Коритото и кејот на Вардар низ Скопје

УЛИЦИ И ПАТИШТА И ГОДИНАВА ЌЕ ГИ ОДРЖУВААТ РЕЧНИТЕ КОРИТА

Рачно чистење на 64.000 квадрати од Вардар и Лепенец

Според проценките на јавното претпријатие "Улици и патишта" освен рачно чистење ќе се врши и машинско буткање на песок и мил за пополнување на дупки и пополнување на нивелетата околу 30 илјади квадрати, а на пет илади квадрати ќе се изврши машинско чистење на нивелетата

Одржувањето на коритата на реките Вардар и Лепенец како и отворените канали на подрачјето на Град Скопје и годинава му е доверено на ЈП Улици и патишта". Од јавното претпријатие информираат дека сите активности ќе се реализираат етапно и според Програмата за работа која ја усвои Советот на Град Скопје, со која се дефинираат обемот и динамиката на на потребните активности за одржување на коритото на Вардар во урбаниот дел на Скопје во должина од 11.000 метри од мост Сарај до мост Близнак во Аеродром.

Одржувањето на коритото на левиот и десниот брег на реката Вардар ќе се одвива во три фази и тоа во првата фаза - рачно чистење на косините на коритото, кое опфаќа сечење и отстранување на грмушките, трева, корења, трња и друга вегетација како и собирање на пластична амбалажа. Втора фаза подразбира машинско чистење, утовар и транспорт на ѓубрето од речното корито и под како и наталожениот мил по косините и нивелетата на коритото на реката Вардар. За таа цел ќе се постават привремени рампи од чакал за да се овозможи влез на потребната механизација во коритото на реката. Извадениот нанос, мил и друг материјал, ќе се товари на камиони и ќе се транспортира до депонија. Во третата фаза ќе се врши машинско туркање на песочните наноси и милот, како и пополнување на дупките и нерамнините коритото.

И чистењето на Лепенец ќе се врши на ист начин. Според проценките на Улици и патишта", рачно чистење ќе се изврши на површина од околу 64 илјади квадрати, со машинско буткање на песок и мил за пополнување дупки и пополнување на нивелетата околу 30 илјади квадрати, а на пет илјади квадрати ќе се изврши машинско чистење на нивелетата. Екипите ќе работат со машини за косење, булдожери, багери, камиони.

(Е.А.)

http://www.vecer.com.mk/?ItemID=D37F1B8433222D48B301A695FAB5DECC

ВО НАСЕЛБАТА НОВО ЛИСИЧЕ
Дупките покрај Вардар закана за пешаците

Елена Вељановска


Шетањето покрај кејот на Вардар во делот на Ново Лисиче, каде што во моментот се прават подготовки за изградба на нова зграда на Фудбалската федерација на Македонија и спортски терени, станува повеќе од опасно. Веднаш до пешачката патека има ископано длабоки дупки, некои и по десетина метри, кои претставуваат реална опасност за безбедноста на стотиците пешаци што во летните горештини шетаат покрај реката. За состојбата да биде уште подраматична, безбедносните тараби веќе одреден период се тргнати, а поради близината на речното корито, ископаните дупки се полнат со подземна вода. Поради лошата безбедност, граѓаните од овој дел на општината Аеродром избегнуваат прошетките да ги прават на пешачката патека, каде што бездни од десетина метри им се закануваат на секој чекор. Според жителите на оваа скопска општина, најзагрозени во случајот се децата затоа што тие постојано трчаат и доколку се лизнат и паднат, може да добијат сериозни повреди. - Страшно е да се поминува таму, особено навечер кога е малку осветлено. Од пешачката патека директно гледаш во огромни дупки. Многу е стрмно и опасно ако некој не внимава - сведочи Кристина Петров, жителка на Ново Лисиче. Поради стравот да не паднат во ископаните дупки, граѓани, наместо да пешачат на патеката направена токму за таа намена, се движат по втората патека, која е направена за возење ролери и велосипеди. Од Општина Аеродром, на чијашто територија се гради зградата на Фудбалската федерација на Македонија, велат дека нивните инспектори веќе се излезени на терен и ја проверуваат состојбата. - Веднаш откако бевме запознаени со загрозената безбедност низ пешачката патека на кејот на Вардар поради непостоењето заштитни огради на просторот за работа, општински инспектори излегоа на терен и откако ќе направат увид на самото место, ќе бидат преземени соодветни активности за санирање на таквата состојба - најавуваат од Одделението за односи со јавност на Општина Аеродром. Инаку, на просторот низ реката Вардар во општина Аеродром е најавена изградба на новата административна зграда на Фудбалската федерација на Македонија, која ќе се протега на површина од 4.000 квадратни метри и ќе биде направена и опремена по сите светски стандарди.

http://www.vreme.com.mk/DesktopDefault.aspx?tabindex=0&tabid=1&EditionID=2345&ArticleID=162971

Се кројат планови за уредување на коритото на Вардар во Карпош

Ќе се реконструира и дополнително ќе се регулира минор и мајор коритото на реката Вардар, на потегот од вливот на реката Лепенец до мостот на булеварот „8 Септември“ кај хотелот „Александар палас“. Во функција на остварување на проектот, Градот Скопје денеска распиша оглас за пронаоѓање компанија што ќе го подготви основниот проект, со вклучена ревизија на проектот. Со реализација на овој зафат во целост ќе се санира овој дел од Кејот на реката Вардар, кој потпаѓа под територијата на општина Карпош.



За комплетирање на проектната документација е предвидено да се издвојат финансиски средства во висина од 1,5 милиони денари, без вклучен ДДВ. Градот Скопје најпрво ќе го избере субјектот што ќе го изготви основниот проект, а по нејзината изработка ќе пристапи кон следните фази на реализација. Јавното отворање на пристигнатите понуди од компаниите е закажано за 1 јуни.

Кејот, на потегот од зградата на телевизија „Канал 5“ до хотелот „Александар палас“, веќе неколку години е функционален со изведбата на пешачката и на велосипедската патека во мајор коритото од десната страна на реката Вардар.

http://www.build.mk/?p=44389

Убаво е што ќе се досреди делот и од другата страна но треба веднаш да се дислоцира дивата населба на околу 500 метри од полигонот.

Град Скопје за 260.000 евра ќе уредува 400 метри од коритото на Вардар

Градските власти од Скопје објавија оглас за реконструкција и одржување на партерно уредување на минор и мајор коритото на левата страна од Вардар. Договорот е проценет на 16.267.311 денари или 263.837 евра, а се работи за потегот од Камени мост до мостот „Слобода“ кај новиот објект на Министерството за надворешни работи.

Согласно тендерот, понудите на заинтересираните фирми ќе се доставуваат најдоцна до 31 август, за кога е закажано и нивно јавно отворање. Критериум за доделување на договорот е најниската цена.

Со реконструкцијата во план е уредување на заштитниот бедем, патеките и околниот простор. Исто така, предвидено е и поставување на нова урбана опрема.

Овој простор беше раскопан поради градежните интервенции на кејот, каде последниве години беа издигнати пет нови градби. Дополнително во коритото беше интервенирано поради изградбата на два нови моста - „Око“ и Мостот на уметноста.

Меѓувремено, се уште се чека и на конечно уредување и на десната страна на Вардар, кај ГТЦ, каде поради зафатите на мостовите и галиите веќе подолг временски период е прекинат дел од најдолгата скопска велосипедска патека.

Во изминативе години не се направи ниту подземна пристапна улица од хотелот „Холидеј ин“ до зградата на „Т-мобиле“. Изградбата на овој објект беше условена токму со изведба на улица за сообраќаен пристап до административно-деловната зграда. Таа започна да се гради во октомври 2008 година на вкупна површина 9.400 квадратни метри. Основниот услов за подземната улица не се оствари, па вработените на „Т-мобиле“, други возачи, велосипедисти и пешаци почнаа да го користат шеталиштето покрај „распосланите“ локали на ГТЦ како надземна сервисна патека.

http://www.mkd.mk/makedonija/skopje/grad-skopje-za-260000-evra-kje-ureduva-400-metri-od-koritoto-na-vardar

еј ваљда ќе го реновираат....зашо целиот кеј тука изглеа ужасно и се распаѓа...

*во очекување на новиот велелепен бекатон наместо стариот плочник*
...се надевам дека сум грешка

Линкот се однесува на друг дел, од Holiday Inn до камен мост. Забеган праша за делот околу камен мост од другата страна кај МНТ/Пулевски/Карпош.

зошто бе секаде каде што имаше убави плочници мораа да стават некаква безлична бљувотина од плочки? ...ќе оќоравеме од белово
(спореди плочките на скалите и новиве плочки)

Edited by zabegan - 16-May-2016 at 03:47

Психопативе почнале со изградба на улицата на кеј. Мораат секој агол од Скопје да го уништат. Затоа изборните резултати во овој прекрасен град се такви какви што се, а ќе бидат уште подобри на локалните.



Почна изградбата на спорната сообраќајница која ќе го пресече шеталиштето на Кеј 13 Ноември. Градежници почнаа да ги вадат плочките од шеталиштето , а поставена е и заштитна ограда.

Сопствениците на кафулињата кои се наоѓаат на кејот се изненадени што за време на викенд почнуваат градежни активности. Добиле штури објаснувања за почетокот на градењето од работниците, а велат дека се јавиле и во Општина Центар.



Извор