Јавен автобуски превоз (општо)

this is perfect, yet until an answer is found to change that piece of waste from the roads, this sort of information is optional. I truly don't have the foggiest idea how they didn't treat this issue in a serious way, the city, the state, everybody... to see where the financing is spilling, to see as a model, it can't be difficult to track down. In any case, there is no serious discussion about this by any means, or possibly we don't know about it, and the result of such one-sided drives is clear ahead of time.

ВО ПОНЕДЕЛНИК ЌЕ НЕМА АВТОБУСИ ВО СКОПЈЕ, ВРАБОТЕНИТЕ НЕМААТ ЗЕМЕНО ПЛАТА ЗА ДЕКЕМВРИ

Во понеделнк нема да возат автобусите на ЈСП „Скопје“ затоа што вработените во градското претпријатие немаат земено плата за декември. Нема да работи ни администрацијата, ниту возачите.

ЈСП „Скопје“ не може да подели плата затоа што одлуката за доделување на субвенции во висина од 11 милиони евра од Град Скопје не помина затоа што за неа не гласаа советниците од ВМРО-ДПМНЕ.

„Законски рок за исплата на плата е 15 јануари, денеска сме 18 јануари, а плата немаме добиено, ниту има пари да се подели бидејќи претпријатието нема пари. Бараме итно да се свика седница и да се подели плата“, вели Миќо Стојановски од синдикатот на ЈСП.

Од синдикаторот на ЈСП велат ако до недела не се закаже вонредна седница на која ќе се доделат субвенции, в понеделник престануваат да работат.

Градоначалничката Данела Арсовска вели дека таа свикала вонредна седница, но точката за субвенции за ЈСП претседателот на Советот Трајко Славески ja отстранил од дневниот ред.

„Како што можете да видите побаравме нова вонредна седница, истата сѐ уште не е свикана до овој ден. Доколку сакаат свесно да ги уништат претпријатијата, одговорноста е нивна, ние од наша страна сѐ што сме можеле сме направиле. Од нивното однесување на луѓето им зависи егзистенцијата, но и целосното функционирање на Скопје“, рече Арсовска.

Претседателот на Советот на Град Скопје Трајко Славески вели дека Арсовска не дошла на вонредната седница и затоа не била ставена на дневен ред оваа точка.

„Точката за субвенции ќе ја ставев после вонредната седница, но таа не се одржа затоа што Арсовска не дојде, очигледно имала партиски активности. Советнциите гласаат по сопствено убедување, но не може Градот постојано да дава пари на ЈСП, а никаква траспарентност да нема како се трошат парите“, вели Славески.

https://sdk.mk/index.php/dopisna-mrezha/vo-ponedelnik-ke-nema-avtobusi-vo-skopje-vrabotenite-nemaat-zemeno-plata-za-dekemvri/

Концесии, Лиценци, Приватни превозници, Јавно-приватно партнерство. Има разни модели освен Јавни Претпријатија што се инкубатори за загуба на буџет, партиски вработувања и лош менаџмент.

Струмичани ќе се возат во јапонски автобуси од 700.000 евра

Од: Орце Костов

Граѓаните во Струмица ќе користат модерен градски превоз со автобуси кои користат електрична енергија како гориво откако јавното сообраќајно претпријатие „Струмица Транспорт“ кое го формираше општината склучи договор за јавна набавка со увозникот „Аутомакедонија“ АД Скопје за набавка на десет возила.

Според договорот „Струмица Транспорт“ ќе ги набави автобусите преку лизинг на Шпаркасе банка. Возилата чинат 429,9 милиони денари или седум милиони евра со вклучен ДДВ, а годинава ќе пристигнат пет од вкупно десет автобуси од марката „Isuzu Novociti Volt“, јапонски бренд чија фабрика се наоѓа во Турција. Останатите пет возила ќе пристигнат најдоцна до средината на 2025 година.

Автобусите имаат капацитет од 21 седиште плус четири склопливи седишта плус 22 позиции за стоење. Опсегот на движење на автобусите со едно полнење е околу 350 км. Имаат капацитет на батерија од 268 kWh. Тааќе биде поставена на дел од покривот на автобусот.

На брзи полначи со капацитет од 150 KW батеријата се полни за околу 2,5 часа, а на полнач од 22 KW, полнењето би траело 11 часа.

Вакви слични автобуси претходно набавија општинските власти во Тетово и во Куманово.

https://a1on.mk/macedonia/strumichani-kje-se-vozat-vo-japonski-avtobusi-od-700-000-evra/?fbclid=IwAR0GdqNnPTExs6oHxaKvFszU8WXe9igx8GG05f4-UeHi0n96SEoXxsqyKxs

Originally posted by Џоле Струмичани ќе се возат во јапонски автобуси од 700.000 евра Од: Орце Костов Граѓаните во Струмица ќе користат модерен градски превоз со автобуси кои користат електрична енергија како гориво откако јавното сообраќајно претпријатие „Струмица Транспорт“ кое го формираше општината склучи договор за јавна набавка со увозникот „Аутомакедонија“ АД Скопје за набавка на десет возила. Според договорот „Струмица Транспорт“ ќе ги набави автобусите преку лизинг на Шпаркасе банка. Возилата чинат 429,9 милиони денари или седум милиони евра со вклучен ДДВ, а годинава ќе пристигнат пет од вкупно десет автобуси од марката „Isuzu Novociti Volt“, јапонски бренд чија фабрика се наоѓа во Турција. Останатите пет возила ќе пристигнат најдоцна до средината на 2025 година. Автобусите имаат капацитет од 21 седиште плус четири склопливи седишта плус 22 позиции за стоење. Опсегот на движење на автобусите со едно полнење е околу 350 км. Имаат капацитет на батерија од 268 kWh. Тааќе биде поставена на дел од покривот на автобусот. На брзи полначи со капацитет од 150 KW батеријата се полни за околу 2,5 часа, а на полнач од 22 KW, полнењето би траело 11 часа. Вакви слични автобуси претходно набавија општинските власти во Тетово и во Куманово. https://a1on.mk/macedonia/strumichani-kje-se-vozat-vo-japonski-avtobusi-od-700-000-evra/?fbclid=IwAR0GdqNnPTExs6oHxaKvFszU8WXe9igx8GG05f4-UeHi0n96SEoXxsqyKxs

Уште да беа јапонски автобуси со јапонски квалитет,ова ако воопшто стигнит ќе бидит турско срање од турски работници за турски плати. Класична лажна спинувана вест од шит1он.

За последнава вест,двокатниве автобуси се зрели за в канта,сосе нивните возачи и оние неандерталци шо проверувет карти,всушност цел автобуски јавен превоз во главнио град е за в канта. Внатре како изгледат автобусите да му се сповратит на чоек. Ако се најдит маж/жена да земи да гради,монорејл,метро што било пеки,ако се продолжи со купвање автобуси,менвање секои 10-15 години ништо,само ќе си продолжит контра ефекто сите в кола да се пикат и загадувањето да рушит рекорди.....до душа уште малку дур не се исселат сите,после ќе немат ни кој да загадвит.

Возење со ЈСП – искуство под секое достоинство



ЈСП треба да воведе нов слоган: „Секој ден нова авантура“. И нема да згрешат. Само што таа авантура не подразбира ништо возбудливо, туку е вознемирувачка и фрустрирачка. Урнисани планови за доаѓање на работа, за собирање дете или за завршување какви било обврски што вклучуваат јавен превоз неизбежно предвидува нервоза, чувства на бес и немоќ.

Сѐ почесто, користењето на јавниот превоз во Скопје е искуство под секое достоинство.

Автобуси има сè помалку, а оние што сè уште се тркалаат по скопските улици, се дотраени. За безбедноста доволно говорат честите објави за повреди на патници. Информациите за возниот ред, пак, слободно може да ги сместиме под рубриката дезинформации.

Резултатот е илјадници изневерени скопјани, дополнително измалтретирани од гужвите и од неподносливите услови во автобусите. Да биде полошо, решение нема на повидок. Политичарите со моќ за промени упорно калкулираат со проблемот и не го решаваат.

Секое возење ново „доживување“
Како некој што дневно поминува помеѓу два и три часа во скопскиот јавен превоз, слободно можам да кажам дека сè поретко се случува патувањето да помине без некаква драма.

Последното од многуте лични непријатни епизоди се случи минатата недела. Тоа утро на автобуската близу мојот дом имаше невообичаено многу луѓе, кои се пожалија дека веќе чекаат половина час. На моја голема среќа, или барем така ми се чинеше во тој момент, по пет минути се појави автобус.

И додека се сместував на вториот кат и ги местев слушалките, по извозени неколку станици, возачот сопре и сите нѐ избрка надвор со инструкција да го почекаме следниот автобус – веднаш ќе пристигнел. Следниот вистина бргу дојде, меѓутоа се создаде метеж и повеќе патници не успеавме да се качиме.

Среќата ми се насмевна, или барем така ми се чинеше во тој момент, кога за кратко време пристигна автобусот што сообраќа на другата линија.

Се качив, ги наместив слушалките, неколку минути внимателно одбирав музика и додека да сфатам дека сме поминале неколку станици, возачот повторно нѐ „истовари“.

Овојпат се расипа возилото.

Во рок од половина час, двапати ме симнаа од автобус и задоцнив на работа, јас и веројатно уште стотина други што ги користиме двете линии. Моево искуство не е ниту невообичаено, ниту единствено.

Очајот преовладува на постојките. Таму ќе чуете од клетви и пцовки до предлози дека подобро е ЈСП да се распадне. Така барем ќе знаеме на што сме. Истиот сентимент се прелева и на социјалните мрежи и особено во коментарите каде што корисниците го оценуваат работењето на ЈСП на нивната фејсбук-страница.

Распад-систем
Се чини дека автобусите и целиот систем околу Јавното сообраќајно претпријатие се во постојан распад.

Повеќето од автобусите се дотраени, впрочем неодамна неисправна „двојка“ излета од булеварот пред Мавровка и заврши врз жардиниера, повредувајќи неколку патници. Зачестија и инциденти со запалени возила, имаше дури два во последниов месец.

„Недостигаат меѓу 40 и 50 автобуси за ЈСП да го почитува летниот возен ред“, информираше минатиот месец директорот на јавниот превозник, Душко Кушовски.

Затоа и возниот ред практично веќе не постои. Од три автобуси, еден речиси сигурно не се појавува, и покрај тоа што се најавува на дотраените дигитални табли на постојките.

Сè почесто предолго се чека автобус, по 45 минути или по цел час сред ден и на високи температури, на кои освен водата од вашето тело, испарува и надежта дека некогаш ќе се вратите дома.

А, кога долго нема автобус, гужвите под жешкиот автобуски покрив се неизбежни.

Покрај гужвите во автобусите се бориме и со температурните амплитуди.

Наутро не се вклучува климата, иако уште во 8 часот, температурата наближува до 30-от степен. А, кога работи, климата е пуштена на најјако и студено е како во мртовечница. Некој одамна ги искршил пластичните регулатори за вентилација и никој не се потрудил да ги замени.

Да биде бељата поголема, автобусите со вклучена клима одвај лазат по скопските улици, бидејќи дотраените мотори не можат да влечат.

Во двокатниците вистински предизвик е разминувањето на патниците, дури и кога се полупразни. Со оглед дека е напорно, а честопати и опасно да се качувате по скалите на вториот кат додека автобусот вози или ненадејно тргнува од постојката, луѓето што патуваат неколку станици се збиваат во долниот дел од автобусот.

Затоа и кога возилото не е преполно, патниците ги пропуштаат автобусите – бидејќи не можат да влезат.

Посебна приказна се билетарниците. Одамна билет не може да се купи во автобус, а повеќе билетарници или воопшто не работат или ја укинале втората смена. Често се случува и тие што се колку-толку функционални, цел ден да не отворат без објаснување.

Алтернатива е плаќањето со телефон или преку мобилна апликација, меѓутоа и тој систем не е идеален. Плаќањето преку мобилен е поскапо и трае подолго, но се случува и наплатните сервери да паднат.

Кога дневниот хороскоп ќе ви искомбинира затворена билетарница со паднат сервер, принудени сте да се „шверцувате“.

Политикантство скарано со логиката
Градоначалничката Данела Арсовска и ВМРО-ДПМНЕ победија на локалните избори со понудата за нови 250 автобуси и бесплатен превоз, наспроти автобуското метро што го „туркаше“ ексградоначалникот Петре Шилегов.

Три години подоцна, и по кавгата меѓу Мицкоски и Арсовска нема ни нови автобуси, ни автобуското метро.

Единствената трошка надеж дека нешто ќе се промени беше убиена неодамна со соопштението од Град Скопје дека повеќе од две години советниците од ВМРО-ДПМНЕ, кои го имаат мнозинството, не ја гласаат одлуката за набавка на нови автобуси.

„По 21. пат е доставена предлог-одлука за нови еколошки автобуси до советниците од ВМРО-ДПМНЕ“, се вели во соопштението.

Нема оправдување за блокадата на ВМРО-ДПМНЕ врз градот, тоа е само калкулација на партијата да си обезбеди што подобра позиција за следната градоначалничка трка во 2025 година и да ја засили перцепцијата во јавноста дека Арсовска не е кадарна да го води градот.

По парламентарните избори, нивната политика на кочење веќе нема никаква логика, особено откако жителите на Скопје јасно покажаа што мислат за партијата на Арсовска, која освои само 1.500 гласа во главниот град. Исто како што на сите паталци во градскиот превоз им е јасна играта во Советот на Град Скопје.

https://prizma.mk/vozene-so-jsp-iskustvo-pod-sekoe-dostoinstvo/

ЗА ЛЕТНИОТ ВОЗЕН РЕД НЕДОСТИГААТ 40 АВТОБУСИ, НАЗАД НИ Е ЗИМАТА Директорот на ЈСП со врзани раце се обидува да ги реши проблемите во градскиот превоз

Директорот на Јавното сообраќајно претпријатие (ЈСП) Драги Кушовски во интервју за МИА потврди дека во моментов сообраќаат недоволен број автобуси и не може да се пополни возниот ред. Тој ги повика институциите да излезат во пресрет за обнова на возниот парк на ЈСП.

Возниот ред се менува во зависност од тоа со колку автобуси располага ЈСП на дневна основа, вели Кушовски, посочувајќи дека претпријатието се соочува со недостиг од 40 автобуси за пополнување на летниот возен ред. Во моментов, вели, ЈСП располага со околу 190 автобуси, а за да биде пополнет летниот возен ред потребни се 235 автобуси.

– Се надевам дека институциите ќе најдат сили да му помогнат на ЈСП, бидејќи со овој возен парк со кој што располагаме не можеме да го покриеме постоечкиот зимски возен ред. Ние не сме ни од далеку близу да го покриеме тој зимски возен ред. Правиме некои оптимизации во рамките на претпријатието, не знам дали ќе имаме доволно време да се почне со оптимизации на возни редови и не знам дали ќе имаме доволно време да ги направиме до 1 септември, бидејќи секоја оптимизација на возен ред мора да помине преку Советот на Град Скопје – рече Кушовски.

Прашан зошто дисплеите на автобуските постојки не го покажуваат точниот возен ред, Кушовски вели согласно интерните акти, ЈСП не може да направи промена на возниот ред.

– Не можеме, согласно интерните акти, бидејќи возниот ред се утврдува преку Совет на Град Скопје и ЈСП не може сам да направи промена на возниот ред. Може да даде предлог до секторот сообраќај до Град Скопје и после до Советот за тој возен ред се прифати. Ние тоа го правиме во моментов, јас сум само еден месец тука, но сакам тоа квалитетно да биде направено, да не биде само направено дека нешто сме сработиле за да може да го дадеме предлогот понатаму – рече Кушовски.

Директорот тврди дека сите автобуси кои сообраќаат се технички исправни, поминуваат технички преглед на шест месеци и редовно се проверуваат во базите на ЈСП, но како што рече, возниот парк е стар повеќе од 13 години и тековно може да се случи каков било дефект.

– Сите автобуси поминуваат технички преглед на шест месеци и редовно се проверуваат основните работи во нашите бази. Но сите ние сме учесници во сообраќајот и знаеме дека со возен парк стар 13 години и повеќе, тековно може да ни се случи каков било дефект, на кои секојдневно се менуваат и возачи и сообраќаат по многу километри на дневна основа и затоа кажувам автобуси кои што во моментот имаат круцијални дефекти, како што се кочници, според моите информации кои што ги добивам од службите не се пуштаат во сообраќај. За светло или некоја гребнатинка која што настанала во текот на возењето може да се случат такви работи – рече Кушовски.

За изјавите на вработените возачи во ЈСП, дека во сообраќај се пуштаат автобуси со дефект и покрај тоа што го пријавуваат дефектот, Кушовски порача да не се даваат паушални изјави кои што се непотврдени и ги повика сите вработени кои што имаат проблем да се обратат кај него, бидејќи, како што рече, создавање на таква слика во јавноста никому не оди во прилог.

Во врска со настанот кај ТЦ „Мавровка“, кога автобус на ЈСП удри во жардињера, за што возачот тврдеше дека несреќата се случила поради дефект на кој било посочувано подолго време, Кушовски нагласи дека тоа треба да се остави на истрагата, во која се вклучени, како што посочи и Обвинителство и Министерството за внатрешни работи и со која треба да се утврди кои се причините кои што довеле до таа несреќа.

– Одговорно тврдам дека не е точно дека возилото од сообраќајката кај Мавровка недела дена претходно возело на линија Водно, тоа има возено на Водно два пати оваа година, и тоа, за периодот по Новата година кога е малку поголема фреквенцијата како помошно возило и на 2 мај. Значи дека недела дена претходно тоа возило возело на Водно не е точно. Да оставиме на истрагата, таму е вклучено и Обвинителство и Министерството за внатрешни работи и да видиме кои се причините кои што довеле до таа несреќа. Дали се тие кои што се изнесени во јавноста или можеби ќе излезат други причини – вели Кушовски.

Директорот тврди дека поголемиот дел од автобусите имаат клима. За незначителен број автобуси се чека поправка на климите и тие сообраќаат во раните утрински часови.

– Во поголемиот дел, над 90 отсто од автобусите имаат клима. Имаме неколку автобуси за кои што чекаме климите да се поправат, но тоа е незначителен број и тие обично ги пуштаме во раните утрински часови да сообраќаат, додека температурите уште не се високи, за да можеме да испочитуваме барем дел од возниот ред – рече директорот.

Во врска со најавите од страна на премиерот Христијан Мицкоски, дека ќе ги разгледа можностите за одземање на ингеренциите на јавните претпријатија кои што се под надлежност на Град Скопје и решавање на проблемите за јавниот градски превоз, Кушовски рече дека се работи за наследени проблеми и дека „мора да се тргне од некоја точка“.

– Проблемите не потекнуваат од сега, тие се наследени проблеми и не се наследени од пред година, две, ниту три години, туку од многу поодамна. Не се вршела навремена обнова на возниот парк на самото претпријатие, се работело како што се работело и гледаме тоа каде довело. Наша цел е тие работи барем да ги стопираме и да не тонат надолу, туку да почнеме малку по малку да се движиме во нагорна линија – вели Кушовски.

Прашан како ЈСП да стигне до самоодржливост, директорот посочи дека мора институциите да излезат во пресрет за обнова на возниот парк, притоа со домаќинско и одговорно работење, ЈСП тековно да може да ги сервисира обврските.

Претпријатието има свои обврски, додаде, но и свои барања од институции и приватни компании кои треба да се плаќаат редовно за да може да претпријатието да функционира.

– ЈСП има обврски, но има и побарувања и од институции и од приватни компании, тука треба нашите побарувања да бидат наплатени, да почнат да се плаќаат редовно за да можеме ние самите да функционираме. Голем дел во сервисирањето на нашите обврски имаат приходите од самото претпријатие, кои што мора да ги зголемиме и работиме на тоа да бидат истите зголемени – подвлече Кушовски.

https://plusinfo.mk/za-letniot-vozen-red-nedostigaat-40-avtobusi-nazad-ni-e-zimata-direktorot-na-sp-so-vrzani-race-se-obiduva-da-gi-reshi-problemite-vo-gradskiot-prevoz/?

Автобусите што ги купила Општина Струмица:


https://emagazin.mk/%D1%84%D0%BE%D1%82%D0%BE-%D1%81%D1%82%D1%80%D1%83%D0%BC%D0%B8%D1%86%D0%B0-%D0%B4%D0%BE%D0%B1%D0%B8-%D0%B4%D0%B5%D1%81%D0%B5%D1%82-%D0%B5%D0%BB%D0%B5%D0%BA%D1%82%D1%80%D0%B8%D1%87%D0%BD%D0%B8-%D0%B0/

ЈСП како енциклопедија на дефекти

Во само еден ден, на 27 мај годинава, вкупно 14 автобуси на Јавното сообраќајно претпријатие Скопје се исклучиле од сообраќај затоа што им снемало нафта. Сообраќале на линиите 2, 7, 41, 57 и други. Пропуштиле вкупно 40 т.н. полуобрти, како што во документите на ЈСП се нарекува возењето од почетната до крајната станица, во еден правец.

Тоа значи дека 40 пати тој ден патниците не го дочекале автобусот што требало да им дојде според возниот ред и останале на станиците 20-30 минути подолго. Само поради нафтата. А имало и откажувања од други причини – проблеми со гумите, прегревање на моторите, откажување на менувачите или на сопирачките, паѓање на вратите, дефекти на греењето, климите, бришачите итн. Во тој ден имало пропуштени речиси 500 полуобрти.

Дневните извештаи од диспечерскиот центар на ЈСП, во кои се содржани податоците за секој автобус што бил повлечен од сообраќај (во колку часот, поради која причина, на која линија возел, колку пати пропуштил да ја извози трасата), се своевидна енциклопедија на дефекти. Речиси нема дефект познат во автоиндустријата што не е забележан во нив.

Преку барање за пристап до информации од јавен карактер, БИРН ги доби дневните диспечерски извештаи за февруари, мај и јуни. Станува збор за околу 700 документи со над 2.000 страници.

Додека оваа неславна енциклопедија секој ден се полни со нови содржини, одлуката за набавка на нови автобуси со кои би се олеснила сегашната ситуација редовно сообраќа на релацијата градоначалнички кабинет – Совет на Град Скопје. Градоначалничката Данела Арсовска, повеќе од 20 пати ја предлага точката на дневен ред, но таа не добива поддршка од мнозинската советничка група на ВМРО-ДПМНЕ.

Пред изборите, тие заедно ветуваа 250 автобуси повеќе. Денес ЈСП има дваесетина помалку од изборната 2021 година.

Детален опис на едно големо пропаѓање

Сите дневни извештаи од диспечерскиот центар во кои имавме увид почнуваат со список на 20-30 автобуси што воопшто не се вклучиле наутро, а продолжува со тоа кои од вклучените се исклучиле во текот на денот.

Така, една од петките на 6 мај морало да одмори два часа поради прегреан мотор, а патниците во тој период да имаат автобус помалку. Три дена подоцна, еден од автобусите со број 58 бил надвор од сообраќај четири часа поради течење масло. Автобус со број 22, пак, пропуштил еден полуобрт на 22 мај бидејќи не му работела предната врата.

Кога е топло, откажуваат климите, како на три линии на 9 мај, поради што пропуштиле девет полуобрти. Кога е студено, пак, откажува греењето.

Последното место каде што некој би посакал да му откажат сопирачките на автобусот би била линијата број 16, која поврзува две ридски населби – Пржино и Железара. Токму тоа ѝ се случило на една од 16-ките на 14 мај, па ја немало три тури.

Речиси два часа, една 58-ка на 10 мај, пак, не возела поради дефект на бришачите во врнежлив ден, па патниците морале подолго да чекаат на дождот.

Дефектите не се единствената причина поради која автобусите се исклучуваат. На 7 мај биле повлечени една 50-ка и една двојка затоа што за нив немало возачи за втора смена. На 10 мај, поради тоа се исклучила една 57-ка, а следниот ден една седумка морала да се повлече зашто возачот се разболел и немало кој да го замени.

Големата слика – пад за стотина автобуси

Денешната состојба со јавниот превоз е резултат на децениски пад, документиран во годишните извештаи што ги објавува ЈСП Скопје на својата интернет-страница. Од нив може да се види дека пред десетина години, претпријатието имало речиси 450 автобуси, од кои во просек, исправни биле 350, а во сообраќај дневно се пуштале по 230-240.

„Сите пееја во ЈСП меѓу 2012 и 2015 година“, вели Миќо Стојановски, долгогодишен прв синдикалец на јавното претпријатие и претседател на Синдикатот на работниците од сообраќајот и врските при ССМ. Тој го нарекува овој период „златно време“, кое следувало по еден тежок период, во кој старите автобуси од 1980-тите и 1990-тите често откажувале, слично како и денес.

Тогаш беше направена големата набавка на автобуси од владата – 100 од марката ЛАЗ од Украина и 200 двокатни од кинеската компанија „Јутонг“, и сè се сменило.

Во меѓувреме, остареа и тие автобуси, се набавија само 33 нови МАН и претпријатието се врати во старата состојба. Според последниот извештај, за првите четири месеци од 2024 година, ЈСП има вкупно 356 автобуси, од кои просечно на дневно ниво се исправни 223, а во сообраќај се пуштаат по 182. Падот бил значителен во последнава година, кога бројот на исправни автобуси паднал за речиси 30.

„Кога почнаа да стареат, кога веќе требаше да се вложат многу пари за да се репарираат, да се обноват, пари нема. Правиме разни фискултури да ги оспособиме тие автобуси“, вели Стојановски, на прашањето дали се расклопуваат автобуси за да се поправат други.

Јавен превоз за тие што немаат друг избор

Една од бројките што често се сретнува во дневните диспечерски извештаи е 57, линијата што сообраќа од Радишани до Козле. Поминавме едно утро со патниците во овој автобус и ги прашавме дали често се случуваат дефекти.

„Не само што се случуваат, туку тоа веќе е пракса“, ни рече една средовечна жена додека чекаше на една од почетните станици во Радишани.

Нешто по 8 часот, една од 57-ките впишана во возниот ред не се појави, што беше доволно за на станицата да се создаде голем метеж.

„Секој ден се доцни на работа, со нервози“, револтиран е и Никола Макаровски, кој секојдневно патува оттаму до Кисела Вода.

Кога автобусите возат според возен ред, за еден час стигнува до работа. Во последниве месеци се вози и по два часа поради честите доцнења на автобусите, метежите и по некој дефект.



Лошо искуство со јавниот превоз споделија и 170 граѓани што одговорија на прашалникот на БИРН. Се жалат на стари и нередовни автобуси во кои патниците се возат како „вреќи со компири“, без парно во зима и „како стока во штала набутани без клима“ во лето . Се жалат и на нехигиена и огромни гужви, кои одат дотаму што понекогаш се вози со отворени врати и „често се случува некому да му се слоши“.

Листата е долга, а проблемот кулминира во последниот период. Најголеми поплаки има од оние што се возат на подолгите линии, како 2, 7, 57 или 18.

„Јас се возам со автобус од кај 23 април оваа година, автомобилот ми е на сервис и немам друга опција освен јавниот превоз, а не паметам да било олку лошо со автобускиот превоз“, пишува во еден од одговорите.

Дел од оние што одговорија на прашалникот, велат дека веќе се откажале од возењето со автобус, а повеќето велат дека го користат јавниот превоз бидејќи немаат друг избор.

Гробница за автобуси

Во јавното претпријатие, за три години се сменија пет директори. Последниот, Драги Кушовски, на директорската фотелја седна пред три месеци. Од ЈСП го одбија барањето на БИРН за разговор со директорот, а не одговорија ниту на прашањата испратени по имејл.

Единствено ги подотворија вратите на дел од автобазата во Автокоманда, за да покажат дека навистина се работи на поправка на дел од автобусите. Им стигнала нарачка со нови делови.

Неколкумина работници ги менуваа стаклата на два од старите двокатни автобуси, кои ги држат најголемиот дел од линиите во градот. Планот им било да репарираат триесетина, за да може да се работи според важечкиот возен ред.

Освен кинеските, на сервис беше и еден од уште постарите, украински автобуси, кои според повеќе сведоштва се покажаа со најлош квалитет.

Остатокот од автобазата личи на гробница за автобуси. Во тој дел не ни беше дозволен пристап за снимање, иако и однадвор може да видат соголените школки, меѓу кои и на десетина панорамски автобуси.

Како што брифираат извори од ЈСП за БИРН, кога почнале да откажуваат двокатните автобуси, за резервни делови почнале да се растураат 15-тината панорамски, направени од истиот производител. Според последниот извештај на ЈСП, во функција е останат само еден од нив.

Пропаѓаат половина од тендерите за делови, гуми, масло…

За состојбата во ЈСП, синдикалецот Стојановски вели дека е резултат на „гола политика“.

„Мнозинството и градоначалничката, додека беа во љубов, си течеше сè, кога се раскина љубовта, секој си тргна на своја страна, и кој трпи? Граѓаните и јавните претпријатија“, вели Стојановски.

Освен очигледната причина – дека не се купуваат нови автобуси, тој посочи и неколку други за сè поголемото пропаѓање. Една од нив е пречестата смена на директори.

„Тамам со еден директор ќе се навикнеме да работиме, ќе го сменат“, додава.

Друг проблем е што тендерите многу доцнат или пропаѓаат, па претпријатието често нема доволно резервни делови за да ги одржува возилата.

„Или никој не се јавува, затоа што сите знаат каква е состојбата во ЈСП, или ако се пријават двајца или тројца, тој што ќе добие, го тужат останатите“, објаснува Стојановски.

Дека тендерите често се поништуваат, покажуваат и податоците од системот за јавни набавки. Така, на пример, во првите осум месеци од годинава, ЈСП објавило 82 огласи, како и дури 40 поништувања на постапки. Тоа покажува дека претпријатието има сериозен проблем со многу набавки, од гуми и алати, до турбини за воздух, алтернатори, стартери, светилки и друго, односно делови недостасуваат со месеци.

Така, мартовскиот тендер за репарирање на менувачите на четири двокатни автобуси, и за набавка на резервни делови за минибусите, бил поништен поради недостатоци во техничката спецификација. Нов бил распишан во мај, но ЈСП повторно немало среќа. Дел од тендерот го поништиле поради немање добра понуда.

Сагата, пак, за набавка на делови за климите во кинеските и во украинските автобуси почнува во 2022 година и сè уште трае. Распишани се дури шест огласи и сите се поништени. Првите два, поради тендерски пропусти, а останатите бидејќи, или немало никаква, или немало добра понуда.

„Како се снаоѓаме, само ние си знаеме“, вели Стојановски.

https://prizma.mk/jsp-kako-entsiklopedija-na-defekti/