Бул. Љубљанска (+ Мост од Карпош 4 кон Злокуќани)

изградбата на булеварот Љубљанска чија реализација започнува денес. Согласно проектот се работи за ново булеварско решение на улица Љубљанска, со поврзување на нов мост на реката Вардар од таканаречен тип “extradosed bridge”.









https://www.facebook.com/CityofSkopje

Една од поголемите урбанистички утки на 21ви век во Скопје.

Ова е втор сообраќаен мост кој моментално не води никаде (првиот е мостот на булевар АСНОМ кој завршува во Ќерамидница и којзнае кога ќе се пробие булеварот натаму). Ако и овде не се пробие набрзо булеварско продолжување, тогаш ваквите слепи мостови за ништо нема да ни служат, освен за украс. Ете, ова е моето видување.

И да го пробијат во рок, планот е да се врзе со ул. Скупи. Значи таму ќе направи сообраќаен метеж до бескрај (две ленти во две насоки) а сите посетители на Сити Мол логично е да го користат мостот. Доколку нешто плански се правеше, по мое мислење треба со надвозник да ја помине улицата Скупи, па со тунел во брдото на археолошкиот локалитет, и по најкратка траса да се врзе со булевар Словенија. Вака излегува, правиме нешто ама и сами не знаеме што и зошто. Накратко тоа е мое видување за овој проект кој е многу сличен на мостот во Аеродром како што спомна Џоле.

Значи сега да не го користиме мостот додека не се направи и надвозник и Словенечка цел булевар?    Да, ок е све тоа, треба, треба, треба, ама и да ја имаме Словенечка, пак тоа што сега се гради е во согласност со ГУП.

Уствари главната улога на мостов сега за сега е од Бардовци да направи Карпош5, да не мора "елитата" да поминува од кај аутосервисите кога ќе иде накај CityMall.

Еве да почекаме, нека го направат па ќе видиме што ќе се случува кај кружниот тек кај Тојота и самата улица Скупи.

od fb

МОСТОТ „ЉУБЉАНСКА“



Најновиот мост во Карпош 4 е комплетно изграден и е подготвен да се пушти во сообраќај. Асфалтиран е просторот по мостот, сè до оградите на дворовите на првите куќи што ќе се уриваат. Овој мост треба да ја поврзе улица „Љубљанска“ во Карпош 4 со улицата „Скупи“ од другата страна на реката Вардар, со што се скратува патот од Карпош до Злокуќани и Бардовци. Иако изграден, и овој мост во моментов не води никаде. Дополнителен проблем се јавува што се случува на терен една иста парцела да биде во сопственост на повеќе лица, а се случува и да има одредени спорови меѓу сопствениците за даден имот, поради што дополнително се усложнува целосната постапка.

Доктор Ристо Цицонков, редовен професор на Машинскиот факултет – Скопје, вели дека овој мост е комплетно изграден со подарени пари и, како готов објект, му се дава, „како на тацна“, на Градот Скопје (и на државата), ама не може да се стави во функција, бидејќи Градот не изградил пристапни улици поради проблеми со експропријацијата на земјиштето.

Градењето мост преку река не е едноставна и лесна работа. Бидејќи често се шетам на тој дел од кејот на Вардар, бев сведок на изградбата на мостот. Каква разлика. Гледав како работат околу седуммина работници, но беше вклучена градежната механизација (два големи крана, булдожер и др.). Изведувач на работите беше ГП „Гранит“. Изградбата на мостот траеше околу две години и заврши во јануари 2024 година. Очекував некое свечено отворање пред парламентарните избори, но не се случи тоа ниту тогаш ниту денес. Веројатно, актуелните политички актери согледуваат дека заслугата ја има некој друг – вели Цицонков.

Со пуштањето на мостот во функција и со пробивањето на улицата „Љубљанска“, професорот смета дека придобивките ќе бидат уште поголеми кога ќе се продолжи патот до булеварот „Словенија“, односно до Јадранската магистрала, со што ќе се растовари клучката со булеварот „Никола Карев“ и булеварот „8 Септември“.

– Изградбата на овој мост беше најавена пред неколку години, со целосно финансирање од ТАВ (6,2 милиони евра), како компензација за неизградениот каргоаеродром Штип. А, од почетокот на донесувањето на одлуката за градење на мостот досега поминаа четири-пет години. Зарем тоа не е доволно време да се регулираат имотноправните односи?! Ова ме асоцира на т.н. мост на Шилегов, кој ја поврзува населбата Аеродром со населбата Ќерамидница, преку реката Вардар, изграден во 2022 година, а не може да функционира, бидејќи не може да се направи улицата што ќе минува низ Ќерамидница, поради нерасчистени имотноправни работи – констатира Цицонков.

Тој вели дека сега и најновиот мост ја има истата судбина како мостот „Михајло Апостолски“ и не може да служи ниту за ловење риби, бидејќи нема пристап ниту за луѓето, значи, не може пеш да се помине. Но, за овој мост има надеж наскоро да биде пуштен во сообраќај, бидејќи од јужната страна веќе се работи на пробивање на улицата „Љубљанска“. Согласно со проектот, се работи за ново булеварско решение на оваа улица, со поврзување на новиот мост на реката Вардар од таканаречен тип „extradosed bridge”. Следно би било поврзувањето на булеварот, преку мостот, до улицата „Скупи“.

https://www.vecer.press/11izgradeni-mostovi-no-nema-ulici-da-gi-povrzat/

Најновиот мост на Вардар меѓу Карпош и Злокуќани е готов, но целосно нефункционален



Мостот во Карпош 4 кој треба да ги поврзе улиците Љубљанска и Скупи, ја доживува истата судбина како оној во општина Аердордом. Поради нерешените имотно правни прашања граѓаните можат само да ги гледаат но не и да ги користат мостовите.

„На мостот на кој се наоѓа зад мене има 4 коловозни ленти, пешачки и велосипедски патеки, но ниту пешаците ниту велосипедистите а најамлку авотмобилите немаат пристап до него. На него може да се качите само преку оваа импровизирана скала.... “

Скалата на мостот, која е целосно небезебдна, е ставена од случајни минувачи, бидејќи истиот иако се незавршени сите градежни актвиности не е соодветно заграден. На терен од страната на улицата Љубљанска забележливи се некакви градежни работи, но улица поврзана со мостот и по неколку месеци работа нема. Од другата страна пак мостот завршува во куќите во населбата Злокуќани.

Пред околу две години, по стапувањето на функција, градоначалничката Арсовска посочи дека експропријацијата е главен проблем и за мостот кој треба да ги поврзе улиците Љубљанска и Скупи, и оној кој треба да ја поврзе општина Аеродром со Керамидница.

„Таму има 70 моменти, само 36 се на Република Македонија и останатите се во приватна сопственост и тие исто така ќе треба допрва да се регулираат значи таму правата не се разрешени.“ - Данела Арсовска.

Каква е ситуацијата во моментов и до каде е решавањето на проблемите прашавме и деенеска во Град Скопје но одговор не добивме.

Професорот Ристо Цицонков оценува дека е потребна законска измена која не само во оваа туку во сите слични ситуации во иднина ќе овозможи упростување на процесот на експропријација.

„Мора тука нешто да се превземе со проблемот со експропријација таа постпака некако да се упрости евентуално да се сменат некој законски акти и да се овозможи поефикасна експропријација и побргу завршување не само на овој мост и пристапните улици туку и на ниво на цела земја има проблем со овој процес... “-изјави Ристо Цицонков – професор Машински факултет Скопје.

Градските власти за изградба на овој мост во 2021 година добија средства од Владата преку програмата на ТАВ. Мостот чини над 6 милиони евра. Пред точно една година тогашниот премиер Димитар Ковачевски изврши увид во градежните активности и ветуваше дека иститот ќе биде пуштен во употреба до крајот на 2023, но градот да ги заврши пристпаните улици.

https://kanal5.com.mk/najnoviot-most-na-vardar-megju-karposh-i-zlokukjani-e-gotov-no-celosno-nefunkcionalen/a653307