Братислава, Bratislava

Неколку часа минати во прошетка низ главниот град на Словачка водат кон овие фотографии. Имав можност да престојувам повеќе отколку што очекував во овој град (благодарејќи на Визер). Лично сум љубител на градови кои имаат население од 200.000 до 1.000.000 жители. Можеби од навика од Скопје, можеби од љубов кон Љубљана.

Како и да е, мене лично Братислава ми остави многу поубав впечаток од Прага, на пример. Не говорам за фотографирање или места кои можат да се посетат, туку за живот. Одлично среден сообраќај, чист и мал град, во кој може спокојно да се живее и твори. Штета што не направив фотографии од Петржалка.

За жал, Братислава е она што ние не сме. Фрустрациите, нељубењето на градот и „Скопје 2014“ не доведоа до тоа да бидеме уништен град. Братислава ми се чини дека е спротивно од ова.

Од Братислава најмногу што видов се автобуската, железничката станица и аеродромот. Многу работи ми се случуваа околу овие три локации, бидејќи крајната дестинација не ми беше Словачка.

Ме изненади тоа што автобуската станица на полноќ не е преполна со пијаници/наркомана/џепчии/итн. кои трагаат по странци за да ги ограбат. Во секој поголем град од централна Европа, ова е стандардна шема.

Во замокот не успеав да се качам, се задржав во стариот дел од градот, кој пак е близу до самиот замок. Морав да фотографирам некои делови кои ми беа приоритет .

Пак ќе речам, Братислава е совршено место за живеење ако не сте запечени по милионски градови, а истовремено сакате култура во вашето живеење.

Originally posted by BOJAN Пак ќе речам, Братислава е совршено место за живеење ако не сте запечени по милионски градови, а истовремено сакате култура во вашето живеење.

А милионскиот град е во комшии на неполн час раздалечина.

Originally posted by BOJAN Неколку часа минати во прошетка низ главниот град на Словачка водат кон овие фотографии. Имав можност да престојувам повеќе отколку што очекував во овој град (благодарејќи на Визер). Лично сум љубител на градови кои имаат население од 200.000 до 1.000.000 жители. Можеби од навика од Скопје, можеби од љубов кон Љубљана.

Е ова прв пат го слушам. Убедливо најдосадниот град кој го имам посетено во животот. Свесен сум за објективните предности во многу сфери пред Скопје, но Скопје и вакво отечено од ботокс не би го менувал за Љубљана.




Edited by pbanks - 14-Jul-2016 at 21:58