build.mk Homepage
Forum Home Forum Home > Главни теми > Урбани прашања > Јавен превоз
  Active Topics Active Topics
  FAQ FAQ  Forum Search   Register Register  Login Login

Возен парк (приватни превозници)

Bookmark and Share
 Post Reply Post Reply Page  <1 91011
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15070
  Quote stef4o Quote  Post ReplyReply #201 Posted: 18-May-2020 at 09:26
Приватните превозници не знаеле дека има субвенции за адаптирање на автобусите со мотори на еколошки горива

За адаптирање на постојните автобуси да возат на плин во 2018 и 2019 година биле издвоени 20 милиони денари. Од Град Скопје за весникот ВЕЧЕР велат дека немало интерес за субвенциите. Од приватните превозници „Слобода превоз“ и „Мак експрес“ тврдат дека тоа е невистина и дека Градот се вади и манипулира со тоа дека предвидел средства, но немал намера да ги даде туку ги пренаменува за нешто друго



Советничката група на ВМРО-ДПМНЕ во Советот на Град Скопје деновиве обвини дека Градот иако ветил, не ја реализирал идејата за субвенционирање на приватните автобуски превозници, за адаптирање на постојните автобуси со мотори на еколошки горива, за што, според нив, во 2018 и 2019 година биле издвоени 20 милиони денари.

Од Град Скопје за весникот ВЕЧЕР изјавија дека тоа не е точно и дека мерката не се реализирала бидејќи немало интерес од приватните превозници.

– Во 2018 и 2019 година беа предвидени средства за субвенции за вградување на плински уреди, со цел намалување на штетните издувни гасови, наменети за приватните автобуски превозници, но тие останаа неискористени. Градот Скопје на неколку средби се обиде да ги информира и анимира претставниците на приватните превозници за поволностите кои се нудат, но тие не предизвикаа интерес кај нив – одговорија од Градот на обвинувањата на советничката група на ВМРО-ДПМНЕ.

Од приватните превозници „Слобода превоз“ и „Мак експрес“ велат дека е лага оти им биле достапни субвенциите од Градот за вградување на плински уреди.

– Не е точно дека имало такво нешто. За да има такво нешто, Градот треба да ги објави условите и критериумите под кои се доделуваат субвенциите за да можеме да поднесеме барање. Такво нешто не се случи. Иако ние знаевме дека се предвидени средства, не беше направено тие да се достапни за нас, според предвидена постапка – изјави Ленин Јовановски, директор на приватното претпријатие за јавен превоз „Слобода превоз“.

Тој потенцираше дека доставиле допис до Градот за да добијат предлог како да бидат искористени тие средства, но не добиле никаков одговор.

– Ни се зборуваше за идејата за субвенционирање, но никогаш не знаевме за колку точно средства се работи, бидејќи немавме никогаш јавна дискусија за тоа. Требаше да се отвори постапка и да се остави период во кој ние би можеле да конкурираме. А, таква постапка никогаш не беше покрената за да може тие средства да ни бидат достапни. Не е доволно само се предвидат средства. Како може да пројавиме интерес без да бидеме известени на кој начин можеме да ги користиме, односно под кои критериуми, а уште помалку знаевме дека тие средства се за наменети за вградување на плински уреди – потенцира Јовановски.

На тој начин, Јовановски тврди дека Градот се вади и манипулира со тоа дека предвидел средства, но немал намера да ги даде туку ги пренаменува за нешто друго.

– Бидејќи сме дел од еден систем и работиме под капата на Градот, да бидеме еднакво третирани со ЈСП – Скопје бидејќи вршиме иста дејност и треба да ја вршиме под еднакви услови во однос на обврските, но и во бенефициите – смета Јовановски.

И еден од сопствениците на „Мак експрес“, Војо Велески, вели дека нема вистина во објаснувањето на Градот.

– За жал, Градот говори голема невистина. Ние како „Мак експрес“ поднесовме барање за субвенции, но не добивме никаков одговор . Дури и сега немаме никакви контакти на високо ниво со Градот – изјави Велески.

Тој информираше дека Градот издвоил 20 милиони денари, или 320.000 евра средства за субвенции од буџетот.

– Не бевме повикани на разговор за тоа како да се поделат тие средства и не беше точно прецизирано за која намена ќе бидат. А, со ребаланс на буџетот тие средства се пренаменуваа, а годинава Советот на Град Скопје и не определи воопшто средства за ваква намена, за разлика од ЈСП за кое одвојува по 7 до 8 милиони денари субвенции годишно – истакна Велески.

Тој образложи дека во моментов возниот ред е редуциран, заради состојбата со корана вирусот, а нивните возила не сообраќаат.

– Дали едно возило сообраќа во текот на неделата или не, ние мора да ги плаќаме обврските кон државата. Иако имаше најавено субвенции за исплата на минимални плати од државата, до сега кај нас сè уште нема – реагира Велески.

Имаше најава дека моторите на старите автобуси на ЈСП – Скопје што работат на дизел ќе бидат пренаменети да работат на гас, но тоа не се реализираше бидејќи анализите покажаа оти тоа е неисплатливо и ќе чини многу. Затоа се реализира набавка на 33 нови еколошки автобуси на гас кои според градските власти се очекуваат да пристигнат во наредниов период. Од Градот велат дека пристигнувањето се одолговлекло поради состојбата со корона вирусот.

(А.П.)

https://www.vecer.press/приватните-превозници-не-знаеле-дека/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15070
  Quote stef4o Quote  Post ReplyReply #202 Posted: 19-May-2020 at 17:16
Вклучен алармот за безбедност на возилата за јавен превоз



По неодамнешниот случај со опожарениот автобус
Опожарувањето на автобусот на приватното претпријатие „Слобода превоз“, кое се случи минатата недела под Транспортниот центар, го отвори прашањето за безбедноста на корисниците на јавниот градски превоз. Во овој настан, за среќа, патниците претходно го напуштиле возилото и никој не настрада. Исходот беше само материјална штета. Како што информира ЈСП „Скопје“, според првичните сознанија, причина за пожарот бил краток спој на електричната инсталација на автобусот.
Кај патниците по претрпениот страв остана да виси прашањето што можеше да се случи ако пожарот имаше поинакви димензии. Но не само меѓу нив, настанот предизвика повеќе дискусии, а граѓаните имаа најразлични коментари и прашања. Во јавноста се наметнаа прашањата за тоа колку често, темелно и сериозно се вршат стручни прегледи на возилата што учествуваат во јавниот градски превоз, особено поради тоа што во него се вклучени доста стари возила. Потоа дали тие со амортизација од 25 години сѐ уште ветуваат сигурен и безбеден превоз и дали поради староста можат да предизвикаат најразлични проблеми за безбедноста на оние што се возат во нив.

Треба ли поради тоа да подлежат на почести контроли за нивната техничка исправност за да се избегнат вакви и слични сериозни инциденти… Логично се наметнува и прашањето дали можеби е време и приватните претпријатија „Слобода превоз“ и „Макекспрес“ да го обноват својот возен парк. Но и Јавното сообраќајно претпријатие, исто така, во својот возен парк сѐ уште има стари возила, како што се хармоника-автобусите, а не се веќе нови ниту кинеските двокатни автобуси. Иако беше на големо најавувана, доцни набавката на новите еколошки возила со кои би се замениле дотраените.
Ленин Јовановски, првиот човек на приватното претпријатие „Слобода превоз“, вели дека од вкупно 127 автобуси колку што има претпријатието во својот возен парк повеќе од половината се автобуси од 1995 година, значи стари по 25 години. Преостанатите се со старост помеѓу 1995 и 2000 година, но тоа никако не е причина за инцидентот со опожарувањето на возилото со бројот 45, кое на денот на настанот пристигнало од населбата Ченто под Транспортниот центар и повторно по кратка пауза требало да тргне кон Ченто.

– Во 20 години, колку што сум јас на чело на претпријатието првпат се случува да се запали автобус. Електричната инсталација може да направи вакви проблеми од разни причини. Каква било поправка или нестручен контакт со електрониката може да предизвика проблем, но што всушност беше причината за настанатото опожарување на автобусот на линијата со бројот 45 ќе покаже истрагата. Лично не верувам дека некој може да гарантира за електрониката. Тука не станува збор за тоа дали е нов или стар автобусот, од искуство знам дека може да се запалат и нови автобуси. Инсталацијата, жиците не можат да застарат и не може да се запали инсталацијата ако нема и најмал физички контакт – објаснува Јовановски, директорот на приватното претпријатие „Слобода превоз“.
Тој додава дека на автобусите од оваа компанија технички преглед се врши на секои шест месеци во овластени станици за технички преглед, а старите автобуси на две години мора да одат да направат и прегледи за таканаречени посебни технички експлоатативни услови, повторно во овластени станици, кои издаваат потврди дали возилата може да извршуваат јавен превоз. Јовановски посочува дека откако приватните превозници влегле под капата на градот, немаат добиено никаква финансиска помош ниту од градските власти ниту од државата за да можат да го обноват возниот парк, како што е тоа случај со ЈСП.

– Надлежните мора да најдат модус како и приватните претпријатија да станат конкурентни, дали со поволни кредити или на други начини. Исплатената сума што ја добиваме од километар од страна на градот исто така не е соодветна, бидејќи во таа цена се вклучени сите трошоци, нафтата, амортизацијата, маслото, регистрацијата, плус платата на возачите и разумната добивка, а всушност добивката е многу неразумна. Сопствениците едвај преживуваат, сами ги чистат автобусите, сами купуваат средства….
Еден автобус вози во три смени, значи тројца возачи треба да се платат и сите трошоци, на крајот од месецот остануваат 300 евра, јас велам неразумна добивка, а цената од километар од 62 сега падна на 54 денари. Дадов предлог до Градот колку е понов автобусот толку поголема да биде и цената што ќе ја исплаќаат по извозен километар, за да се стимулираат и другите да ги обноват автобусите и да инвестираат. Така е и во Софија во соседна Бугарија и во Белград во Србија – објаснува Јовановски.
Од Град Скопје овие објаснувања на Јовановски ги негираат со тврдење дека на приватните превозници со градски автобуси им била понудена финансиска помош, но тие не покажале интерес.

– Град Скопје имаше проект за помагање на приватните превозници што се вклучени во градскиот превоз, преку давање субвенции за инсталирање систем за гас. Со ова, истите тие би биле еколошки и не би го загадувале воздухот, а од друга страна би биле поекономични за превозниците. За таа цел, Град Скопје предвиде средства во 2018 и 2019 година за субвенции за вградување уреди на гас, за намалување на штетните издувни гасови, но овие средства останаа неискористени, поради тоа што превозниците не пројавија интерес да ги искористат. Град Скопје на неколку средби се обиде да ги информира и да ги анимира претставниците на приватните превозници за поволностите што се нудат, но истите тие не предизвикаа интерес кај нив – објаснија од Град Скопје.
Од приватното претпријатие „Макекспрес“, пак, велат дека пред некоја година го обновиле својот возен парк со четири половни автобуси на гас, кои ги набавиле од Германија. Возилата се произведени во 2008 и 2010 година, а потоа докупиле уште два со еуро пет плус дизел-мотори, кои се еднакви на еуро шест, што е најголем стандард во Европа.

– Нашиот возен парк го сочинуваа 80 автобуси од кои најстариот беше од 1995 година, а помал број беа од 1995 година, додека другите беа од 1997 до 2000 година. Поради тоа и ја започнавме обновата на возниот парк, но ситуацијата со коронавирусот комплетно ни ги измести плановите, а во декември 2021 години веќе ни истекува договорот со Градот и тогаш многу веројатно ќе се бараат нови стандарди за возилата што ќе учествуваат во јавниот градски превоз. Ние мора сами да го обновиме возниот парк, немаме никакви субвенции, додека ЈСП за две години има добиено 320 илјади евра. Побаравме и ние некакви субвенции да ни бидат доделени, но не добивме одговор. Дури и цената што ја добиваме по извезен километар е премногу ниска и таа не соодветствува со обнова на возниот парк – вели Војо Велевски, еден од сопствениците на приватното претпријатие „Макекспрес“.

https://www.novamakedonija.com.mk/makedonija/skopje/вклучен-алармот-за-безбедност-на-вози/?fbclid=IwAR1ySu_eYrhtypOyHhZMqvs3cxnPUs2-LHNC4LKgQaHshxgNC7RrSUlsS9A
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15070
  Quote stef4o Quote  Post ReplyReply #203 Posted: 06-Oct-2020 at 11:26
15 возила за јавен превоз исклучени од сообраќај во Скопје, неисправни уреди за сопирање и управување (ВИДЕО)



Министерството за внатрешни работи во текот на вчерашниот ден (05.10.) во рамки на засилените акциски контроли во областа на сообраќајот на територијата на град Скопје санкционираше прекршоци за техничка неисправност на возилата кои вршат јавен превоз на патници.

Санкционирани се 15 возила , од кои 12 поради неисправен уред за сопирање, две возила поради неисправен уред за управување, а едно поради други неисправности.

Возилата се исклучени од сообраќај и поднесени се соодветни поднесоци.

Засилените акциски контроли продолжуваат и во текот на денешниот ден.

https://tv21.tv/mk/15-vozila-za-javen-prevoz-isklucheni-od-soobrakaj-vo-skopje-neispravni-uredi-za-sopirane-i-upravuvane-video
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Online
Posts: 5361
  Quote гитардемон Quote  Post ReplyReply #204 Posted: 06-Oct-2020 at 12:35
Охо машала, да видам да не повервам!

Originally posted by A1on



ВИДЕО: 15 возила за јавен превоз исклучени од сообраќај во Скопје, неисправни уреди за сопирање и управување




– Санкционирани се 15 возила, од кои 12 поради неисправен уред за сопирање, две возила поради неисправен уред за управување, а едно поради други неисправности. Возилата се исклучени од сообраќај и поднесени се соодветни поднесоци, известува МВР.

Засилените акциски контроли продолжуваат и во текот на денешниот ден.



https://a1on.mk/macedonia/video-15-vozila-za-javen-prevoz-isklucheni-od-soobrakjaj-vo-skopje-neispravni-uredi-za-sopiranje-i-upravuvanje/

Edited by гитардемон - 06-Oct-2020 at 12:36
Arguing on the internet is like running at the special olympics. Even if you win, you're still retarded.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15070
  Quote stef4o Quote  Post ReplyReply #205 Posted: 06-Oct-2020 at 13:42
Да,овој период низ цел град се вршат масовни контроли и се ловат многу возачи без возачка,многу сообраќајни прекршоци и слично а вчера и денес фокус ставија на јавниот превоз особено приватниците каде често избиваат пожари и дефекти бидејќи голем дел од возниот парк им е постар од 20 години а ретко кој од нив вложува во редовни сервиси па сега ќе се соочуваат со казни.Се надевам дека оваквите акции ќе дадат малку поголеми резултати и нема да спласнат во скоро време бидејќи само така ќе може да се стави некаков ред во превозот(за жал добар дел од приватниците може да се соочат со затворање,односно скапи сервиси кои неможат да си ги дозволат или пак исклучување од сообраќај).Денес имаше засилена контрола на меѓуградскиот превоз од 8 до 12 часот скоро сите автобуси што влегоа на Транспортен беа сопрени од полиција.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15070
  Quote stef4o Quote  Post ReplyReply #206 Posted: 07-Oct-2020 at 12:33
Полицијата вчера исклучила од сообраќај 28 возила за јавен превоз во Скопје, 23 од нив немале исправни кочници

Министерството за внатрешни работи во текот на вчерашниот ден во рамки на засилените акциски контроли во областа на сообраќајот на територијата на град Скопје, санкционираше прекршоци за техничка неисправност на возилата кои вршат меѓуградски превоз на патници.

„Санкционирани се 28 возила, од кои 23 поради неисправен уред за сопирање, а пет поради други неисправности. Возилата се исклучени од сообраќај и поднесени се соодветни поднесоци. Засилените акциски контроли продолжуваат и во наредните денови“ информираат од МВР.

Во врска со секојдневните сообраќајни контроли, на територија на град Скопје вчера полициските службеници изрекле вкупно 391 санкција за возачи, од кои 87 се однесуваат за пречекорена брзина.

Полицијата казнила и 52 лица кои возеле без возачка дозвола, а напишани се и казни за 74 технички неисправни и нерегистрирани возила, како и 92 мерки за непрописно паркирање. Воедно санкционирани се 7 мотоциклисти и 11 лица кои не носеле заштитна маска.

Од МВР најавија дека засилените сообраќајни контроли ќе продолжат и во наредните денови. Оттаму апелираат до граѓаните да ги почитуваат сообраќајните правила и прописи со цел да се зголеми безбедноста во сообраќајот.

https://meta.mk/policzijata-vchera-iskluchila-od-soobrakjaj-28-vozila-za-javen-prevoz-vo-skopje-23-od-niv-nemale-ispravni-kochniczi/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15070
  Quote stef4o Quote  Post ReplyReply #207 Posted: 01-Dec-2021 at 13:58
ПРИВАТНИТЕ АВТОБУСИ ВО СКОПЈЕ НА ТЕХНИЧКИ ПРЕГЛЕД, 6 СЕ ИСКЛУЧЕНИ ОД СООБРАЌАЈ ПОРАДИ НЕИСПРАВНИ КОЧНИЦИ



Од вчера, голем дел од автобусите на приватните превозници во Скопје не возат бидејќи се испратени на технички преглед. Од 25 автобуси кои биле контролирани, шест се исклучени од сообраќај оти имале неисправни кочници и уред за управување.

Од утрово од 8 часот нема автобуси на линиите 9 и 19, а помал е бројот и на оние што возат на линијата 22 и 23. Граѓани кои се јавија во нашата редакција велат дека со саати чекале автобус на линијата 9, но не дошол па морале пешки да тргнат на работа.

Од „Слобода превоз“ велат дека дел од автобусите не се во сообраќај, бидејќи се на технички преглед.

„Вчера дел од автобусите беа на технички преглед. Немам податоци дали дел од нив се исклучени од сообраќај поради одредени недостатоци, но сигурен сум и да било контатирано такво, брзо ќе се поправат. И јас добив информација дека и денес нема автобуси на одредени линии и во моментов проверувам за што станува збор. Претпоставувам дека е во прашање технички преглед како и вчера“, вели Ленин Јовановски од приватниот превозник „Слобода превоз“.

Од Министерството за внатрешни работи (МВР) велат дека во тек се редовни контроли на сите автобуските превозници, меѓу кои технички преглед изминативе денови е направен и на приватните превозници во Скопје.

„Во периодот од 22 до 30 ноември, од страна на Одделението за БПС при Секторот за внатрешни работи направени се вонредни технички контроли на автобуси кои вршат јавен превоз на подрачјето на град Скопје. Во наведениот период на технички преглед се упатени вкупно 25 автобуси, а при извршените технички прегледи кај шест автобуси е констатирана техничка неисправност и истите се исклучени од сообраќај. Во однос на констатираните неисправности кај наведените автобуси кај пет автобуси е констатирана техничка неисправност на уредот за запирање, а кај еден автобус е констатирана техничка неисправност на уредот за управување“, велат од МВР.

https://sdk.mk/index.php/dopisna-mrezha/privatnite-avtobusi-vo-skopje-na-tehnichki-pregled-6-se-isklucheni-od-soobrakaj-poradi-neispravni-kochnitsi/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15070
  Quote stef4o Quote  Post ReplyReply #208 Posted: 10-Jan-2022 at 14:38
ВЛАДАТА ДА НИ ДАДЕ ПОМОШ ЗА ГОРИВО ИЛИ ЌЕ ГИ РЕДУЦИРАМЕ ПРИВАТНИТЕ АВТОБУСИ, ВЕЛИ ЛЕНИН ЈОВАНОВСКИ ОД „СЛОБОДА ПРЕВОЗ“

Приватните автобуски превозници во Скопје бараат финансиска помош од Владата поради поскапувањето на метанот од 50 на 110 денари. Откако минатата недела ЈСП „Скопје“ побара владина помош, денеска и приватните превозници излегоа со барања.

Ленин Јовановски од приватниот превозник „Слобода превоз“ вели дека цената на метанот е двојно зголемена што е најголемо поскапување во споредба со другите земји од регионот и доколку не им се помогне нема да може да возат на сите линии со сегашниот број на автобуси.

„Ние имаме 21 автобус кој вози на метан и со сегашната цена на горивото нема да можеме да издржиме. Затоа бараме Владата да ни даде субвенции, нека ни даде од оние 3 денари еколошка такса што ја собираат. Ќе доставиме барање и до Град Скопје. Градот и Владата мора да најдат решение, двете институции се надлежни. Не може Владата да каже дека не се надлежни, па Скопје е цела Македонија“, вели Јовановски.

Тој вели дека приватните превозници се соочуваат со големи проблеми, а поскапувањето на метанот е дополнителен удар врз нив.

„Со пандемијата ни се намалија линиите, а со тоа и приходите. Дополнително Градот и ЈСП ‘Скопје‘ ни должат 430 милиони денари за изминатите километри на линиите на кои возиме. Барање за решавање на нашите проблеми ќе доставиме и до Град Скопје. Досега со градоначалничката Данела Арсовска не сме имале средба“, вели Јовановски.

Помош од Владата минатата недела побара и ЈСП „Скопје“ бидејќи 33 МАН автобуси кои беа набавени пред две години возат на метан. Досега претпријатието за гориво за еколошките автобуси трошело околу 1 милион евра годишно, а со новата цена ќе му требаат над 2 милиони евра.

Од Владата на барањето на ЈСП „Скопје“ одговорија дека помош треба да бараат од Град Скопје под чија надлежност е претпријатието.

https://sdk.mk/index.php/dopisna-mrezha/vladata-da-ni-dade-pomosh-za-gorivo-ili-ke-gi-redutsirame-privatnite-avtobusite-veli-lenin-jovanovski-od-sloboda-prevoz/
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7768
  Quote zabegan Quote  Post ReplyReply #209 Posted: 12-Jan-2022 at 22:29
ај да почне секој поединец во државава да бара финансиска помош од владата ако не па...
Architects create dreams...politicians create nightmares
Back to Top
Denko View Drop Down
Senior Member
Senior Member


Joined: 14-Aug-2010
Online Status: Online
Posts: 2126
  Quote Denko Quote  Post ReplyReply #210 Posted: 13-Jan-2022 at 15:33
Samoto postoenje na privaten javen prevoz e luda rabota, pa uste baraat i pomos od drzavata.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15070
  Quote stef4o Quote  Post ReplyReply #211 Posted: 14-Jan-2022 at 16:47
Автобусите кои не завршија како старо железо, ќе се вратат на улиците



Автобусите од 90-тите кои важеа за главни загадувачи, може да се вратат на улиците во главниот град поради поскапувањето на метанот, но и поради неподготвеноста на властите да ги субвенционираат превозниците да возат автобуси со еколошки горива како што е метанот.

Приватните превозници велат дека сè уште не добиле официјален одговор од Град Скопје и Владата за субвенционирање на метанот. Но, велат дека доколку одговорот е негативен, тогаш еколошките автобуси ќе останат паркирани, а оние кои требаше да завршат како старо железо, ќе се вратат на улиците.

„Купив три автобуси на метан, сега не ни се исплати да работиме затоа што метанот поскапе. Сега дефинитивно сме принудени да ги вратиме старите автобуси. Новите автобуси што ги купивме треба да бидат паркирани, а се расипуваат ако не се возат… Има плус трошоци, најмалку 3.000 евра по автобус да се поправат и повторно да се возат… Земавме и кредити да купиме нови автобуси, сега не можеме ниту да ги плаќаме кредитите“, изјави Харун Имери, превозник.

Приватните превозници велат дека ќе мора да се откажат и од купување на нови еколошки автобуси. Се жалат дека само кај нас нема мерки против поскапувањето на овој енергенс.
„Планиравме да купиме од 15 до 20 автобуси. Сега сме принудени да ја откажеме оваа активност додека не се создадат подобри услови. Во моментов не е паметно да се земаат кредити за да се купат автобуси кои не можат да се користат поради високата цена на горивото“, велат од Мак-Експрес Транс.

Приватните превозници велат дека нашите институции треба да се заинтересираат како другите земји ја менаџираат ситуацијата. Во последните три месеци цената на метанот кај нас се движеше околу 45 денари за килограм, а сега чини 110 денари.

https://alsat.mk/mk/avtobusite-koi-ne-zavrshija-kako-staro-zhelezo-ke-se-vratat-na-ulitsite/
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7768
  Quote zabegan Quote  Post ReplyReply #212 Posted: 14-Jan-2022 at 17:34

муабетов се прави неполни два месеци после трагедијата во Бугарија и наводното тргање на градски автобуси од сообраќај поради неисправност, браво... едноставно браво
Architects create dreams...politicians create nightmares
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15070
  Quote stef4o Quote  Post ReplyReply #213 Posted: 14-Jan-2022 at 17:40
И сегашниов возен парк им е за на отпад,се е увоз од Германија со којзнае колку поминати км а денар не сакаат да вложат и да ги потсредат колку-толку.
Не дека е подобар возниот парк на ЈСП каде автобусите за 11 години тотално ги изамортизираа,кај Транспортен полно е со флеки од моторно масло и други течности кои редовно им истекуваат особено од ЛАЗ-овите па посипуваат со пилевина.
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7768
  Quote zabegan Quote  Post ReplyReply #214 Posted: 14-Jan-2022 at 17:44
Originally posted by stef4o

И сегашниов возен парк им е за на отпад,се е увоз од Германија со којзнае колку поминати км а денар не сакаат да вложат и да ги потсредат колку-толку.
Не дека е подобар возниот парк на ЈСП каде автобусите за 11 години тотално ги изамортизираа,кај Транспортен полно е со флеки од моторно масло и други течности кои редовно им истекуваат особено од ЛАЗ-овите па посипуваат со пилевина.
ама купиле они три нови автобуси знаеш
Architects create dreams...politicians create nightmares
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15070
  Quote stef4o Quote  Post ReplyReply #215 Posted: 24-Jan-2022 at 18:06
Градски превоз; Скапиот метан ги врати на улица „олдтајмерите“



По поскапувањето на метанот, но и по недостигот на субвенции од надлежните за оние автобуси што возат на метан, повторно ќе се движат по улиците на главниот град старите автобуси кои работат на дизел.

Вкупно 21 автобуси што возат на нафта веќе неколку дена ги превезуваат граѓаните низ главниот град. Овие автобуси беа тргнати употреба бидејќи беа посочени како еден од главните фактори за загадување на воздухот. Од компанијата „Слобода превоз“ велат дека Владата и Град Скопје се уште официјално не одговориле дали ќе ги субвенционираат автобусите со метан.

Приватните превозници велат дека старите автобуси ќе сѐ движат додека цената на метанот не се намали.

Во последните три месеци метанот од околу 45 денари се искачи на 110 денари. Јавните сообраќајни претпријатија во Скопје и приватните превозници и формално побараа Град Скопје и Владата да ги субвенционираат со 50 отсто трошоците за нивните автобуси на метан. Но и од Владата и од Град Скопје за Алсат информираат дека не планирале никакви субвенции.

https://alsat.mk/mk/skapiot-metan-gi-vrati-na-ulitsa-avtobusite-oldtajmeri/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15070
  Quote stef4o Quote  Post ReplyReply #216 Posted: 05-Feb-2022 at 17:49
Приватните автобуски превозници ги вратија „крнтиите“ на улиците

Низ Скопје повторно возат 25 стари автобуси произведени пред околу 50 години кои возат на нафта. Ова се должи на поскапувањето на метанот од 50 на 110 денари. Приватните превозници велат дека сега нивните еколошки автобуси остануваат паркирани, а тоа им нанесува сериозни финансиски штети.

Превозниците велат дека веќе еден месец пропаѓаат бидејќи отплаќаат кредити за новите еколошки, а нефункционални автобуси, а тие пак се уништуваат додека седат на паркинг.

За екологистите, враќањето на старите дизел автобуси на улиците на Скопје е чекор наназад во ублажувањето на аеро-загадувањето.

„Проблемот кај нас е што долго, 30 години работиме без план, не се прават вистинските чекори и поради тоа оваа криза придонесе да направиме чекор назад наместо да одиме напред. Ваквиот начин на работа без план, денес за утре, доколку продолжи понатаму, ќе придонесе во наредните години, можеби и со децении и ќе продолжиме да имаме загаден воздух во Скопје“, рече Давор Пехчевски, од Еко свест

По поскапувањето на метанот, приватните превозници и Јавното сообраќајно претпријатие во Скопје побараа субвенции за и понатаму да продолжат да ги користат еколошките автобуси. Од Град Скопје велат дека му помогнале на ЈСП да закрепне пред да порасне цената на метанот, а од Владата одговорноста ја префрлија кај Градот Скопје./Алсат.мк

https://alsat.mk/mk/privatnite-avtobuski-prevoznitsi-gi-vratija-krntiite-na-ulitsite/
Back to Top
 Post Reply Post Reply Page  <1 91011

Forum Jump Forum Permissions View Drop Down



This page was generated in 0.295 seconds.

Copyright ©2007 - 2022  build.mk

Коментарите на форумот претставуваат лично мислење на нивните автори и не претставуваат официјален став на build.mk.