Автопати и експресни патишта (општо)

Hahah, I <3 ЈПДП

Originally posted by stef4o ЈПДП воведува рестрикции на осветлувањето на патиштата Јавното претпријатие за државни патишта (ЈПДП) почна постапка за дополнително етапно спроведување на максимална рестрикција на осветлувањето поставено на државните патишта, со запазување на безбедноста на сообраќајот во ноќните часови. Рестрикции на осветлувањето нема да се вршат во тунелите на државните патишта. Од Јавното претпријатие ги повикуваат корисниците на патиштата во земјава да ја прилагодат брзината на движење спрема условите на патот и да бидат внимателни заради нивна безбедност и безбедоста на останатите учесници во сообраќајот. Оттаму појаснуваат дека рестрикциите се во насока на растоварување на енергетскиот систем од недостиг на електрична енергија во земјата, согласно со Уредбата на Владата од 30 октомври 2021 година со која се предвидува минимален сигурносен обем на осветлување на улици, плоштади и други објекти во земјава, која ги опфаќа и патиштата. – Јавното претпријатие за државни патишта започна со рестрикција на осветлувањето на државните патишта. Имено, спроведувајќи ја одлуката на Владата, ЈПДП започна со намалување на осветлувањето во ноември 2021 година, се вели во денешното соопштение од ЈПДП. Во време кога државата се соочува со предизвикот на решавање на енергетската криза сакаме да ја известиме јавноста дека Јавното претпријатие за државни патишта започна постапка за дополнително етапно спроведување на максимална рестрикција на осветлувањето поставено на државните патишта, притоа запазувајќи ја безбедноста на сообраќајот во ноќните часови. Рестрикции на осветлувањето нема да се вршат во тунелите на државните патишта во Република Северна Македонија, појаснуваат од ЈПДП. https://mk.tv21.tv/jpdp-voveduva-restriktsii-na-osvetluvaneto-na-patishtata

Овде би додал, кое црно осветлување по нашите патишта бре леба им???

ЈПДП воведува рестрикции на осветлувањето на патиштата

Јавното претпријатие за државни патишта (ЈПДП) почна постапка за дополнително етапно спроведување на максимална рестрикција на осветлувањето поставено на државните патишта, со запазување на безбедноста на сообраќајот во ноќните часови. Рестрикции на осветлувањето нема да се вршат во тунелите на државните патишта.

Од Јавното претпријатие ги повикуваат корисниците на патиштата во земјава да ја прилагодат брзината на движење спрема условите на патот и да бидат внимателни заради нивна безбедност и безбедоста на останатите учесници во сообраќајот.

Оттаму појаснуваат дека рестрикциите се во насока на растоварување на енергетскиот систем од недостиг на електрична енергија во земјата, согласно со Уредбата на Владата од 30 октомври 2021 година со која се предвидува минимален сигурносен обем на осветлување на улици, плоштади и други објекти во земјава, која ги опфаќа и патиштата.

– Јавното претпријатие за државни патишта започна со рестрикција на осветлувањето на државните патишта. Имено, спроведувајќи ја одлуката на Владата, ЈПДП започна со намалување на осветлувањето во ноември 2021 година, се вели во денешното соопштение од ЈПДП. Во време кога државата се соочува со предизвикот на решавање на енергетската криза сакаме да ја известиме јавноста дека Јавното претпријатие за државни патишта започна постапка за дополнително етапно спроведување на максимална рестрикција на осветлувањето поставено на државните патишта, притоа запазувајќи ја безбедноста на сообраќајот во ноќните часови. Рестрикции на осветлувањето нема да се вршат во тунелите на државните патишта во Република Северна Македонија, појаснуваат од ЈПДП.

https://mk.tv21.tv/jpdp-voveduva-restriktsii-na-osvetluvaneto-na-patishtata

Штип - Крупиште експресниот се вози веќе година ипол, Крупиште - Кочани би требало во Март да се пушти...

Дефицит на јавни тоалети и чешми

Патниците по македонските патишта
со сериозни забелешки
Лето е и фреквенцијата на патници по патиштата низ државава е повеќекратно зголемена. Токму по жешкото време, потребите на патниците и нивните сопатници да застанат, да одморат, да се освежат со вода или да одат во тоалет се поголеми. Но токму тука патниците што возат по патиштата низ Македонија се судираат со еден проблем: нема јавни тоалети, освен по бензинските пумпи или угостителските објекти на патиштата. Многумина што летово транзитирале по некој од македонските патишта се прашуваат зошто нема и кој треба да испланира изградба на јавни тоалети, чешми и одморалишта за возачите. Министерството за транспорт и врски или општините низ кои поминуваат тие патишта? Или, пак, можеби ЈП за државни патишта? Без разлика кој е одговорот на нивното прашање, штом веќе се поставува, очигледно е дека е почувствувана потреба од дополнување на патната инфраструктура со ваков тип содржини, како потреба за возачите и нивните сопатници.
Последен пат кога влегов во јавен тоалет (на бензинска пумпа) видов (не)секојдневна слика. Немаше тоалетна хартија, за сапун да не зборувам, вратата не се заклучуваше. Ред за чекање – немаше, ама откако влегов, забележав и зошто. Компарација со јавните тоалети во странство не може ни да се направи. Светло на сензор, заклучување на сензор, пријатен мирис, пуштање чешма, сапун и хартија – на сензор, чисто, хигиенски одржувано подобро и од мојот тоалет дома! Избегнувам да користам јавни тоалети, ама кога морам – морам – вели еден од анкетираните возачи, кој беше на пропатување низ земјава.
Но не се пожали само тој на едно вакво искуство, анкетата беше направена на повеќе од сто возачи и нивни сопатници на една бензинска пумпа на автопат на излезот од нашата држава кон соседна Грција.
Од Министерството за транспорт и врски велат тие не се надлежни за изградба на вакви објекти.

Министерството за транспорт и врски по барање на општините и приватни инвеститори, може единствено да даде согласност за урбанистички проект за таков тип придружни објекти – кратко ни одговорија од Министерство за транспорт и врски.
Прашавме и во една од поголемите македонски општини, од каде што добивме не многу јасен одговор.
Патиштата имаат своја категоризација. Во однос на регионалните и магистралните патни правци, надлежно е јавното претпријатие за државни патишта (ЈПДП) – ни рекоа од Општина Битола.
Од ЈП „Државни патишта“ велат дека немаат практика на изградба на јавни тоалети.
– Нема законска регулатива поврзана со прашањето за изградба на јавни тоалети. Оттука произлегува дека нема обврска за изградба. Доколку се донесе законска регулатива за оваа област, ЈПДП ќе ја применува. Освен тоа, на државните патишта е поставена информативна вертикална сигнализација, со која се најавуваат одморалиштата со прислужно-услужни објекти во кои има јавен тоалет – објаснија од ЈП за „Државни патишта“.
И додека кај нас не е законски пропишано да се градат јавни тоалети, по патиштата во Антички Рим постојат записи, но и остатоци дека уште во античкиот период имале развиен концепт за јавни тоалети.

Исто така, јавните тоалети почнале да се јавуваат во Париз, Берлин и во Лондон до 20 век. Според тоа, имале и одредени стандарди по кои се граделе. Како на пример, изградбата зависела од фреквенцијата на луѓето, па според тоа се граделе на помала или на поголема раздалеченост. Тие и сега не се користат само за физиолошки потреби, туку претставуваат и естетски зданија и места каде што има бесплатен интернет, полначи за телефон и други работи што би им го олесниле животот на луѓето. Креаторите на светските јавни тоалети, сакајќи да го изразат своето стилско чувство, оставаат впечатлива архитектурата, која дава еден аспект за културата и односот на една нација. На таков начин се добива еден убав состав од грижа за јавното здравје и хигиената, а се прикажува вниманието кон естетиката на сите оние што ги посетуваат нивните јавни тоалети.

https://www.novamakedonija.com.mk/makedonija/politika/дефицит-на-јавни-тоалети-и-чешми/

Vegetacijata e stara boljka. Jas samo ednas sum videl na lice mesto deka se raboti nesto na taa tema i tolku. Postojat delnici kade so godini nisto ne e cepnato a ima i takvi so asfalt od jugoslovesko vreme. Eden asalen parking nema a da ne zboruvam kolku znaci falat.

Edited by Denko - 16-Jul-2021 at 00:06

Бочварски: Патарини се плаќаат за да имаме модерни патишта.

Патарини на автопатите се плаќаат за да имаме модерни патишта, да можеме да ги одржуваме, при зимски услови да ги исчистиме од снежни наноси и почесто да ги реконструираме, за да бидат во добра кондиција, порача денеска министерот за транспорт и врски Благој Бочварски.

Ovoj ne pravi budali pri zdrav razum. Videl li toj moderen avtopat i kako toj se odrzuva!?

Originally posted by Vasilij Друже во овој пост апсолутно не се согласувам со делот финансирани. Што ти значи финансирани. Еве, првата делница на Штип - Кочани се плаќаше кон Гранит во 2019 и 2020. Имав увид (по службена должност преку компанијата) каде според документацијата се гледа, почнато е со исплати во 2019 а завршено во 2020 кога и беше пуштен. Кое финансирање од претходната влада. Финансиска конструкција е едно а плаќање на фактурите е друго. Ако е така што не ги спомнеш 2та или 3та пакети од ЕБОР што токму оваа влада ги договори. Меѓутоа да застанеме да не го претвориме ова во политичка дебата, за 11 години владеење премалку е реконструирано и направено. Најјако е што и постојните регионални патишта треба да се реконструираат. Во 11 години не најдоа време да ги чепнат Делчево - Пехчево, Кочани - Делчево, Берово - Клепало, Берово - Струмица, овие во овие 3-4 години сите ги реконструираа, така да вистината е што би рекли хрватите вода дубока. Овие делници што ги спомав се лесно проверливи. И што да кажеме за Крупиште - Пробиштип, од 2010 беше во катастрофална состојба, што не го реконструираа. Кога во 2019 тргна реконструкцијата испадна дека патот е толку лош што на делови одново тампонираа и се симнаа 1 метро. 23-4 км целосно реконструиран пат имаме денес.

Хаха, Зоране абе ти ли си? Јас па навистина помислив дека дебатирам со обичен граѓанин, а не партиски функционер. Џабе ти објаснувам, продолжи да си мислиш дека претходните почнале нешто на лепе очи, па овие сега способните ги изнашле парите за реализација. Дури и Крупиште - Пробиштип е почнат од претходните, Берово - Струмица е реконструиран една третина до сега, не трчај толку, Свети Николе - Куманово, Ранковце - К.Паланка, Куманово - Харачин, и многу регионални во Западна Македонија се почнати од Грујос.
Под финансирање го подразбирам аплицирањето и одобрувањето на заемот, ние сите патишта ги градиме со кредити, не со наши средства, а тоа што ЕБОР и Светска Банка пуштиле одделни транши лани или полани е обична рутина, нормално дека нема да му ги дадат на Грујос или Заеф одеднаш да ги лапнат.

Originally posted by Marxentric Реалноста е дека сите овие што ги наброја се проектирани и финансирани од претходната гарнитура, што не е јасно? Далеку од тоа да го подржувам Грујо, точно е дека тешки пари искрадоа и салам го усраа Охрид - Кичево, но сите тие проекти се нивни, сите 4 автопатски делници се почнати од нив, сите експресни, па и Велес - Кадрифаково, што нема ништо заедничко со експресен е нивен! Многу реконструкции се нивни. Овие сега само ги продолжуваат проектите, а и немаат друг избор, тоа е од државен интерес, замисли да кажат дека ќе прекинат некој од тие проекти, никогаш нема да добијат кредит повеќе. Упорно сакаш да ја свртиш приказната дека Зајко завршил некој пат, не бе друже, ни Грујо ни Зајко лопата не пипаат, ама затоа лапаат провизии. Еве ти друг пример, дури и автопатот до Блаце е проектиран и планиран како стратешка инвестиција на претходната власт, но ете според твојот начин на размислување, сдс 4 години не можат да завршат мочани 2 километра! Но, сепак тоа е твој начин на размислување, јас знам дека е многу покомплицирано завршувањето на тие 2 километри, отколку што изгледа, знам дека има многу пречки, како на пример со проблематична експропријација, долги тендери, одобрување од финансиерот, неочекувани проблеми при ископ, подземни води, археолошки пронајдоци, недостаток на работници и опрема, проблеми со подизведувачи итн. Еве им шанса да се покажат со Кичево - Гостивар, Струга - Требеништа и Битола - Прилеп, сакаш да се обложиме дека пред 2023 ниту еден од овие нема да почне градба?

Реалноста е дека сите овие што ги наброја се проектирани и финансирани од претходната гарнитура, што не е јасно?
Далеку од тоа да го подржувам Грујо, точно е дека тешки пари искрадоа и салам го усраа Охрид - Кичево, но сите тие проекти се нивни, сите 4 автопатски делници се почнати од нив, сите експресни, па и Велес - Кадрифаково, што нема ништо заедничко со експресен е нивен! Многу реконструкции се нивни.
Овие сега само ги продолжуваат проектите, а и немаат друг избор, тоа е од државен интерес, замисли да кажат дека ќе прекинат некој од тие проекти, никогаш нема да добијат кредит повеќе.
Упорно сакаш да ја свртиш приказната дека Зајко завршил некој пат, не бе друже, ни Грујо ни Зајко лопата не пипаат, ама затоа лапаат провизии.
Еве ти друг пример, дури и автопатот до Блаце е проектиран и планиран како стратешка инвестиција на претходната власт, но ете според твојот начин на размислување, сдс 4 години не можат да завршат мочани 2 километра! Но, сепак тоа е твој начин на размислување, јас знам дека е многу покомплицирано завршувањето на тие 2 километри, отколку што изгледа, знам дека има многу пречки, како на пример со проблематична експропријација, долги тендери, одобрување од финансиерот, неочекувани проблеми при ископ, подземни води, археолошки пронајдоци, недостаток на работници и опрема, проблеми со подизведувачи итн.
Еве им шанса да се покажат со Кичево - Гостивар, Струга - Требеништа и Битола - Прилеп, сакаш да се обложиме дека пред 2023 ниту еден од овие нема да почне градба?