВР ги интензивираат и координираат чекорите за да се обезбеди поголема ефикасност во сообраќајот“, велат од општинското одделение за сообраќај.

Иако булеварот „Благоја Тоска“ сè уште не е отворен, а работата на терен за такво нешто не е ни почната, одделението за сообраќај во Тетово сепак го споменува како една од артериите што би помогнала во функционирањето на јавниот превоз, заедно со булеварот „Видео Смилевски – Бато“, кога ќе биде целосно отворен за сообраќај.

Булеварот „Видео Смилевски – Бато“ е капитална инвестиција на општината која овозможува растоварување на сообраќајот во три тетовски населби (Дреновец, Порој, Џепчиште, како и за возилата што секојдневно сообраќаат на релација од Теарце до Тетово). Исто така, камионите што сообраќаат кон граничниот премин Јажинце веќе се движат низ новиот булевар „Видео Смилевски – Бато“. Булеварот „Благоја Тоска“ исто така ќе биде нова артерија што ќе го олесни сообраќајот во Тетово, додаваат од Одделението за сообраќај на Општина Тетово.

На прашањето зошто досега не е подготвен планот за функционирање на јавниот превоз во Тетово, од општината истакнаа дека за нив најважно било обезбедувањето на пет автобуси, а делот на условите ги сметаат за „прашање на време“ .

„Важно е дека ветената инвестиција за пет автобуси е веќе направена. Функционирањето на претпријатието е прашање на време. Административното екипирање на раководството и оперативното функционирање мора да се направат на вистинско ниво, со цел кога ќе стартуваат автобусите да нема проблеми од оперативен карактер, што би ја комплицирало работата на претпријатието“, додаваат од Одделението за сообраќај на Општина Тетово.

Од таму не се согласуваат со изјавата на директорот на ЈП „Тетово Транспорт“, Дарко Спировски, дека во Тетово со сегашните услови е невозможно јавниот превоз да функционира и додаваат дека со помош на СВР и создавање на велосипедски ленти, тоа ќе биде можно.

„Актуелниот директор има должност да управува со јавното претпријатие „Тетово Транспорт“ во постојните услови. Помош од СВР-Тетово и воспоставување урбани линии, употреба на велосипеди и зголемена будност од сообраќајната полиција ќе овозможат подобро движење на автобусите “, велат од Општина Тетово.

На прашањето дали може да се гарантира правилно функционирање на јавниот превоз во Тетово, Општина Тетово призна дека може да има доцнења од една до друга станица, но вели дека со неодамнешните општински проекти, може да се одвива јавен превоз.

„Јавниот превоз може да се одвива, само што патувањето со автобус може да трае подолго од планираното. За да се избегнат доцнењата во сообраќајот, треба да се работи што е можно повеќе за да се отстранат возилата паркирани на булеварот. Со законот за легализација на дивоградбите, каде што нема критериум секоја зграда или стан да има сопствен паркинг, градот Тетово беше оштетен исто како и другите градови во земјата, и не може да обезбеди паркинзи за жителите, и не може да го следи трендот на двојно зголемување на бројот на возила“, велат од Одделението за сообраќај на Општина Тетово.

Инаку, ветувањето за јавен превоз во Тетово, градоначалничката на Тетово, Теута Арифи го даде во својот прв мандат во Програмата за локални избори за 2013 година „Градиме заедно“, а истото го повтори и во дебатата организирана од „БИРН Косово“ и „Порталб.мк“ во октомври 2017 година.

https://meta.mk/portalb-gradskite-avtobusi-za-tetovo-shest-meseci-spijat-na-parking/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1587 Posted: 10-Jul-2021 at 10:39
ПЕТТЕ АВТОБУСИ ЗА ЈАВЕН ПРЕВОЗ ВО ТЕТОВО ШЕСТ МЕСЕЦИ ЧЕКААТ ДА ПРОВОЗАТ

Поминаа цели шест месеци откако градоначалничката на Општина Тетово Теута Арифи јавно објави дека Тетово, после години и години чекање, конечно ќе добие јавен градски превоз. На таа свеченост, одржана на крајот на јануари годинава во присуство и на министерот за економија Фатмир Бесими, беа промовирани петте градски автобуси, при што беше речено дека е потребно да се средат само некои административни формалности и градскиот автобуски превоз наскоро ќе започне да функционира.

Тоа средување на административните формалности трае повеќе од шест месеци, а за тоа време петте автобуси седат паркирани на плацот кај противпожарната станица во Тетово.

Директорот на Јавното претпријатие „Градски превоз“ Дарко Спировски, вели дека не може со сигурност да каже кога официјално ќе стартува градскиот превоз , но тоа може да се случи набрзо.

„Сега сѐ уште сме во подготвителна фаза. Извршивме обука на дел од возачите на автобусите и повремено ги пуштаме во сообраќај за да можат возачите подобро да се запознаат со условите за возење низ градот. Тоа се пробни возења, за стекнување искуство на возачите. Исто така, во тек е опремување на канцелариите во спортската сала каде ќе биде сместена дирекцијата на Јавното претпријатие. Кога точно ќе започне да функционира градскиот превоз засега не може со сигурност да се каже бидејќи тоа зависи од многу фактори, а има уште технички работи кои треба да се завршат, но тоа би требало да биде набрзо“, вели Спировски.

Еколошките друшта од Тетово редовно ја критикуваа градоначалничката Арифи зашто ништо не презема за Тетово да добие јавен превоз како и многу други градови во државата, за да се намали загадувањето на воздухот и да се растерети сообраќајот во градот. Затоа, кога се објави дека и Тетово добива јавен превоз, екологистите ја поздравија таа одлука, но сега повторно ја критикуваат Општината бидејќи предолго се чека тој да проработи.

„Автобусите наменети за функционирање на градскиот јавен превоз шест месеци стојат паркирани и шест месеци се амортизираат без да направат ниту еден километар. Потребата на Тетово за јавен градски превоз е голема и жално е што Општината досега не успеа да ги стави во употреба овие автобуси. Се добива впечаток дека тие се земени само за реклама, а всушност треба што е можно поитно да се стават во употреба. Кога ќе биде тоа ние не знаеме, но мислам дека тоа најверојатно ќе биде некаде пред почетокот на локалните избори и навистина нема воопшто нема да бидам изненаден ако тоа се случи токму тогаш“, вели Аријанид Џафери од движењето „Еко герила“.

Јавниот градски превоз во Тетово е предвидено да се одвива по булеварите Илирија и Илинденска, но овие сообраќајници денес се едни од најоптоварените со возила и често има по два па и три редови паркирани возила. За да може градскиот сообраќај да профункционира се предвидува да се забрани паркирањето на овие сообраќајници.

„Во наредниве неколку денови ќе завршиме со поставувањето на велосипедската патека на булеварот Илинденска, па потоа овде и на булеварот Илирија ќе се обележи посебна жолта лента по која ќе се движат автобусите од градскиот сообраќај. Тоа ќе значи дека на овие две сообраќајници веќе не ќе може да има паркирање на возила на коловозот. Ако не го направиме тоа, автобусите не ќе можат да се движат или ќе се движат крајно отежнато, а тоа не е во функција на јавниот превоз. Тие што досега се паркирале на коловозот ќе мора да најдат друго место за паркирање“, вели Арсим Нуредини, раководител на Секторот за комунални дејности при Општина Тетово.

https://sdk.mk/index.php/dopisna-mrezha/pette-avtobusi-za-javen-prevoz-vo-tetovo-shest-mesetsi-chekaat-da-provozat/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1588 Posted: 12-Jul-2021 at 17:05
Отвори го пенџерчето…

НЕ СЕ ВКЛУЧУВААТ КЛИМА-УРЕДИТЕ ВО НЕКОИ АВТОБУСИ
Жешкото време, високите летни температури и неподносливо задушливиот воздух, ги принудија граѓаните да го зголемат користењето на автобускиот превоз, бидејќи пешачењето во овие временски услови воопшто не е препорачливо во периодот од десет до 17 часот.
Факт е дека обврските мора да се завршат, независно какви се временските услови и покрај предупредувањата за штетните последици од високите температури по човечкото здравје.

АВТОБУСИ БЕЗ КЛИМА-УРЕДИ

За жал, на овие пеколни горештини, граѓаните велат дека клима-уредите во многу автобуси не функционираат, односно дека не се вклучени.
Борбата за отворен прозорец е доста тешка, особено доколку во нив се возат луѓе што имаат страв од фамозната „промаја“, од која најмногу се разболуваме само ние на Балканот.
– Не знам од која причина не беше вклучена климата во автобусот, но верувајте внатре не се издржуваше. Беше ужасно задушливо и спарно, а прозорецот беше затворен и не смеевме да го отвориме, затоа што неколку лица не ни дозволија поради тоа што ќе ги дувала промаја. На една девојка дури ѝ се слоши во автобусот. Задушливиот воздух плус и заштитната маска преку устата и носот, навистина придонесуваат за влошување на здравствената состојба на патниците – вели Благица Боцева.
Според корисниците на јавниот градски превоз, состојбата не е ваква во сите автобуси, туку во некои.
– Има и возачи што ја вклучуваат климата, па возењето е пријатно. Но во оние каде што не е, особено во периодите кога има зголемена фреквенција на патници, навистина е тешко да се возите во автобус – вели таа.

ИНСПЕКТОРИТЕ СЕ НА ТЕРЕН

Градските власти велат дека редовно ги контролираат превозниците што вршат организиран јавен превоз во рамките на Скопје.
– Град Скопје редовно врши контрола врз сите лица што вршат организиран јавен превоз во рамките на градот Скопје, во согласност со Одлуката за линиски превоз на патници во градот Скопје.
Во однос на температурата, во согласност со прописите, сите автобуси што вршат јавен превоз во Скопје мора да се проветруваат и температурата мора да биде помеѓу 10 и 25 степени. Доколку превозниците не се придржуваат до овие одредби, истите тие можат да бидат санкционирани од страна на овластените инспектори за патен сообраќај на Град Скопје – информираат градските власти.
Оттаму додаваат дека инспекторите се на терен и ќе ги санкционираат сите што не се придржуваат до овие правила.
– Нашите инспектори се на терен и ги контролираат автобусите и оваа состојба, а истите тие ќе ги засилат нивните активности на терен. Ги повикуваме сите граѓани што ќе забележат ваква појава истата таа да ја пријават до инспекторатот на Град Скопје – потенцираат од Градот.

https://www.novamakedonija.com.mk/makedonija/skopje/отвори-го-пенџерчето/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1589 Posted: 14-Aug-2021 at 08:52
Од понеделник Тетово со градски превоз – 8 години чекање за набавка, 8 месеци за да се пуштат во употреба



По осум години ветувања и осум месеци стационирани на паркот кај Пожарната во Тетово, од понеделник се очекува во овој град да почнат да сообраќаат автобусите на градскиот јавен превоз.

Најпрвин ќе бидат пуштени две линии кои ќе сообраќаат на секои 30 минути на релација Автобуска станица „Монопол“, булеварот „Лирија“ и булеварот „Илинден“ и обратно. Втората линија ќе се протега од градскиот стадион, центарот и булеварот „Илинден“. Ова за ТВ21 го потврди директорот на Претпријатието „Тетово транспорт“, Дарко Спировски.

Автобусите ќе сообраќаат на секои 30 минути.

Еден билет ќе чини 20 денари, а месечната 900 денари, а годишната карта 9.000 денари.

За студентите и административците месечниот билет ќе чини 600, а за возење на годишно ниво -6.000 денари. За општинската администрација цената на месечниот билет ќе изнесува 450, а годишниот 4.500 денари.

Пензионерите над 62 години и лицата со телесна попреченост, за месечен билет ќе плаќаат 350, а за возење на годишно ниво 3.500 денари, додека за лицата со над 80% инвалидитет возењето ќе биде бесплатно.

https://mk.tv21.tv/od-ponedelnik-tetovo-so-gradski-prevoz-8-godini-chekane-za-nabavka-8-mesetsi-za-da-se-pushtat-vo-upotreba/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1590 Posted: 16-Aug-2021 at 15:02
ТЕТОВО ДОБИ ГРАДСКИ АВТОБУСКИ ПРЕВОЗ, ЗА ПОЧЕТОК ЌЕ ИМА ДВЕ ЛИНИИ

Четири години откако е формирано ЈП „Тетово транспорт“ и осум месеци откако пристигнаа петте автобуси, конечно проработе јавниот градски превоз во Тетово. Медиумските работници од Тетово и претставниците на локалната самоуправа ја имаа честа први да се возат во новите автобуси. Тесните градски улици пренатрупани со паркирани возила ќе бидат голем предизвик за нормално одвивање на градскиот сообраќај, но надлежите се оптимисти и велат дека граѓаните брзо ќе го прифатат јавниот превоз и ќе овозможат негово непречено одвивање.

„Денеска е голем ден за Тетото бидејќи е завршен уште еден голем проект. Заврши уште една долга приказна, уште една успешна мисија. На граѓаните на Тетово им посакувам што повеќе да го користат градскиот јавен превоз, со цел да имаме што е можно помалку метеж на тетовските сообраќајници. Цената на превозот ќе биде 20 денари, но исто така имаме обезбедено бенифиции за учениците, студентите и социјалните случаи, кои ќе можат да се возат по пониски цени“, изјави Беким Meмети, претседавач на Советот на Општина Тетово.

Во јавниот превоз ќе бидат вклучени пет автобуси и 10 возачи, а за почеток, ќе сообраќаат од градската автобуска станица до Универзитетот на Југоисточна Европа, додека втората линија ќе оди од автобуската станица преку градскиот стадион до центарот на градот. Во зависност од потребите, ќе се воведуваат и нови линии, а можно е постоечките да се коригираат.

„Во наредните десетина дена јавниот превоз во Тетово ќе биде бесплатен. Во овој период, ние ќе треба да ги запознаеме граѓаните дека е започнат јавниот градски превоз и ќе ги тестираме линиите, а учесниците во сообраќајот да обрнат повеќе внимание на ова и да не го попречуваат движењето на автобусите. Во автобусите ќе се почитуваат сите протоколи за заштита од ковид-19, а пополнетоста ќе биде до 50 проценти од капацитетот“, вели Дарко Спировски, директорот на ЈП „Тетово транспорт“.

https://sdk.mk/index.php/dopisna-mrezha/tetovo-dobi-gradski-avtobuski-prevoz-za-pochetok-ke-ima-dve-linii/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1591 Posted: 24-Aug-2021 at 10:47
Тетовските автобуси имаат слободен ден во недела

Иако поминаа осум месеци откако пет автобуси за јавен превоз пристигнаа во Тетово, тие започнаа да сообраќаат низ Тетово дури минатата седмица, поточно два месеца пред локалните избори.

Иако требаше многу време тетовци да ги дочекаат одамна ветуваните автобуси, тие во неделата не сообраќаа низ градот. Од Јавното претпријатие „Тетово транспорт“ соопштија дека во недела не работат, пишува Порталб.мк.

Новинарот на Порталб.мк во неделата забележат дека четири градски автобуси се паркирани кај зградата на Противпожарната служба, а еден на автобуската станица, по што контактирал со Јавното претпријатие „Тетово транспорт“, од каде добил одговор дека градскиот јавен превоз во Тетово не работи во недела. Според нив, сè уште не е одлучено дали автобусите ќе сообраќаат во градот и во недела.

„Не, во моментов не знаеме дали ќе работиме во недела во иднина, но не верувам. Ќе Ве известиме“, рекле од „Тетово Транспорт“ за Порталб.мк.

Директорот на Јавното претпријатие „Тетово транспорт“, Дарко Спировски во интервју за Порталб.мк, минатата седмица изјави дека сега се создадени минимални услови за работа на автобусите за јавен превоз во Тетово. Иако претпријатието е формирано, некои работи и понатаму се недовршени и затоа, според Спировски, потребно е време да се дефинираат и определат многу прашања во врска со претпријатието и работите во него.

Инаку, ветувањето за јавен превоз во Тетово, градоначалничката на Тетово, Теута Арифи го даде за својот прв мандат во Програмата за локални избори во 2013 година „Градиме заедно“, и истото го повтори и во дебатата во организација на „БИРН Косово“ и „Порталб.мк“ во октомври 2017 година.

https://meta.mk/tetovskite-avtobusi-imaat-sloboden-den-vo-nedela/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1592 Posted: 28-Sep-2021 at 16:26
Градот Скопје ќе банкротира со бесплатен јавен превоз

Колку би чинел функционален бесплатен јавен превоз во Скопје, како што предлагаат дел од кандидатите за градоначалник на Скопје.

Од ЈСП велат дека велат според грубата пресметка, јавниот превоз во Скопје ги имал следниве месечни трошоци, ако како репер ја земеме непандемиската 2019 година:

За гориво околу 600 илјади евра, за плати милион евра, 400 илјади евра за приватни превозници, и 300 илјади евра за оддржување. Просечниот приход бил 750 илјади евра од продажба на билети. Значи, за 2019 година вкупните месечни трошоци биле околу 2,3 милиони евра, а вкупните годишни трошоци биле над 27 милиони евра, додека вкупните годишни приходи од продажба на билети биле околу 9 милиони евра.

Експерти кои се упатени во проблематиката со јавниот превоз, укажуваат дека воведувањето на бесплатниот јавен превоз или комплетно ќе го блокира јавниот превоз или ќе го банкротира градот Скопје.

За да се воведе функционален јавен превоз треба најмалку двојно, или тројно да се зголемат бројот на автобуси, вработени, и месечни трошоци. Имено, ако не се зголемат постојните капацитети, автобусите би биле преполни, би се полнеле уште на првите станици и бесплатниот јавен превоз би бил сосема нефункционален.

Ако се пресмета цената на чинење на новите автобуси кои мора да се набават (автобуската флота треба барем двојно да се зголеми), ако на тоа се додадат двојно поголемите месечни трошоци за гориво, плати, и одржување, и ако се намалат приходите од продажба на билети, тогаш ЈСП би работело само со загуба.

Ако се воведе бесплатен јавен превоз, со нови автобуси, со нови автобуски линии, и без билети, за да биде функционален, градот Скопје ќе банкротира уште во првата година. Ако се воведе пак бесплатен јавен превоз без зголемување на капацитетите, јавниот превоз ќе биде нефункционален и комплетно блокиран во поголем дел од денот, а градот Скопје ем ќе нема добар јавен превоз, ем ќе банкротира за еден мандат.

https://nezavisen.mk/gradot-kje-bankrotira-so-besplaten-javen-prevoz/
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7763
  Quote zabegan Quote  Post ReplyReply #1593 Posted: 28-Sep-2021 at 20:59
да бидеме реални, има една единствена причина зошто бесплатен јавен превоз е глупост и не носи ништо ново... проблемот е што ЈСП е дупка без дно и тие трошоци ќе ги покрива градот, па така место преку билети ќе ги плаќаме преку даноци
инаку се избегнува главниот проблем, дека ЈСП е загубарско претпријатие што се користи со трикови и изговори како да се наполнат нечии џебови, притоа воопшто не инвестирајќи во ништо
револтот на граѓаните е токму поради ова, а не поради цената на билетите

Edited by zabegan - 28-Sep-2021 at 21:00
Architects create dreams...politicians create nightmares
Back to Top
kiriOK View Drop Down
Senior Member
Senior Member
Avatar

Joined: 11-Apr-2012
Location: Tamworth,UK
Online Status: Offline
Posts: 898
  Quote kiriOK Quote  Post ReplyReply #1594 Posted: 28-Sep-2021 at 23:00
После зошто Македонија е бедна и сиромашна држава, како ќе биде друго кога имаш кључни јавни претпријатија кои работат со тројно поголеми загуби од приходи па на врв на тоа додатно ќе се дава цела недела безплатен превоз.
Ваква услуга без пари нема ни во Скандинавија.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1595 Posted: 08-Oct-2021 at 17:25
Градските автобуси како џиновски канти за отпадоци

ПАТНИЦИТЕ ФРЛААТ ЃУБРЕ ВО ЈАВНИОТ ГРАДСКИ ПРЕВОЗ
Користењето градски јавен превоз значи и почитување на правилата и прописите што постојат за патниците што се возат со него, но и чување на автобусите, за што повеќе и подолго да траат и да можат да ги користат сите граѓани. За жал, некултурата и несовесноста на граѓаните што го користат градскиот превоз се гледаат не само по нивното однесување во автобусите туку и по тоа што останува во автобусите по нивното користење.

НА ПОДОВИТЕ НА АВТОБУСИТЕ РЕДОВНО ИМА ЛИМЕНКИ, ЛУШПИ ОД БАНАНИ, МАРАМЧИЊА…

Лушпи од сончоглед, семки и банани, разни отпадоци од храна и грицки, лименки од пиво и сокови, пластични шишиња од вода и сокови, влажни марамчиња, ќеси и разни други отпадоци се редовната слика со која секојдневно се соочуваат возачите на јавното сообраќајно претпријатие во главниот град. Оттаму велат дека сликата секојдневно е иста и дека насекаде се фрла ѓубре, без никаков срам од страна на патниците.
– Воопшто не се загрижени што фрлаат пред другите патници, ниту пак се загрижени дека со тоа си предизвикуваат сами на себе штета, бидејќи така само ги уништуваат автобусите, кои треба да ни служат на сите. Најголем проблем е кога истураат вода и сокови во автобусот, па, згора на сѐ, грицкаат и сончоглед, чии лушпи кога ќе се залепат со сокот, едвај може да се избришат и изметат. Имаме проблем и со шарање на прозорците, мачкање со храна, па јас кога ќе застанам на последната станица, земам средство и бришам – вели возач на автобус.
Оние посовесните патници на автобусите велат дека најчесто помладите патници се тие што без срам фрлаат секакво ѓубре во автобусите.
– Секојдневно користам автобус за да стигнам на работа и реално ја согледувам сликата. Помладите се толку невоспитани, што навистина е чудно како може да се однесуваат така. Летоска влегуваа со сладоледи, сега и со разна храна, бурек, сендвичи, сончоглед, јадат и го замирисуваат целиот автобус, а ѓубрето секако дека го фрлаат долу на подот. Толку се безобразни, што кога ги прашав дали и дома во своите куќи прават така, толку ме навредија што никогаш повеќе нема да ми текне да им речам нешто – вели Вера Димовска.

НЕМА АВТОБУС СО КАНТИ ЗА ОТПАДОЦИ

Дека ѓубрето во јавниот градски превоз е доста голем проблем потврдуваат и од јавното сообраќајно претпријатие во Скопје, од каде што велат дека граѓаните за фрлање ѓубре имаат канти за отпадоци на секоја автобуска постојка, но се чини дека тоа е залудно, бидејќи, сепак, ѓубре фрлаат во превозните средства.
– За жал, немаме механизам како да се справиме со патниците што немаат основна култура, сѐ останува на нивната совест. Речиси секојдневно од возилата се чистат разни отпадоци – информираат од ЈСП.
Голем дел граѓани велат дека најдобро решение би било поставување канти за отпадоци во автобусите, каде што граѓаните би го фрлале своето ѓубре, за автобусите да ни останат чисти.
Од претпријатието додаваат дека во ниту еден автобус на ЈСП немало ниту ќе има канти за отпадоци.
– Канти за ситни отпадоци има на секоја автобуска постојка и секој совесен патник доколку не сака отпадокот да го зачува во торба, џеб или слично, може да го фрли пред или по возењето – велат од ЈСП-Скопје.

https://www.novamakedonija.com.mk/makedonija/skopje/градските-автобуси-како-џиновски-кан/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1596 Posted: 14-Oct-2021 at 17:12
Гранките од високите дрвја како камшици по автобусите и по патниците

ПАТНИЦИТЕ НА ЈСП ВО СКОПЈЕ АЛАРМИРААТ
Возењето во автобус треба да биде едно пријатно доживување на патниците. Тоа важи и за кратките релации во автобусите на јавниот градски превоз, бидејќи патниците, секојдневно користејќи ги автобусите на ЈСП, минуваат и голем дел од животот во нив, доживувајќи и пријатни и непријатни мигови, комуницирајќи со своите сопатници и пријатели, па и воспоставувајќи нови познанства и пријателства. Сепак, понекогаш возењето со автобус знае да биде доста стресно. На пример, забележена е една несекојдневна појава, особено кога станува збор за двокатните автобуси, која е дури и за рубриката „верувале или не“.
Имено, поради поголемата височина на двокатните автобуси, низа проблеми за патниците на вториот кат предизвикуваат гранките од дрвјата по должината на булеварите каде што возат автобусите, бидејќи не само што удираат во автобусот туку кога се отворени прозорците при возењето навлегуваат во автобусот оставајќи голем неред во него, а понекогаш полесно ги повредуваат патниците…

Гранките од високите дрвја удираат во автобусите и навлегуваат во возилата во движење

Отворањето прозорци на вториот кат од автобусите можеби и не е толку добра идеја, доколку се земат предвид гранките од дрвјата што се лоцирани покрај улиците по кои возат автобусите. На локациите каде што има големи дрвја, честопати се случува гранките од дрвјата да удираат по автобусите, но и доколку прозорците се отворени, при возењето да навлезат во автобусот.
Патниците велат дека тоа е случај со неколку градски линии, меѓу кои е и автобусот со бројот 57, кога сообраќа во правец од Заводот за вработување кон центарот на градот.
– Независно дали е зиме или лете, гранките удираат по автобусот. Во еден автобус со бројот 57 дури предниот горен прозорец е напукнат, најверојатно од посилен удар во гранка на дрво. И тоа е така постојано. Кога вози автобусот кон центар, патниците што седат од десната страна на автобусот и кои го забележале овој проблем, задолжително се претпазливи, затоа што доколку прозорците се отворени, гранките удираат во автобусот и навлегуваат внатре. И ништо од тоа нема да биде проблем доколку во неколку наврати не ми се случеа токму мене гребаници од силата на влечење на гранката кон својата природна положба под притисокот на автобусот да мине покрај неа. Толку силно удри во мене што дури и имав гребаници по лицето – вели Данче Соколовска.
Родителите со помали деца, кои го користат превозот, велат дека најмалите се плашат од ударите бидејќи звуците на гребење и чкрипење се доста интензивни, особено во есенскиот и во зимскиот период кога гранките се голи и немаат лисја на нив.
– Син ми има три години и секогаш кога се возиме, се плаши од гранките што удираат во автобусот. Мало дете е и тоа му причинува стрес, бидејќи не може да разбере зошто се случува тоа – вели Иван Николовски.
Дополнително, според патниците, тоа е доста голем проблем бидејќи од гранките паѓаат лисја и искршени гранки, кои остануваат во автобусите и по патниците.
– Можеби најголем проблем е кога ќе се појави некоја сува гранка, која ќе пукне и ќе падне во моментот кога автобусот ќе удри во неа. Среќа е што сите гранки се помали, инаку, доколку се погоди некоја поголема може да предизвика и посериозни последици не само по автобусот туку и по патниците – вели Соколовска.
Патниците велат дека треба да се нагласи дека проблемот е и за самото претпријатие доколку гранките предизвикуваат штета на автобусите, како што се гребење на бојата, кршење на стаклата и воопшто оштетување на превозните средства.

ПОЧЕСТО ДА СЕ СЕЧАТ ГРАНКИТЕ

Од јавното сообраќајно претпријатие „Скопје“ велат дека не можат и не смеат да интервенираат на гранките од дрвјата што се лоцирани на трасите на автобусите на ЈСП.
Велат дека тоа не е во нивна надлежност, но и дека смеат да го прават тоа исклучиво на локациите каде што јавното претпријатие „Паркови и зеленило“ нема надлежности за да ги кастри гранките.
– Во случајов, јавното претпријатие „Паркови и зеленило“ е надлежно за кастрење на гранките од дрвјата што се наоѓаат на трасите на некои од линиите и попречуваат при одвивањето на сообраќајот, по укажување од наша страна.
ЈСП „Скопје“ смее да ги кастри гранките само на одредени локации, односно на траси на автобуски линии што се надвор од градското подрачје, односно надвор од границите на ГУП.
И во двата случаја, гранките се кастрат по утврдена динамика, реонски, но и по приоритет – информираат од ЈСП.

https://www.novamakedonija.com.mk/makedonija/skopje/гранките-од-високите-дрвја-како-камши/
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7763
  Quote zabegan Quote  Post ReplyReply #1597 Posted: 18-Oct-2021 at 17:48
не е само, една 57ца, туку 90% од автобусите имаат испукани предни стакла
Architects create dreams...politicians create nightmares
Back to Top
Тркало View Drop Down
Senior Member
Senior Member


Joined: 31-Dec-2010
Location: Охрид
Online Status: Offline
Posts: 1175
  Quote Тркало Quote  Post ReplyReply #1598 Posted: 21-Oct-2021 at 09:48


Ете, полицијата не нашла нелегслни такси превозници...се е ок!

https://ohridpress.com.mk/?p=140835&fbclid=IwAR3PgeVR3irKTd0AhoqMoUO_rj0CGAhLYAwDu2bAGGATpHAs2AXaJ2NnoIY
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1599 Posted: 05-Nov-2021 at 18:06
„Тргни-застани“ на автобусите во Тетово, останаа без гориво

Во Тетово од денеска не е во функција. Причината за прекинот на четирите линии, според раководството на Транспортното претпријатие е прекинот на снабдување со гориво од бензинската пумпа со која имале договор. Според информациите на Алсат, до прекинот на снабдувањето со гориво дошло поради долгот кој веќе неколку месеци го создала општина Тетово и кој не е навреме платен.

„Транспортната компанија до понеделник ја користеше нафтата од бензинската пумпа која од понеделник го прекина снабдувањето со нафта без никакво објаснување. После ова, ги замолив возачите да прекинат да возат на две линии надвор од Тетово за да се заштеди нафта. Работевме само со градската линија, која од денеска исто така е во прекин бидејќи автобусите немаат гориво. За настанатата состојба ги известив општинските органи со кои чекаме средба за решавање на овој проблем”, вели Дарко Спироски, директор на „Тетово-Транспорт“

Јавниот превоз во Тетово нема да функционира додека не се најде бензинска пумпа со која ќе се потпише договор за снабдување со гориво до јануари следната година, кога компанијата ќе може да располага со својот буџет и да може да распишува тендери за снабдување од сопствени средства.

https://alsat.mk/mk/trgni-zastani-na-avtobusite-vo-tetovo-ostanaa-bez-gorivo/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 14962
  Quote stef4o Quote  Post ReplyReply #1600 Posted: 07-Nov-2021 at 14:06
Автобусите во Тетово повторно пуштени во сообраќај – долгот на компанијата, причина за прекин на договорот



https://mk.tv21.tv/avtobusite-vo-tetovo-povtorno-pushteni-vo-soobrakaj-dolgot-na-kompanijata-prichina-za-prekin-na-dogovorot/
Back to Top
 Post Reply Post Reply Page  <1 7879808182>

Forum Jump Forum Permissions View Drop Down



This page was generated in 1.109 seconds.

Copyright ©2007 - 2022  build.mk

Коментарите на форумот претставуваат лично мислење на нивните автори и не претставуваат официјален став на build.mk.