Marriott Skopje

Економија

Marriott ќе гради хотел на плоштад

Познатиот светски ланец на хотели Marriott ќе гради хотел во Скопје.

Преставници на Marriott утре ќе потпишат договор за градење на нивни хотел на скопскиот плоштад Македонија на парцелата (пред новата зграда на Македонски телекомуникации)на која порано хотел требаше да гради исто така познатиот ланец на хотели Радисон.

Во Скопје ќе се гради хотел „Мериот“

„Првиот хотел од брендот ’Мериот‘ на Балканот ќе се изгради во Скопје“, објави вчера една од најпознатите светски хотелиерски компании. Хотелот ќе се гради во непосредна близина на плоштадот „Македонија“, до зградата на Еуростандард банка, а инвестицијата ќе изнесува околу 37 милиони евра. Хотелот ќе има 180 соби, а изградбата се очекува да биде завршена во 2013 година.

Партнер на „Мериот“ во Македонија е „Дивелоп груп“, компанија која на пошироката јавност стана позната по инвестирањето во „Сити галери“ (поранешната Стоковна куќа „Скопје“) и објектот што се гради покрај Камениот мост во Скопје, на местото на некогашна Народна банка. Денес, договорот за изградба на првиот хотел „Мериот“ во Македонија ќе го потпишат генералниот директор на „Дивелоп груп“, Александар Ивановски, и главниот директор за развој за Европа на хотелите „Мериот“, Ервин К. Карлтон. Ова ќе биде првиот брендиран хотел во Скопје интернационално управуван.