Урбана опрема

За жал колку и убаво да изгледа местото не му е таму, не во средишниот дел на улица Македонија.

Тој дел е намерно оставен празен за да можат возилата на комунална хигиена, пожарникарска служба, брза помош и полиција слободно да поминуваат до плоштадот и понатаму во случај на итни интервенции.

Не знам кому му текнуваат овие работи, зошто не може да биде ова поставено во линија со кантата за смет што е 2 метри повнатре во редот на дрворедите?

Чита ли некој воопшто во општиниве нешто, пред да се зафати за работа, толку ли се сите неписмени?

Зарем не е неспоредливо поважно она што го кажува assyst околу пристапот за специјални возила?


Edited by Cloverstack - 11-Oct-2009 at 11:46

корпите се ок, но жардињериве некако ми изгледаат фуш, идејата
можеби ок, изведбата некако хм, може во живо се полезет за око. како и
да е ко за промена е добро, но мислам дека поинтересно ќе беше над
корпите да одат цвеќиња и сетне така единeчни да се комбинираат и
групираат, и заради естетика и заради функционалност, со оглед дека тоа
ситните корпи сигурно брзо се полнат? 
 

овие жардињери не ми личат на фиксирани, па доколку има
потреба со едно поминување може да се направи простор доколку тоа е
зортот, иако речиси сите објекти на ул МКД имаат заден влез односно
пристап, а она што го велиш лсл дека се образуваат три виртуелни
патеки, не се сложувам, можеби доколку шеташ по празна ул МКД, во
спротивно ќе изгледаат расфрлено, како некој од мајтап да ги разместувал

за
вакво нешто идеално место е околу бандера или по балкони, нека донесат
некој закон со кој или ќе ги обврзат граѓаните да имаат расцветани
балкони, или вметнувајќи нешто поголеми комуналии тие да им ги
разубаваат терасите на ул МКД, или тоа да е оставено на граѓаните која
комбинација ќе ја изберат, но во таков случај мора да има планирање или
некаква унификација, за и на тој план да не се затера калабалак!

еве ги охриѓани како ја решаваат, и оригинално и далеку поефтино...

http://photos.worldisround.com/photos/25/57/72_o.jpg

http://photos.worldisround.com/photos/25/57/73_o.jpg

Edited by Max - 26-Nov-2013 at 13:02

Во нашиов регион сум приметил дека Хрватите и делумно Босанците имаат култура за вакво уредување на куќите со цвеќе. Можеби не до волку како швајцарците но кој се возел низ Горски Котар на пример (Загреб-Ријека) знае за што зборувам

и кај нас порано имаше екстра расцветани тераси, но транзиција и повеќето сограѓани изгледа го изгубија интересот, ова може и нешто порано се изгуби навиката, знам како дете кај и да отидев и чаир и карпош и аеродром, јасно и центар секаде имаше бар едно пола тераси расцветани на еден зграда. за ул МКД и баш неможам да се сетам, но сега работите секаде се сменија, обично се чува по становите т.е. терасите само по неколку егзотични цвеќиња и ништо повеќе! 

муабетот ми беше во однос на жардињерите, се знае каде и зошто се поставуваат тие, или за да оградат некој простор или за да разубават, но ова значи некој да има можност и во нивна близана да седне, додека овие попатниве ми се некако без идеја, бар како што реков да претставуваа доле корпи ајде ок, но вака не ми држи вода! треба да се напомене во контекст дека земните жардињери се нецелосно средени или нема кој да ги контролира и редовно одржува, црвета за наводнување штрчат, трева ни за лек, а сувово цвеќе иако добро сепак оскудно, како да штеделе за цел град да има исто за некое експерименти не смее да има место на ул МКД, ова може во парк или на водно, но тука НЕ, незнам кој бил одговорен за хортикултурните решенија на ул. МКД, но очигледно немал доволно знаење или искуство што и каде може да помине!

од последниов кадар се гледа дека интересно изгледа жардињерата кога е на бришан простор, но штом има и малку повеќе гужва ова само ќе смета, па малку се клупите и корпите сега и ова, навистина знаеме да преоптовариме! порано немаше ни клупи а сега од урбана опрема неможеш ни глава да кренеш.

исто под итно мора нешто да се превземе околу унификација на чадорите и жардињерите на кафичите, а за секоја реклама на нив и градот да добива 50% бидејќи сега како што е, на ништо не личи ова, иако градот има волја корзово да се оплемени!

   ех професионална мана! ова особено ме тангираат партерните решенија и хортикултурно уредување, а уште повеќе кога не постои никаква норма или стандард! летните тераси се ок но да фаќаат само  1 максимум 2 реда маси „“„“„“„

најдобро решение е внатрешен двор онаму каде се може, а летни тераси да бидат дозволени само за ресторани, додека за ова кафиќи јас би ги ограничил на еден ред коњопој и пријатно, зборувам за ул МКД, но и секаде каде тротоарите се запоседнати!                   

Еве некои од кандидатите за новогодишни тезги. Не успеав да забележам информација за тоа кој дизајн победил, но наводно Коце бил незадоволен, па вратил на доработка. Колку е точна информацијава, не знам 

1


2


3


4
Оваа не ми испаднала баш нај и не се гледа баш добро, ама ако се прашувате за симболот, да, тоа е сонцето од Кутлеш. Ете, стигна и до тезги 


5


6

Топ се

Мултифункционални тезги на плоштад „Македонија“ На тезгите ќе имаат право да продаваат само регистрирани трговци со сопствена фирма На плоштадот и на улицата „Македонија“ ќе се поставуваат мултифункционални тезги со унифициран модерен изглед, а ќе бидат изработени од алуминиум и пластика. Ова го предвидува идејното решение на архитектот Звонко Ставревски, кое беше избрано на конкурсот на Град Скопје. Засега не е познато точно на кои места ќе се поставуваат тезгите, но сигурно е дека тоа ќе бидат фреквентни локации на плоштадот и по должината на улицата. На тезгите, кои ќе се лоцираат на неодредено време, но и по повод различни манифестации, ќе се продаваат ракотворби, занаетчиски производи, текстил, но и билети за концерти и слично. Тезгите се со површина од два квадратни метра, а носечката конструкција е изработена од алуминиум. Покривот и пултот се од армиран полиестер, материјал што е многу отпорен на надворешни влијанија и е лесен за обликување. „Тезгите едноставно се монтираат и демонтираат и лесно се транспортираат. Имаат и тркалца со кочници, заради полесно преместување кога се монтирани. Под пултот, идејното решение за повеќенаменската тезга предвидува и контејнер за складирање на стоката наменета за продажба“, вели авторот Ставревски. Во Градот, пак, информираат дека идејното решение ќе претрпи одредени промени во насока на поголема функционалност. „Врз основа на награденото идејно решение, во согласност со градежно-урбанистичките и финансиски фактори ќе се изработи основно и изведбено решение“, информираат од Градот. Градските власти засега не соопштуваат колку тезги ќе се поставуваат во централното подрачје, но информираат дека право да продаваат ќе имаат само регистрирани трговци со сопствена фирма. Во соработка со надлежните инспекциски служби, Градот планира да ги обезбеди локациите од нелегалните продавачи на картонски кутии. http://utrinski.com.mk/?ItemID=F7B92A5FC5B327418D689C8E62A64AF5