Кеј на река Луда Мара - Кавадарци

Се стопираа активностите околу реконструкцијата на коритото на реката Луда Мара во Кавадарци. Никој од надлежните се уште не излегува со официјална информација кои се причините.

Граѓаните кои живеат во непосредна близина на реката револтирани велат дека на местото на природната околина сега добиле градилиште со камења и шут насекаде. Целата постапка за реконструкција на кејот сега за нив е само влетување во авантура, бидејќи сметаат дека илузија е да се гради, ако некој не е надарен да ја разубави Општината.

Неофицијалните информации со кои располагаат тие велат дека изведувачот на работите го напуштил теренот, зашто не му било платено за досега сработеното. Зошто се запрени работите на коритото на реката Луда Мара во центарот на Кавадарци, од Европската агенција за реконструкција не успеавме да добиеме одговор. “Локалната самоуправа не е надлежна за овие работи”, вели градона- чалникот Панчо Минов. Тој се надева дека проблемот ќе биде брзо надминат, бидејќи и за него ова е непосакувана и лоша постапка што директно ќе влијае на изгледот на градот. Во моментот кога нашата екипа беше на терен, таму имаше само еден работник од гостиварската фирма која работи на реконструкцијата на реката. На терен бил зашто морал да дозаврши некои работи и да го надгледува објектот. Од него дознаваме дека во изминатите два - три месеци, работеле четириесетина градежни работници. Тој не знаеше да каже зошто неговите колеги се повлеч ени од градилиштето.

Планот за реконструкција на кејот на реката Луда Мара предвидуваше работите до мостот кај месноста Јаворот да завршат до мај. Да се уреди просторот околу реката одлучи Советот на Општина Кавадарци, откако Општината доби награда од 250 илјади евра од Европската Унија за најдобар проект за локален развој.

Фино изгледа кејов во Кавадарци

од ССЦ