build.mk Homepage
Forum Home Forum Home > Главни теми > Проекти > Комерцијални
  Active Topics Active Topics
  FAQ FAQ  Forum Search   Register Register  Login Login

Трговски објекти (општо)

Bookmark and Share
 Post Reply Post Reply Page  <1 212223
Author
Message
  Topic Search Topic Search  Topic Options Topic Options
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 11705
  Quote Џоле Quote  Post ReplyReply #441 Posted: 28-May-2018 at 10:51
Реконструиран е трговскиот центар во Штип (фотографијата е од 30.11.2017)



http://prizma.mk/porazot-na-gruevski-zaveren-vo-familijarniot-shtip/
За сè има вторпат
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 11705
  Quote Џоле Quote  Post ReplyReply #442 Posted: 16-Jul-2018 at 11:22
Во духот на денешното време

Во седумдесеттите години на минатиот век изграден е трговски центар во централното подрачје на градот Штип, со катност П+1.Трговскиот центар е изграден како атриумски објект, со централен отворен атриум. На јужната страна објектот е паралелен со улицата „Маршал Тито“ и кејот на реката Отиња, а на северната страна е паралелен со улицата „Ванчо Прке“. Трговскиот центар излегува на две улици, но има пристап од сите четири страни.

Изгледот на објектот е во согласност со тогашните трендови во архитектурата. За време на неговото егзистирање бил многу често надградуван и додавани му се делови на рамниот и косиот кров, без некоја целосна анализа и предлог за целосен изглед или реконструкција на објектот, што и денес може да се забележи на северната страна од постојниот објект. Во трговскиот центар имало повеќе локали, мали и големи, чија големина често се менувала по потреба на корисниците. На јужната страна долж објектот имало тераса.



Со новиот ДУП за дел од Центар – Штип, дел од урбан блок, урбан модул 1 и 2, планирано е постојниот трговски центар да се надгради со кота на венец до 16 метри, односно да има катност од По+П+2.

Денес трговскиот центар има четри сопственици. На барање на двајцата сопственици на јужниот дел (преден дел) на трговскиот центар во Штип, „Игедо ДООЕЛ Штип“ и „Оаза угостителство и трговија АД Штип“ извршена е реконструкција и надградба на постојниот трговски центар, но само на јужниот дел. Намената останува иста, како и што била на постојниот објект, Б2-големи трговски единици. При проектирање и градење на надградбата и реконструкцијата почитувани се во сè дадените урбанистички параметри и барањата на инвеститорите.



Автори на проектот за реконструкција и надградба на јужниот дел на трговскиот центар во Штип се архитектите од проектанското биро „Радиус архитекти“ ДООЕЛ од Скопје, Мартин Пановски, д. и. а., Јана Гугуловска-Ѓорѓевиќ, д. и. а., Душица Диневска, д. и. а., Александар Наумчевски, д. и. а. и соработник Ана Урумовска, д. и. а. Проектирањето на реконструкцијата и надградбата на јужниот дел од трговскиот центар во Штип се работени во 2013 и 2014 година, а градбата траела од 2014 до 2018 година. Реконструкцијата на трговскиот центар во Штип е поделена во две фази и тоа фаза1: реконструкција и надградба на јужниот (преден дел на постојниот објект) и фаза 2: реконструкција и надградба на средишниот атриумски дел на објектот.



Согласно барањата на инвеститорите, но почитувајќи ги дадените урбанистички параметри, денес реконструираниот и надграден трговскиот центар во Штип ги има следните параметри споредено со стариот објект.

Бруто-развиена површина на постоен објект П=7400.00 квадратни метри, фаза 1: бруто- развиена површина П=1123,35 квадратни метри, фаза 2: бруто-развиена површина П=378,31 квадратни метри или вкупна бруто-развиена површина на новиот дограден и реконструиран објект е П=8902,27 квадратни метри. Со оваа надградба и реконструкција видно се зголемува корисната површина на трговскиот центар, но се подобрува и квалитетот на целиот објект и квалитетот на внатрешните простори – локалите.



Локалите во приземјето во новиот објект остануваат скоро исти како во постојниот со минимални измени, реконструирани и со подобар квалитет на просторите. Надградбата е направена над првиот кат и над терасите на него, така што се добива поголема корисна затворена површина. Објектот што се надградува поделен е на два дела помеѓу сегашните сопственици и тоа дел А и дел Б. На југозападната страна на објектот, постоечката тераса е интегрирана во постоен локал, а еден дел е адаптирана за влез во делот А. За оформување на нов влез во делот А на западната страна е изградена доградба. Во влезната партија сместени се нови скали и лифт како вертикална комуникација меѓу катовите на делот А. Делот Б ги користи како вертикална комуникација постојните скали и лифт на источната страна. Скалите во атриумот остануваат и се користат исто така како вертикална комуникација меѓу катовите во објектот.

Во делот Б влезот во локалите во приземјето е преку трем. Влезот во атриумот на трговскиот центар е централно поставен во приземјето, како што било и во постојниот објект. Правците на движење и влезови – излези не се променети и во новиот реконструиран и надграден трговски центар.

На првиот и вториот кат се проектирани два трговски простори, по еден во делот А и делот Б. Над вториот кат има проодна отворена тераса, со убави визури кон реката Отиња, нејзиниот кеј и градот Штип.

Конструкцијата на постојниот објект е скелетна армирано-бетонска. Надградбата е изведена од челична конструкција со армирано-бетонски столбови на подолните катови (подрум, приземје и први кат). Меѓукатната конструкција над вториот кат е со решеткасти челични носачи над кој налегнува спрегната плоча од конструктивен лим и слој од тенок бетон од 5 до 9 сантиметри лесно армиран. Челичните решетки се видливи во просторот.



Извршено е и зајакнување на постојните темели и темелни стопи. Поради малиот простор за работа (површината на локацијата и површината за градба се исти) и појавата на подземните води, темелењето на новите столбови е извршено со колови со капи врз нив. Котата на фундирање е -6,3 метри. Коловите се поврзани со конструктивна армирано- бетонска греда 60/80 сантиметри. Со овие интервенции е зајакната стабилноста на објектот.

Во објектот се изведени нови современи инсталации хидротехнички, термотехнички и електротехнички, а исто така изведена е и нова ПП-заштита. Енергетската ефикасност е во согласност со законската регулатива.

Фазата 2, реконструкција и надградба на средишниот атриумски дел сè уште не е комплетно завршена. Завршено е само покривањето на атриумот со нов кровен покривач од ребраст лим и поставени се лантерни.

Обликувањето на објектот и неговите фасади се посебно интересни и го преобразуваат објектот во нешто сосема ново и различно од постојното, современ објект во духот на денешното време и трендовите во современата архитектура.
При обликување на фасадата, проектантите ја следеле градежната линија која е заоблена, а што му дава посебна мекост на објектот кој е со голема должина и нагласена хоризонтала. Фасадата е закосена по хоризонтала и се проширува нагоре. Со тоа се проширува корисната површина на горните катови, а е истовремено и добра заштита од јужно сонце, избегнување директни сончеви зраци на вертикална површина. Фасадата е изведена во стакло, повеќеслоен термоизолиран термопан со алуминиумски профили, структурална фасада во комбинација со ХПЛ-бели плочи. Надворешното стакло е со слој за засенчување и заштита од сонце. Нагласена е хоризонталата со белиот венец на завршетокот на објектот и над приземјето.

Конзолните тераси на првиот и вториот кат се закосени и ги ублажуваат прекршувањата на фасадата под прав агол. Истовремено тоа е и настрешница над влезот во локалот во приземјето.

Бочните фасади, западна и источна, се рамни, вертикални и се обработени со комбинација на стакло и полни бели полиња со ХПЛ-плочи, со што се разбива рамната површина.

Пред трговкиот центар тротоарот е обновен со нови бехатон плочи, а испланирани се и оградени неколку паркинг-места покрај улицата „Маршал Тито“.
Фасадата на објектот и деталите за изведба на истата се изработени од компанијата ТОРАКС, која се занимава со проектирање и изведба на алуминумски конструкции посебно со алуминиумски конструкции на фасади со примена на светски стандарди за вакви објекти (целосно или делумно застаклени). Замислата и идејата на архитектите –проектанти е доследно реализирана, а фасадата е квалитетно изведена.

Надградбата и реконструкцијата на трговкиот центар во Штип му даваат нов лик и нова димензија на просторот во кој се наоѓа. Објектот ги отсликува новите тенденции во архитектурата и со неговото надворешно обликување и едноставност не се наметнува во околината, но остава впечаток на доминантност со својата едноставност и елеганција.



Веруваме дека надградбата и реконструкцијата на јужниот дел на трговскиот центар во Штип ќе биде инспирација и за сопствениците на северниот дел на трговскиот центар да го реконструираат и обноват и другиот дел и да претставува еден нов современ објект.

Ова е успешна надградба и реконструкција на постоечки објект кој егзистирал повеќе од 40 години. Нов изглед, иста функција, зголемен капацитет, зголемена корисна површина, современ објект со сите елементи кои го отсликуваат времето кога е надграден и реконструиран. Во опкружувањето внесува свежина, нешто ново и убаво.

Автор: Натка ЌОСЕВА, дипл. инж. арх.

https://www.porta3.mk/vo-duhot-na-deneshnoto-vreme/
За сè има вторпат
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 11705
  Quote Џоле Quote  Post ReplyReply #443 Posted: 18-Sep-2018 at 10:01
Тетово

BFM SHOWROOM

2018

PROJECT TEAM: Hristijan Ivanovski, Armend Hebipi, Stefan Atanasoski, Bisera Krckovska, Teuta Bajrami, Nikola Gjurcinovski and Besian Mehmeti









http://besianmehmeti.com/bfm/
За сè има вторпат
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 11705
  Quote Џоле Quote  Post ReplyReply #444 Posted: 18-Sep-2018 at 10:05
Тетово

FT SHOWROOM

2014

PROJECT TEAM: Nikola Kungulovski, Armend Hebipi, Stefan Atanasoski and Besian Mehmeti







За сè има вторпат
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 11705
  Quote Џоле Quote  Post ReplyReply #445 Posted: 07-Oct-2018 at 23:04
Тинекс, Реонски Центар (фото: Срѓан Адамовиќ, од форумот ЅЅС)



Edited by Џоле - 07-Oct-2018 at 23:04
За сè има вторпат
Back to Top
 Post Reply Post Reply Page  <1 212223

Forum Jump Forum Permissions View Drop Down



This page was generated in 0.203 seconds.

Copyright ©2007 - 2018  build.mk

Коментарите на форумот претставуваат лично мислење на нивните автори и не претставуваат официјален став на build.mk.