Булевар АСНОМ / АВНОЈ (+изградба на нов мост)

Се согласувам со Denko, мислам дека никој тука нема за цел да промовира или брани партии и не може да се гледа низ таква перспектива. Во поглед на тоа што го кажа Fresno, дел е точно, дел не. Шилегов вистина е дека кажуваше дека мостот ќе бил приклучен на секундарна и терцијална мрежа низ Ќерамидница, а дека ќе работел на улица Индустриска (веднаш после мостот десно, пред Космос, па се до ФОН и Мерцедес). Не е китка за мирисање никој, па ни тој посебно во делот на некои изјави и тн. ама проблемот искрено е малце подлабок затоа што политиката вмеша прсти уште пред 3-4 години а додатно беше зачинет проблемот прво со лукративни интереси на дел од сопствениците а подоцна и лични хирови на новата администрација. Е сега некој знам дека ќе рече, што треба луѓето за 500-600 евра од квадрат да го дадат, ќе речам не, ама според планот на Шилегов идејата беше варијантата каде што ќе се рушеа 27 објекти, што во советот на Гази Баба беше одбиено и се отиде на втората варјанта која предвидува уривање на околу 110 објекти. Луѓето секако треба да бидат фер обешететени, ама мислам дека ако не се лажам user 8642 совршено ја објасни постапката и дека само 10 до 15% би завршиле на суд сето друго во управна постапка од 2-3 месеци си се решава. Убеден сум и секако има недвосмислени индиции дека интенцијата овој период беше со изјави и не чинење, условно кажано подстопирање на проектот да се креира јавно мислење дека мостот е почнат да се гради не земајќи во предвид ништо, без идеја ете колку да се рече дека се гради некој капитален проект и дека оваа градска администрација ќе го изгради. И секој може слободно да си каже став и мислење, без притоа да биде напаѓан дека е политички експонент на некој, ако за овој проект конкретно некој е блиску до стојалиште на некоја групација или партија не кажува ништо тоа, ете за други проекти надвор од Скопје па можеби се има став спротивен на ставот на таа партија. Мислам дека јавниот интерес на сите нас во случајот е ова да се реши, да се изградат и крацијте кон Дојрана (Автокоманда) и ФОН (бул. Киро Глигоров), да се реконструкира Киро Глигоров, делот кај ФФМ е во ОЧАЈНА состојба, и да се размисли за мостот кај Лајка / Последна 5ка кој е запишан во ГУП.