Булевар АСНОМ / АВНОЈ (+изградба на нов мост)

Originally posted by nikolakoco Здраво, се извинувам ако пишам во погрешниот пост. Ме интересира дали воопшто има план да се продолжат Видое Смилевски Бато или АСНОМ низ Лисиче и да се пробие нов влез кон автопатот од источна страна на Скопје. Единствен влез моментално е преку Автокоманда. Сметам дека на Скопје очајно му треба влез од таму, барем за сите оние кои што сакаат да стигнат до Аеродром, Лисиче, К. Вода. Моментално влезот во Аеродром преку мостот кај Автокоманда е огромна затка и се губи премногу време.

Па, според ГУП планирано е продолжување на АСНОМ до некоја север-југ улица која оди од Охис до патот за Арачиново, ама не гледам спојка со автопатот, ми се гледа ко надвозник. А кога и ова би се извело е знак прашање. Веројатно побргу би се случило продолжување на Февруарски поход со мост кон Маџари.

Козметика за пунење џебови. Сега имаме фирма за асфалтирање, ајде ќе мењаме асфалт само. Се знае што треба да е следново ако сакаат да работат нешто на булеварот, а тоа е продолжување низ Ќерамидница.

Мостов се гради во трета деценија на XXI век во еден од најзагадените градови во Европа и светот и притоа на тие што треба да им текне дека блокираат кеј (еден од ретките пешачко-велосипедски коридори), не им текнува, стварно треба да се „генијалци“.

Пешачките препреки на новиот мост меѓу Аеродром и Гази Баба

Она за кое денес пишуваме е неразбирливото проектантско игнорирање на пешачкото движење. Мостот за да ја постигне потребната височина над вардаровите насипи на високото корито започнува со издигнување на котата уште кај спортската сала „Јане Сандански“.

Потребата од безбедност наложува од двете страни да ве прати заштитната ограда. Но имаме еден неразбирлив пропуст, кој во XXI век во кој се стремиме да го стимулираме пешачењето, велосипедизмот и алтернативните форми на движење е присутен кај новиот мост. На ниту едно место оваа ограда не е прекината со вертикални комуникации (скали, рампа) како би имале можност да го смените правецот на движење.

Има две проблематични правци. Првиот е грубиот прекин на горната пешачка патека на кејот, практично игнорирајќи ја. Истата многу лесно преку рампи или скали може да ја совлада висинската разлика од 2 метри, па преку пешачки премин да остане возможна врската. Но, за овој правец алтернатива е долната зона на коритото каде е рекреативната патека, со тоа што треба да се предвидат соодветни комуникации.

Вториот правец кој е целосно непромислен е доаѓањето од правец на Општина Гази Баба, кон Аеродром и можноста да продолжите да се движите по кејот на Вардар, воглавно истите врзни точки на претходно споменатиот правец.

За да можете да ја заобиколите пречката и да дојдете до точката на поврзување, доколку движите кон запад, ќе треба да минете 265 метри во еден правец, или половина километар. Доколку движите кон исток тогаш треба да минете 190 метри во правец.







https://marh.mk/peshackite-prepreki-na-noviot-most-megju-aerodrom-i-gazi-baba/

Мостот во Аеродром добар за ловење риби но уште подобар за нов паркинг



Мостот на булеварот „АСНОМ“ во скопски Аеродром никако да се заврши. Познато е дека неговото завршување го кочат незавршените предмети околу обештетувањето на граѓаните чиишто имоти треба да се експроприраат за потребите на трасата на булеварот низ населбата Ќерамидница. Во март минатата година скопската градоначалничка Данела Арсовска изјави дека од 2018 година кога е започнат проектот имало 139 парцели и 136 објекти што треба да се решат или вкупно 275 постапки за експропријација.

-За три години претходните градски власти успеале да решат 31 предмет, а за 8 влегле во постапка на спор. Ние само за четири месеци решивме 82 предмети, изјави тогаш Арсовска.

До каде е сега обештетувањето на граѓаните не е познато. Познато е и тоа дека решавањето на предметите одвај продолжи бидејќи Арсовска првично немаше намера да го заврши мостот. Во сеќавањето остана нејзината изјава на почетокот на мандатот дека мостот ќе им служи само на рибарите.

-Нема да се заврши, ќе биде мост за ловење риба. Ќе биде нешто што нема никаков ефект и бенефит за граѓаните. Постапката за да се заврши тој мост ќе трае десетина години. Ние ќе почнеме да ги решаваме, но кога ќе ги решиме е прашање на време и не знаеме кога ќе се заврши, изјави Арсовска кон крајот на 2021 година.

Состојбата и денеска е статус-кво. Но, разликата е во тоа што граѓаните последнице месеци му најдоа новата намена на мостот: тој со својот пристапен дел се повеќе служи како паркиралиште. Посетителите на спортскиот центар „Јане Сандански“ но и граѓаните од околните згради се повеќе тука ги оставаат своите возила со оглед дека насекаде околу е потребно да се плаќа паркинг. За среќа, простапот до средишниот дел на мостот е затворен. Очигледно, некоја полза од мостот се најде.

https://skopskoeho.mk/mostot-vo-aerodrom-dobar-za-lovenje-ribi-no-ushte-podobar-za-nov-parking/

User, последна опомена пред да добиеш бан!

А и другите може да се воздржите од примитивно политичко коментирање.

Kolku i da se pravime fini i apoliticni sepak ovie temi se tesno povrzani so politikata. Toa sto treba ovde da se izbegniva e dnevnoto politikanstvo, prepukuvanje, obvinuvanje i otvorena pristrasnost kon odreden politicki subjekt. Klucnite proekti za razvojot na eden grad gi nosat strucni tela i institucii a politicarite gi sproveduvaat na delo i toa tekovno, bez politinakstvo, profiterstvo i revizii. Za zal vo Makedonija toa se pravi obratno so golema doza na politicno profiterstvo i primitivizam.

Не сум фан на твитерџискиот жаргон на user8642, ама кога гледам што (не) се случува во Скопје поради злобните и простачки мотиви на принцезата, нејзината бивша свита и дебилната централна власт - и мене ми иди да расфрлам со секаков вокабулар. Ова дно досега го немавме допрено. Сите повици за линч се оправдани

Среќна нова