Сообраќајна врска Аеродром - Кисела Вода
Printed From: build.mk
Category: Главни теми
Forum Name: Градска инфраструктура
Forum Discription: Улици, булевари, сигнализација, јавен превоз...
URL: http://www.build.mk/forum/forum_posts.asp?TID=1061
Printed Date: 20-Jun-2025 at 02:56
Topic: Сообраќајна врска Аеродром - Кисела Вода
Posted By: lslcrew
Subject: Сообраќајна врска Аеродром - Кисела Вода
Date Posted: 15-Sep-2010 at 10:16
|
Нишкава ја отворам за да направам една опсервација на еден долго-најавуван проект за сообраќајно поврзување на Аеродром со Кисела Вода со подземна улица под железничкото депо. Неколку пати, дури и минатите години беше неофицијално спомнуван овој проект, па нека биде нишкава некое потсетување. Го имаме и ние тука разгледувано ( http://www.build.mk/forum/forum_posts.asp?TID=96&PID=49772&SID=z23zeezz446affa89d7c9c63ee2a4ba7#49772 - http://www.build.mk/forum/forum_posts.asp?TID=96&PID=49772&SID=z23zeezz446affa89d7c9c63ee2a4ba7#49772 ). Се работи за исклучителен краток сегмент од 1100 метри предвиден како булеварско решение со профил 2||2, спој од улиците Фрањо Клуз од страна на Аеродром и Народни Херои од страна на Кисела Вода. Повеќето (700 метри) веќе функционираат како маалски улици во Аеродром и Кисела Вода и индустриската зона во Аеродром како полуизградени со профил 1|1. Трасата речиси и да не е запоседната со објекти од времен карактер. Има малку вакви објекти, за разлика од други траси за други предвидени сообраќајници каде што работите се прилично заплеткани и со судски постапки и со времени објекти. Тука има се на се еден објект препумпна станица на Водовод и еден руиниран монтажен авто-сервис во Кисела Вода и од страната на Аеродром неколку поситни објектчиња и најголемиот може би, бензинска на макпетрол прилично стара. Тука е оној мал дел од 50 метри што недостасува во трасата од делот над земја. Во однос на расчистување нема нешто што би претставувало голем проблем. Прилично лесна траса од овој аспект. Најголемиот предизвик тука е изградбата на подземна улица под железничкото депо. Се на се, се работи за потег од 250 метри што би требало да се изведе dig&cover. Според слободна проценка мислам дека вакво нешто би се одвивало во неколку фази. I. Изградба на подземната улица под меѓународната пруга при што железничкиот сообраќај би се пренасочувал преку железничкиот прстен на Скопје од кај Трубарево, или па преку самото депо во Кисела Вода со тоа што од железничка станица возовите би се движеле низ колосеците на депото се до депото во Охис каде би се вклучувале на меѓународната пруга. Нормално, доколку треба и тросменско работење за да се заврши тој сегмент (41°58'47.06"N 21°26'52.64"E - 41°58'50.70"N 21°26'55.53"E) што проаѓа под идниот Јужен Булевар и меѓународната пруга. ΙΙ. Етапно dig&cover на колосеците во депото во координација со железничките претпријатија да не се наруши нивната функционалност. Тука мислам дека би имало можност и да се остават процепи помеѓу колосеците колку што тоа дозволуваат железничките стандарди. Нешто што од надвор ќе личи на жардињера, а ќе биде тавански отвор на тунелот што значително ќе придонесе за вентилација и некои мали количини дневна светлина, а земајќи во предвид дека тунелот е малку косо поставен во однос на колосеците, доле во тунелот ќе се добие интересен светлински ефект. ΙΙΙ. Асфалтирање, поплочување, сигнализација на тунелот и истовремено проширување на другиот дел од трасата (750метри = 700 постојни и 50 кај Макпетрол) до полн 2||2 профил. Меѓувремено може да се пропуштаат возила колку што дозволуваат условите, иако не е тоа ништо нужно кога веќе толку години прошле без оваа сообраќајна врска. За оправданоста мислам дека нема што детално да се кажува само ако се земе во предвид колку ќе се намали гужвата кај Булевар србија, а особено кај Тутунски Комбинат што сега е едно од потесните тесни грла низ Скопје. Оваа улица не е долга воопшто, но должините што ги премостува се големи и заштедува огромни количини гориво и време на граѓаните. За Финансирањето треба да се вклучат двете општини како и Град Скопје, но не треба да се исклучи можноста да се бара дополнителни средства од Владата или од стопанството што има директна корист од ваква сообраќајна врска. Ако Град Скопје ја нема како приоритет, Аеродром и Кисела Вода можат да ја туркаат како сопствен приоритетен проект. Ако Илинденска и Србија се реконструкции, доградби и изградби на коловоз каде што цената е 1км~1мил. евра, тука би требало 750 метри надземно да се покријат со 750.000 евра и цената за тунелот што стварно немам ориентација ни оддалеку колку би чинела, но не ми изгледа дека би било повеќе од 1,5 до 2 милиони евра. Се на се, не би требало целава траса да надмине 3 милиони, по слободна проценка. Во прилог скица и извадоци од деталните урбанистички планови што ја опфаќаат оваа улица.      |
Replies:
Posted By: alexgizh
Date Posted: 15-Sep-2010 at 13:14
 Одлична анализа! ------------- The only thing necessary for the triumph of evil is for good men to do nothing. |
Posted By: Supervisor
Date Posted: 15-Sep-2010 at 13:40
|
Рачунај прво ќе треба Првомајска да се изгради па после да се нафатат за ова и тоа е големо прашање дали ќе биде некогаш.
------------- NewYork-London-Paris-Moscow-Tokyo-Skopje |
Posted By: OKA
Date Posted: 15-Sep-2010 at 14:02
 ------------- Врзи два поста без СК2014 и освој трет гратис!!! |
Posted By: lslcrew
Date Posted: 15-Sep-2010 at 17:09
 |
Posted By: Andrej_LJ
Date Posted: 15-Sep-2010 at 17:45
| Јас би рекол Миле, како советник на lslcrew, ако веќе мора Миле да биде вклучен |
Posted By: Swimmer
Date Posted: 15-Sep-2010 at 17:47
 Ќе го исели пола Аеродром и четврт Кисела вода додека ја направи Врскава  Веднаш после Илинденци ------------- 
|
Posted By: lslcrew
Date Posted: 15-Sep-2010 at 18:05
@Swimmer Кога сме веќе кај селење може да да се јави потреба на ќошевите од три од оние двокатните бараки на Фрањо Клуз.  @Andrej  |
Posted By: Cloverstack
Date Posted: 16-Sep-2010 at 17:06
|
lsl, нема потреба за специјална вентилација на тунел долг 120 метри, а тоа со светлинскиот ефект може да биде и незгодно при возење, доколку би се правеле процепи на кровот мислам најдобро би било светлината да биде дифузна Во однос на функционирањето на железничкиот сообраќај, би било добро да се изјасни некој од познавачите на железницата, но и да не може фазна изградба на dig&cover, во крајна линија може класичен тунел да се ископа, па дури ако има потреба и со замрзнување на земјиштето за обезбедување на стабилност на тлото под пругите. Тунелот е краток и мислам трошоците не би биле многу поголеми дури и ако сме принудени на таква варијанта, но се разбира се зависи од тоа какви потреби има железничкиот сообраќај и какви финансиски оптоварувања би претрпела железницата во различни сценарија на изведба. Во секој случај работата е изводлива без никаков сци-фи и оваа врска треба да се изведе што побргу, бидејќи како што и сам кажа, ќе биде огромно скратување на патот помеѓу овие две големи урбани средини кои се раздвоени со железничкиот коридор, а со тоа меѓудругото ќе има и огромни заштеди, со што верувам овој зафат секако би се исплател многу бргу. |
Posted By: Supervisor
Date Posted: 16-Sep-2010 at 17:15
|
Е сега овде пошто треба и Јужен Булевар да поминува паралелно со пругата треба и тоа да го имаат во предвид. Значи да се планира и во однос на тунелот изградбата на Јужен Булевар.
------------- NewYork-London-Paris-Moscow-Tokyo-Skopje |
Posted By: Cloverstack
Date Posted: 16-Sep-2010 at 17:19
| Во право си. Всушност, иако просторот е малку кнап, би било одлично да се испланира и да се остави простор за една клучка, за да може Јужен Булевар да биде многу подостапен и покорисен за добар дел од Аеродром и Кисела Вода. |
Posted By: lslcrew
Date Posted: 16-Sep-2010 at 17:20
Во секој случај тоа со светлинскиот ефект со природна светлина и вентилацијата го пишав само како интересна идеја. Можно е да има и проблем при возење од Аеродром према Кисела Вода на пладне кога сонцето е право над Водно на југ и да се создава чуство како кога се вози покрај дрворед и трепкање во очите на возачите што значително може да намали безбедност. Но сепак само го архивирав како идеја, не е ништо посебно да се залагам. |
Posted By: lslcrew
Date Posted: 16-Sep-2010 at 17:28
Јужен Булевар не е булевар што треба да ја опслужува Кисела Вода. Тој треба да ја премости Кисела Вода. Првомајска е таа што треба да ја опслужува Кисела Вода и врската со центар. А кога треба жителите од Кисела вода го користат јужен булевар има клучка кај Булевар Србија и за на према запад, таа клучка кај Зелено Пазарче. Овдека кај што предлагаш клучка и да сакаме да ја сместиме има проблем со близината пругата. Всушност затоа и кај булевар Србија е она благо свртување на јужен Булевар да се одвои од пругата да има простор за клучка. |
Posted By: mladen_s
Date Posted: 16-Sep-2010 at 17:42
|
1. Не мора да се изведува тунел во профил 2/2, вообичаено се изведуваат 1/1, со посебни мерки за безбедност и континуирано движење, при што се подразбира дека брзината ќе се намали на 40-50 км/ч. Се оставаат можности за затварање на тунелот навечер или при сервис.
2. Ако има проблеми со сончева светлина на почетокот/крајот на тунелот, се изведува „лажен тунел“, односно 50-тина метри се покриваат со полно/празно, заради приспособување. 3. Пешачки и велосипедски сообраќај не се дозволуваат. За нив ќе се бараат други решенија - лесни надмини преку колосеците. Инаку, во ДУП-ов од Аеродром не гледам нивелман? Во Кисела Вода е околу 243,67 м.н.в. (тоа е ниво на Јужен булевар?)Не мислам дека може да биде проблем, но дали има особена висинска разлика? |
Posted By: lslcrew
Date Posted: 16-Sep-2010 at 18:00
. Никаква оптимизација со било какви мерки неможе да замени две изградени ленти. Штета е за таква кратка делница да екпериментираме со глупости. И никакво затварање ниту навечер, ниту било кога.
Уште еднаш, не постои аргумент на светот што може да докаже дека една таква ултра кратка делница од помалку од 250 метри да не биде изградена во целосен полн профил. Разбирам да се работи за некоја долга траса па пробиваме полу-профил па тоа не служи со децении, па после тоа иде целосен профил. Има многу такви случаи во Скопје. Но овој премин не е нешто такво. |
Posted By: mladen_s
Date Posted: 16-Sep-2010 at 18:29
|
Па не е работата во должината на самиот тунел туку во колосеците и насипот, а потоа и двата наклона. Кога тунелот ќе биде под Јужен булевар, во следната секвенца тој е под целиот насип, а потоа под колосеците. Значи, има баш сложени товари. Дополнително, ќе има големи ископи на двете страни, кои повторно би се намалиле, бидејќи треба да се додадат и 100+100 метра за влез-излез
Аргументот кој не постои не е еден: 1. таа врска ја нема и не е примарна врска - било каков тунел би завршил работа 2. во Скопје се нема изградено ниедна ваква врска и сигурно би ја изградило побрзо како 1/1, како и многу други градови во светот. 3. дали може да се изведе со природна вентилација, бидејќи отварање под депо и не е така едноставно (дали е можно?), бидејќо би ја нарушило функцијата горе - ова веднаш ги загрозува пешаците и велосипедистите заради довод на свеж воздух (воедно, просторот што ќе треба да се копа за нив е навистина премногу - мора да има велосипедисти на две страни или поголема патека) Всушност, третово е најбитно - тоа решава за каков тип на тунел се работи, а мое мислење е дека е затворен тунел со големи падови и сложени структури над него. Ако направиме споредба со подвозникот на Бихачка, може и стоковната куќа Мост, ќе се види за колку подолго растојание се работи плус насипот на пругата. Во секој случај, профил 2/2 е најдобро решение (за пешаците и велосипедистите навистина се сомневам)за сообраќајот, но и тунелите 1/1 се сосема ефикасни и доста практикувани, дури и при поголем обем на сообраќај и сообраќајници од повисок ранг. А затварањето навечер е многу честа практика - ова и мене не ми изгледаше логично од прва, но гледајќи колку големите градови тоа го прават и штедат енергија, ја зголемуваат безбедноста итн. помислив дека и тука би било добро да се спроведе. |
Posted By: lslcrew
Date Posted: 16-Sep-2010 at 18:45
|
Ова што ти е под 1 и делумно под 2 воопшто неможам да се сложам. Ако не па да направиме 1 лента само и наизменично да пропуштаме возила, ако веќе до сега го немало, па сега дај што даш. Да не ја унаказиме шансата во иднина да неможе воопшто било што да се прошири со некоја таква импровизација со две ленти. А кога веќе се отвараат пругите, редно е да се заврши комплетно, да не треба пак некогаш да треба да го отвараме. Да се искористи шансата порано додека јужен булевар сеуште не е направен и додека железницата нема некој којзнае каков сообраќај. Потоа ќе биде многу потешко. Не е тунел од двесте метра никаква научна фантастика ниту треба да измислуваме ние сега топла вода, па да изводиме со по една лента, да создаваме тесни грла. Светот видел многу пошироки тунели и далеку далеку подолги. Еве отвори го само Лион и види што има низ среде град. Толку метроа низ свет се изградени со толкави товари врз нив и цели линии на столбови и сега ние се мислиме тука за товарот од депото. А се работи и за веќе со децении легнато земјиште што го поминуваат возови секој ден, нема потреба од страв за некои накнадни нерамнини, последици. |
Posted By: mladen_s
Date Posted: 16-Sep-2010 at 20:13
|
Добро, го видов Лион. Само што ова е железница над градското ниво (како во Берлин), така да приказната е малку поинаква, бидејќи се работи за премини под пруга - ситуација како Транспортниот центар во Ск. Во нашава ситуација имаме колосеци во ниво на град, мег.пруга над ниво и потоа примарна сообраќајница во ниво, и треба да преминеме под сите нив (што значи и самата мег.пруга би морала да премине преку мост (не би било логично пак да се става насип, нели?).
Секако дека решение има и истото би вклучило поголема реконфигурација на теренот и дополнителни работи и секако, подобро е да се направи одеднаш, но јас искрено од твојата анализа (која е многу добра) заклучив дека бараш брзо и најевтино решение. Ова е сепак малку пообемно и на некој начин би морало, исто како Транспортниот центар, со децении да го чека градот да се развие околу него, за конечно да ја покаже својата ефикасност (освен ако не е веќе густо изградено, но овде тоа не е случај). Дилемата помеѓу овие два пристапи постои секогаш и градските управи се секогаш пред избор. Јас во случајов мислам дека 1/1 навистина би ги преполовил потребните средства. И нешто што го проверив дури сега, (ама ајде да не ми пропадне напишаново погоре  ) во ГУП е вцртан профил 1/1, а има голем надмин преку депоата. Ова секако, ако јас не го гледам тоа што сакам да го видам  .
|
Posted By: mladen_s
Date Posted: 16-Sep-2010 at 21:35
|
Posted By: lslcrew
Date Posted: 16-Sep-2010 at 22:24
|
Младен на извадоков се гледа убаво ширината на улиците. Првомајска е планирана со 4 ленти по цела должина, 3-та Македонска Бригада, Фрањо Клуз исто така. Таа е таа истата ширина што е и кај тунелот, барем така ми изгледа од извадоков. Всушност и ме збунува малку што профилот е различно нацртан од двата влеза на тунелот. Да не го имаш текстуалниот дел од ГУП-от, најдобро ќе каже. Или може би поширокиот дел од страна на Аеродром е поради раскрницата е престројувањето е уште под земја? А збунувачки е и профилот на Народни Херои. |
Posted By: OKA
Date Posted: 16-Sep-2010 at 22:40
П.С. Младен и lsl, олабавете малку со разработката, мислам дека Коце нема слободни пари сè до крајот на 2011. А не е лошо најпрво и со Јанакиевски да се избрифирате. ------------- Врзи два поста без СК2014 и освој трет гратис!!! |
Posted By: Cloverstack
Date Posted: 16-Sep-2010 at 22:50
|
lsl погледни повнимателно, Младен е очигледно во право, пред североисточниот влез во тунелот профилот се редуцира од 2х2 на 2х1 и таков останува понатака кон Кисела Вода. Сега ја ѕирнав и верзијата на ГУП-от што ја имам и (на мое изненадување) и таму профилот во овој дел е 2х1. Овој факт го прави помалку практично моето залагање за поврзување со Јужен Булевар, но lsl, сепак морам да ти реплицирам околу твоето резонирање. Јужен Булевар ите како треба да ја опслужува Кисела Вода, а терминот дека требало да ја премости е тотално несоодветен. Опслужувањето се разбира треба да биде преку привлекување на сообраќај, а тоа на таков вид сообраќајница единствено може да биде преку клучки. Првомајска е друга приказна и таа има поинаква улога за жителите на Кисела Вода. Има многу релации за кои Првомајска е далеку понеподобна. Клучката кај зелено пазарче што ја спомнуваш како опција е прилично далеку и прилично лошо достапна (од сообраќаен аспект се разбира) за добар дел од Кисела Вода. Не треба да се потцени ни можноста за преоптоварување на оваа клучка, особено со оглед на растојанието до следната влезно-излезна клучка кон исток која е на цели 3 километри одалеченост. Исто така не се работи само за Кисела Вода, туку дополнително поврзување е потребно и за Аеродром, чија вкупна поврзаност со Јужен Булевар во ГУП-от воопшто не е сјајна. Просторот за клучката со бул. Србија е сосема друга приказна и таа е
клучка од сосема поинаков ранг, а овде ионака зборував за клучка на
помал простор. Всушност токму растојанието помеѓу клучката кај ул. Бихачка и онаа кај бул. Србија ми е главен мотив за новава клучка што ја предложив. Погледни го распоредот на клучки на сите три урбани автопати, никаде нема ни од далеку олкава празнина во урбана средина. Ова е идеална локација да се пополни огромната дистанца. Свесен сум дека околностите за изведба на клучката не се сјајни, но сметам дека би имала огромна улога и дека заслужува да се вложат сите екстра напори за нејзе. Според некое мое идеално сценарио, како предуслов, најпрвин секако би требало да зборуваме за профил 2х2 на поврзувањето Аеродром - К.Вода, инаку клучка со Јужен Булевар не би правела многу логика. Понатака, јасно дека треба да биде клучка што штеди простор. Ќе нацртам сега една варијанта на дијамант што може да се вклопи па ќе ја постирам после. ---------------------- Младен, дали би можел да го постираш овој приказ на ГУП-от со кој располагаш. Претпоставувам дека е преголем да го постираш како слика, но може на пример како фајл на rapidshare.com или некој сличен сервис. |
Posted By: lslcrew
Date Posted: 16-Sep-2010 at 23:23
Дополнителна клучка можно и да се спика некаде тука (41°59'7.44"N 21°26'25.92"E). Каде што има простор, релативно може да има проблем со близината на клучката со Крушевска Република, но овдека токму на оваа локација каде што е тунелот ми изгледа воопшто не споиво поради близината со пругата. Дури и за крпеница под запазени стандарди (висини и радиуси) не им изгледа можна. Ќе треба јужен да иде на две различни нивоа, нешто слично како клучките на Крушевска со Јужен и Северен булевар. Можно е веројатно некаква клучка поисточно надвор од било какво заплеткување тунелот, па после би се поврзувала на околната патна мрежа. Еве со жолто нацртав три можни опции каде да излегува. Една опција е да се надоврзува на Народни Херои па со кружен тек да се опслужуваат 5 значајни сообраќајници. Други опции се пред самиот влез во тунелот, или па со нова раскрсница на Првомајска. |
Posted By: Supervisor
Date Posted: 17-Sep-2010 at 00:27
|
Вака сега. Прво за Јужен Булевар никаде не стои дека треба да се спојува во Кисела Вода освен во делот кај булевар Србија што мислам дека е доволно. Второ е проширувањето на Првомајска и Трета Македонска Бригада се доволни за растеретување на сообраќајот во овој дел со што не е потребно вклучување кон Кужен Булевар (автопат) на секои 1-1.5 километри. Тие што имаат потреба да се приклучат кон него тоа го прават кај Зелено Пазарче према Крушевска и јасно на клучката кај Булевар Србија. Значи останува да се прецизира точната траса на Јужен, тунелот одприлика е јасен и оваа скица над мене не е реална во однос на тоа што го кажав за Јужен Булевар. Инаку кружен тек е добро решение помеѓу Народни Херои и Првомајска веднаш по евентуалното реализирање на проектот за тунелот кон Аеродром. ------------- NewYork-London-Paris-Moscow-Tokyo-Skopje |
Posted By: lslcrew
Date Posted: 17-Sep-2010 at 01:01
Еве уште неколку бројки во врска до дилемите што ги имаме, профилите на Јужен Булевар и Михаил Чаков (не знаев дека и овој дел меѓу Народни Херои и Фрањо Клуз се вика исто во пакет со маалската улица). Ги има бројките и на планот (кој е во постапка на донесување моментално), ама еве ги извадени и од дуп-от од табелата. Јасно стои дека се работи за 14 метри што влага под земја. Вкупниот е 20 метри со 3 метра тротоари. 14 метри се 4 ленти х 3,5 метри. Јасно се гледа црната линија под зелената до каде е делот што иде под земја.  |
Posted By: Cloverstack
Date Posted: 17-Sep-2010 at 01:04
|
@ Supervisor 3 километри колку што е растојанието помеѓу клучката со булевар Србија и онаа со Бихачка е тотално вон пропорција со остатокот од урбаната автопатска мрежа во Скопје. Дополнително на тоа што овие клучки се прилично непрактични за голем дел од Кисела Вода и Аеродром, нивната осаменост на толкав сегмент од Јужен Булевар би водела и кон нивно преоптеретување, а исто така и на пристапните сообраќајници кон нив. За кружен тек помеѓу Првомајска и Народни Херои, освен тоа што си безусловен подржувач на тоа решение во секоја пригода, не гледам зошто велиш дека би било добро решение на конкретната локација. На ова вкрстување токовите без свртување долж двете оски би биле многу силни и кружен тек би бил исклучително неповолно решение. Кружниот тек тука го измислија ради споменикот кој решија да го насадат, па со кружен тек им легна работата, а за сообраќајна логика не кажаа ништо. @ lslcrew Еве би можело ваков дијамант, без никакви импровизации или изместувања на трасите. Слабо стојам со време па скицава е груба, ама мислам се гледа поентата. Кон пругата е кнап, ама кон југозапад има доволно простор што може да се искористи за да се компензира и да се создаде доволна дистанца за меѓусегментот на дијамантот (со поинаква геометрија на рампите може и многу повеќе од она што имам вцртано јас).  |
Posted By: Supervisor
Date Posted: 17-Sep-2010 at 01:12
|
Ај вака едно прашање. Велите кон пругата било кнап и поради тоа и Јужен Булевар според нашите замисли добива лоша изведба. Па ме интересира она цело депо во 11 Октомври доколку се срамни со земја и/или се стесни (што е реално) за потребите макар имале и ЛРТ и брз воз или како сакате. Не гледам причина пругата да не се потисне погоре. Е сега на крај можеме и да фантазираме и да измислуваме триста чуда ама на крај факт е дека нема да добиеме некое трајно решение (според мене) решение кое ќе биде би рекол зацементирано во однос на изведбата а не привремено. Нешто што мора да се разбере дека Јужен Булевар не смее да биде манипулиран како проект. Всушност тој е и најголемиот сообраќаен зафат во Скопје.
------------- NewYork-London-Paris-Moscow-Tokyo-Skopje |
Posted By: lslcrew
Date Posted: 17-Sep-2010 at 01:12
| Кловер и твоево решение ми се допаѓа. До друга страна па ниту трасата на Јужен булевар или трасата на пругата не се устав, па да не можат да се измасираат во рамки на стандарди радиуси. Или па правецот према Драчево (заедно со трамвајска траса, зеленило и се што е вцртано измеѓу) да се измасира доволно према југ да може измеѓу да се протнат двете рампи кои немора по дифолт да бидат "од десна страна". Секако доколку се утврди ваквата потреба од клучка тука. |
Posted By: mladen_s
Date Posted: 17-Sep-2010 at 01:21
|
Во ГУП сепак е нешто помалку - го споредив со Илинденска и други сообраќајници што одат под земја и се гледа дека е 7 метра, а дури и да е повеќе, мора да се одбиваат по 1 метар од секоја страна, сепак се вози под земја. И сепак извадокот од ДУП не кажува ништо бидејќи просторот под Јужниот Булевар и железничките траси го регулира само ГУП, односно нема (и неможе да има) ДУП за тие делови од градот.
А тоа што го нацртале ова во ДУП, воопшто не ме изненадува.. Лошо е што според новиот закон, сега ова е решение.. Па нека копа некој.. Како и да е, јас мислам дека 7метра е сосем доволно за врска која не е дел од примарната мрежа и е класично тунелско решение. Задржување на целосниот профил во тунел и мост се прави само за примарната мрежа. А што се однесува до клучкава: што ако се подигне целиот Јужен булевар во ниво на пругата, а под него имаме собирна улица која преку неколку рампи, на различни локации, ќе се поврзе со булеварот горе и истовремено ќе ја растерети Првомајска, а остатокот од просторот ќе се искористи за гаражи и комуникации до станиците на јавниот шински превоз (не сакам да го именувам видот, гледам имало доста дебати околу тоа) |
Posted By: Cloverstack
Date Posted: 17-Sep-2010 at 01:31
|
Supervisor, јас депото не би го чепкал, да е до мене и да сум доведен пред таков избор пре би се откажал од клучкава Депото дефинитивно е потреба и е големо инфраструктурно богатство кое веќе го имаме. Но мислам дека според онаа скицата што ја приложив, јужен булевар не трпи никакви импровизации, па нема потреба да се жртвува нешто друго. Доколку евентуално би било неопходно, малку дополнителен простор би можело да се добие ако на делот каде тоа би било потребно, наместо класичен насип би имало потпорен ѕид за пругата од страната на јужен булевар. Просторот од другата страна претпоставувам дека е предвиден за изведба на двоколосечна пруга кога ќе има потреба. Во секој случај, мислата ми е дека на оваа локација треба максимално да се истражат можности за клучка со јужен булевар. |
Posted By: Cloverstack
Date Posted: 17-Sep-2010 at 01:35
|
Posted By: lslcrew
Date Posted: 17-Sep-2010 at 01:39
|
Младен сепак ДУП-от се изготвува според ГУП кој е подлога за сите ДУП-ови. Мислам дека бројките од ДУП-от кажуваат повеќе од слободна проценка со голо око од слика. Значи општина Кисела Вода не направила финта никому па сега да мора некој да копа. Профилот е 14 метри и е земен од ГУП. Малку утепавме време во убедување колку метра е и мислам дека нема потреба понатака да дискутираме објективен факт што го имаме на хартија со бројка, дека е 14 метри. Во секој случај твое мислење е дека и полу-профил би бил доволен, јас на пример не се слагам воопшто со тоа и сметам дека полн профил е нужен. |
Posted By: mladen_s
Date Posted: 17-Sep-2010 at 09:28
|
Ова ќе биде „ми кажа пилето“ ама сигурно е 7метри. Единствено Народни Херои е 14 метра. А тоа што го нацртале вака во ДУП, не мислам дека е завера, туку веројатно незнаење (така често по нашиве општини). На крај, можеби е добро да почне како 14метра, па двете крајни ленти ќе бидат сервисни и ќе останат на површина... и ќе се спојат со сервисната улица што ја опишав во моето супер скапо решение погоре
Ама тоа и не е целта на овој коментар, и јас мислам дека доволно дискутиравме (и разменивме корисни информации патем). Тоа што сакам да прашам е дали има нишка за Јужниот Булевар? |
Posted By: alexgizh
Date Posted: 17-Sep-2010 at 09:47
|
Конкретна нишка за Јужен Булевар немаме (а никако неможе да ми текне зошто), меѓутоа поголема дискусија за него се има развиено при најновите страници на http://www.build.com.mk/forum/forum_posts.asp?TID=33 - оваа нишка .
------------- The only thing necessary for the triumph of evil is for good men to do nothing. |
Posted By: mladen_s
Date Posted: 17-Sep-2010 at 10:32
| Па.. сигурно би се изгубиле многу претходни постови, како и некои кои зборуваат за сите урбани автопати, ама Јужниот Булевар е специфична тема (или само јас си мислам така?) па може да се почне? Веројатно адиминистраторите решаваат за ова. |
Posted By: alexgizh
Date Posted: 17-Sep-2010 at 11:06
|
Слободно почни нова тема. Ако некој од модераторите има против, ќе каже. Јас мислам дека Јужен Булевар е најдобрата работа што може да му се случи на Скопје, и сигурно заслужува своја тема.
------------- The only thing necessary for the triumph of evil is for good men to do nothing. |
Posted By: Cloverstack
Date Posted: 17-Sep-2010 at 11:17
|
Нишката урбани автопати беше започната одамна, во време кога на форумов имаше слаба динамика, а темата обично се обработуваше преку новинарски написи каде урбаните автопати често одеа во пакет. Логиката тогаш беше да се сконцентрира дискусијата на едно место, особено што сите три урбани автопати се тесно поврзани. Доколку сега со новиве најави и вести некој смета дека треба посебна нишка за Јужен Булевар, слободно нека отвори, само нека пише уводен пост во кој ќе ја посочи и излинка нишката за урбани автопати од каде што почнува разгранувањето на темата. Таа нишка покрај досега архивираните материјали ќе може и во иднина да ја користиме за општа дискусија за урбаните автопати, а посебни нишки за јужен, северен и источен да се надеваме дека наскоро ќе бидат вистински проектни нишки кои ќе ги пополнуваме со фотографии и вести од изградба |
Posted By: lslcrew
Date Posted: 17-Sep-2010 at 14:09
Младен ај уште еднаш! Еве и да намигнам и да речам дека зграшиле од Кисела Вода. И од Аеродром ли згрешиле? Малку е нејасен планов поставен на интернет од општина Аеродром, ама е доволно разбирливо. Убаво стои Михаил Чаков (што би барала инаку во план за Аеродром) и даден е профилот на улицата со 3 метра патеки од страна и два 7 метратски коловози, измеѓу одвоени со столбови на средина. Нешто слично како на стоковна куќа Мост, само што Мост е со 6 ленти, а тука со 4. Висината е стандардната незнам колку е точно 4,80 (4,07) па може да се спореди.
|
Posted By: mladen_s
Date Posted: 17-Sep-2010 at 14:24
|
Добро, ама јас 7 метри ги кажувам како директно измерени на дигиталниот ГУП (не на pdf верзијата, ама можеш и од неа да ги добиеш вредностиве). Освен ако во најновиот ГУП не ја прошириле улицава...
Сепак, добро е што плановите се усогласени и пешациве не ги оставиле под земја и испланирале надмин. Јас сепак мислам дека со оглед на должината на ископот, поевтино е да направат 1/1 и секако, да го затвараат навечер. Вакви решенија се доста чести вдолж внатрешниот периферен булевар на Париз нпр. Гледаш како моето решение ќе дојде побрзо до Коце, а?
|
Posted By: lslcrew
Date Posted: 17-Sep-2010 at 15:03
|
Младен, незнам за кој дигитален гуп, ај прати го па да видам. Тој е тој профил, не гледам некаде да проширувале, истиот си е, 20 (3+7+7+3). Ова второ не знам па кај го виде надмин. Има тротоари од по 3 метри од двете страни внатре во тунелот. Добро си е тоа што мислиш дека и полу-профил би бил доволен. Но ова со затварањето не знам која е логиката? Нема потреба од тоа. Ај да го имаме па да сме констатирале дека навечер е зголемена стапка на несреќи и криминал па потоа да го затвараме. Тоа во Париз што го затвараат е од мука, не е дека така го замислувале. А за што побрзо ќе дојде до Коце. Ако може ич да не се прави најдобро би било за него, ама не е тоа од што градот има потреба. Јасно ми е мене како бел ден дека се подготвени на импровизации што ќе ја осакатат можноста и за некогаш во иднина едноставно да се догради. Ама не ни тоа целта. |
Posted By: mladen_s
Date Posted: 17-Sep-2010 at 17:21
|
Убаво би било да можам да го пратам ГУП во dwg формат, ама не можам. Сепак, од истиот извор од кој добив добар pdf, добив и точна димензија на улицата во ГУП. Но можеш да ја уфрлиш подлогата во CAD и да ја наместиш во соодветен размер, користејќи било која улица за која го знаеш точниот профил.
ДУП-ов од аеродром е премногу нејасен, па можеби и нема надмин, туку некакви рампи за трафостаницата. Но, кога гледам од каде почнува (поминува и под зеленило) и каде треба да заврши, незнам зошто планираат патеки за пешаци и дали е некој свесен што значи да се помине тој пат под земја. А за трошоците за 20 метарски подземен коридор, наспроти 7 метарски мислам дека не е потребно да се зборува. Јас ќе ти повторам: мислев дека бараш брзо и економично решение за секундарна сообраќајница на место на кое воопшто не постои, а за најдобро - се знае што е. Можеби не држи споредбата со IJ тунелот во Амстердам, ама тој е единствен линк помеѓу северниот и останатите делови на градот, па е 1/1 профил со задоволителна проточност (засега нема ни метро). А зошто затвараат тунели навечер? Па освен причините што ги наведе, и заради заштеда на вентилација и електрична енергија. Дали сме ние толку безбедна земја, со добра култура на возење.. Па ќе дознаеме кога ќе се изгради првиот градски тунел (оние на отворените патишта се веќе славни). Јас не би трошел уште енергија на на детали од проект што ионака е вцртан во ГУП и соодветните ДУП-ови, а градските власти не го реализираат во ниедна форма - подобро е да се насочи кон нови идеи. |
Posted By: lslcrew
Date Posted: 17-Sep-2010 at 17:46
|
Младен воопшто не ми е целта на целава на целово мое залагање за некое ефтино решение да скрпиме. Во тој случај можеме и без 7 метри, можеме и со 6 метри да пројдеме, па како што иронизирав наназад во нишкава и со 3 па наизменично. Не се работи за никакви линеарна цена по метар ширина па да имаме цена колку чини едно метро. Најголемиот дел од парите ќе отидат за "хируршката" интервенција врз пругите, отварање и затварање. Друг огромен дел ќе бидат странични носечки потпорни ѕидови, атмосферска канализација и слично. Во Кисела Вода треба водовод препумпна станица да се преместува. Којзнае уште колку инсталација цефки има и други инсталации кабли и телефонија. Ќе бидат трошоци што ќе мора да се направат ионака без разлика за колку метри ширина станува збор. Единствената разлика меѓу полу-профил и целосен профил е само дополнителната средишна колонада столбови. Така да цената за полупорфил би била ~80-90-тина посто па и повеќе од цената на целосен профил. Едноставно многу мала сума пари разлика е тоа, за мал процент се работи. Дури и да беше вцртан како што викаш пола, ќе требаше да се притиска да се прошири и да се искористи шансата за додека се прави, а не вака обратно прв пат слушам залагање дека треба да се смали веќе вцртан широк. А ДУП-от од Аеродром и така матен е јасен. Безбедноста неможеме да ја прејудицираме. Се работи за мирен дел од градот, без сериозни проблеми. А и нема никакви раскрсници што би претставувале црни точни. И се работи за исклучително краток сегмент. Кај мене во зграда со 6 влеза гаражата е подолга од целиов тунел и има повеќе наркомани и ѓубре одколку што би имала ваква градска улица, па сепак не ја затвараме гаражата навечер. Добро е што постојат овие гуп-ови, дуп-ови, просторен план и слични документи. Подобро да ги има одколку да бидеме неплански град. Неможам воопшто да се сложам со таа констатација. Не е никаква изгубена енергија тоа. Патем ако беше тоа така, би требало да ставиме клуч на форумов сега и да го прогласиме целиов труд за едно големо џабе. |
Posted By: mladen_s
Date Posted: 17-Sep-2010 at 19:09
| Не е џабе, никако. Само ова е детал во однос на целото прашање, а тоа е потребата за една ваква врска. Е сега, ако целата пракса за промени на профил во тунел и евентуални заштеди ја рашириме и на други случаи, тогаш веќе разговараме за цела филозофија на градење. Вака, навлегуваме во детали на самата изведба за кои веќе имаме потреба од пообемни податоци и анализи, многу повеќе од ДУП и ГУП. А идеи како што се клучките, подигањата на булеварот и слично, се надградба на содржината на планските документи. |
Posted By: lslcrew
Date Posted: 20-Sep-2010 at 03:12
Очигледно е дека има промени во однос на тунелов во последните верзии и менувања на ГУП. На растер-от што е на официјалната страна на град Скопје тунелот е вцртан директно во линија со уличката во Аеродром, па така во Кисела Вода доаѓа малку позападно за некои десетина метри и фаќа врз топланата и врз гаражите од една стамбена зграда што веќе имаат нагиб за влез/излез од страна од каде што треба веќе да понира тунелот. Очигледно е дека е корегирано и е направена промена некоја која се приметува од ДУП-от за индустриската зона во Аеродром каде што јасно се гледа дека тунелот е веќе косо вцртан на сметка на времените објекти од страна на Кисела Вода, што е добро решение што е така искорегирано. Изгледа било подетално посериозно земена во предвид трасата да се испланира. Еве го растер-от од град Скопје, стара верзија. Најдобро се приметува според обејктот на водовод. Тоа е објект што лежи на прекрстување на јужен булевар со тунелот. На стариов растер доаѓа на источниот раб на трасата, додека на ДУП-от од Кисела Вода постиран во нишкава објект доаѓа точно на средина на трасата. Јасно се гледа поместување кон исток на целата траса. Со алатката за мерење на страницата за ГУП-от, комплетната ширина на трасата на растеров е дури 30 метри, што вака ме зачуди како бројка. |
Posted By: lslcrew
Date Posted: 22-Sep-2010 at 01:15
|
Во врска со можна дијамант раскрсница за која дискутиравме, мислам дека едно вакво решение би било доста практично не само тука, туку и на други места. Наместо како кај класична дијамант раскрсница издвојувањето од автопатот да биде од десно (стандардно), тука е од лево, што не е воопшто некое недозволиво решение. Сообраќајните токови не се пореметуваат, ако се смести и краток сегмент со дополнителна четврта лента (што тука ја немам нацртано) за да може непречено да се влезе во автопат и да се престрои во трите стандардни. Нормално доколку е потребно и нека се ограничи брзината на автопатот до 60 км/ч на некој краток сегмент, ни тоа не е проблем ако добивката е уште една клучка каде што предходно практично била невозможна. Апсолутно тоа е добар компромис. Втора работа е тоа што се добива “доле“. Наместо две раскрсници како кај класичен дијамант тука има само една што значи две големи придобивки. Првата придобивка е што нема две раскрсници и регулацијата на вакви очекувано прометни улици сигурно дека би била семафоризирана, па наместо две раскрсници во сложено семафорско решение, тука има една класична. И втора придобива е што практично неможе да се "злоупотреби" оваа клучка за “полукружно“ свртување на автопат. Неможе ќе се одвојам, на првата раскрсница лево, на втората лево и пак сум на автопат во спротивен правец. Ова е само дополнително гушење на дијамантските раскрсници. Во ова предлог решение тоа гушење го нема. Не цртав сега радиуси и како би изгледало тоа мало закривување на правецот од центар према Драчево, има простор тука, трите точки се доволно јасни.  |
Posted By: Cloverstack
Date Posted: 22-Sep-2010 at 10:57
|
Бидејќи е градски автопат, излез од лева страна е прифатливо, а вкупното решение е многу елегантно за оваа локација. Има и простор раздвојувањето на коловозите на „јужен“ да се направи благо. |
Posted By: mladen_s
Date Posted: 22-Sep-2010 at 14:55
|
Епа lsl, мислам дека е сега време да ги извлечеш пешаците и велосипедистите од долу, бидејќи станува преризично и презагадено за нив - може да има фин, лесен надмин над пругите и булеварот, кој би бил значително побезбеден од секој аспект (освен заштита против самоубиства, секако). На тој начин ќе се добие и поефикасна раскрсница и ќе се заштедат две колони столбови во тунелот. Што е до него, сега веќе би морал да биде 2/2 без оглед на се, заради престројување и заради зголемувањето на сообраќајот (сега не би била само врска КВ - Аер, туку и пристап до клучката).
Проблемот што се појавува е појавувањето на колони возила во самиот тунел во шпицови (тунелот е закривен и под ниво - станува незгоден за вентилирање, кој може да се реши со интегриран систем за контрола на сообраќајот, кој би се грижел за тоа, ама тие можности се ограничени. И секако најризичната ситуација на семафор на крајот од закривениот тунел при вксртување со сообраќајници во пад - кој сигурно ќе предизвика несреќи, а тука веќе нема компромиси! За ова всушност решението е кружен тек (кој од друга страна ќе дозволи полукружно завртување) кој можеби и на крај ќе има семафори, заради регулација во шпиц. Може да се користат секундарни средства (препреки врз подлогата, сигнализација) за забавување, но при поголем обем на сообраќај истите би се уништувале пребргу. Доколку заради искористување на просторот под булеварот истиот се подигне, оваа клучка би станала поголема, но не е невозможна. |
Posted By: lslcrew
Date Posted: 22-Sep-2010 at 17:46
|
Младен како ми го кажа ова да ги извлечам пешаците, како да јас го цртам гуп-от. Всушност и го поддржува решението од ГУП-от. Нема потреба од такво извлекување. Премин над пругите горе ќе треба да биде и премин преку Јужен булевар, преку насипот и преку десетина колосеци во депото. 300 метри премин во ситуација кога може за многу малку пари да се добие истото наместо да се дуплира и трошоци и работа. Мислам дека се работи за некој страв од ново, некоја блага параноја за безбедноста, што од несреќи, што од криминал. Нема врска тоа што е тунел и што има раскрсница на излезот. Раскрсницата ќе си биде како и сите нормални раскрсници низ градов. Пешаците и велосипедистите не сметаат воопшто. Ништо нема да се забрза магично раскрсницата ако ги нема нив. Кружен тек наместо класична раскрсница, што знам. Може и тоа да е прифатливо. Не располагам со податоци за проточност на кружни текови, знам дека некој процент е зголемена. Класична раскрсница ми изгледа како подобро решение да може да се менаџираат полесно интервалите, но па од друга страна класична раскрсница ќе бара да се гради и "трета лента" за вртење во лево, што ќе се рефлектира и врз ширината на тунелот минимално. Ионака тунелот има некој средишен простор за колонадата, но пред излез ќе треба благо да се прошири да се достигне некоја разумна ширина на раскрсницата. Кружен тек може и да е попрактично решение. А во однос на полукружното свртувањето, ако се размисли подобро, може и да не биде толку често со оглед што се работи за урбан автопат покрај кој и нема нешто многу содржини за кои можете да се одвоите, па го прави малку потребно полукружното свртување и може би и нема потреба да се страхува дека таква појава драстично ќе ја загуши раскрсницата. Во секој случај за раскрсницата останува добивката дека една е попроточно одколку две последователни, каква ќе биде не сум посебно приврзан за некое решение. Јас всушност мислам и дека не е нешто посебно потребна клучка тука иако живеам во близина, ја изработив скицата како можно решение доколку се констатира потреба од клучка, во контекст на предлогот на Кловер. Сепак мислам дека е а приори некоја одбивност во врска со стравувањата за тунелот кон нешто ново што не сме го виделе. После тоа полесно ќе си биде. |
Posted By: mladen_s
Date Posted: 22-Sep-2010 at 19:47
|
Па сериозно ги разработуваш решенијата, повеќе и од самиот ГУП.
Значи, не постои блага параноја за безбедност (а не би ја занемарил, дури и да испаднам параноик) туку самиот тунел и двете денивелации би биле навистина долги и непријатни, а да не зборуваме за загадувањето внатре и чекањето на семафор на излез од тунел со две нагорнини од страните и подвозник напред. И не се работи за страв од ново, туку напротив, елементарно човечко чувство, бидејќи градот мора да биде прифатлив и за пешаците и велосипедистите. Дури и повеќе од тоа: на овој начин може да постои целосно друга патека за нив, која ќе почне во зеленилото помеѓу зградите во КВ, ќе прејде преку булеварот и колосеците, нудејќи панорамски поглед на околината, и ќе заврши во новопланираниот парк од ДУП на страната на Аеродром. Не постои причина тие да го следат колскиот сообраќај, а преку надминот, врската ќе биде појасна и атрактивна. Еве, бидејќи живееш таму, можеби го делиш моето мислење дека дивиот премин преку пругата (освен што изгледа тотално небезбедно) нуди убаво доживување на отворен простор и отсуство на врева, за разлика од движењето вдолж Првомајска нпр. Од друга страна, ако гледаме инфраструктурно, лесен надмин е нешто што многу едноставно се изведува и не бара преголеми средства, бидејќи нема големи товари, а дополнително нуди можност за добар дизајн. Понатаму, во конструкцијата на тунелот ќе се јават дополнителни распони за пешаците - ако за возилата може да се помине и со 7 метра, сега би се отишло над таа рационална граница, па или би имале големи греди или уште еден ред столбови, како и дополнително осветлување за тие патеки. А раскрсницата дефинитивно е побрза без нив, не е нешто магично секако, но не треба да се занемари периодот на расчистување. Ама сепак би сакал главен аргумент да ми биде како сето тоа би изгледало - малку ми е како некои од основните грешки на Модерниот урбанизам - воодушевен од брзината, заборава на хуманите димензии. Звучи како ГУП за Скопје, нели? А кружниот тек со семафори е можеби најдобро решение: ефикасен во шпицови, а вон нив нуди оптимална брзина, со можност за успорување пред и после тунелот и спуштањето надолу од булеварот. Не требаат дополнителни ленти за престројување и има добри варијации за сите понатамошни потреби. И секако - пешаците и велосипедистите се целосно некомпатибилни со вакво решение, заради безбедност. |
Posted By: user8642
Date Posted: 14-Jan-2021 at 04:26
|
Би ги заполил на почеток администраторите да го префрлат овој текст во друга соодветна тема доколку има отворена посебно, зошто побарав ама не најдов. Или па од други дискусии би било добро да се префрлат тука доколку сметате дека е соодветно. Мислам дека вака со одвоена дискусија повеќе ќе се крене свесноста за потребата од овој проект.
Неколку пати тука сум прочитал тука, а и од она што сум запознат, во ГУП на Скопје е планирано поврзување 2+2 помеѓу Првомајска и 3-та Македонска Бригада во делот кај Раде Кончар. Од авион се гледа дека ова е "недоречена" улица, никогаш неповрзана, а Аеродром и Кисела Вода не се споени цели 3 километра зашто ги дели железничкото депо. Ова е искличително ефтин проект за градските власти и доколку некој чита би било добро да се замислат за реализација. Прво зашто не би чинел повеќе од 2-3 милиона, дури и ова мислам дека е претерана сума. Би се работело по принцип "dig & cover", не би се создавале никакви гужви во постоечкиот сообраќај на околните булевари додека се работи, и што повеќе се чека толку железничкиот сообраќај би растел. Така, да што порано се почне толку подобро. Па целата должина со спуштање и качување не би била повеќе од 300 метра. Кога можеше еден плоштад Скендербег што тотално немаше никаква сообраќајна логика него беше политички мотивиран проекти, што да неможе нешто што стварно е потребно, говорејќи од аспект на слично градежно решение. И кога можеше едно СК14 од незнам колку стотици милиони евра, што па да неможе овде едно вакво решение. Јас незнам како градските власти не се замислат за овакви проекти што ќе им донесат десетици илјади гарантирани гласови, ме чуди како воопшто не им паѓаат на памет како идеја. Подолу една скица во прилог. Црвените зони се населби кои последниве десетина години го имаат дуплирано бројот на жители, ако не и триплирано, и градежната офанзива сеуште не застанува него допрва уште толку се разгорува. Право време е да се почне со овој проект. https://ibb.co/m4vtxpS"> 
|
Posted By: Cloverstack
Date Posted: 14-Jan-2021 at 15:53
|
Со оглед на тоа колку кружење има за сега да се стигне од Аеродром до Кисела Вода, или обратно, и колку притоа се преоптоваруваат непотребно засегнатите сообраќајници и крстосници, ова поврзување ако се гледа на вкупно ниво ќе се исплати многу брзо. Секако, од позиција на Град Скопје полесно е да се направи Есенинова и да се труби дека е поврзување на Аеродром и Кисела Вода, а во пракса само минимално да се ублажи проблемот. Дефинитивно треба да се направи храбар чекор и да се изведе овој насушно потребен проект. Со оглед на тоа колку население е засегнато, верувам дека тука има одличен политички капитал, па не ми е јасно зошто тоа досега не е преточено во политичка волја. Но тука гледано подолгорочно има една многу важна работа. Имено, мора да се обезбеди и заштити околниот простор за изведба на клучка која оваа сообраќајница ќе ја врзува со Јужен булевар. Особено сега кога направија глупости со клучките на Јужен булевар во Центар, оваа нова клучка е апсолутно неопходна. Еве да објаснам подетално: Дури и во првичниот план, на сегментот помеѓу Булевар Србија и Бихачка (должина од околу 3 километри), немаше влезно-излезна клучка за Јужен Булевар. Но сега, со дебилната модификации на двете клучки во центарот, ситуацијата е значително влошена. Сега возило не би можело да се вклучи на Јужен булевар никаде на просторот помеѓу Булевар Србија и Нова Македонија. Во обратен правец, возило не може да се исклучи на целиот тој сегмент. А тој сегмент е долг 4 километри!!! Јужен булевар не смее вака да ги „изигнорира“ деловите од Кисела Вода и од Аеродром што му се во непосредна близина. Оваа клучка што треба да се зацрта би била од секојдневно огромно значење за простор кој опфаќа барем 50.000 жители. Јужен булевар не ни е потребен само за да можеме брзо да стигаме од Драчево до К4, или од Сарај до Лисиче. Јужен булевар мора максимално да го користи својот потенцијал. Еве и визуелно за што зборувам. Со портокалово се сегашните планирани клучки, а помеѓу нив е дупката од 4 километри што тотално ги игнорира Кисела Вода и Аеродром. Со црвено е клучката што е потребно да се испланира токму на локацијата кадешто сообраќајно ќе се поврзат Аеродром и Кисела вода, тоа воедно да биде и врска со Јужен булевар. Просторот е малку кнап, па тоа диктира клучката да биде некој тесен „дијамант“ (слично на Естекада во Автокоманда, како што имам скицирано поназад), или „SPUI“ клучка, или модифициран „SPUI“ како тоа што пишал lslcrew, односно раздвојување на коловозите на Јужен булевар и сместување на клучката измеѓу... Ако имам време ќе ги скицирам можниве решенија. Во секој случај, тоа што просторот е кнап треба да биде баш поттик што побрзо Градот и Општина Кисела Вода да се посветат на оваа тема и да заштитат максимален можен простор за добро сообраќајно решение, а не да се вцртаат и градат нови објекти токму тука! 
|
Posted By: Staro Skopje
Date Posted: 14-Jan-2021 at 16:35
|
Дали депото мора да е тука? Не може да се пресели во Трубарево, сосе цела индустриска зона? Оваа врска и мостот на последна 5ка, кој на Фејсбук доста луѓе го бараат, се многу битни за источно Скопје и носат доста гласови. Со урбанизација на Расадник и касарната, може да се размисли и за уште една која би ги поврзала Расадник и хотел Русија. Како планираат да ја решат раскрсницата кај Тутунски по продолжувањето на Јужен? Сегашната скица во Урбани булевари е само за тунелот.  ------------- Градот убав никна, но го откорнаа |
Posted By: user8642
Date Posted: 14-Jan-2021 at 17:42
|
Аа, веќе имало отворено посебно, супер, не успеав да најдам дека се разговарало, а сигурен бев дека тука имам прочитано. Добро што е префрлено.
Кловерстак добро го елаборирал проблемот со поврзување со јужен булевар. Може би во ова време е паметно да се размислува за future-compatible решение за тунелот, односно нешто што сега за сега ќе биде само тунел за поврзување на Првомајска и 3та Македонска Бригада, но во иднина ќе може да се догради и клучка без да треба да се рушат делови од тунелот, како потпорни ѕидови, нагиби за влез/излез и слично. Едноставно, се вика добро планирање, и изведба. |
Posted By: user8642
Date Posted: 14-Jan-2021 at 22:57
|
Еве извадок од изборната програма на актуелниот градоначалник, сепак имало најава. Досега ништо направено.
https://ibb.co/RQg3CjS"> 
|
Posted By: Staro Skopje
Date Posted: 14-Jan-2021 at 23:08
Штета што многу придонесувачи веќе не се активни на форумов  ------------- Градот убав никна, но го откорнаа |
Posted By: гитардемон
Date Posted: 15-Jan-2021 at 10:16
|
Дечки, пробав да актуелизирам една стара нишка што ја имавме за изборни програми и ветувања (со оглед на тоа што сме во изборна година), ако сакате постирајте таму. Побарав од админите да го сменат насловот. ( http://www.build.mk/forum/forum_posts.asp?TID=566&PN=2 - http://www.build.mk/forum/forum_posts.asp?TID=566&PN=2 ) ------------- Arguing on the internet is like running at the special olympics. Even if you win, you're still retarded. |
Posted By: user8642
Date Posted: 24-Jan-2021 at 20:39
|
Скопскиот железнички прстен, само како илустрација дека доколку се гради оваа сообраќајна врска Кисела Вода - Аеродром со метода "Cut & Cover", за време на изградбата воопшто не би имало прекин во железничкиот сообраќај, и не е толкава штета да се прекине кругот на неколку дена. Дури и депото во Кисела Вода би било целосно достапно од другата страна преку железничкиот прстен.
https://ibb.co/X8tX6vm"> 
|