ЗСФ КОМ

ул.”Новопланирана 1” бб, Општина Шуто Оризари









https://360stepeni.mk/video-na-kurto-dudush-mu-nikna-divogradba-i-pred-opshtina-toj-e-ramnodushen/

ОКОЛУ БОЛНИЦАТА „8 СЕПТЕМВРИ“ НЕ СМЕЕ ДА ИМА ВИСОКИ И ГОЛЕМИ ОБЈЕКТИ ОТИ СЕ ПРЕПРЕКА ЗА БЕЗБЕДНО СЛЕТУВАЊЕ НА ХЕЛИКОПТЕРИ ЗА ИТНИ СЛУЧАИ



Во соседството на Градската општа болница (ГОБ) „8 Септември“ во Скопје не смее да има големи и високи објекти оти нема да може да слетуваат хеликоптери, велат за САКАМДАКАЖАМ.МК од Агенцијата за цивилно воздухопловство. На просторот кај поранешна Воена болница има простор за слетување на воздухоплови во итни медицински случаи, и ако се изгради планираната зграда на 17 ката која е во непосредна близина на болницата, тие нема да може безбедно да слетуваат и полетуваат.

САКАМДАКАЖАМ.МК информациите за спорното урбанистичко решение во општина Карпош ги доби во пријава на алатката Пријави корупција и независно ги верификуваше.

„Од аспект на природата на болницата и евентуална потреба за специјализирани услови за воздухоплови во околината не треба да има објекти коишто претставуваат препрека за безбедно одвивање воздушен сообраќај“, велат од Агенцијата за цивилно воздухопловство.

„Ние го контролираме цивилното воздухопловство и вакви специјални летови не се во наша надлежност. За нив не треба одобрувае, но ние даваме одобрување за терените кои можат безбедно да се користат за слетување и полетување. Иако не станува збор за класични хелиодроми, такви во Македонија нема, тука станува збор за погодни локации коишто се користат како терен за вертикално полетување и слетување на воздухоплови во специјализирани услови, како што се итни медицински случаи или за потребите на службите за трагање и спасување. Во секој случај, околината на потенцијални терени за слетување на водухоплови во итни случаи треба да биде зачувана и заштитена од државата“, велат од Агенцијата за цивилно воздухопловство.

Од Агенцијата објаснуваат дека вакви итни летови во моментов изведуваат само воздухопловите на полицијата, военото воздухопловство и воздухопловствата на партнерските земји од НАТО, но во иднина може да се појави и специјализиран оператор за медицински летови, какви што има во другите држави, за што досега имало неколку најави од странство.

Зградата која се планира да се гради е во болнички комплекс во скопската населба Карпош 3, каде што покрај болницата „8 Септември“ се наоѓа и поликлиниката Букурешт, седиштето на Брзата помош за Скопје, ПЕТ центарот и приватната болница „Жан Митрев“. Според урбанистичкиот проект, зградата ќе биде со два ката деловни објекти и 17 ката станбен дел. Ќе има 420 станови, околу 2.000 жители и дневна фрекфенција на дополнителни 1.000 возила.

Покрај ова урбанистичко решение кое поминало во стручните служби на Општина Карпош, спорно е што оваа парцела се наоѓа во заштитено подрачје на зградата-споменик Воена болница, сегашната ГОБ „8 Септември“, која има статус на архитектонско наследство од времето на брутализмот бидејќи остварува континуитет со архитектонскиот израз на високата Модерна и е заштитен објект како културно наследство. Поради тоа Конзерваторски центар не дава позитивно мислење за урбанистичкиот проект за станбената зграда, бидејќи според правилата за заштита на спомениците, околу не смее да има објекти кои со својата висина и габарит би го попречувале погледот кон објектот што се води како споменик на културата Воена болница.

Но сепак, градоначалникот на Оштина Карпош Стевчо Јакимовски, месецов го одобрил урбанистичкиот проект, а службите во Општина Карпош непречено ја водат процедурата за издавање градежна дозвола.

ГОБ „8 Септември“, е одредена како Единица за прва реакција (First Response Unit) за НАТО силите во Косово, кои во итни случаи би го користеле теренот на јужната страна за слетување на хеликоптери. Со донација на Европската команда на армијата на САД во 2013 година беше реновиран Ургентниот центар и придружни две операциони сали. Тој оддел уште при проектирањето за потребите на некогашната ЈНА е дизајниран како мобилна служба за брза помош при масовни несреќи и природни катастрофи.

Во досегашната пракса во болницата повеќепати биле транспортирани повредени со хеликоптери, особено често на почетокот на 1990-тите кога во државава беа стационирани силите на Обединетите нации (УНПРОФОР). Најмасовен хеликоптерски медицински транспорт имало на 5 март 1993 година кога од Скопскиот аеродром, за помалку од еден час со хеликоптери на мисијата УНПРОФОР во болницата биле донесени 16 тешко повредени патници од авионската несреќа на „Палер Македонија“ што се случи веднаш по полетувањето. Повеќе пати на овој простор слетувале и хеликоптери на Американското воено воздухопловство што се стационирани во базата Бондстил во Косово.

Летото 2019 беше изведен симулациски лет со полициски хеликоптер, за Агенцијата за цивилно воздухопловство да ги одобри координатите за воздушен пристап до болницата и теренот кој во случај на итност може да се користи за вертикално слетување и полетување.

Болницата е изградена во рамки на обновата на постземјотресно Скопје. Пуштена е во употреба на 22 декември 1971 за потребите на тогашната ЈНА, за Скопската армиска област што се протегаше јужно од Ниш во Србија, сосе Косово и цела Македонија, при што половина од капацитетот бил резервиран за цивилно население. Од 2009 е дел од системот на јавното здравство, но според бројот на пациенти и стручната експертиза таа ја надминува дефиницијата за “градска болница“ бидејќи во неа се лекуваат пациенти од цела држава и од Косово.

Во централната зграда која има 9 ката, сите болнички соби се сместени на јужната страна. Во иднина, тие би гледале кон чудовиштето од 17 ката. Баш на тоа земјиште што државата во 2015 го продала на приватен инвеститор за висококатница со станови за живеење, при проектирањето на болницата бил предвиден и просторот за хелиодром кој и сега се гледа видно означен на картите на Гугл.

Армијата на Македонија денеска користи само една од зградите во северниот дел од комплексот чиј сопственик е Министерството за одбрана. Таму е сместен Воено медицинскиот центар на Армијата.

Но, и покрај стратешкото безбедносно значење за државата, во 2015 година, за време на Владата на Никола Груевски, Министерството за одбрана дало зелено светло за Детален урбанистички план (ДУП) со кој се предвидува изградба, на 28-катна зграда во близина на болницата.

САКАМДАКАЖАМ.МК праша во Министерството за одбрана дали и во која мера планиратата 17-катница со 2.000 жители ќе ги загрози стретешките и безбедносни интереси на земјава која за разлика од 2015, сега е членка на НАТО, со оглед дека Воена болница меѓу другото е одредена како Единица за прва реакција за НАТО силите во Косово и со оглед на тоа што во кругот на болницата има терен за итни медицински случаи, а во кругот е и поранешниот Воено-медицински центар што сега го користи Министерството за одбрана?

Од Министерството за одбрана ни одговорија дека за овој случај се вршат дополнителни консултации.

„Во 2015 година до Министерството за одбрана е поднесено барање за согласност на урбанистичкиот план со кој на посочената локација е предвидена изградба на висококатница од 28 ката со подземни простории. Министерството во 2015 година издало согласност за оваа градба. Во октомври 2023 година, доставено е барање за согласност со услови за градба од аспект на безбедност во воздушниот сообраќај за објект станбена зграда на улица Никола Русински. Со оглед на тоа што безбедноста на воздушниот сообраќај не е во исклучива надлежност на Министерството за одбрана, во тек се дополнителни меѓуинституционални консултации“, велат од Министерството.

Инвеститори на парцелата 6.1 за изградба на спорната зграда се „ЗСФ КОМ ДООЕЛ“ и Друштвото за градежништво, трговија и услуги „Делта 2015 Констракшн ДООЕЛ“ кој е и сопственик на парцелата.

Деталниот урбанистички план (ДУП) за Градска четврт 3 05 е донесен во 2013 во Општина Карпош, во претходниот мандат на градоначалникот Јакимовски. Во него на две катастарски парцели е вцртана една градежна парцела со број 6.1, на која е предвиден објект со намена А2 – домување во станбени згради, со приземје, 26 ката и поткровје и висина од 88 метри.

Градоначалникот на Општина Карпош за САКАМДАКАЖАМ.МК изјави: „Смешно е тврдењето дека овој објект ќе ја загрозел поранешна Воена болница, а другите три што се уште поблиску не ја загрозуваат и имаат одобрение од Конзерваторски центар. Како може да постои болницата на Жан Митрев, Пет центарот и тоa брвнарата на Орце Камчев што наводно ќе била болница? Овој објект сега ја загрозува Воена болница што е одалечен 400 метри, а овие другиве три не“.

Откако му наведовме дека болниците во овој дел се високи колку и „8 Септември“, а станбената зграда која ќе се гради е многу повисока односно има 17 ката, Јакимовски рече дека висината не треба да биде пречка за да се добијат потребните дозволи.

https://sdk.mk/index.php/dopisna-mrezha/okolu-bolnitsata-8-septemvri-ne-smee-da-ima-visoki-i-golemi-objekti-oti-se-prepreka-za-bezbedno-sletuvane-na-helikopteri-za-itni-sluchai/

Edited by stef4o - 31-Oct-2023 at 18:31

СтефчоЈ изгледа оит со Точак на работа та логично очекуе и Болните ако не станарите да го следат неговио пример!?

хм, паркинг проблем, ноу нидс фор паник, само треба владата да кофинансира некоја микросам алајк паркинг иновејшн фирма, при МФС идеално!, за да може и за Комбина за Комиблокои да извадат урнек ...

http://www.build.mk/forum/forum_posts.asp?TID=1186&KW=parking&PID=228677#228677

Originally posted by stef4o Оризари Резиденс https://reklama5.mk/

https://www.facebook.com/photo?fbid=872365844417136&set=pcb.872365887750465

Ви го најавуваме нашиот нов проект! Станбен комплекс со површина од 70.000 м2 во Скопје.



https://www.facebook.com/profile.php?id=100087259410826

Се чини комплексов сепак ќе се гради (фотката е од фејсбук):

Тие што сега се бунат се истите што го изгласаа по кој знае кој пат Стевче Јакимовски. Мада кога ќе видиш кој беше другиот избор не би ги кривел ни нив.
Просто ни ја незнам, безизлезна е ситуацијата со урбанизмот кај нас.

Во спорната кула во Карпош веќе се продадени 70 станови: Утре протест против изградбата

Во обид да се спречи изградбата утре во 5 за 12 ќе се одржи протест на платото пред СЦ „Борис Трајковски“ во близина на крстосницата на булеварите 8 Септември и Илинденска. Протестот го организираат „Независни за Карпош – За заштита на Карпош“.

Најавената изградба на комплексот згради-лепенки зад бензинската пумпа на „Макпетрол“, од која највисоката е на 18 ката, поточно на приземје, 17 ката и поткровје, другата еден кат пониска и третата на 10 ката, ги крена на нозе граѓаните и граѓанските организации. За објектот чиј инвеститор е СЦФ КОМ Дооел, на 18 јануари е издадена градежна дозвола од Општина Карпош, која од вчера е правосилна. Просторот е ограден, теренот се подготвува за градба, а како што неофицијално дознаваме веќе се продадени 70 стана од сѐ уште непостоечката зграда .

Во обид да се спречи изградбата утре во 5 за 12 ќе се одржи протест на платото пред СЦ „Борис Трајковски“ во близина на крстосницата на булеварите 8 Септември и Илинденска. Протестот го организираат „Независни за Карпош – За заштита на Карпош“.

Излези ако ти е доста од владеење на мафијата! Кој да бил или дојде на власт, мафијата ги влече конците, за свој личен профит се уништува Карпош, се уништи Скопје. Ја докусурија цела држава, ни го одземаа правото на здрав, хуман и достоинствен живот – се вели во нивниот повик за протест.

Организаторите се надеваат дека со протестот ќе ја спречат изградбата, дека ќе се поништи конзерваторското мислење кое според нив е нелегитимно. Тие согласно законскиот рок поднеле жалби, како и предлог за поништување на конзерваторското мислење кое е основа за добивање градежна дозвола. Но досега немаат одговор од институциите.

За ова не треба Министерството или било која институција да се мисли два месеца, очигледно е дека е прекршен Правилник, дека тоа е смислено издадено мислење за да се дојде до одобрение за градба. И ние поднесовме жалби, чекавме два месеци, ништо не правевме, ајде да не правиме притисок, меѓутоа, сега Општината си е покриена – има издадено валидно мислење, иако и самите се свесни на кој начин и од кој човек е донесено тоа мислење. Ние сега одиме на тоа да се поништи конзерваторското мислење, ако се поништи сите трошоци што си ги направил инвеститорот согласно добиената дозвола треба некој да ги сноси. Во овој случај и да дојде до судска постапка Општината ќе ги сноси, т.е. пак ние граѓаните. А тие луѓе што издаваат потписи и што го дозволуваат тоа и што се платени од наши пари да ги чуваат нашите интереси не одговараат. Повторно ние сме виновни што ги откриваме криминалите – објаснува Невена Георгиевска од „Независни за Карпош – За заштита на Карпош“.

Според неа, доколку се поништи конзерваторското мислење паѓа во „вода“ и дозволата, затоа што не може да се гради нешто што загрозува споменици. Имено, два дела од градежната парцела имаат различен степен на заштита во границите на Споменикот – Воена болница. Северниот дел е со втор степен за заштита и за него е потребно обезбедување конзерваторско одобрение од Управата за заштита на културното наследство, додека јужниот дел од парцелата има режим на заштита од трет степен, па услов за да се обезбеди одобрение за градење е да се добие позитивно мислење од НУ Конзерваторски центар.

Постоечкото конзерваторско мислење не е валидно затоа што не може да важи за цела парцела, оти на таа има два дела што се под различен степен на заштита. Ние официјално знаеме од Конзерваторски центар дека издаденото решение не е валидно. Мислиме дека и тие можат да постапат и да го поништат. Министерството за култура е над нив. Министерството ако им наложи тие ќе го поништат или самото министерство има ингеренции да го поништи, како орган под чија надлежност е оваа институција – вели Георгиевска.

Досега подносителите не добиле одговор на нивните претставки, единствено добиле од Министерството за култура написмено дека постапуваат и дека се работи за сложен процес.

И еве сега да веруваме дека некој нешто ќе преземе во однос на некои одредени личности што треба да се казнат, ама зградата до кај ќе никне, дали ќе ја поништат дозволата да прекине да се гради не ми се верува, затоа што се огромни пари во прашање. Ако има закон и правна држава треба сега да се запре, додека не се почнати сите работи. И да си одговараат тие што издале дозвола и сите што се вклучени и материјално да одговараат, а не секогаш да биде на товар на општината – истакнува Георгиевска.

Против изградбата на зградата утре е закажан уште еден протест, точно во 12 часот позади бензиската пумпа на „Макпетрол“ во организација на Левица.

Преку изигрување на одлуките на Советот на општината, Градоначалникот одобри парцелизација на земјиштето помеѓу бензинската на „Макпетрол“ и болницата Жан Митрев и со тоа овозможи инвеститорот да се стекне со простор за изградба на 60- метарска бетонска градба, на локација која не предвидува никаков објект – велат во повикот за протест од Левица.

Партијата веќе реагираше дека зградата има невалидно позитивно конзерваторско одобрение за градба, откако првото беше одбиено бидејќи оваа парцела се наоѓа во заштитено подрачје, но за нив спорна е и малата оддалеченост од бензинска станица, како и целото решение кое ќе доведе до урбанистички хаос во овој дел на населбата.

Советот на Општина Карпош изгласа одлука за стопирање и ревизија на овој план, но градежните моќници останаа глуви на сите повици на Левица, граѓанските здруженија и жителите на Карпош, за прекин на активностите – тврдат од Левица.

https://www.slobodenpecat.mk/vo-spornata-kula-vo-karposh-vekje-se-prodadeni-70-stanovi-utre-protest-protiv-izgradbata/

Сеа.., убав филм е тоа "нато болница" за по медиуми ама во нато немаат ни слушнато за болницава...

Не треба да си моќен, доволно е да си прост, искомплексиран и насилен. Тоа е "моќта" кај нас денес, во комбинација со прости кукавици на министерски и директорски позиции.

17 катница во непосредна близина на Воената Болница

Периодов повторно во фокусот е Општина Карпош, поради давањето на одобрение за градба за 17 катен станбен објект во непосредна близина на старата Воена Болница или денес градската болница „8ми септември“.

Овој објект е еден од ретките заштитени објекти од постземјотресната обнова на Скопје, што значи и дополнителни услови и барања во однос на се што се изведува во негова близина.



Одобрението за градба, го издаде општината по давањето на позитивното мислење на Конзерваторскиот Центар, кој сеуште не образложи кој е контекстот и оправданоста на истото.

По ваквиот чекор, „Независни за Карпош – За заштита на Карпош“ организираа протест со кој се бараше да се запре оваа спорна инвестиција. Некои од причините за истото се: несоодветна типологија на објект во простор наменет за здравствени установи, преголема катна височина, голем број на нови жители ( 2000 ) кои ќе причинат дополнителен сообраќаен товар на уличната мрежа, безбедносен ризик поради локацијата веднаш до Бензиската Пумпа на Мак Петрол итн.



Во однос на овој поширок простор во повеќе наврати сме спомнале дека е пример за урбанистички несоодветни делувања низ изминатите декади. На ова место постоеше парк чие деградирање воедно претставува и државен срам, бидејќи тоа беше поинаков простор со име Парк на толеранцијата или Дипломатски парк. Неговото создавање започна со засадување различни видови дрвја, карактеристични за земјите од каде што доаѓаат амбасадорите и конзулите во нашата земја, кои лично ги засадуваа во присуство на македонскиот претседател.

Со промена на урбанистичките планови во 2013-14 година, паркот конечно беше избришан, а просторот предвиден за приватни здравствени установи северно од новопроектираната улица, додека кон југ се вметна и површина за станбен објект.



Што е со контекстот на површините за градба, нивната големина, габарит и сликата кои тие ја рефлектираат во идната архитектура на тој простор?! Предвидуваме во оваа зона, во овој блок, повисок објект од Воената Болница, која е јавен објект со нагласено значење, заштитен ориентиер кој треба да е визуелно достапен меѓудругото и за хеликоптерски сообраќај.

Тоа е секако за некои земји каде се бара додадена вредност, додека во нашиот случај постојано одземаме од постоечката и наследена вредност на просторот, кој скоро ќе се потроши. Што потоа?

https://marh.mk/17-katnica-vo-neposredna-blizina-na-voena-bolnica/