Плажи и бродови на Вардар

зошто глупост, сплавовите се далеку подобра варијанта како ајде урбана содржина, него тоа што се плажите, но и двете содржини немаат идеална вредност бидејќи како такви излегуваат на и во река во која се влева цела градска канализација, се додека истата не се пренасочи во реката, по мене ова е лакрдија ајде во најмала рака исфорсирана амбиција!

ќе додадам како исто како и порано што констатирав дека плажите како сензација може и да држат во парк или кај нас. аеродром, но во сред центар опкружени со толку неокласични институционални згради истите се катастрофална урбана грешка! imposible city rulz со се фонтани и врби, опкружени со сплавои и плажи, фалат уште 24/7 пантомимичари, кловнови и жонглери да анимираат народ!

Втората градска плажа готова до јуни

Градот почна со изградба на подземната инфраструктура за Градска плажа 2, и за четирите сплава-кафеани, на потегот од мостот Гоце Делчев до „Холидеј ин“

Почна оформувањето на теренот и поставувањето подземни инсталации за Градска плажа 2 и за четирите сплавови-кафеани на Вардар кои ќе служат за разонода на скопјани во летните месеци. Втората плажа ќе биде изградена на левата страна на кејот, под објектот на Народниот театар, додека сплавовите ќе бидат од десната страна, кај „Холидеј ин“ и под мостот „Гоце Делчев“.

Градската плажа ќе се простира на површина од 1.700 квадратни метри и на неа ќе се уреди платформа и четири шанка, објасни портпаролот Неделчо Крстевски. Изгледот ќе ~ биде ист како онаа која беше изградена лани, кај Луна паркот, со таа разлика што шанковите на втората плажа ќе бидат поставени во покриениот дел, и ќе бидат во форма на куќарки. Во централниот дел, пак, е планирана и мала бина.

- Ќе се направи напор при уредувањето да се обезбедат сите рекреативни и спортски содржини, меѓу кои и одбојкарско игралиште, катче за деца како и рампа за да може да ја посетат и лица со посебни потреби. На плажата ќе бидат поставени и тушеви за освежување - информираше Крстевски.

Шанковите и сплавовите ќе се издаваат под концесија на заинтересирани кафеанџии. Јавниот конкурс за издавањето сплавови, беше распишан уште во јануари годинава, а ќе трае до 11 април. Тој што ќе ја добие концесијата, ќе има обврска да изгради сам сплавови, велат од Градот.

Конкурсот за издавање на шанковите допрва ќе биде распишан.

Работите за изградба на плажата под Народен театар, според градските власти, предвидено е да завршат за 45 работни дена, а реализацијата ќе чини околу 130.000 евра. Ќе ја гради истата фирма што ја градеше и првата плажа, „Алкон“, со таа разлика што цената на првата беше околу 90.000 евра. Крстевски објасни дека сега проектот е поскап, поради поставување подземна инфраструктура за плажата, но и за сплавовите.

Ланскиот проект, Трајановски го промовираше под слоганот „На чекор од тебе“. Неговата замисла е да го оживее неколку децении запустениот кеј на Вардар. Не станува збор за класични плажи на кои граѓаните ќе може да се капат во реката, туку за место кое ќе служи за рекреација и уживање. Исто како и на првата плажа, така и на втората, за таа намена, ќе се постават и лежалки, маси, столови.