✔ Улица Есенинова

Сам даде одговор на легитимно и важно прашање. Нема директен механизам начин да се отповика, живееме во земја каде има процедура и механизам за отповикување на претседател, престанување на мандат на пратеник, интерпелација на министер, интерпелација на премиер (а со тоа и цела влада) само немаме механизам за отповикување на градоначалник (дупка во законот јбг). Постои единствено индиректно начин, преку референдум на ниво на Град Скопје, каде што прво луѓето би требало да излезат на референдум да одговорат на прашање дали сте за разрешување на актуелниот Градоначалник на Град Скопје, за после 45-60 дена (по изборен законик) да се оди на извори, во превод 8-10 милиони евра за процесот на двете непосредни изјаснувања на граѓаните...

Веќе имаме такво искуство со неколку општини во југоисточниот дел за рудниците и со референдум во општина Центар. Одклуката ја носи советот, може да бидат иницјатори 1/3 од советниците или 20% од вкупниот број на регистрирани гласачи во единицата на локалната самоуправа. Референдумот се смета за успешен ако излезат и се изјаснат најмалку 50% +1 од вкупниот број на запишани избирачи во единицата на локалната самоуправа. За разлика од референдум на централно ниво кој може да биде задолжителен и консултативен, локалните се исклучиво обврзувачки, односно доколку истиот е успешен, донесената одлука се смета за обврзувачка и безусловно мора да се спроведе/изврши.

Се согласувам со Phiko!

Тажно е дека мнозинството македонски граѓани мислат дека политиката постои единствено за во штаб. Впрочем и затоа сме кај што сме, оти мнозинството не знае дека се уште има (делумна) слобода на одлучување и мислење. Јесте да е оффтопик, погорното прашање, ама ете кога се разменуваат мислења оти сите да не се збогатиме со инфромација плус за тоа како е поставен правно-аминистративниот систем во државата.
Малите општини на Истокот се исклучителен пример за тоа како колективот сепак може сложно да менува работи на подобро и покрај притисокот од карциномот наречен партија.

Edited by hcitrS - 14-Mar-2023 at 23:04

Улицата е проодна. Македонско сценарио уствари, ниту е пуштена, ниту е забрането движење. Битно коли проаѓаат, кој се снајде, се снајде.





Edited by user8642 - 09-May-2023 at 18:16

Ајде конечно! Или се ќе чекаме уште некој месец доофрмување на раскрцницата кај Пролет амбулантата.

Инаку овие столбчињата што се гледаат тука на последната слика се најефтинџиското решение од урбана опрема што се појавило некогаш во Скопје. Тие трите "флуоросцентни" ленти се уствари од хартија обична направени и паѓаат за неколку дена од кога ќе се постават. Малку вода да ги фати се одлепуваат како да се залепени со Охо лепак. За земја се прциврстени со обични типли и штрафови од профил отприлика 40-ка, па дома за сталажи на ѕид посаглам се користат а не тука каде што потенцијално може и кола да ги закачи.

По „Есенинова“ конечно може да се вози



По улицата „Есенинова“ од Чешма до „Трета македонска бригада“, која беше најавувана како идеално решение за поврзување на три општини, Центар, Аеродром и Кисела Вода, конечно може да се вози.

Официјално, таа уште не е пуштена во употреба, но коловозот веќе е бележан и тргнати се сите барикади кои го оневозможуваа двиќењето по неа.

Според градоначалничката Данела Арсовска, оваа улица не можеше да биде пуштена во употреба, иако беше асфалтирана пред локалните избори и претходното градско раководство, затоа што документацијата не соодветствувала со состојбата на терен.

На брифингот со новинарите пред неколку месеци, Арсовска рече дека работите се речиси завршени, а спорните резервоари кои се наоѓаа на трасата на улицата нема да се преместуваат, туку само ќе се усогласува документацијата.

Инаку, во октомври 2021 година, улицата „Есенинова“, беше пробиена од Чешма во Кисела Вода, до булеварот „Трета македонска бригада“ на влезот во Аеродром.

Во август 2020 година почнаа градежните активности за пробивање на новата улица.

Изградбата на овој нов коридор има за цел намалување на притисокот на крстосницата кај „Тутунски комбинат“, односно ќе биде директна врска од Кисела Вода кон поранешното скопско сајмиште.

Новоизградената улица Есенинова е долга 730 метри, со променлива ширина, односно, има две коловозни ленти и тротоари од двете страни низ Кисела Вода, а потоа четири коловозни ленти пред влезот во „Трета македонска бригада“.

Има улично осветлување со 20 столбови, нова водоводна и канализациска мрежа. Вредноста на договорот за изградба на улицата беше околу 71 милион денари со вклучен ДДВ. Рокот за изведба беше 22 месеца, што е длабоко пробиен.

Булеварот „Трета македонска бригада“ со должина од 2,5 километри има само две поврзувања со Кисела Вода, едното преку булевар „Србија“ со булевар „Борис Трајковски“, а второто, познатото тесно грло кај „Тутунски комбинат“, кое воедно претставува поврзување на Аеродром и со Кисела Вода и со Центар.

Со изградбата на „Есенинова“, ова тесно грло во сообраќајот ќе се растовари, ќе се скрати кружењето околу „Тутунски“, кое во периодите на најголемиот сообраќаен метеж трае од 5 до 10 минути. Ова ќе го почувствуваат и граѓаните кои патуваат од „Континентал“ во Гази Баба до Рампа и Чешма во Кисела Вода, а кои избегнувајќи го тесното грло кај „Тутунски“ кружат или преку булевар Србија во Аеродром или преку булеварите „Крсте Мисирков“ и „Кочо Рацин“ во Центар.

Така на пример, од Чешма до „Континентал“ ако се патува 3 километри преку Центар или 8 километри преку Аеродром, преку трасата „Есенинова“ – „Никола Карев“ – „Беласица“ ќе се патува само 2 километра. Изразено во време, тоа на граѓаните им заштедува од 10 до 15 минути.

Дополнителен проблем за да се остварат овие најави од претходниот градоначалник Петре Шилегов е затворањето на мостот на улицата „Беласица“, откако пред извесно време тој беше зафатен од пожар, а проценката на нековата издржливост уште не е завршена.

https://nezavisen.mk/po-eseninova-konechno-mozhe-da-se-vozi/

Денешни,поставена е хоризонтална и вертикална сигнализација











за жал пред раскрсницата од десно просторот е многу неуреден си останаа тие бараките и дивиот паркинг до амбулантата.

Заврши изградбата на улицата „Есенинова“





https://www.vecer.press/%D0%B7%D0%B0%D0%B2%D1%80%D1%88%D0%B8-%D0%B8%D0%B7%D0%B3%D1%80%D0%B0%D0%B4%D0%B1%D0%B0%D1%82%D0%B0-%D0%BD%D0%B0-%D1%83%D0%BB%D0%B8%D1%86%D0%B0%D1%82%D0%B0-%D0%B5%D1%81%D0%B5%D0%BD%D0%B8%D0%BD/


https://skopje1.mk/archives/236455



Edited by Џоле - 15-Aug-2023 at 15:25

УЛИЦАТА ЕСЕНИНОВА КОНЕЧНО ПУШТЕНА ВО УПОТРЕБА, ОД АЕРОДРОМ ДО КИСЕЛА ВОДА СЕГА СЕ ИЗБЕГНУВА ТЕСНОТО ГРЛО КАЈ „ТУТУНСКИ КОМБИНАТ“



Новата скопска улица Есенинова која ги поврзува општините Аеродром и Кисела Вода конечно е пуштена во употреба. Две години по доаѓањето на функција на градоначалничката Данела Арсовска, улицата која беше речиси целосно завршена сега е официјално завршена. Поставени се семафори, хоризонтална сигнализација и по неа може да се вози. Со тоа, од Кисела Вода сега не мора да се оди до „Тутунски комбинат“ туку кај Рампа се приклучува на новата улица и се излегува на Трета македонска бригада во Аеродром и обратно.

Есенинова почна да се гради во мандат на ексградоначалникот Петре Шилегов. Новата улица е во должина од 730 метри, почнува од Кисела Вода кај Чешма покрај пругата кон амбулантата „Пролет“ и излегува на булеварот Трета македонска бригада во Општина Аеродром. Има две коловозни ленти и тротоари од двете страни низ Кисела Вода, а потоа четири коловозни ленти пред влезот во Трета македонска бригада.

На улицата е изградена нова водоводна и канализациона мрежа, поставено е улично осветлување и изградени се нови подземни бунарски линиски системи кои се во функција со резервоар, пумпна станица и поврзување со хидрантска мрежа.

Со пробивањето на оваа нова сообраќајница ќе се намали гужвата и ќе се скрати кружењето кај „Тутунски комбинат“, кое во периодите на најголемиот сообраќаен метеж трае од 5 до 10 минути.

Изградбата на Есенинова чинеше околу еден милион евра.

https://sdk.mk/index.php/dopisna-mrezha/ulitsata-eseninova-konechno-pushtena-vo-upotreba-od-aerodrom-do-kisela-voda-sega-se-izbegnuva-tesnoto-grlo-kaj-tutunski-kombinat/