Според цените, ми се чини дека британците немаат шанса.

Фактот што изгледот повторно се спомнува како критериум, не знам баш колку простор остава да се надеваме дека ќе добиеме барем нормални двокатни, наместо „традиционални скопски двокатни“... 

Двокатни автобуси - нов тендер, стари ривали понеделник, 16 ноември 2009, 17:52 Нов тендер стари ривали. По четврти пат за две години во министерството за транспорт се отвараа понуди за двокатни автобуси, овојпат за 200 затворени и 2 панорамски. Во игра и овој пат се двете кинески компании Јутонг, за која од централата на компанијата велеа дека за домашен партнер го имаат Орце Камчев, и Кинг Лонг која конкурира преку својата сестринска фирма од Бугарија. Третиот кандидат е нов, британската компанија Александер Денис чии двокатни автобуси со денеции се возат во Лондон и Хонг Конг. Изненадувачки, но на четвриот тендер не конкурира и досега најгасниот понудавач, македонски САНОС. Минатиот тендер првостепената комисија на министерството за транспорт и врски го избра Јутонг, но држваната комисија за јавни набавки го поништи. И тогаш и сега најниска е понудата на кинескиот ривал Кинг Лонг, но со оглед на тоа што цената носи само 70 од можните 100 бодови се е можно. Според понуденото еден автобус на Кинг Лонг ќе чини околу 139 000 евра, или вкупно 27 800 000 милиони евра. Втора според цената, е кинески Јутонг. Тие нудат автобуси со цена по 160 000 евра од парче или вкупно бараат речиси 32 000 000 евра. Најскапа е британската Александер Денис, која бара 225 000 евра по автобус или 45 000 000 евра за целата зделка. Од тројцата понудувачи со свои очекувања не излегоа само победниците од минатиот пат.    За разлика од минатиот тендер двата кинески производители понудија цени пониски за речиси 10 проценти. Покрај цената, еден од пресудните фактори ќе биде и понудениот изглед и одржување на автобусите. Ако овој тендер успее, сите автобуси треба да стигнат во Македонија надоцна до крајот на 2013 –та година. Александар Димитриевски

http://vesti.alfatv.com.mk/default.aspx?mId=36&eventId=15127


Edited by Cloverstack - 17-Nov-2009 at 02:49

Известување - 16.11.2009 Почитувани, Вe информираме дека во согласност со членот 172 од Кривичниот законик, Министерството за транспорт и врски ќе поднесе кривична пријава за сторено кривично дело клевета на г-дин Славе Распашкоски, сопственик на компанијата „Санос“, заради лажно изнесените јавни обвинувања во врска со постапката за јавна набавка на 202 новопроизведени двокатни автобуси во денеска дадената изјава која ја пренесоа медиумите наведувајќи: „Македонски САНОС присуствуваше на отворањето на понудите, но во последен момент ја повлече својата. Обвини дека се е наместено и дека веќе се знае која фирма ќе го добие тендерот. -Сметаме дека Владата е веќе определена за одреден понудувач. Министерството за транспорт минатиот пат се одлучи за одреден понудувач, тоа што беше поништен тендерот е политичка одлука…“ Уште еднаш нагласуваме дека постапката за набавка на автобусите за обновување на возниот парк во јавниот градски превоз во Скопје е јавна, транспарентна и отворена за сите и оттука тврдењата изнесени од страна на г-дин Распашкоски ги сметаме за малициозен обид за спречување на релаизацијата на овој проект во насока на нанесување штета на угледот на Министерството. Нагласуваме дека Министерството за транспорт и врски во своето работење се раководи исклучиво од позитивните законски прописи, и начелата на јавност и транспарентност. Со почит, Министерство за транспорт и врски

http://mtc.gov.mk/new_site/mk/storija.asp?id=2154

Тендер по тендер до евтин „даблдекер“ Од мај до ноември компаниите што учествуваа на сите досегашни повици ги намалија цените за по десетина илјади евра по автобус, па сега има понуда и од 139 илјади евра, а на првиот тендер во јануари, кога сумите на понудувачите не се соопштија официјално, се зборуваше дека се нуделе автобуси и по 370 илјади евра Чекајќи обновен и квалитетен јавен превоз, скопјани дочекаа и трет тендер за двокатни автобуси што се отвори оваа година. На последниот оглас се јавија четири фирми, од кои една, „Санос“, веднаш се повлече, а од другите три две се веќе познати и една нова. Кога лани се најави дека ќе се купуваат „даблдекери“ се очекуваше да пристигнуваат понуди од 250, 300 или 400 илјади евра за едно возило, но по три повторени постапки се нудат автобуси поевтини од 150 илјади, па и од 140 илјади евра. Тендер по тендер, сумите се спуштија. Во почетокот се зборуваше дека се нуделе автобуси и по 370 илјади евра, а сега се продаваат и за само 139 илјади. Првиот пат Министерството за транспорт и врски не ги соопшти сумите официјално, па тие се знаат само од гласини, а потоа се објавуваа сите понуди детално уште пред да бидат оценувани. Но големите разлики меѓу нив ја создаде дилемата колку се реални најниските цени и дали тоа ќе се одрази на квалитетот на возилата. Токму цената носи 70 отсто од бодовите за победа на овој тендер, а останатите 30 отсто се добиваат со техничките карактеристики и дизајнот. Услови без кои не може да се учествува се и да се обезбеди изглед како двокатните автобуси што се возеле во Скопје пред земјотресот и производителот да има банкарска гаранција. Од министерството велат дека само бугарската компанија „Кинг лонг“ на последниот тендер доставила изјава за обезбедување на банкарска гаранција. ГОДИНА И ПОЛ ТЕНДЕРИРАЊЕ Вкупно шест имиња се свртеа на сите три досега отворени тендери за двокатни автобуси, на 20 јануари, 12 мај и на 15 ноември. Три од нив се повторуваат постојано. „Санос“ од Македонија беше одбивана бидејќи, како што се објаснуваше, не ги исполнувала пропишаните услови, па компанијата или играше на националната карта, водејќи кампањи дека е најдобро да биде избрана затоа што е домашна и ќе отвори работни места, или обвинуваше за местенки, како последниот пат, кога се откажа во стартот. „Кинг Лонг“ од Кина, преку своето бугарско претставништво исто така имаше проблем со обезбедувањето банкарски гаранции, но учествува на секој повик. „Ју тонг“, исто така од Кина, победи на мајскиот тендер, но тој се поништи бидејќи во тендерските услови се бараа 100 автобуси за најмногу 12 месеци, а во нивната понуда пишуваше дека за да го испорачаат тоа количество ќе им требаат од 12 до 18 месеци. На овие три „редовни борци“ во јануари друштво им правеше „Пре-ос“ од Словачка, која иако беше единствена што ги исполни сите услови за учество на тогашниот тендер, беше одбиена затоа што го немала тоа што се барало за победа, старински изглед. „Ѓулејруз“ од Турција се вклучи во вториот, подоцна поништен тендер, со најскапа понуда, но загуби и веќе ниту реагираше, ниту повторно се пријави. Свежо име на последното отворање на понудите беше британската компанија „Александер Денис“. Обидите да се купат двокатни автобуси за јавниот превоз траат веќе година и пол. Почнаа лани во август кога ЈСП по налог на Владата распиша тендер за 50 возила, од кој произлезе само гнев кај тогашниот градоначалник Трифун Костовски поради неговото заобиколување во процесот, смена на директорот Орце Георгиевски и, на крајот, поништување. За да го спречи влијанието на Костовски Владата преку Министерството за транспорт и врски во септември распиша набавка за 100 „даблдекери“, а во средината на октомври се премисли и го зголеми бројот на 300, па поради тоа двапати се одложуваа роковите за отворање на понудите. Пред два месеци повторно се смени бројот на автобуси, но овој пат од 300 двокатни, на 202 двокатни и 100 нископодни. Првиот тендер не успеа бидејќи никој не понуди соодветен изглед, вториот поради недоречености во рокот за испораката на победничката фирма, а судбината на третиот ќе се знае за еден до два месеци. КОНКУРЕНЦИЈА, РЕЦЕСИЈА ИЛИ КВАЛИТЕТ „Кинг Лонг“ сака на секој начин да влезе во земјава, па затоа ги турка цените, светската рецесија го поевтинила производот на „Јутонг“, а автобусите на „Александар Денис“ биле многу квалитетни. Вака производителите го објаснуваат движењето на цените и нивните сегашни понуди. Бугарите веќе продавале автобуси во Албанија, Косово и во Хрватска, па сметаат дека конкурентната цена им е главен адут за да се пробијат на македонскиот пазар. - Знаевме дека ако нашите конкуренти од Кина повторно се пријават ќе ја намалат цената, па и ние го сторивме истото. Ќе имаме помала заработувачка, но политиката на компанијата е да го освои пазарот, бидејќи подоцна е можно и приватниците и други превозници да посакаат двокатни автобуси. Сепак, ова е најниската цена што можеме да ја понудиме - објасни Меди Блаца, претставник на „Кинг Лонг“ во Македонија. Скопската фирма „Иев“ ја претставува кинеската компанија „Јутонг“ во земјава. Живанчо Пановски од оваа фирма смета дека намалувањето на цените било неминовно со повторувањето на тендерите. - На претходниот тендер излеговме со повисока цена, но тогаш беше почеток на економската криза во овој сектор. Сега рецесијата е подлабоко навлезена, па затоа најверојатно, од компанијата одлучиле да дадат поевтина понуда. Ние не одлучуваме за висината на цената, тоа ни го наложува матичната компанија - додаде Пановски. „Александер Денис“ од Единбург е компанија што произведува вакви автобуси еден век, а нејзините претставници во земјава велат дека сумата од 225 илјади евра што тие ја бараат не е висока, туку е реална, за да се добие квалитетен производ. - Каросериите ќе се изработат од алуминиум, кој е неуништлив, но и двојно поскап од челичниот лим кој, претпоставуваме, ќе го користат конкурентите. Ние употребуваме материјали чиј квалитет ги задоволува стандардите на Европската унија. Но и начинот на плаќање влијаеше врз формирањето на цената, бидејќи ни бараат да ги испорачаме сите автобуси, па да земеме пари. Затоа само финансиското осигурување на возилата чини од 16 до 20 илјади евра - велат од оваа компанија. Оттаму додаваат дека ако победат на тендерот ќе отворат и погон во земјава, за тука да се изработуваат некои делови, да се бојат возилата, да се поставуваат прозорците, а подоцна тој капацитет ќе служи и за одржување на возниот парк.  Понудени цени за двокатни автобуси во евра    20 јануари (неофицијални суми)  12 мај (официјални суми)  15 ноември (официјални суми)  Кинг Лонг  213.000  150.000  139.000  Јутонг  200.000  170.000  160.000  Санос  216.000  165.000  /  Пре-ос  370.000  /  /  Ѓулејруз  /  179.000  /  Александер Денис  /  /  225.000 http://novamakedonija.com.mk/NewsDetal.asp?vest=112091055481&id=14&prilog=0&setIzdanie=21842

До кога само планитраат да губат време и пари со овие промашени тендери. Па се знае какви автобуси му требаат на Скопје, и доколку сакаат навистина да ги набават нека направат еден саглам тендер, без да условуваат со некакви ретро изгледи на двокатни авотбуси, и нека набават нископодни единецни и зглобни какви што ги низ цела европа. Инаку како што тргнале на следниот тендер ќе се пријават само афрички и индиски компании зошто сите сериозни компании кренаа раце од нас.

@ UrbanFreak
Всушност никогаш не ни бевме засипани со понуди од сериозни компании затоа што уште во старт ова личеше на циркус, а не на сериозна набавка. Со текот на времето и со сите попатни заебанции тоа недвосмислено го потврдивме.

------

Прочепкав низ тоа што го имаме документирано тука на билд и еве како се одвиваа иницијативите за подновување на возниот парк на ЈСП уште од 2005.

Кон крајот на 2005 се објавува првата посериозна иницијатива. Администрацијата на Трифун Костовски обезбедува можност за поволен холандски кредит и донација во вредност од 35% од набавката, за 100 автобуси од холандскиот производител ДАФ. Иницијативата е блокирана од централната власт.

Во втората половина на 2006, Трифун сака да набави 100 автобуси со кредит од ЕБРД. Централната власт е променета, но и новата повторно блокира.

Јуни 2007, ЈСП и градот објавуваат тендер за вкупно 50 автобуси, од кои 45 „обични“, 4 двокатни за градски превоз и 1 панорамски. Бројката на двокатни не е проблем, но се отвара пандорината кутија...

Следува директен упад од страна владата и го „убедуваат“ директорот на ЈСП да го поништи тендерот. Трифун го разрешува директорот и поставува нов човек.

Во јули 2007 владата распишува тендер за 50 двокатни. Тендерот пропаѓа.

Во септември 2007 владата распишува тендер за 102 двокатни и почнува да го вметнува условот за „ретро“ изглед.

Во октомври 2007 бројката станува (!?) 302 двокатни.

Во февруари 2008 следи повторно поништување на тендерот.

Во март 2009 повторен тендер за 302 двокатни. И тој е поништен.

Во септември 2009 се распишува тендер за 202 двокатни и посебни тендери за 80 „обични“, 4 зглобни и 16 минибуси.

Во ноември 2009 се поништува тендерот за 202 двокатни.

Originally posted by pbanks Мора да признаам дека токму заради овие 5 изгубени години потајно и се надевав дека тендеров ќе помине и конечно ќе се подновиме.

Јас баш обратно од тебе
После толку вложено време стварно ќе биде штета на крај пак прикаската да заврши со 200 двоспратни. Ова поглавје поарно да остане отворено до некој по поволен момент него да се затвори со реализација на глупоста. Уште па ако помине тендерот за едноспратни автобуси, тогаш тек уште помала логика ќе има брзање по секоја цена со двоспратни.


Edited by SJCF - 29-Nov-2009 at 01:17

муабетов за нов возен парк на јсп излезе добар спин и се извозе квалитетно низ годиниве, воопшто од сите власти, но мене последново со двокатниве освен од овој аспект што им оди во прилог на надлежните, воедно и му се остава екстра простор на распашковски за да извади некоја издржана понуда! која јасно кај него падна во однос на банкарската гаранција, инаку лично јас би се изненадил позитивно доколку санос истера домашен производ, сети почетни тегавења меѓу власта и распашковски на тоа упатуваа, но сега ова инаетењево од негова страна малку ми е чудно, но може станува збор за блеф како ете покритие односно оправдување дека и ова пропаѓање на тендерот не е заради санос!?!

инаку јас сум целосно за двокатни, и по можност домашни, како истите без проблем и за ефтини пари би се сервисирале! дополнително спектаклот е панорамскиот момент како туристички феномен, но доколку само еден два се кабрио тогаш затворените бар пола од нив нека ги склепаат со стакла и на кровот, нешто како конвертибилен кров.

во секој случај како подвижни билборди двокатните ќе бидат идеални за прибирање средства за одржување на истите, јасно доколку паметно се пазарат за тоа од јсп, иако според мене најдобро би било наместо владини пари во иднина да се даваат за општествени кампањи по приватни билборди ова да тера бадијала по двокатните, но ова мора уште на почеток со примопредавањето да се врзе со долгорочен договор помеѓу државата и јсп, бар она за пола двокатни да има во секое време слободен простор! http://www.medialifemagazine.com/news2003/jul03/jul28/1_mon/news5monday.html

инаку ретро дизајнот не е проблем само нека го затераат по минималистички, она повеќе стаклена површина а помалку алуминиумска каросерија, на санос концептоп им е добар само треба околу застаклувањето да се доработи! горната предна шофершајба да не подела со столб, а долните бочни прозори да бидат далеку поголеми, во секој случај нивниот концепт засега најиздржан излезе во однос на останатите!? еве нешто минимализам само уште ете на истиот да се закачи тоа ретро дизајнот

единствено што е дискутабилно па и спорно е тоа колку ќе бидат квалитетно изработени двокатниве доколку упорно се брка најниската понуда? најголемиот удар ќе биде мислам фушерајската изведба! како и со се останато што ни се случува, како беше онаа сиромавијат десет пати доплаќа! ова се случи со сите ефтини проекти кои се истуркаа низ годиниве во скопје! а изгледа и во иднина ќе остане на тоа!

абе кој квалитетен транспорт, и така и вака тој ќе биде каов што ќе биде, квалитет незначи по дифолт ергономско решение! тоа сообраќајот петпати по закрчен ќе биде доколку пуштат зглобни него двоспратни или пак наместо 200 дваспратни да тераат 400 едноспратни... но како појава добро оди во контекст на подвижниот маркетинг (особено ако власта го искористи за своите кампањи и наголемо годишно да заштеди на расфрлање народен камен по медиуми) но и за туристички па и домашен панорамски момент преку кој сосем поинка ќе се доживу скопје, воопшто ова тешка хоризонтала на која се имаме навикнато!

се останато околу штимањето на инфраструктурата дополнително оди во прилог на двоспратниве, бар тоа збрчканите први ленти по булеварите ќе се поминат со квалитетен асфалт, тоа е еден спектал за европски главен град кој поинаку негледам како би се решил по брза постапка! тоа асфалтните набори по абтобуските и раскрсниците се можеби една од погрдите сцени и за нас домашните но и за надворешните учесници во сообраќајот...

Само едно да се знае.
Таа компанија е сериозна односно една од најголемите и најквалитетните во своето работење во Европа.
Сето тоа кинеско и бугарско би рекол ѓубре што беше презентирано е даалеку поназад.
Што би се рекло колку пари толку музика!

Ја сакам и меѓукат да имаат автобусиве, мезанин!