Незнам дали е добра секцијава за отварање на нишкава, но нека биде...

Целта ми е да и дадеме поширок осврт на населбата Илинден (заедно со Марино), но и на општината Илинден, која според мене мислам дека е една од ретките општини во државава кои си ја сфатиле работата сериозно... 

Една работа која ме багува... е тоа што, кога веќе е одделена административно од Скопје, а со оглед на површината, а и бројот на население кој и не е така мал во споредба со други населени места во државава кои се сметаат за градови... Зошто населбава Илинден не прерасне во град... Мислам дека може да и се даде шанса, и дека со мала помош од државата, населбава ќе стане градче од над 10 000 жители...

Како за споредба, би била поголема од Кратово, Ресен, Пехчево, Берово, Крушево, итн... 

И би била на некое ниво на Делчево, Виница, и евентуално Неготино....

Но мислам дека ако работите и тргнат како што треба, а и веќе и се тргнати, и со мала помош од државата само ќе се убрзаат, е дека за некои 5 години или евентуално но 2020, населбава Илинден би прераснала во град од типот на Дебар, Гевгелија, Радовиш или евентуално Струга... односно градови со население од 15 000 - 16 000 жители... Но би бил во многу поповолна позиција, со оглед на тоа дека граничи со Скопје... 

Еве две сателитски снимки, да ви даде претстава за што станува збор.... да напоменам, дека тоа е денешната состојба, односно од 2011 година...

Во однос на Скопје... особено споредете со урбаниот дел на Аеродром, или пак со Центар... 

Исто така, сакам да побарам од модераторите сите материјали кои се поврзани со општина Илинден и со нејзините предвидени индустриски, станбени, мултифункционални зони и друго.... ако сметаат дека е добро да се префрлат во нишкава...

За законските регулативи и критериуми мислам дека е најдобро да одговори ОСВ, но како и да е, сигурен дека постојат некои.

А околу државната помош. Па мислам во сфери како што се:

- Образованието (иако веќе постојат основни, а колку што знам тоа модуларното сега што го изградија има и средно образование)

- Здравството (најверојатно постои поликлиника, но кога веќе би се оформувал како град, би било добро да прерасне во градска болница, која ќе дава повеќе услуги, а во случај да не постои, не ми замерувајте не сум добро запознаен, секако да се изгради една)

- Да се отворат канцеларии на што е можно повеќе државни институции од кои ќе има потреба (пример: Катастар, МВР, итн... )

- Евентуално да се оформи еден основен суд со мал персонал

- Евентуално некои дисперзирани студии од некој факултет, зависи од потребата, но со оглед дека е прилично добро индустриски развиена и има доста земјоделска површина, може нешто во контекст на тоа да се направи...

- да постават неколку споменици  (се шегувам)

Како и да е... Ќе има потреба од оној иницијален боост... Можеби доста работи и пропуштив.... а има и доста работи што општината сама ќе треба да ги заврши, бидејќи со децентрализацијата не се обврска на државата, но кога веќе може да се меша кај што треба и не треба... мислам дека може да потпомогне и тука...

Од друга страна ова може и да не е баш најдобра и најисплатлива идеја, но мислам дека Илинден има капацитет и потенцијал и мислам дека треба да му се даде шанса....

Да, кога ќе размислам уште еднаш.... Се согласувам...

Можам да се согласам....

Јас незнам што е потребно за едно населено место да биде град, јас само кажувам дека има голема можност да биде град. И дека во случај да не исполнува некои критериуми за да стане, да биде потпомогнато од државата.

Ама дефиницијата за град не кажува дека градовите мораат да бидат одделени едни од други.

Некое населено место да биде град, значи повеќето од потребите и обврските на граѓаните, но и што повеќе функции и активности да можат да се извршуваат во истиот. Зборот ми е, да биде што е можно понезависен. Тоа не значи нема да има потреба од регионалните поголеми центри, како што е во случајов Скопје. Но оние секојдневни активности би можеле да се извршуваат во него, без (но и не задолжително) Скопје да биде вмешано во целата приказна.

Дури ако гледаме реално и Аеродром може да се смета за некој полу-град, затоа што зависноста од останиот дел од Скопје се повеќе се намалува... Но сепак, врската која постои помеѓу Скопје и Аеродром (а тоа најмногу е забележително со средното и високото образование, но и со работните места кои се дисперзирани низ цело Скопје) е многу поголема отколку онаа што ја има Илинден со Скопје....

ПС: Тоа не значи дека треба да си се затвориме во градовите и да не излегуваме од нив...

И уште нешто што сакав да кажам за Илинден, а тоа е дека може полека да прерасне во локално-регионален центар, нешто како олеснителна околност за Скопје, би било нешто како пред-Скопје.... Со што сите околни општини со нивните населби и села, како што се: (што ги спомна Гиж) Нова Колонија, Идризово, па дури и Трубарево кое е прилично блиску до Скопје, потоа Петровец, ‘Ржаничино, Миладиновци, Бунарџик, ТИРЗ Бунарџик, Ајватовци, па дури може и Арачиново евентуално, и дури и Аеродромот, зоната и селото Ќојлија, прво да гравитираат околу Илинден, а потоа околу Скопје, со што Скопје малку би се растеретил... 

Со еден збор да Илинден може да биде регионален центар на "Источен Скопски регион", колку што знам тој дел се вика Скопска Блатија, но сепак Илинден не спаѓа во таа област... 

Поставен камен темелник на првата станбена зграда во Општина Илинден

Урбани Вести | Објавено во 16:26

Во населено место Марино, градоначалникот на Општина Илинден, Жика Стојановски  постави камен темелник на првата станбена зграда која што ќе никне на територијата на Општина Илинден.

Станува збор за деловно-станбен објект што ќе се простира на површина од 1.660 метри квадратни, на пет нивоа, со 22 стана и два деловни објекта.

Предвидено е да има станови со различни површини и тоа од 40, 60, 70 и 125 метри квадратни, како и подземна гаража.

Инвеститор на објектот, што го гради фирмата “Периш градба”, е Ненад Јанвески. Целокупната инвестиција изнесува 750.000 евра, а градежните работи треба да завршат во рок од 9 месеци.

Ова е првата од предвидените 4 станбени згради што ќе бидат изградени во близина на спортскиот комплекс во Марино.

http://skopjeid.com/2012/10/10/postaven-kamen-temelnik-od-prvata-zgrada-vo-ilinden/