Порта Македонија

откако ќе ја направат пешачка зона ул. Димитрија Чуповски а веројатно ќе ја поплочат и ко цел плоштад во бел мермер [1] веројатно и ПМ ќе се вклопи во околината бар партерно, нормално и неокласичните фасади би ја покриле постојната невклопливост, но ќе биде супер смешно кога пред неа ќе треба да понира тунелот под плоштад, можеби и делов пред собрание ќе бидне плоштад а понирањето да го поместат пред градска

ако се иземе евентуално некоја кармична или симболична ујдурма, напросто ме изненади тоа новата настрешница врз Триумфалката, бар симетрично да и висеше, додека ова сега вака е добрволно изневерување на барокот, а таман почнав да прифаќам композициски оправдувања како тоа придружбата од споменици, но ова навистина е неверство, како велат за вакво нешто старозаветно се прибегнувало кон каменување  таман бетонот да и го ољуштат ко што и заслужува, а и така истиот мувла фаќа понеа односно од неа 

навистина можеле бар малку од малку да имаат акал тие кои ја кинџуреле накнадно тримфулкава, но и самата градба не е кузнај што па веројатно и дозволиво е вакви закрпи да пројдат на тоа кафичот што го има во глата, опуштено коктелче две и се што е искривено се оправа со насмевка

~

него ме изненади инвентивноста и предаденоста апропо проектов од страна на Премиерот небаре нема друга работа, или може ова му бидна хоби, па си тера сеир  изгледа тримфулката намерно ја паркира во таква положба за што повеќе да го стопира понирањето на тунелот удоле под плоштад, шала на страна но чим има абер и за специјален мермерен бетон та и за квалитетен фасаден мермер, требало да биде подарежлив и на тримфалкава да и оставел нешто повеќе простор за да се истакне т.е. наместо в поле да ја поставил пред Собрание за сите да можат да пројдат под неа а не само по некој залутан, во секој случај мора да му се симне капа за предаденоста на службата и сестраноста во амбициите [1][2] ах бе Никола да имаше тро повеќе акал дека се на овој свет навистина е минливо на идеи како Тримфалката ќе гледаше како озбилен ќорсокак од туѓи традиции, во најдобар случај римски а во најлош масонски иако и во двата случаи од декадентни средини произлезени   

 

Edited by Max - 29-May-2015 at 22:49

Би сакал да развиеме дискусија за последниве настани, посебно за „вандализирањето“ на портата Македонија, со ладни глави, воздржани од дневнополитички препукувања (колку што е можно). На пример, јас лично не се чувствувам пријатно поради нејзиното чкртање поради фактот што сега е дури и погрда од претходно. За мене оваа „творба“ нема никаква духовна, културна, историска или друга вредност и претставува симбол на една власт што, опиена од моќта, почна да губи допирни точки со македонската реалност и забега во некој свој свет. Ќе повторам, вака „нагрдена“ воопшто не ми е пријатна, но од друга страна имам разбирање за луѓето кои го сториле тоа - за нив портата е симбол на едно лошо владеење (како што за истото владеење се симбол и многу други згради, споменици и мостови во градов). Е сега, јас лично би сакал портата никогаш да не се изградеше зашто во суштина како нација немаме некој значаен триумф за славење (25 години „независност“ и не е некој повод за славје, барем своевремено тоа беше изговорот за градењето на портата, колку што памтам). Ако се донесе решение од стручни лица да се урне и да се исчисти просторот, јас би го поддржал тоа решение како граѓанин и жител на Скопје. Јас сметам дека портата е еден урбан чир што нема смисла, што нема поента и што нема допирни точки со околниот простор и со времето во кое е изградена. Но сепак нејзиното „нагрдување“ не ме остава рамнодушен, односно сметам дека е непродуктивно, иако имам разбирање за вандалскиот чин.

Ме интересираат вашите мислења. Ве замолувам за конструктивни и аргументирани коментари и за избегнување на дневнополитичките препукувања што ни се случуваат (колку што е можно). Секој има право на свое мислење, но исто така треба да образложи зошто неговиот став е таков, на некој разбирлив јазик за сите нас.

Во продолжение погледнете ги фотографиите од „нагрдената“ порта.























фото: mkd.mk

За вредноста на зданиево не вреди да се трошат зборови, доволно е кажано.

Што се однесува до „сквернавењето“, иако е вандалски чин, во фарсата во која се претвори градов, може да се толкува и како „модернизација“ на објектот.
Еден наш колумнист (порано познат како сликар/уметник) имаше пишано дека мора да го изодиме патот на уметноста коj „и другите нации го поминале“... па така ако „тортава“ е нашиот (нео)класицизам, тогаш графитите се зачеток на нашиот енформел или можеби дада. Како брковите на МонаЛиза.



Edited by fichot - 18-Apr-2016 at 01:34

многу ми е интересно кога коментарите за вандализација на имот при протести се „ама вие ќе треба да платите за чистењето и за реновирањето“... демек сумите за изградба и за чистење на објектот се многу споредливи...
...плус, не знам наколку луѓе во оваа земја им е јасно дека објектот мора да прима редовно одржување со или без вандализам... да знам... редовно одржување човече... вау, што е тоа?
а кој пресметал колкава е сметката за осветлување на портава на пример? и колку е трошено на нејзина промоција?


плус, не знам зошто на секои протести се правиме ко прв пат да гледаме протести... се скршиле две-три стакла и се исшкртала портава, и одма биле радикални... па добор бе, ни во Канада не е радикално вакво нешто

плус, не знам зошто упорно паѓате на фори за насочување на дискусија на небитни ствари... еве да дискутираме за битното, а тоа е како буквално цел град е хендикепиран за време на овие протести... тоа што мораш да вртиш круг со радиус од повеќе од еден километар за да го заобиколиш центарот дури и како пешак...

во вакви времиња се докажува каква катастрофална и фалична сообраќајна мрежа има градов и дека може да се случи колапс со затворање на многу мал дел од таа мрежа

Едноставно е, не смее да се дозволи ниеден објект во градот да биде вандализиран од одредена група граѓани затоа што ним објектот не им се допаѓа. Или затоа што се чувствуваат револуционерно. Граѓаните не смеат да рушат или градат, власта смее. Затоа што власта е репрезент и одраз на мислата на мнозинството на народот. Ако мнозинството народ смета дека портата треба да се руши или обои, тоа ќе се случи кога оваа власт ќе биде заменета со друга. Дотогаш, овој чин не е ништо друго освен вандализам и очекувам наскоро да се казни. Како што рече Џоле, ако размислуваме и коментираме со ладни глави, сигурно ќе се сложиме дека група од неколку илјади луѓе не смее да се дрзнува да дели правда, да поправа некакви си историски грешки и да сквернави се што не им се допаѓа. Затоа што тоа е вовед во анархија. Јас сум сигурен дека во државава има разни центри на моќ кои можат да соберат 5К луѓе и уништуваат разни објекти кои не им се допаѓаат.

И портатат беше поставена на вандалски начин, така да целосно го оправдувам револтот за кој патем мислам дека е доста мек, со оглед на работите шти ни се случија во последнава недела.

Со исклучок на графитите, визуелно ми се допаѓа обоената порта. А самата таа е поголем вандализам. Вандализирање вандализам, вандализам ли е?
Ако шкртањето со стиропорни графити што се направи на соседните згради, од кои голем дел се со голема вредност, не е вандализам, тогаш ова е... ништо.

Како на пример вандализам и примитивизам

Вечерва го достигнаа вандалите врвот, со чесен исклучок на достоинствените луѓе, само незнам дали можат да размислат дека трпението кај другите го достигнува залезот, Цело малограѓанство би го искршил на клоци пред цела држава, оваа е поигрување со свеста на достоинствените луѓе и на страната на тие што протестираат и на другата страна што не протестира, мислам дека оваа што го праваат вечерва, завчера може и утре и задутре ќе биде пресекувањето на горделивиот јазол, и дека наместо „борејќи“ се за да „бутнат“ некој од власт - само повеќе ќе го зацементираат на „престолот“ - има многу народ кој гледа и суди и набрзо ќе пресуди - верувајте ми!