Спомен куќа на Мајка Тереза

Спомен-домот на Мајка Тереза повторно со скелиња Скелињата се поставени поради монтирање на клима-уреди и олуци Спомен-домот на Мајка Тереза деновиве е „накитен“ со скелиња, кои се поставени заради вградување клима-уред во стакленото светилиште кое се наоѓа најгоре во објектот, како и заради поставување олуци. Бидејќи е летен период се поставува клима-уред, за да може овој дел од објектот да биде ставен во функција, но и поради тоа што овде секоја среда, сабота и недела се одржуваат миси. Воедно, градежната фирма „Гранит“ работи на поставување на изолацијата и на дополнителни три до четири олуци за одвод на дождовницата по поројните дождови - вели Рената Здравковска, директор на Спомен-домот на Мајка Тереза. Во меѓувреме музејот е збогатен со нови артефакти. Во службениот салон е поставена дипломата од првиот докторат во светот посветен на Мајка Тереза, одбранет на Филозофскиот факултет од Јапонката Џозепа Кудо. Поставени се и оригинални молитви на Мајка Тереза и фотографии од доделувањето на признанијата од Ватикан, кои се отстапени од центарот на големата хуманитарка во Мексико. Здравковска вели дека аплицирале за средства од Министерството за култура за повеќе проекти, бидејќи Спомен-домот засега работи без буџет. Таа се надева дека догодина, кога се одбележуваат 100 години од раѓањето на Гонџа Бојаџиу, ќе имаат пари за организација на изложби, манифестации и едукативни проекти. Според директорката, секој месец Спомен-домот го посетуваат неколку илјади посетители, па тројцата кустоси имаат полни раце работа. Куќата е отворена секој работен ден од 9 до 20 часот, а во саботите до 14 часот. http://www.dnevnik.com.mk/?ItemID=95943F17D8593C4D9A3E5B8F08D08C00

ШЕСТ МЕСЕЦИ ОД ОТВОРАЊЕТО

Поплавен Спомен-домот на Мајка Тереза

Поројните дождови го поплавиле дворот на куќата и делот каде што се наоѓа лифтот, па надлежните биле принудени да доградат дополнителни олуци

Поројните дождови, кои изминатиов месец речиси секојдневно ги имаше во Скопје, ја поплавија Спомен-куќата на Мајка Тереза, па надлежните биле принудени да доградат дополнителни олуци за собирање на атмосферската вода.
Рената Здравковска, директор на Спомен-куќата на Мајка Тереза, вели дека олуците, кои биле изградени според првичниот проект, се покажале како недоволни, бидејќи поројните дождови го поплавиле дворот на куќата и делот каде што се наоѓа лифтот. Таа објаснува дека поради ваквата ситуација биле принудени да доградат уште неколку олуци и оти затоа на Спомен-домот подолго време стои градежното скеле, иако овој објект официјално беше пуштен во употреба во јануари годинава.
"Скелето стоеше и затоа што требаше да се поврзе системот за климатизација во горниот дел на објектот каде што се наоѓа капелата, со разладниот систем кој е сместен долу во објектот. Градежните работи се веќе завршени и уште денес, најдоцна утре, скелето ќе го отстраниме", вели Здравковска.
Таа објаснува дека сите простории во Спомен-куќата се отворени за посетители и оти од оваа недела повторно ќе почнат секоја среда и секоја сабота да држат миси во капелата. Аквариумот со рипки, пак, кој се наоѓа во приземниот и подрумскиот дел на објектот, сe уште не е готов, бидејќи фирмата изведувач на градежните работи ГП "Гранит" требало да набави специјален гребен и рипки за да може да проработи.
"Како што знаете, за отворањето беа ставени неколку обични рипки, кои потоа ги извадивме. Во меѓувреме, треба да се стави специјален гребен внатре во аквариумот, а колку што сум информирана, рипките се веќе нарачани и до крајот на овој месец и аквариумот треба да профункционира", вели Здравковска. (Е.А.)

http://www.vest.com.mk/?ItemID=22E913AD59A8A24986408F454BB25130

Bozinovski's atrocious design & schizophrenic creations - за жал, квалификации токму на место...

мораме да му честитаме на Вангел, се прослави во англиско списание 

ех па биваше ли професорава да и се руга на Македонија надвор, разбирам некој од надвор да бљува, но навистина е греота сами да се омаловажуваме, небаре со тоа како факултет ќе се иперат за својата некомпетентност да произведат квалитетно урбано ткиво во градов, инаку дивна му е првиот другар на грчев на архитектонски, но без разлика како професор не смеела да се спушта толку ниско, како некој друг да е крив што сите пријавени решенија за конкурсот беа кое од кое покатстрофално, а од цел калабалак само ова имаше навидум некаква македонска симболика 

Originally posted by Max ех па биваше ли професорава да и се руга на Македонија надвор

На Македонија и се руга???
Многу е очигледно дека не се руга на Македонија, туку на вангеловото „ремек дело“ и тоа сосема со право и добро образложено.

Мада и на државата комотно може да и се ругаме за улогата во целиот случај. Ама се си мислам дека тогаш би следело и отворено сатанизирање со предавнички етикети, не само суптилно

Originally posted by Max разбирам некој од надвор да бљува, но навистина е греота сами да се омаловажуваме

Греота е што дозволивме да никне таква гадотијата, а не тоа што се изразува незадоволство и револт кон таа градба. И не знам зошто толку упорно со таа теза дека со критикување на овој објект се омаловажуваме самите себеси - ваљда не сме до таму стигнати да ја идентификуваме нацијата и државата со оваа архитектонска повраќаница.

А и јас разбирам странците да не бљуваат. Има што да бљуваат и ќе не бљуваат. Џабе ние и да го засипаме објектот со најласкави комплименти... Од друга страна со критика, ваљда барем малку ќе ја поправиме сликата за Македонија, да не мислат оние надвор дека тука мнозинството сме на иста фреквенција со оној лудакон. Така да нема ништо предавничко во написот на професорката, токму напротив.

И друго ме буни. Зошто евидентната критика на странците да ја доживуваме само како бљување, а не ја земеме барем како минимум објективен критериум? Па не е ваљда и странците да го мрзат Вангел и да му завидуваат (како што господинот еднаш ги објасни домашните жестоки реакции против неговиот проект), па ете затоа го напаѓале...
За овој архитектонски злосторник историјата ќе си го каже своето. За жал ние сепак ќе мора да ја трпиме неговата оставштина, барем некое време. Јас лично се надевам не предолго.

Originally posted by Max како некој друг да е крив што сите пријавени решенија за конкурсот беа кое од кое покатстрофално, а од цел калабалак само ова имаше навидум некаква македонска симболика

Да, сигурно затоа Вангел „победи“ 

Да те потсетам, Вангел беше дисквалификуван поради несоодветен проект. Е зошто и како после се организираше втор конкурс (нели таен...) на кој Вангел учествуваше со истиот проект и замисли победи, нека суди секој за себе.






Edited by Cloverstack - 06-Oct-2009 at 00:30

Originally posted by Max проектот и самата идејата за музејов се екстра, додека изведбата е фуш, и наместо да се критикува пристапот на владата да бира најефтин изведувач, кој всушност и довел да експериментов излезе фуш (што е до камената фасада), се критикува нечија вонвременска размисла, она со стар-трек е добра аналогија, но технократи т.е. боргови во случајов се бљувачите особено од дома, кои осет имаат само за вештачка бесчуствителност земено архитектонски на која како приказна т.е. идеја врзуваат крајно закржлавени концепти на формализам...

еее...што требаше Аруп да му праи детаљ на керамида или на прозор од тоалет што гледа кон главно градско шеталиште, па сега испадна дека мајсториве му се криви што не излезе како што треба...ние трева ли пасиме овде!? Ај те молам! Преку ред се стаи да пред сите да гради спомен дом (што прашање е колку беше неопходен) во време кога пола народ е на улица и сега испадна малку пари дека му дадоа...требаше да му текне за тоа уште кога ја договараше работата во штабот, сега нема враќање...

И јас не сум фан на тие што се најгласни со критиката, ама ај еднаш коментирај ставови, а не кариери и карактери, дека ако ја стаиме на тапет овде психофизичката состојба на авторот на објектот и уште пострашните (од факултетот) „бараки“ од кои што очигледно избегал, ќе треба нови сервери со поголем капацитет да бара форумов...па ако сакаш може да извадам мал милион детали што се однесуваат на лошата дијагноза на менталното здравје на горенаведениот, а ни еден збор не е напишан овде за тоа, а со вулгарноста што ја покажува при дискусиите со колегите си го заслужил тоа од глава до пети...

ако си архитект ќе знаеше архитектоне дека изведбата е подеднакво битна како и самиот проект, лично сметам дека и најлошата идеја и најлошата приказна доколку добро помине во продуцентскиот дел истата и ќе се продава како хит, па дури се работело и со мал буџет, но пред се битен е мајсторот...

земи ја пример филмската индустрија, дури и со дустабанлии од актери без никакво искуство, па и сценаристи кои биле претходно келнери, најбитна алка во системот е режисерот - изведувачот, кој немора да биде славен или да располага со огромен буџет за да некој материјал го склепа перфектно, но за национални проекти каде државата застанува зад нив речиси ретко излегуваат шкартови, можеби нема или ниту треба да биде блокбастер филмот, но сепак има своја вредност...

идејава на вангел особено ја подржувам бидејќи човекот бар и малку се потрудил да вклопи македонски архитектонски елементи, кои за жал заради лошата изведба неможат ни приближно да доловат таква атмосфера, ем што режијата на гранит била катанга, ем што и самото сценарио двајца го пишувале, и ова го сметам кај проект од ваков тип како голем недостаток кој воедно довел и до збркан концепциски идеен проект. сепак намерата бар малку или некако да се вметне македонски белег на овој спомен дом ме радува, но дефинитивно како проект треба да се ревидира и фасадно и партерно, а аза симболиката со вецејата да гравитираат кон запад сосем се сложувам особено за еден ваков објект, но не секој има разбирање и осет за приказни кои излегуваат надвор од хоризонталниот естетски момент од кој пред се човек влетува во анализа, ништо не е случајно на овој свет, па дури тоа било изведено како импровизација, што во случајов и не е!

~

никој од никого не бара нешто да прифати или со нешто да се соживее, но не треба човек да паѓа во избезуменост од нешто што има потенцијал (доколку се среди во продукцискиот дел) невоообичаено но достојно да не претстави пред светот! а уште полош момент е професори наместо анализа за тоа што и како може да се оправи од постојнава лоша изведба, да се истресуваат по свет ширејќи некој свој его-трип филм заради оправдување на својот светоглед, без да имаат ни тронка осет дека со таквиот пристап непоправливо и наштетуваат на својата земја.  Ние луѓе сами се гетоизираме, никој не ни е крив што имаме набилдано ваков песимистички амбиент, од кој се изродуваат вакви моменти кога или ништо не градиме или она што се гради го промашуваме заради скржавост и во конкурсите и во дебатите и во реализацијата...

не е префрлање на топката доколку се размислува за изведбата и материјалите, целосно стојам зад размислите на бетон, едно е бокал од стакло друго од глина а трето од пластика, но исто така битно е како и во која техника ќе се изведе бокалот и дали истиот ќе ја исполни својата улога! носталгично лелекање е ова на професорката бљуе без да даде никаков констриуктивен предлог за оправање на еве според неа промашена инвестиција, но прво би и порачал да си ја сменат бистата во дворот и на архитект како андреј дамјанов да му извајаат раце, а не ко сакат мислител да стои исфрлена некаква негова биста таму во ќошот на извондредно решениот двор!  

  продукција има и во музичката и во филмската индустрија, и истата подеднакво е битен момент, но не секој може да биде продуцент, а уште помалку квалитетен. додека за нискобуџетен проект сепак најбитен режисерот, кој ќе препознае како сценариото да се прилагоди...

тука доаѓа изведбата, неможеш со тапа изведувачи да истераш профи муабет, особено не ако станува збор за техника на изведба од која немаат абер! патем продуцентот на режисерот или режисерот на актерот може на глава да му скока но ако на мајсторот е дунстер сето тоа е бадијала, а капак нема буџет за екстра надворшни ангажмани... замисли како би звучеле синтезис доколку беа панкери а ги ангажираа на изворни проекти, многу јасно дека ќе имаме дебакл, колку и тоа ората да се доведени музички до совршенство, а замисли пак милчо да пишува сценарио со квентин, а тоа сценарио да е во режија и продукција на МрТВ, многу јасно дека екпериментот ќе отиде во малџиски води, особено кога ќе треба да ги истераат халуцинациите и ефектите на квентин 

инаку да, се сложувам дека лошата изведба па и самата идеја се жртви на лошата продукција, многу јасно дека нарачателот ја утнал уште самиот момент кога ја исфорсирал нарачката преку ноќ, но мислам дека тука се криви и самиот арх. факултет но и комората кои не успеале досега да се наметна во општествово како релевантен фактор кој неизбежно ќе мора да се консултира! абе кај нас академијата е закржлавена а не па другиве, но секоја болест мора да се прележи, проблем е ако истата стане неизлечива или пак имунитетот на архитектонската фела колабира дали заради исполитизираност или пак суета...

а гетоизирањето тоа кај нас е посебен феномен, во европа и да се изведе нешто фуш никој не реагира толку жолчно како кај нас, добро можеби тоа е повеќе резултат бидејќи кај нас ретко и нешто да се изведува освен она транзиционите станбени сендвичи и тук таму по некоја деловно-стоковна расадница која обично на почетоко ветува но на крај изневерува, што сепак е врзано директно бидејќи архитектонски немаме никаков културен континуитет дали тоа станува збор за модернизам кој ќе затера во супер-модернизам или класицизам кој ќе затера во супер-класицизам, заради тоа немаме ни изведувачи вични за нормално инвентивни проекти, а не па за архитектонски експерименти... може фактор е и самата перцепција и потреба за економичност, но мислам дека станува збор за сплет на околности кои кај нас ја држат архитектурата во заложништво и естетски и технолошки, меѓу нив како куриозитет може се издвојува  скржавоста или поточно амициозноста потпрена врз сиромаштија!

што е до приказната, јас сум на линија дека музеите и некои други културни мери треба во некоја мера тематски да ја отсликаат нашата архитектонска култура, но сето тоа да е оставено со лезет а не со инает, тука има место и за експерименти според мене, но исклучиво крајно професионално и перфеционистички остварено, а не само печурка по дожд која чека подобно време за сечење. ме чуди како до сега не се направило некоја сеопфатна стратегија од урбанистите на овој план, многу нормално дека сега ќе се соочуваме со недоразбирања и паника, и од партиска и од еснафска и од естетска природа. ова истото ни се случува речиси во сите области, за ништо немаме трасирано насоки од каде и до каде може да се оди, сега нешто има усилби, но ова требало да е процес кој ќе постоел уште во титоизмот, а не сега дури на почетокот од крајот на општественава транзиција ние почнуваме да истражуваме, да трасираме, да разработуваме, што наметнува па друго прашање дали и граѓански и административно имаме капацитет да се надминеме себеси и брзо но квалитетно да се надокнади она што пола век не се ни правело! маратонците го трчаат последниот транзиционен круг, но се си мислам дека наместо да трчаме ние се тркаламе, па кому иде,ак ја истркаламе добро арно, а ако не здравје, друго дете... на ова кога ќе се надоврзи сеирџискиот менталитет зачинет со комплекс на ниска вредност, ние наместо енергијата да ја насочиме кон исправање и растрчување (и како јавност и како институции) ние ретерираме и дозволуваме од песимизмот да бидеме понесени, кој многу брз преминува во рамнодушност, за на крај од апатија да се флиме во очај кога ќе се најдеме во ќорсокак...

@ Max

Навистина е тешко да се разбере, а камо ли да се одговори на ваков дифузен пост, каде практично со секоја нова реченица се менува темата, а најголем дел од кажаното е во сфера на крајно релативното па и апсрактното. Стилот како капак повеќе личи на некаква чудна литературна форма отколку на форумски пост. Во цел тој лабав муабет, јас лично не можам да најдам валидни аргументи или барем задоволителна доза конкретност која би била прикладна за форумска дискусија.

Но ќе реплицирам барем на тоа што може да се сублимира.


Прво за оние неиздржани аналогии што ги правиш со филмската и музичката индустрија. Ќе се обидам да илустрирам наједноставно што може. Ако сценариото е ѓубре, тогаш режисерот не може многу да помогне, прилично ирелевантна е целата екипа, големината на буџетот во суштина ништо не менува - филмот едноставно нема да го бива. Исто и со музиката. Доколку композицијата е срање, џабе е и кој е изведувач и во какво студио се снимала и се останато... Така и во случајов - замислата и проектот беа вистинска мизерија, па како краен резултат односно изграден објект го добивме единствениот можен исход - мизерија во центарот на главниот град.


Инаку тоа што форсираш тези дека критикување на објектов е непатриотска појава е крајно некоректно и прилично кукавички. Во недостиг на аргументи, ова ли е начинот на кој треба да се замолкне критиката?
А она што навистина е непатриотско е никнувањето на ова ругло во центарот на главниот град и начинот на кој што тоа беше протуркано, не критикувањето на таквите негативни појави. Критиката баш напротив е потребна. На крајот на краиштата, суштинскиот проблем не е во критиките или пофалбите, суштинскиот проблем е на друго место.

Чуден ти се гледал и интензитетот со кој се напаѓал проектов и тука гледаш завера. А нели е можно интензитетот на нападите да е пропорционален со интензитетот на негативните чувства кои ги предизвикува? Нели е можно интензитетот на критиките да е пропорционален со интензитетот на штетата која е направена?


Се сложуваш дека странците можат да дадат понеутрална оценка. Велиш си чул коментари од странци и воопшто не го перцепирале објектот како негативен. А што ако јас кажам дека на секој таков јас можам да најдам 10 или 20 со крајно негативна оценка?
Но ајде да не дискутираме со такви „аргументи“. Она што е мерливо се нивните документирани видувања од кредибилни извори. Иако ретко кој има време да се занимава со нашите глупости, јас сепак веднаш можам да ископам неколку крајно негативни реакции. Можеш ли ти да најдеш барем една позитивна?


Нејсе...
За да победи Вангел, специјално се организираше фарсичен втор конкурс, па му дадоа буџет од 2 милиони евра, па му довлечкаа и стаклена купола директно од Колорадо, затоа што во визијата на Вангел ете токму таква требало, и којзнае што се не се направило за се да биде по ќејфот на генијалецот и да се исполнат неговите замисли токму какви што биле.

Но на крај сепак вина бараш насекаде, само не таму каде што навистина е сконцентрирана во случајов... бараш вина во тоа што некои други конкурирале со лоши проекти, во „малиот“ буџет, кај лошите мајстори, кај критичарите на проектов... стигна и до титоизмот.
Единствено амнестирани се Вангел, неговата логистика и „независната“ комисија... 




Edited by Cloverstack - 08-Oct-2009 at 19:30