Комплекс „Верина“

Абе ова вистина било. Од кај излезе комплекс - населбава, ко од небо да падна, од земја да изникна. 

Досега незнам дали воопшто сме ја забележиле на форумот.

Но еве нешто што од Гугл забележиле на 17 Јануари 2011

Алелуја, таму треба да се гради, натаму треба да се шири градот. Зајчев рид- Злокукани-Бардовци-Волково и назад кон Визбегово. Мислам дека Водно и неговата парк шума треба да се остават да дишат, па и ние со неа.

Мое мислење е дека цената е превисока за таа локација. Иако комплексот изгледа навистина убаво (па, еве, да речеме и луксузно), неговата локација не ја оправдува цената. Се гради во рурален дел од градот, каде урбанизацијата не допрела воопшто. Муабети од типот - тука ќе биде супер после неколку години, додека ти нудат цена по квадрат од 1300 евра - не држат! Парите ги даваш сега, а не после неколку години. А и тоа што го нудат (урбанизација, патишта или самото поврзување со Илинденска со мост преку Вардар) не зависи од нив, па од тука не може ни да гарантираат такво нешто.

Колку и да е од луксузен тип станбениот комплекс, веројатно до него се стигнува по пат кој е далеку под неговиот стандард. Значи, единствено внатре во комплексот е луксуз, додека да стигнеш до него ќе мора со мерцедесот да изгазиш кал и лепешки. Имајќи ја во предвид околината, веројатно реата од домашни животни е неизбежна.

И, да... го делам мислењето дека Скопје треба да се шири во тој правец, па и накај Петровец, Идризово, Јурумлери... Сепак, мое мислење е дека Град Скопје или општините кои граничат со Град Скопје (зависно за кои локации станува збор) треба да овозможи пристојна инфраструктура за да може да се шири надвор од центарот. Мислам дека во следните 10 години нема реални можности за развој на инфраструктурата нанадвор, освен ако не се појави некој помоќен инвеститор...

Верина ќе понуди нови стандарди на живеење

Соња Јованова

Интервју со Јовица Николовски, сопственик на градежната компанија Никоб инженеринг

Јовица Николовски и Благоја Николовски, сопствениците на градежната компанија Никоб инженеринг во моментот градат еден од најлуксузните комплекси во Македонија - станбениот комплекс Верина. На атрактивна локација во Орман, во населбата Волково, веќе во завршна фаза е изградбата на елитниот станбен комплекс од затворен тип со сопствено обезбедување. Реализацијата на проектот започна во јуни 2010 година и според планот, работите треба да финишираат до почетокот на наредната 2013 година

 

 Може ли да ни го опишете комплексот Верина и да ни кажете што точно ќе содржи и по што ќе се разликува од останатите?

- Прво, локацијата на која се гради комплексот е одлична. Баравме мирна и тивка локација, да биде надвор од централното градско подрачје, надвор од градскиот метеж, но истовремено да има и одлични сообраќајни врски со центарот и со другите делови на градот, како и преку обиколница со другите соседни градови. До комплексот се стигнува лесно и брзо преку Визбегово и новата обиколница, што значи дека за 10-15 минути со автомобил се стигнува до центарот на градот. Веќе постои проект да се продолжи трасата на булеварот Илинден со што со самото отворање очекуваме и пристапот до комплексот да биде многу полесен и побрз, односно комплексот да добие поврзаност налик оние елитни населби од развиените светски метрополи.Инаку самиот комплекс содржи 7 згради со 58 суперлуксузни станови, по два типа од 170 метри квадратни и 210 метри квадратни. Сите објекти ќе бидат опремени со панорамски лифт, а становите се распоредени по два на еден кат и се целосно одвоени, односно немаат заеднички ѕидови. Секој стан има поглед кон вештачкото езеро во близина на селото Орман. Покрај ова, комплексот има сопствен систем за греење и ладење, како и сопствен паркинг-простор. Дополнително, со својот концепт и со квалитетот на градбата и на вградените материјали кои се на највисоко ниво, Верина наметнува нови повисоки стандарди за домување во нашата држава. Тоа значи сосема нов концепт на живеење бидејќи комплексот ќе има сопствено обезбедување, порибено езеро со површина од 5.000 метри квадратни, што значи станарите можат да одат и на риболов, ќе има патека за шетање околу езерото, вештачки водопади и фонтани, базен со пикник-простор планирани тениски и баскет терени, детско игралиште, билијард клуб и фитнес-центар опремен со сауна и турска бања, детско игралиште, кафуле а планирано е да има и супермаркет надворешно во близина на комплексот. Станарите на Верина ќе можат да уживаат во 15.000 метри квадратни зелена површина. 

 Во која фаза на изградба е комплексот во моментот и дали веќе имате продадено станови?

- Во моментот се работи на внатрешниот дел, затоа што седумте објекти се веќе покриени, значи останати се молерските работи, ќе се местат паркет, плочки и сл., за некаде до крајот на годината да заврши поставувањето на хортикултурата, по што е предвидено, конечно, целиот комплекс да биде завршен. Работата си тече и веќе 20% од становите ни се продадени. Станарите се од различни профили, најмногу интерес има или од млади брачни парови или од постари луѓе кои се веќе пензионирани. Интерес од странците за купопродажба на станови има, меѓутоа повеќе се заинтересирани за изнајмување, како што е примерот со првиот комплекс што ни е веќе изграден во Злокуќани. Како и таму, планираме и во комплексот Верина да има станови за изнајмување, меѓутоа с$ уште е во рана фаза. Моменталната цена за пордажба изнесува 1.300 евра за метар квадратен, но во зависност од побарувачката очекуваме цената да се менува.Мислам дека цената е прифатлива, ја зедовме предвид економската состојба во земјава, иако во Белград вакви станови се продаваат и по 3.000 евра за метар квадратен. Поентата ми беше да постигнам некоја нормална цена, а самата големина на становите си го одредува луксузот, затоа што едно е луксузено наместен стан од 60 метри квадратни, а друго е луксузен стан од 200 метри квадратни.

 Сметате ли дека имате конкуренција во делот на изградба на станбени комплекси кои нудат луксузно домување во Скопје?

- Ние овој тип градба го започнавме први уште во јануари 1998 година со изградба на комплексот Св.Јован во Злокуќани. Значи, лускзуно домување за мене значат материјалите за изградба, сопственото обезбедување, големината на станот, како и сите оние придобивки и активности кои ги споменавме, а кои ги нуди самата внатрешност на комплексот (затворен комплекс, обезбедување, одржување) . Јас досега не сум видел станбен комплекс кој нуди сопствено езеро, еден куп луѓе кои работат на одржување на истиот комплекс, бидејќи Верина буквално нуди еден тип хотелска услуга.

http://www.kapital.com.mk/mk/prilozi_edicii.aspx/84643/verina_kje_ponudi_novi_standardi_na_zhiveenje.aspx?iId=2764

не верувам дека ќе има многу заинтересирани за оваа населба.
лоша местоположба,мислам далеку од се.
училиште,градинка,маркет....кога ќе размислам таму и нема да живеат некој од средната класа,така да тоа и нема нешто да им преставувам проблем.
НО,пред се тие би купиле стан на водно него ли во Орман.

pisi na nivniot sajt mislam od 1850 eur na kvadrat bese

Епа грешно сум мислел, по сеќавање напишав. Сепак мислам дека имаше различни ценовни категории, барем кога гледав пред 6-7 месеци.

Dali e istiot investitor na kompleksot Zlokukani ?

Ima nekoj info sto im e potocno problemot vo drugiot kompleks? Vesnicive se iznapisaa kao trubaduri drn drn ama nisto konkretno ne kazaa...

Dokolku tie detali se vmetnati na dogovorot i ne se izvrseni togas zakonot zatajuva!!?? Dokolku pak ima propusti vo dogovorot togas izveduvacot moze da manipulira. Dokolku pak nekoi raboti ne se reseni imotnopravno tuku samo so muabet im "vetil" togas nemoze nikoj da go opravi toa sega...