Емпорио деловен центар и општинска зграда Ѓ.Петров

Како што знам станува збор за сосем друга гранка во фамилијата кои го водат КАМ и нема поврзаност со Орце.

Ѓорче добива нов шопинг – мол, отстранети пречките за пропаднатата зграда на „Трансмет"


Населбата Ѓорче Петров конечно ќе добие нов голем трговски центар, на локацијата каде што „Трансмет“ требаше да гради шопинг – мол, но по пропаѓањето на оваа компанија во стечај, недоизградената карабина со години го урнисуваше централното подрачје на општината.

„Трговскиот центар кој е во срцето на Ѓорче Петров се одглави од правните лавиринти, објектот преку наддавање го купи КАМ маркет, со тоа, тој недовршен објект кој ни беше оставен од минатата власт сега ќе се уреди и Ѓорче Петров за првпат ќе добие модерен трговски центар“ изјави денеска градоначалникот на Ѓорче Петров, Александар Наумоски на заедничката прес конференција со градоначалникот на Скопје Петре Шилегов, при најавувањето на реконструкција на улицата Лука Геров во населба Даме Груев.

Објектот на „Трансмет“ долги години стоеше како руина во центарот на Ѓорче Петров откако оваа фирма пропадна по ефективните затворски казни за нејзиниот сопственик, Сеад Кочан.

Изградбата на овој објект ја следеа низа контроверзи, а СДСМ своевремено како опозиција обвинуваа дека договорот што „Трансмет“ го добил бил на штета на Општина Ѓорче Петров и во интерес на мала бизнис група блиска до ВМРО-ДПМНЕ.

https://centar.mk/blog/2021/07/21/gorche-dobiva-nov-shoping-mol-otstraneti-prechkite-za-propadnatata-zgrada-na-transmet/


Edited by stef4o - 21-Jul-2021 at 20:43

Тарабите од неизградениот трговски „Емпорио“ опасност за минувачите



Тарабите со кои е заграден објектот „Емпорио“ кај кружниот тек во Ѓорче Петров ги зафатиле тротоарите и се потенцијална опасност за минувачите кои мораат да се движат по коловозот. Жители на оваа населба се плашат секогаш кога поминуваат на улицата, да не ги собере некое возило. – Објектот има нов сопственик и се очекува до септември 2021 година тој да биде завршен и тогаш да биде отстранета оградата. Дотогаш се води како градилиште и објектот мора да биде заграден, децидни се од Општина Ѓорче Петров



Тарабите со кои е заграден објектот „Емпорио“ кај кружниот тек во Ѓорче Петров ги зафатиле тротоарите и се потенцијална опасност за минувачите кои мораат да се движат по коловозот. Жители на оваа населба се плашат секогаш кога поминуваат на улицата, да не ги собере некое возило.

– Околу објектот кај кружниот тек во кој нема градежни активности повеќе од 4 години е заграден тротоарот и нема слободен проток на пешаци и велосипеди до зеленото пазарче, па пешачите мора да се движат по коловозот со што се отежнува сообраќајот и се загрозуваат нивните животи – реагираат жителите.

Тие додаваат дека дополнително, лимовите на самата ограда околу овој објект не се стабилни и прашање на време е кога ќе се урне оградата и може да ги поклопи случајните минувачи.

– Ај што не беше исчистен еден тротоар во нашата општина што е и овде случај, кој дополнително го отежнува движењето во овој потег, дали воопшто на општинските служби им е грижа за граѓаните или не сметаат само за гласачка машинерија – прашуваат тие.

Марина Стевковска, пак, прашува дали воопшто е во план довршување на зградата, или бидејќи е проект на претходната влада треба да остане вака како чавкарник сред центарот на Ѓорче?

Од Општина Ѓорче Петров велат дека до нив официјално не пристигнала реакција од граѓани и доколку пристигне, службите од Секторот за урбанизам ќе го информираат сопственикот да ја санира оградата доколку е нестабилна.

Објектот има нов сопственик и според информациите што ги имаме, се очекува до септември 2021 година објектот да биде завршен и тогаш да се отстрани оградата. Дотогаш се води како градилиште и објектот мора да биде заграден -децидни се од локалната самоуправа.


Од Општина Ѓорче Петров велат дека засега немаат пари да го довршат делот каде требаше да биде административната зграда која почна да ја гради фирмата „Трансмет“ на бизнисменот Сеат Кочан. Откако Кочан во јули 2018 година беше осуден на затворска казна за предметот на СЈО „Труст“, неговата фирма отиде во стечај и со тоа остана недоизградена општинската зграда во Ѓорче која требаше да биде дел од трговскиот центар „Емпорио“ кој исто така остана незавршен.

Откако беше отворена стечајната постапка во 2019-та, договорот меѓу Општината и „Трансмет“ за јавно-приватно партнерство беше раскинат и Општината го доби делот кој и припаѓа според договорот, но неизграден до крај. Делот кој требаше да припадне на „Трансмет“ во стечајната постапка сега е продаден на друг правен субјект. Како што дознаваме, тоа е компанијата „Кам“.

Оттаму информираат дека се во тек административно-технички активности околу регулирање на статусот на објектот „Емпорио“ во Ѓорче Петров и негово впишување во имотен лист.

-Паралелно со ова се одвива и процесот на ревидирање на проектот, како и избор на изведувачи по фази, за негово докомплетирање. Веднаш штом се завршат овие процедури, ќе се пристапи кон изведбени работи и доведување на градилиштето во бараната состојба – велат од „Кам маркети“.

Договорот за изградба на трговскиот центар „Емпорио“ во кој дел ќе биде наменет за општинската зграда на Ѓорче Петров беше склучен во јуни 2013 по спроведена постапка со јавен оглас. Предвидуваше приватниот партнер, компанијата „Трансмет“ да изгради административна деловна зграда со бруто површина од 15.000 метри квадратни и подземен паркинг простор. Од вкупната површина, 24 отсто односно 3.600 квадрати и 40 паркинг места под објектот припаѓа на Општината, а 76 односно 11.400 квадрати на приватниот партнер.

https://www.vecer.press/тарабите-од-неизградениот-трговски/

[Делот кој што требаше да припадне на „Трансмет“ во стечајната постапка е продаден на друг правен субјект.]

Кој е тој субјект и зошто нема обврска да го доврши објектот?

И во Кисела Вода има доста малку содржини... Речиси ништо деловно и комерцијално нема, ниту некој помал трговски како Капитол, кој супер би дошол во Расадник или кај општината.

Со новиот Клинички Ѓорче би добило повеќе сообраќај и содржини, а не би било лошо целот простор од Марк Твен до Ацо Шопов да се исполни со згради, а на почетокот на Сарај да никне станбена населба и селото да се урбанизира.

Originally posted by JovanOdGjorche Се гради да, ама ништо од комерцијална содржина. Што менуваат зградички со луѓе кои работат во Карпош или Центар а доаѓаат во Ѓорче само да преспијат? Не знам, барем за мене како некој кој е во своите дваесети немам ништо што да правам. Преку ден булеварот кон Сарај е a la пустина/автопат, каде пече +30. На пример во Аеродром барем има некои содржани иако е топло и полно со згради.

Ѓорче Петров е населба претежно со куќи, а Аеродром е со станбени згради, тука е разликата, ѓорчепетровци имаат дворчиња каде можат да испијат кафе или пиво со некој сосед, аеродромци мораат во кафуле. Освен тоа, гледано статистички (жител по км2) сигурно Аеродром е погусто населена населба, со што таквиот тип содржини имаат поголема исплатливост и економска самоодржливост. Ова е само моето лаичко мислење, се разбира, ако има некој поупатен нека каже попрецизно.

Не би согласил за Сарај, бев до Матка пред една недела и се изненадив колку станбени згради никнале вдолж патот во Сарај, буквално прераснал во мало гратче. Исто така, видливи се и други објекти (индустриски, супермаркети и сл.). А за Ѓорче Петров – не би знаел зошто, иако и таму се градат доста згради, само помали.

од фб(2019г) штета што остана и ова недовршено а прашање е и дали некогаш ќе се доврши.Барем да најдеа чаре за овој административниот дел кој е веќе застаклен и нема многу уште за работа за разлика од молот кој е карабина

Нели

Општина Ѓорче Петров наплати 380.000 евра отштета од „Трансмет” за доцнење на изградбата на општинската зград

Од сметката на компанијата „Трансмет” во стечај на Сеат Кочан, Општина Ѓорче Петров успеала да наплати 380.000 евра, односно по 4.000 евра за секој ден доцнење на изградбата на новата општинска зграда, изјави актуелниот градоначалник на оваа скопска општина Александар Наумовски гостувајќи во емисијата „Стадион” на „Канал 77″.

Наумовски истакна дека веднаш по доаѓањето на власт покренал правни мерки за да ја заштити инвестицијата, но дека и натаму останува проблем со недоизградената зграда, за која требаат околу 400.000 евра за да се заврши.

Врз основа на договорот за јавно приватно партнерство потпишан меѓу поранешниот градоначалник на Ѓорче Петров, Сокол Митревски и компанијата „Трансмет”, во 2012 година е почната изградбата на општинската зграда. Но, осум години подоцна зградата е недоизградена, во состојба на карабина, а „Трансмет” е во стечај. Според договорот, по изградбата над 3.000 квадрати метри треба да и припаднат на Општина Ѓорче Петров, додека над 11.000 квадрати на „Трансмет”. Градбата е на атрактивна локација, ослободена од давачки. Иако „Трансмет” е во стечај, јавно приватното партнерство се уште е во сила.

Наумовски објаснува дека тоа е со цел да ги наплатат од стечајот преостанатите 1.380.000 евра, додека делот од зградата што и припаѓа на општината, успеале да го заштитат со впишување и добивање на Имотен лист.

Според експертот Саша Максимовски, стечајот на „Трансмет” е доволна причина Општина Ѓорче Петров да го раскине договорот со компанијата и да ја замени со друга ликвидна компанија.

https://www.vecer.press/општина-ѓорче-петров-наплати-380-000-евра-от/