Игор Чавески

Министерството за локална самоуправа ќе ги проверува симболите на општинските знамиња бидејќи било утврдено дека на поголем дел од нив се истакнати симболи на соседни земји, а освен тоа, се и во спротивност со сите хералдички правила, дознаваме од извори во Министерството. Наредбата да се направи ревизија на грбовите и на знамињата, кои покрај државното знаме се веат пред општинските згради, дошла од Владата по оценката дека е недозволиво да се истакнуваат симболи на странски држави, како што е двоглавиот орел што го има на знамето на Албанија, или, пак, сонцето на Вергина, на што Грција е особено чувствителна.
Барањето за ревизија на општинските симболи Владата го спроведува на дискретен начин бидејќи се плаши да не биде обвинета дека се меша во нивната работа, а и од Европската унија секојдневно стигнуваат апели заедниците на локалната самоуправа да имаат што поголема независност во своето дејствување.
Дознаваме дека кај првите луѓе во општините веќе имало незадоволство од најавената акција на Владата поради тоа што сметаат дека ќе имаат селективен пристап и ќе бидат опфатени само тие општини во кои градоначалниците се од опозиција.
На тапет не се само општините во кои живеат етнички Албанци, туку и тие со доминантно македонско население, претежно во источниот дел на земјата, во кои се форсираат симболи од античкиот период.
Јован Јоновски, претседател на Здружението на хералдичари, вели дека, навистина, е потребна ревизија на сите знамиња и грбови на општините за да се среди целиот хаос што владее и дека од 85 општини, само неколку ги исполнуваат сите потребни услови.
- Грбот и знамето треба да бидат симбол за идентитетот на луѓето што живеат во таа општина. За жал, поголем дел од тие симболи не ги исполнуваат тие норми и секој поставува, буквално, што сака - вели Јоновски.
Таков случај има и во скопската општина Бутел, каде што избраните решенија за грб и за знаме не ги исполнуваат основните критериуми, па општината беше принудена да објави конкурс за нови симболи.
Според хералдичарите, грбот на општината Бутел целосно отстапува од меѓународноприфатените и пишани хералдички норми за потребните елементи на еден грб, а сонцето земено од македонското знаме во неодредена позиција директно го крши законот за локална самоуправа бидејќи грбот и знамето треба да се разликуваат од знамето на Република Македонија.
До пред некое време и во општината Чучер Сандево биле истакнати српски симболи, кои не им се допаднале на другите жители во општината, па сега пред општинската зграда нема никакво знаме. Од Македонското хералдичко здружение велат дека и грбот на општина Аеродром е надвор од сите прописи, кои треба да ги исполнуваат симболите на заедниците на локалната самоуправа.

Хералдика и вексилологија  

На кратко.

Хералдика е наука за грбовите, а Вексилологија е наука за знамињата.

~~~~~~~~~~ Прв предлог - решение ~~~~~~~~~~

~~~~~~~~~~ Втор предлог - решение ~~~~~~~~~~

~~~~~~~~~~ Трет предлог - решение ~~~~~~~~~~

~~~~~~~~~~ Четврт предлог - решение ~~~~~~~~~~

Да чујам ваши мислења... 

Сегашните грб и знаме на општината...  Во споредба со мојот најдобар избор, се слични, но новиот е пософистициран и најверојатно поправилен

Сегашен грб:

Предлог грб:

Сегашно знаме: 

Предлог знаме:

Поправено... благодарам за забелешката... мене поубаво ми звучеше, ама изгледа и погрешно...

Инаку и јас на некој начин се двоумам помеѓу првиот и вториот. Првиот ми лежи зашто е минималистички. А вториот бидејќи е сличен на сегашниот, а е и добро среден.

Првиот предлог се забележува авион. Јас би земал би го осцртал авионот кој би бил во бело, а другото останато се‘ во црвено. Уште поедноставно, но мислам дека би било подобро.

Јас мислам дека можам да одговарам на ова.

Најверојатно поради тоа што краците на А-то излегуваат надвор од штитот, а исто така и делот од сонцето кое пак влегува во штитот. Се гледа во преработката (така може и слободно да се нарече) дека овие два најверојатно спорни елементи се остранети. Односно дека се соодветно решени со таа бела гранична линија. И со таа релјефна трака, позади која се затскрива сонцето.

Не гледам измени во самата форма на штитот, што значи дека и претходниот бил добар, само што елементите на и околу него не биле правилно поставени.

Поправете ме ако грешам.

А околу знамето, па промената на самиот елемент-грбот на него... и најверојатно некоја мала поправка во размерот и во аглите на дијагоналните пресеци, односно премини од боја во боја...