Кочански сообраќај (општо)
Printed From: build.mk
Category: Главни теми
Forum Name: Градска инфраструктура
Forum Discription: Улици, булевари, сигнализација, јавен превоз...
URL: http://www.build.mk/forum/forum_posts.asp?TID=3725
Printed Date: 27-Apr-2024 at 10:12
Topic: Кочански сообраќај (општо)
Posted By: FT
Subject: Кочански сообраќај (општо)
Date Posted: 24-Apr-2020 at 14:26
Рушење на објекти за продолжување на бул. Стево Теодосиевски и изградба на два кружни текови во Кочани. Имаше проект за рушење на мостот и изградба на нов мост со кружен тек ама ништо од тоа јер нема пари секако.
 
 -------------  
|
Replies:
Posted By: Cloverstack
Date Posted: 25-Apr-2020 at 19:53
Овој бул. Стево Теодосиевски ќе се проширува целосно долж линијата што ја имаш нацртано? Во тој случај изгледа дека е направена експропријација со сериозен обем 
А оваа вертикалната улица ќе се чепка нешто, или на неа само кружен тек ќе се прави? |
Posted By: FT
Date Posted: 25-Apr-2020 at 20:06
По целата линија ќе се проширува а само долниот кружен тек ќе се гради, моја грешка. Според општината откупени се 10к м2. Инаку оваа улица, ул. Димитар Влахов, вертикалната улица(не знам име) и ул. ВМРО се еднонасочни, така да не знам што би праеле со планираниот булевар. |
Posted By: user8642
Date Posted: 06-Jun-2020 at 13:29
|
Мислам дека вреди сите вести на оваа тема за овој булевар во Кочани да се соберат на купче во нова тема. Ретко кога има примери од други градови.
Милина да се гледа како булдожер расчистува со чиревите од минатото во еден град. Да ни се множат вакви снимки.
|
Posted By: FT
Date Posted: 08-Jun-2020 at 13:21
Бидејќи сме фасцинирани од рушењето  , еве ви уште неколку (неквалитетни) слики:
На овие две раскрсници би требало да има кружни текови: 
Ова е улицата која ги спојува двете раскрсници: 
|
Posted By: zorant
Date Posted: 10-Jun-2020 at 09:40
|
Димитар Влахов (од раскрсницата со Стево Т. до Вел Јан) би била двонасочна исто со по две ленти, или? |
Posted By: FT
Date Posted: 10-Jun-2020 at 14:53
Нема информации за тоа, но додека не се направи кружен тек на мостот, не верувам дека ќе биде така бидејќи без кружен тек би настанал уште поголем хаос на мостот. |
Posted By: zorant
Date Posted: 22-Aug-2020 at 21:28
| Има некој напредок тука? Одамна не сум бил во Кочани. |
Posted By: zorant
Date Posted: 11-Dec-2020 at 11:44
|
Урнат уште еден објект на улицата „Стево Теодосиевски“ – нови кружни текови на „Тодосија Паунов“ Со цел да се пробие новата сообраќајна лента од Двојниот мост до крстосницата во Стришани, викендов беше урнат уште еден објект на улицата „Стево Теодосиевски“, поранешна „Ленинова“. Согласно урбанистичкиот план, оваа улица e планирана со по две ленти во двата правца, со разделно зеленило меѓу нив. Со експропријацијата, Општина Кочани откупува вкупно 9 765 квадратни метри, површина со вкупно 30 парцели, од кои девет се државно земјиште, а на останатите се евидентирани 29 сопственици. На судска одлука се чека за два објекти, а за уривање остануваат вкупно четири, од двете страни на улицата „Стево Теодосиевски“. http://kocani.gov.mk/%d1%83%d1%80%d0%bd%d0%b0%d1%82-%d1%83%d1%88%d1%82%d0%b5-%d0%b5%d0%b4%d0%b5%d0%bd-%d0%be%d0%b1%d1%98%d0%b5%d0%ba%d1%82-%d0%bd%d0%b0-%d1%83%d0%bb%d0%b8%d1%86%d0%b0%d1%82%d0%b0-%d1%81%d1%82/ - http://kocani.gov.mk/%d1%83%d1%80%d0%bd%d0%b0%d1%82-%d1%83%d1%88%d1%82%d0%b5-%d0%b5%d0%b4%d0%b5%d0%bd-%d0%be%d0%b1%d1%98%d0%b5%d0%ba%d1%82-%d0%bd%d0%b0-%d1%83%d0%bb%d0%b8%d1%86%d0%b0%d1%82%d0%b0-%d1%81%d1%82/    |
Posted By: stef4o
Date Posted: 23-Jan-2021 at 13:04
|
Продолжува уривањето на старите градби на улицата „Стево Теодосиевски“, поранешна „Ленинова“. На просторот во близина на Спортската сала денеска се урива уште еден објект. Со тоа се создаваат услови да почнат дел од градежните активности што ќе претставуваат подготовка за изградба на втората коловозна лента.
Со овие суштински промени, централното градско подрачје ќе добие урбан лик, а сообраќајот – понормален тек. 
https://www.facebook.com/opstinakocani |
Posted By: zorant
Date Posted: 23-Jan-2021 at 18:01
| Знае ли некој дали за рушење е предвидена и последната куќа на Ленинова од десната страна, на ќошот? Така би се отворило доста простор таму. |
Posted By: zorant
Date Posted: 04-Feb-2021 at 16:41
|
| Почнаа работите за изградба на три од засега петте предвидени кружни текови на булеварот „Тодосија Паунов“. |
| Најинтензивни се активностите на кружниот тек спроти „Стокомак“, којшто ги вкрстува „Тодосија Паунов“ со улицата „Македонска“. |
| Според проектната документација изработена од стручни лица, на овој ќе се надоврзува уште еден, спроти новата бензинска пумпа „Лукоил“, каде булеварот „Тодосија Паунов“ се спојува со улицата „Киро Кикенски“. |
| Третиот кружен тек што ќе се гради во првата градежна етапа е спроти Автобуската станица. |
| Изработена е проектна документација и веќе наскоро се очекува распишување на оглас за избор на изведувач по пат на јавна набавка за изградба на уште два кружни тека... |
Posted By: stef4o
Date Posted: 10-Feb-2021 at 16:47
|
Поради изградбата на кружните текови на булеварот „Тодосија Паунов“ на потегот кај старата индустриска зона, сообраќајот се одвива отежнато.
Се повикуваат возачите на зголемена внимателност и трпение, посебно кон пешаците меѓу кои е голем бројот и на најмладите учесници во сообраќајот, ученици во блиското училиште „Малина Попиванова“. 
https://www.facebook.com/opstinakocani/ |
Posted By: Théoden
Date Posted: 10-Mar-2021 at 23:28
Решението за тој проект:  |
Posted By: stef4o
Date Posted: 18-Mar-2021 at 15:15
|
ВО ЗАВРШНА ФАЗА НА ГРАДБА СЕ ДВАТА ОД ПЛАНИРАНИТЕ ПЕТ КРУЖНИ ТЕКОВИ НА „ТОДОСИЈА ПАУНОВ“
Министерот за транспорт и врски Благој Бочварски и градоначалникот на Општина Кочани Николчо Илијев денеска извршија увид во активностите на улицата „Тодосија Паунов“, каде се градат два од планираните пет кружни текови. – Целта е да ги подобриме безбедноста и протокот на движењето. „Тодосија Паунов“ е прометна улица, која се вкрстува со повеќе други улици, место каде често се случуваат сообраќајни незгоди. Проектот на Општина Кочани за изградба на пет кружни текови е поддржан со 6 милиони денари од централната власт. Задоволни сме што кај Министерството за транспорт и врски наидовме на разбирање за решавање прашања од локален интерес, а поддршка имаме и за реконструкцијата на улиците „Гошо Викентиев“ и „Раде Кратовче“, за кои тече јавната набавка за избор на изведувач – соопшти градоначалникот Илијев. – Ова е пример како партнерски се работи за подобрување на квалитетот на животот. Знам дека во Кочани никогаш вака не се градело и многу проекти на кои долго се чекало, денеска се во фаза на реализација. Овие интервенции значат поголема безбедност за учесниците во сообраќајот – изјави Благој Бочварски, министер за транспорт и врски. При увидот во градбата на кружните текови беше истакнато дека во Кочани во тек се работи и на улиците „Искра“ – крак 1, „Ване Грдовјански“, на „Станбената улица“ зад Поштата, како и на улицата „Кирил и Методиј“. Во тек се и неколку јавни набавки за проекти со кои се решаваат крупни инфраструктурни прашања. Деновиве се очекува да започне реконструкцијата на левиот коловоз на „Тодосија Паунов“ којашто се реализира преку програмата на Светска банка, со поддршка од Министерството за транспорт и врски. 
%20 - https://kocani.gov.mk/ |
Posted By: zorant
Date Posted: 19-Mar-2021 at 11:40
Јас се надевам дека на оваа страна ќе ги погодат шахтите... На десната страна ептен ги утнаа, дури и покрај тоа што мислам дека имаше дополнително санирање.
|
Posted By: zorant
Date Posted: 29-Mar-2021 at 12:26
Дали со ова решение се предвидува улицата од ТА „Вел-јан“ до овој мост (кај ОУ „Кирил и Методиј“) да биде двонасочна?
Исто и улицата од мостот до трговскиот центар? |
Posted By: stef4o
Date Posted: 29-Mar-2021 at 13:13
|
Општина Кочани го распиша јавниот повик за избор на изведувач што ќе ја гради новата коловозна лента на улицата „Стево Теодосиевски“, поранешна „Ленинова“, на потегот од Двојниот мост до Туристичката агенција „Вел-јан“.
Според предмерот, градежните активности ќе се реализираат на траса во должина од еден километар, односно ќе почнат од Кружниот тек кај Полицијата. Постојниот коловоз ќе се реконструира, кај Двојниот мост ќе се изгради нов кружен тек и ќе се отстранат објектите на земјиштето коешто беше предмет на експропријација. Овој градежен зафат ќе заврши со кружен тек кај „Вел-јан“. 
https://www.facebook.com/opstinakocani |
Posted By: zorant
Date Posted: 29-Mar-2021 at 13:45
|
Значи вака излегува дека ќе се гради и кружниот тек на мостот, од скицата што ја сподели Théoden?
|
Posted By: zorant
Date Posted: 26-Apr-2021 at 14:01
Почнува изградбата на новиот кружен тек на „Тодосија Паунов“Почнува изградбата на новиот кружен тек што ги спојува улиците „Тодосија Паунов“ и „Индустриска“. Минатата седмица изведувачот на работите, „Стоименов“ започна со изградба на ограден ѕид и со други подготвителни работи. Паралелно со овој, ќе се гради и кружниот тек што ја спојува улицата „Тодосија Паунов“ со „Кирил Ѕ’мбов“, поранешна „Енгелсова“, кај печатницата „Генекс“. Тој ќе има радиус од 10,5 м, а во негова функција е и изградбата на потпорни ѕидови во должина од 100 метри, од јужната страна на улицата. Од петте планирани, досега се изградија два: кружниот тек којшто ја вкрстува улицата „Тодосија Паунов“ со „Македонска“ и веднаш до него, којшто е спој со улицата „Киро Кикенски“. Се очекува новите сообраќајни елементи да овозможат побезбедно и полесно движење на фреквентната улица.   https://kocani.gov.mk/%D0%BF%D0%BE%D1%87%D0%BD%D1%83%D0%B2%D0%B0-%D0%B8%D0%B7%D0%B3%D1%80%D0%B0%D0%B4%D0%B1%D0%B0%D1%82%D0%B0-%D0%BD%D0%B0-%D0%BD%D0%BE%D0%B2%D0%B8%D0%BE%D1%82-%D0%BA%D1%80%D1%83%D0%B6%D0%B5%D0%BD-%D1%82/ |
Posted By: zorant
Date Posted: 11-May-2021 at 16:30
|
Поради безбедносни причини, а со согласност од сопствениците на објектот, Општина Кочани отстрани една од најстарите градби на улицата „Стево Теодосиевски“, поранешна „Ленинова“. Според најавите на градоначалникот Николчо Илијев, викендов ќе продолжи рушењето и на другите објекти, на просторот каде што ќе се гради втората коловозна лента на „Стево Теодосиевски“. – Целиот процес е во завршна фаза, трае долго, а овој објект беше потенцијална опасност за минувачите. Со уривањето и на другите објекти ќе овозможиме почеток на активностите за изградба на новата сообраќајна лента што ќе почне со изведба на потпорниот ѕид кај Спортската сала – соопшти градоначалникот Илијев. Општина Кочани веќе ја заврши законската постапка за избор на изведувач на градежните работи за реализација на новата коловозна лента на „Стево Теодосиевски“. Се очекува до крајот на овој месец изведувачот да биде воведен во работите од потпишаниот договор. Според предмерот во техничката спецификација на договорот, градежните активности ќе се реализираат на траса во должина од еден километар, односно ќе почнат од Кружниот тек кај Полицијата. Ќе се реконструира и постојниот коловоз, кај Двојниот мост ќе се изгради нов кружен тек и ќе се отстранат објектите на земјиштето коешто беше предмет на експропријација. Се планира овој градежен зафат да заврши со уште еден кружен тек кај агенцијата „Вел-јан“.  https://kocani.gov.mk/%D0%BF%D0%BE%D1%80%D0%B0%D0%B4%D0%B8-%D0%B7%D0%B0%D0%B3%D1%80%D0%BE%D0%B7%D1%83%D0%B2%D0%B0%D1%9A%D0%B5-%D0%BD%D0%B0-%D0%B1%D0%B5%D0%B7%D0%B1%D0%B5%D0%B4%D0%BD%D0%BE%D1%81%D1%82%D0%B0-%D0%B2%D0%BE/
|
Posted By: stef4o
Date Posted: 16-May-2021 at 14:56
СРУШЕНИ ПОСЛЕДНИТЕ СТАРИ КУЌИ НА УЛИЦАТА „СТЕВО ТЕОДОСИЕВСКИ“, ИЗГРАДБАТА НА НОВА ЛЕНТА ПОЧНУВА ЗА ДЕСЕТИНА ДЕНА
15.05.2021 - Општина Кочани денеска ги продолжи активностите за рушење на старите објекти и за расчистување на теренот за изградба на втората коловозна лента од идниот булевар „Стево Теодосиевски“. Механизација на избраниот изведувач „Калина“ од Оризари работеше во Стришани каде се отстранети три објекти на крстосницата со улицата „Димитар Влахов“, со што покрај нејзиното проширување ќе биде изграден кружен тек. За експропријација на земјиштето и на старите објекти, од буџетот на Општината на сопствениците им се исплатени околу половина милион евра. -По завршената експропријација од страна на Локалната самоуправа и по напорната работа во изминатите три ипол години стигнавме до расчистување на овој дел од градот и создавање услови за изградба на втората лента од булеварот. Тоа ќе овозможи непречено движење на возилата и соодветен сообраќаен излез и влез од западната страна. Со ова очекувам дека ќе придонесеме во решавањето на дел од сообраќајниот хаос, ќе ја унапредиме безбедноста и на пешаците и на возилата, а ќе го подобриме и изгледот на оваа населба, истакна градоначалникот на Кочани, Николчо Илијев. Дополнително, во наредниот период ќе биде отстранета уште една стара куќа која излегува на самата улица, како и дел од просторот на автопералните што се на оваа локација. Општина Кочани веќе го има избрано изведувачот на работите кој ќе ја гради втората сообраќајна лента на булеварот „Стево Теодосиевски“. Во наредните десетина дена тој ќе биде воведен во обврските што ги има преземено со договорот и ќе може да почне со градежните активности. Илијев додаде дека најпрвин ќе се изгради потпорен ѕид кај спортската сала, по што ќе продолжи работата на трасирање и уредување на теренот за новата коловозна лента. https://www.facebook.com/profile.php?id=100009705198069 |
Posted By: ehrlich
Date Posted: 16-May-2021 at 22:20
Кочани има повеќе срушени објекти од Скопје за сообраќајни цели 
|
Posted By: stef4o
Date Posted: 24-May-2021 at 14:35
Изградба на кружен тек К2 на булевар Теодосија Паунов во Кочани
https://www.facebook.com/constructioncompany.stoimenov |
Posted By: zorant
Date Posted: 23-Jun-2021 at 13:33
|
Одамна не сум бил во Кочани, некој да сподели искуство како е со новите кружни текови? |
Posted By: zorant
Date Posted: 28-Jun-2021 at 14:53
|
Почна рехабилитацијата на левиот крак на булеварот „Тодосија Паунов“. Поради тековните градежни активности, десниот коловоз на „Тодосија Паунов“, од кружниот тек кај Шумското стопанство до Стопански двор на „Водостопанство“, се користи за сообраќај во двата правца. Се апелира учесниците во сообраќајот да бидат внимателни при движењето и да ја почитуваат поставената сообраќајна сигнализација.  https://www.facebook.com/opstinakocani/posts/888499208687529 |
Posted By: stef4o
Date Posted: 12-Jul-2021 at 12:02
улицата Тодосија Паунов
https://www.facebook.com/bochvarskiblagoj |
Posted By: user8642
Date Posted: 12-Jul-2021 at 17:06
| Многу ми е драго кога помали општини како Кочани или Кавадарци успеваат да спроведат некои овакви суштински проекти од локално значење, наспроти неспособната општина Тетово која руши 7 куќи повеќе од 7 години. Кога ги гласаат такви, сега нека си ги носат. |
Posted By: zorant
Date Posted: 16-Jul-2021 at 12:08
|
Во централното градско подрачје механизацијата на изведувачот „Коле
транс“ од Штип го подготвува теренот за изградба на новата коловозна
лента на улицата „Стево Теодосиевски“, каде првично ќе се градат
потпорни ѕидови.  ...но и подготвителните работи за кружен тек кај печатницата „Генекс“.
Досега е изграден дел од потпорниот ѕид со висина над шест метри.
Деновиве се ископуваат темелите за останатите потпорни ѕидови.  https://kocani.gov.mk/%D0%B2%D0%BE-%D1%82%D0%B5%D0%BA-%D1%81%D0%B5-%D0%B3%D1%80%D0%B0%D0%B4%D0%B5%D0%B6%D0%BD%D0%B8-%D0%B0%D0%BA%D1%82%D0%B8%D0%B2%D0%BD%D0%BE%D1%81%D1%82%D0%B8-%D0%BD%D0%B0-%D0%BD%D0%B5%D0%BA%D0%BE%D0%BB/
|
Posted By: гитардемон
Date Posted: 16-Jul-2021 at 14:11
|
Да не мислеле должина 6 метри, оти висина 6 метри тука нема. ------------- Arguing on the internet is like running at the special olympics. Even if you win, you're still retarded. |
Posted By: zorant
Date Posted: 16-Jul-2021 at 15:08
И мене ме зачуди, ама си реков „шо знам јас шо се 6 метри“
|
Posted By: гитардемон
Date Posted: 16-Jul-2021 at 15:34
Ова како вицот „Шо знај дете шо се 10 тона железо“.  ------------- Arguing on the internet is like running at the special olympics. Even if you win, you're still retarded. |
Posted By: The Wild Boy
Date Posted: 21-Jul-2021 at 12:13
|
Што бидна со верувањето за булевар со клучка до обиколницата на Кочани?
Уште едно празно ветување, или? |
Posted By: zorant
Date Posted: 22-Jul-2021 at 08:41
Каде би била таа клучка? Може повеќе инфо што било ветувано?
|
Posted By: FT
Date Posted: 22-Jul-2021 at 18:10
Мислам дека имаше некои најави за булевар од пругата до клучката накај Зрновци ама можеби ќе го остават за локалните. Инаку во Кочани турбо се работи, кружните текови, булеварот(заедно со тротоарот кој беше крш), проширување на Тодосија Паунов, експресниот пат е стасан до самиот влез на градот и влезот е затворен исто и во паркот почнаа со реконструкцијата. Малку е отежнато движењето ама се надевам дека се ќе биде квалитетно завршено.
Ќе ви сликам кога се ќе биде завршено.
|
Posted By: zorant
Date Posted: 28-Jul-2021 at 13:26
Распишана јавната набавка за избор на изведувач за реконструкција на улицата „Роза Петрова“
https://kocani.gov.mk/%D1%80%D0%B0%D1%81%D0%BF%D0%B8%D1%88%D0%B0%D0%BD%D0%B0-%D1%98%D0%B0%D0%B2%D0%BD%D0%B0%D1%82%D0%B0-%D0%BD%D0%B0%D0%B1%D0%B0%D0%B2%D0%BA%D0%B0-%D0%B7%D0%B0-%D0%B8%D0%B7%D0%B1%D0%BE%D1%80-%D0%BD%D0%B0/    Една од најпрометните улици во градот. Се надевам дека ќе ја средат како што треба. |
Posted By: stef4o
Date Posted: 25-Aug-2021 at 10:40
Се гради потпорниот ѕид за новата коловозна лента на улицата „Стево Теодосиевски“.
https://www.facebook.com/opstinakocani |
Posted By: zorant
Date Posted: 08-Oct-2021 at 13:08
  Од реклама на фејсбук - https://www.facebook.com/174501533098459/videos/1925424464304536/ |
Posted By: zorant
Date Posted: 22-Nov-2021 at 15:03
Почна реконструкцијата на улицата „Роза Петрова“Почнаа активностите за реконструкција на еден километар од коловозот и на тротоарот од улицата „Роза Петрова“. Во тек се интервенции на пешачката зона од десната страна, каде се врши ископ, тампонирање и промена на постојните рабници во должина од 800 метри. Според Драги Илијевски, раководител на Одделението за уредување на градежно земјиште во Општина Кочани, работите ќе продолжат со гребење на асфалтот од вкрстувањето на улицата „Роза Петрова“ со „Ристо Симеонов“, до спојот со улицата „Страшо Ербапче“, во близина на Општа болница. Изведувач на работите е градежната компанија „Ве-груп“ од Радовиш, а реконструкцијата на „Роза Петрова“ се реализира со 5,5 милиони денари од Бирото за регионален развој и кофинансирање од 2.700.000 денари од Буџетот на Општина Кочани. „Роза Петрова“ е една од најфреквентните улици во Кочани, која поврзува дел од неколку големи населби во градот: Текешински Лозја, Драчевик, Калиманова Глава и Валог. Изградбата на неколку нови колективни објекти за домување дополнително го зголеми нејзиното сообраќајно значење, а таа е една од комуникациските врски на западниот влез на Кочани со туристичкиот локалитет Пониква. Со реконструкцијата ќе се поправат оштетувањата и ќе се подобри сообраќајната сигурност на овој дел од градот.
https://kocani.gov.mk/%D0%BF%D0%BE%D1%87%D0%BD%D0%B0-%D1%80%D0%B5%D0%BA%D0%BE%D0%BD%D1%81%D1%82%D1%80%D1%83%D0%BA%D1%86%D0%B8%D1%98%D0%B0%D1%82%D0%B0-%D0%BD%D0%B0-%D1%83%D0%BB%D0%B8%D1%86%D0%B0%D1%82%D0%B0-%D1%80/ |
Posted By: zorant
Date Posted: 11-Jan-2022 at 10:14
|
Асфалтирањето на улица Роза Петрова е лошо изведено и асфалтот веќе се рони насекаде. Не знам колку е точно ама слушам муабети дека работата на ул. „Стево Теодосиевски“ е стопирана. Жално е каков градоначалник изгуби Кочани само заради партијата која го кандидираше... |
Posted By: Vasilij
Date Posted: 11-Jan-2022 at 13:35
|
И тие што не сме од Кочани знаеме.. Еден од најдобрите градоначалници во било која општина во овие 30 години, секоја чест за човекот... |
Posted By: user8642
Date Posted: 11-Jan-2022 at 18:09
|
Posted By: FT
Date Posted: 11-Jan-2022 at 23:16
| Ауу, глупост ќе биде ако не го довршат булеварот, буквално само треба да се асфалтира. |
Posted By: Vasilij
Date Posted: 12-Jan-2022 at 10:26
 |
Posted By: MKDSTRUGA
Date Posted: 12-Jan-2022 at 10:54
|
Gradonacalnikot stvarno bese dobar vo Kochani, mozebi i edinstven vo vnatresnosta od prosla garnitura so sraboti kvalitetno. Izgubi od arievci ko ovie pogore so po tweeter i forumi se so ne misli i ne glasa ko niv go narekuvaat stoka i mu lepat etiketi kako taa za drvokratci i neznam sto.
Moe mislenje e deka i on i Petre Shilefgov se kolaterala na partijata vo koja i rakovodstvoto i botovite vregaat, etiketiraat i ponizuvaat kaj stignat i kogo stignat nesto. Pa konstatitrame deka toa veke ne vroduva so plod, smenete si ja strategijata inace za zal ke gubime kvalitetni kadri poradi nedovetnost na poedinci koj nemaat dopirna tocka so kvalitetot na nivnata rabota. |
Posted By: zorant
Date Posted: 21-Jun-2022 at 14:04
Се асфалтира новата коловозна лента на „Стево Теодосиевски“Денеска започна асфалтирањето на новата коловозна лента на улицата
„Стево Теодосиевски“. Во должина од 500 м се поставува првиот асфалтен
слој од 8 см, а наредниве денови ќе се нанесе уште еден слој од 5 см.
Градежните работи се одвиваат на потегот од Двојниот мост кон спојот со улицата „Димитар Влахов“, а ќе продолжат кон крстосницата со улицата „Глигор Апостолов-Гочо“, каде веќе е започната градбата на кружниот тек кај Туристичката агенција „Вел-јан“. Според најавите на стручните служби, завршната фаза на овој проект опфаќа уредување на простор за паркирање од јужната страна на улицата и оформување дрворед што ќе биде зелена линија меѓу спортските школски терени и сообраќајницата. Со проширувањето на улицата „Стево Теодосиевски“ се очекува значително да се подобри сообраќајниот проток во централното градско подрачје на Кочани. https://kocani.gov.mk/%D1%81%D0%B5-%D0%B0%D1%81%D1%84%D0%B0%D0%BB%D1%82%D0%B8%D1%80%D0%B0-%D0%BD%D0%BE%D0%B2%D0%B0%D1%82%D0%B0-%D0%BA%D0%BE%D0%BB%D0%BE%D0%B2%D0%BE%D0%B7%D0%BD%D0%B0-%D0%BB%D0%B5%D0%BD%D1%82%D0%B0-%D0%BD/
|
Posted By: zorant
Date Posted: 18-Nov-2022 at 16:40
|
ПОЧНУВА ПОСТАПКАТА ЗА ИЗГРАДБА НА КРУЖЕН ТЕК ВО СТРИШАНИ, ОПШТИНАТА ЌЕ ИНВЕСТИРА НАД 1 МИЛИОН ДЕНАРИ 18.11.2022 - Општина Кочани конечно ја почнува постапката за решавање на сообраќајниот хаос на крстосницата од булеварот „Стево Теодосиевски“ и улиците „Димитар Влахов“ и „Страшо Ербапче“ во Стришани. По повеќемесечно исчекување, и возачите и пешаците ќе можат да здивнат и да се надеваат дека ќе се стави ред на еден од главните сообраќајни излези во градот. Според
техничката спецификација, се планира да се отстрани дел од постојниот
асфалтен слој на коловозот и бетонските рабници, а да се вметне кружен
тек со надворешен пречник од 27 метри, со една коловозна лента што ќе
обезбеди непречено поминување на возила со максимална должина од 16,5
метри. Внатрешниот дел од кругот ќе се изработува од ПВЦ материјал во
црна и жолта боја, а ќе биде поставена и нова вертикална и хоризонтална
сигнализација. https://www.facebook.com/permalink.php?story_fbid=pfbid0BSczYjVvtP33tY34NyS1F9LxpUgrwjFv8ovczH1oEruZny6wGeRwisnpV61vkFmDl&id=100009705198069   |