Print Page | Close Window

Легализација на дивоградбите

Printed From: build.mk
Category: Главни теми
Forum Name: Урбани прашања
Forum Discription: Урбанизам, урбана опрема, урбана мафија...
URL: http://www.build.mk/forum/forum_posts.asp?TID=734
Printed Date: 22-Jul-2014 at 19:26


Topic: Легализација на дивоградбите
Posted By: Max
Subject: Легализација на дивоградбите
Date Posted: 25-Sep-2009 at 18:19
во контекст на пост http://www.build.com.mk/forum/forum_posts.asp?TID=79&PID=18583#18583 - #134 од нишката Урбанистички планови (општо),  еве мала евиденција до каде се се работите околу легализирањето на дивоградбите

Куќите-дивоградби ќе куртулат од новиот закон за градба - 24.09.20009

Индивидуалните дивоградби ќе бидат изземени од новиот закон за градба и ќе ги чекаат законските решенија за нивно легализирање, реши со амандманска интервенција матичната собраниска Комисија за транспорт, врски и екологија, која вчера го визира предлог-законот за градење во второ читање.

Ваквото решение не ја отстрани дилемата кај опозицијата дека со новиот закон дивоградбите ќе бидат предмет на национализација.

- Наместо да се спречат или да се уриваат, дивоградбите ќе се одземаат и ќе се национализираат, а во понудените законски одредби нема да може да се снајде ниту еден градежен инспектор - вели пратеникот Томе Чинговски од СДСМ.

Законот предвидува можност ако овластениот градежен инспектор утврди дека градбата е спротивна на одобрението, да изрече забрана за оттуѓување или располагање со земјиштето и со објектот. Истовремено, ќе може да определи и плаќање месечни пенали во висина од три отсто од пазарната вредност на објектот (висина на данокот на промет со недвижнини) ако во определен рок градбата не биде сопрена и вратена на нивото согласно со обиената дозвола за градба. Ако сопственикот не ги почитува решенијата или не плати пенали три месеци по ред, по максималниот рок од три години, државата, односно општината ќе може да го активира решението за располагање со земјиштето и објектот, со што таа станува сопственик.

Власта тврди дека ова решение е преземено од стариот закон и со него не се предвидува никаква национализација или конфискување на имотот, туку само можност објектот да биде во согласност со одобрението за градба.

http://www.dnevnik.com.mk/?ItemID=922ADD96BD922C459E53F29B0CBA5F82 - http://www.dnevnik.com.mk/?ItemID=922ADD96BD922C459E53F29B0CBA5F82




Replies:
Posted By: Max
Date Posted: 25-Sep-2009 at 19:36
...Во сферата на урбанизмот и градежништвото продолжува борбата против урбаната мафија. Според Јанакиески, во септември ќе се донесе законот за легализација на дивоградбите со кои нема да се опфатат бесправно изградените објекти што се предмет на анализа на Државниот инспекторат за градежништво.
http://www.vecer.com.mk/default-mk.asp?ItemID=2D6CEAE8D24AEF479FEEC111708A003C - www.vecer.com.mk/default-mk.asp?ItemID=2D6CEAE8D24AEF479FEEC111708A003C

според горе кажаното излегува дека ќе се легализираат само објекти пред осамостојувањето!?! а се друго што е диво а неможе да се вклопи во постојните дупови ќе биде конфискувано, но од друга страна напротив контрадикторни изјави од надлежните, пример ко оваа
...Досега Сарај имаше само Генерален урбанистички план, а дури неодамна тој стана дел од ГУП-от на Скопје. Во иднина, градоначалникот и Советот на Сарај ќе изработуваат детални планови кои ќе бидат основа за легализација на дивоградбите.
http://utrinski.com.mk/default-mk.asp?ItemID=1EB1C252D81FF84CBD041E1A0AAB959F - utrinski.com.mk/default-mk.asp?ItemID=1EB1C252D81FF84CBD041E1A0AAB959F

да причекаме да се донесе законот, но како што ми се чини од него ќе се испили половично разрешување од кое најверојатно ќе добијат само оние кои добро ќе подмачкаат по општинските совети!?! но од друга страна законски доколку некаде е предвидено индустриска или рекреативна зона, негледам како би се вклопиле тамошните дивоградби, иако реално оние кои се впишани во некое од аерофотограметриските снимања низ децениите, се додека некој не го купи земјиштето на кое се дивоградбите подигнати, а на тоа место е зацртано нешто сосем друго, се до тогаш истите таму ќе можат да останат, но доколку објектот е постар од 10 години и е внесен во ортофото картите на катастарската евиденција преку авионските снимки, може и треба да бара отштета од државата или приватникот кој го откупил земјиштето од државата...!
...Градоначалникот на Гази Баба, Трајковски вели дека според деталникот урбанистички план, таму е индустриска зона и нема можност за легализација на објектите. Проблемот можел да се реши, вели тој, единствено со спогодба меѓу населението и инвеститорите на гасната центарала.
http://vesti.alfatv.com.mk/default.aspx?mId=37&egId=2&eventId=10659 - vesti.alfatv.com.mk/default.aspx?mId=37&egId=2&eventId=10659




Posted By: Max
Date Posted: 25-Sep-2009 at 20:16
доста луѓе ќе куртулат со законов, но на доста тоа и нема да им појде од рака, затоа можеби единствено решение е оние кои нема да може да си ги легализираат објектите и истите ги изгубат односно им ги конфискува општината, да имаа право за први да лицитираат за нив со некоја бенифиција пример да ги откупат за 50% од проценетата вредност, но во тој случај однапред треба да се донесе законски акт со кои ваквите невклопливи дивоградби за дебела пара би се легализирале! ова би било некој компромис. особено за индивидуалните куќи, додека станбените згради најверојатно ќе се извлечат, освен ако навистина се пречекорени сите можни урбанистички регулативи во однос на проектирањето...

„ЕТАПА“ распродала ДИВОГРАДБА, станарите бараат имотни листови

Седум години страв за купените станови

Во Општина Центар велат дека единствниот излез за станаритена објектот е во законот за легализација на дивоградбите

Станарите во зградата на улицата 29 Ноември број 6, седум години не можат да извадат имотни листови за своите станови што ги градела фирмата „Етапа“. Проблем е тоа што инвеститорите Валентино Константиновски и Александар Наумовски изградиле повеќе катови од дозволеното, ги продале становите во дивоградбата, не платиле комуналии, а надлежните тоа со години го толерирале. Наместо приземје плус три ката, како што гласела градежната дозвола, во 1997 година „Етапа“ си доградила уште два ката. Тогаш Државниот инспекторат за градежништво издал решение за уривање на дивоградбата, кое никогаш не го извршил.

- Да си ја работеле институциите својата работа, односно да ја урнеле дивоградбата навреме, немаше да ги имаме денешниве проблеми. Сега фирмата „Етапа“ повеќе не постои, а сопствениците, кои не' измамија, вешто го избегнуваат законот и си тераат бизнис на свој начин - велат револтираните станари.

Зградата, во која има 40 стана, е вселена во 2000 година. Тогаш инвеститорот им ветувал на станарите дека имотните листови ќе ги добијат најдоцна за два месеца.

- До ден-денес немаме имотни листови за имотот што уредно сме си го платиле. Седум години сме нервозни, бидејќи имаме имот што го немаме и со кој не можеме да располагаме. Ова е сериозен случај на измама и криминал, штом некој дозволил да се изгради зграда без потребната документација - вели Велимир Стојковски, станар во зградата.

Станарите раскажуваат дека против сопствениците на „Етапа“, пред две години, преку адвокатот Синиша Трајковски, поднеле кривична пријава за измама до Јавното обвинителство. Адвокатот вели дека фирмата поседувала одобрение за градба само до третиот кат, а четвртиот и петтиот се изградени бесправно.

- Предметот веќе две години е заглавен во Обвинителството, од каде што чекам одговор дали ќе биде поднесено обвинение или не. Ако има обвинение, тогаш државата ќе треба да поднесе обвинителен акт против сопствениците на „Етапа“, а во спротивно, станарите ќе мора сами да поднесат супсидијарен обвинителен акт - вели Трајковски.

Пролетва, кога Министерството за транспорт и врски и ги одзеде ингеренциите на Општина Центар од областа на урбанизмот, беше разгледуван и случајот со објектот на „Етапа“. Според извештаите од Општината, за зградата е издадено решение за уривање во 1997 година, кое не е извршено, па по децентрализацијата останало на товар на Општина Центар. Со детаљниот урбанистички план за Дебар Маало 1, од 2002 година, објектот е потврден во површина, но не и во висина.

Раководителот на одделението за урбанизам при Општина Центар, Соња Шумкова, вели дека единствениот излез за оваа ситуација го гледа во законот за легализација на бесправните градби, кој е во собраниска процедура.

- Објектот не можеше да биде легализиран при носењето на планот за Дебар Маало, бидејќи според законите за градба и за просторно планирање, дивоизградените објекти и оние што отстапуваат од предвиденото во градежната дозвола не можат да бидат внесени во урбанистичките планови - вели Шумкова.

И еден од сопствениците на „Етапа“, Константиновски, го чека законот.

- Мора да се причека зградата да биде легализирана, тоа убаво им го објаснивме и на станарите. Тие мора да бидат трпеливи. Не гледам друг излез. Остатокот од комуналиите ќе бидат платени кога ќе дојде време - изјави Константиновски.

Тој вели дека зградата постои во ДУП за Дебар Маало, што значело дека проблемот ќе се реши со легализација.

Од Министерството за транспорт вчера не објаснија зошто нивниот Инспекторат за градежништво своевремено не реагирал на дивоградбата и така дозволил граѓаните да се најдат во незавидна ситуација. Оттаму само рекоа дека предметот за „Етапа“ по децентрализацијата е префрлен во Општина Центар, а во општината велат дека ги имаат само предметите од 2000 година наваму.

http://dnevnik.com.mk/?itemID=7230E23CF4362A45AA8129835808B5A4&arc=1 - Дневник - Анела Петрова - 17.11.2007


оваа зграда е побезболен случај од повеќето дивоградби и сега најверојатно со наскорешниот закон за лагализација на дивоградбите, а воедно и http://www.build.com.mk/forum/forum_posts.asp?TID=588&PID=47590#47590 - со измените во законот за урбанистичко планирање , истата брзо ќе можат да ја легализираат! може и кинескиот ѕид ќе преживееше доколку не се случеа промени во министерството т.е. во државниот градежен инспекторат, па и тој доколку подсотанеше заборавен сега ќе немавме таму руина! Bash


Posted By: Max
Date Posted: 28-Sep-2009 at 00:17

еве интересен текст, со уште поинтересни коментари... јас би додал само дека оној кому дивоградбата му е основно средство за живеење и тоа како приземен објект, да нему некако да му се излезе во пресрет, другите сепак доколку постојат услови за легализација дупло, а како во случајов со козјак и тродупло да се баждарат...!

Дивоградителска манија

Што ги тера луѓето да прават дивоградби? Да вложуваат големи пари при огромен ризик сето тоа да биде срушено, па згора на тоа да добијат и прекршочна пријава? Да ризикуваат, расправии, па и тепачки со соседите? Ако одговорот е сиромаштијата, како да се објасни ваквото однесување на парајлиите, кои градат на диво дури и во случаи кога нивната викендичка или куќичка може да биде потопена - како што е со дивоградбите на езерото Козјак? Или, пак, промашените дивоградителски инвестиции на Тиквешко Езеро, кои сега се продаваат за пет пари? И како може градежните инспектори, државата, сето тоа да не го гледаат? Викендичките не се кибрити на кибицерите на Камени мост, кои веднаш ги пикаат в џеб штом ќе наиде полицаец.

Навистина кој е овде лудиот, кој е збунетиот, а кој е криминалецот?

Дивоградбите на Козјак само ја повторуваат тажната приказна за македонскиот урбанизам. Кога ги прашавме некои од староседелците посочени дивоградители на Козјак и откако ни се заколнаа дека не се сопственици на викендичките, почнаа да ни објаснуваат дека насекаде во Македонија е така. Па, знаете дека пола Скопје е дивоградба, вели еден од нив. Знаеме и дека се гради во националниот парк Водно, дека е сомнителна легалноста и на викендичките кај Матка. Не треба да сте градежен инспектор за да сфатите дека многуте згради во Скопје, направени веднаш до улица, без место за паркинг, уште помалку место каде што дечињата ќе си играат, се дивоградба по секоја логика. И не само тоа, туку дивоградба е и Судската палата, како што беше објавено уште пред неколку години. Да, дивоградба е истата зграда кај Бит-пазар во која понекогаш се носат решенијата за уривање за дивоградбите.

Она што е особено интересно за Козјак е новата финта како да се заштитиш од уривање. Не можевме да разбереме по која логика дивоградителите направиле викендички до самото езеро, каде што може водата сосема да ги поплави (ЕЛЕМ што управува со езерото и го спушта или подига нивото на водата во зависност од потребата, нема причина да се грижи за дивоградбите бидејќи тие се изградени во зелениот појас околу езерото). Како што не можевме да разбереме од каде нивните сопственици планираат да носат вода во објектите. Но по информацијата на градоначалникот на Македонски Брод, Милосим Војнески, стана јасно како имаат намера да се чуваат од рушење. Трикот е мошне едноставен, личи на шоферската финта, ако сакаш да не те стопира полиција, стави полициска капа на видно место во автомобилот. Овде е слично, со тоа што дивоградителите пуштаат гласини дека газда на викендичката е некој висок функционер, поврзан со власта, а особено со полицијата. Ова сепак не значи дека моќниците не се вистинските сопственици на викендичките. Кога ги погледнавме објектите, нивните прекрасно направени камини, ѕидовите од бел камен, скапите дрвени врати, стана јасно дека цената од околу 20 евра за квадрат, колку што приближно чини парцела во овој крај, не би требало да е проблем за вакви парајлии. Сепак, тие се решиле на дивоградба, иако на само педесетина метри во правец на Скопје, кај истото село Здуње, Министерството за транспорт и врски продава 14 парцели државно земјиште, наменето токму за викендички.

Државата и нејзините градежни инспектори се посебна приказна. Никако навреме да ги забележат дивоградбите. Кога ќе ги видат, тие се или во фаза на легализација, или, пак, дивоградбите станале цели населби.

Ако Македонија е земја на апсурди, не значи дека и таква мора да остане и во иднина. Ако половина Скопје, можеби и половина Македонија е дивоградба, не значи дека другата половина треба исто така да ја запустиме. Да го зачуваме барем тоа што останало, како зелената идила Порече.

Автор: Александар Божиновски

~

Коментари:



Musso
Се милсев дали да коментирам или не. текстот баш не ме воодушеви, ама има едно прашање на кое мора да се даде одговор. Имено, А.Б. прашува: “...Ако одговорот е сиромаштијата, како да се објасни ваквото однесување на парајлиите, кои градат на диво дури и во случаи кога нивната викендичка или куќичка може да биде потопена...“ ОДГОВОР: Затоа што тие се така научени да функционираат и така и станале “парајлии“ - со узурпација, насислтво непочитување на другите и правилата... со еден збор насилничко-хулигански. Тоа им е во крвта и затоа така се однесуваат! Тоа се дегенерици - и умствено и морално и социјално и.... апсолутни кретени и дегени од секој аспект!

Petre
Дали знаете што се’ треба да се направи за да се добие градежна дозвола? Колку време и нерви треба да се изгубат додека се добие дозволата? Полесно е да се направи куќата одколку да се добие дозволата. Бирократијата е немилосрдна. Затоа луѓето се решаваат на дивоградби

Скопјанец
Да зачуваме?! Убаво што има некој што уште утопистички размислува. Овде владее ПАРТИЗАМ. Како која партија си дојде на власт, си ја гледа државата како девојка која смее да ја силува кога ќе посака. Ние живееме онаму кадешто да купиш стан без парно ќе те чини колку огромна куќа во Канада! Ние живееме таму каде што компетентноста неможе ниту оддалеку да ти донесе работно место! Ние живееме онаму каде законот важи исклучиво за тие што не се партиски определени. Ние живееме таму кадешто за пари се продава се, па дури и личниот интегритет! Се изненадувам како уште размислувате утописки. И ви се восхитувам. Јас веќе одамна престанав да сонувам...Освен сонот да побегнам одтука...тоа е она што сега ме одржува.

ljubica
Se znae koj e sopstvenik na zemjisteto-Drzavata. Se znae koj go brani zamjisteto-Drzavata. Zad drzavata stojat poedincikoi ne gi sporveduvaat zakonite. More so lisici na race da gi snimate. Fuj

http://www.novamakedonija.com.mk/NewsDetal.asp?vest=92391057378&id=13&setIzdanie=21794 - www.novamakedonija.com.mk/NewsDetal.asp?vest=92391057378&id=13&setIzdanie=21794



Posted By: zabegan
Date Posted: 28-Sep-2009 at 00:32
"Дали знаете што се’ треба да се направи за да се добие градежна дозвола? Колку време и нерви треба да се изгубат додека се добие дозволата? Полесно е да се направи куќата одколку да се добие дозволата. Бирократијата е немилосрдна. Затоа луѓето се решаваат на дивоградби"


немам коментар на коментаров стварно, и не ми се допаѓа како почнува текстот со прашањето „Зошто се гради кога постои ризик“, епа баш се гради бидејќи не постои ризик и тоа е најлесниот начин некој да заштеди или да заработи време или пари
наведениот


Posted By: lslcrew
Date Posted: 28-Sep-2009 at 00:38
Не е долгата процедура најголмиот изговор. Поголема бења е што на еден му се дозволило, другииот гледа од него дека така е оставен и така етапно домино ефект се решаваат масовно сите на дивоградба, па кога вака дивљата грдња ќе метастазира па тогаше уште потешк да се искорени. Кој е тој будала што на избори ќе им даде понуда на граќаните дека ќе сруши све што е диво кога знае дека третина од објектите се такви! За хаосот у урбанизмот во Македонија треба и жртви и саможртви! А тоа го немаме!


Posted By: Max
Date Posted: 28-Sep-2009 at 00:55

лесно е да коментираш од позиција на здомен, тешко на оној кој нема дом! треба јасно да се разграничи што е дивоградба од нужда а што дивоградба од ќеиф!!!

што е до процедурите, да, порано беа катастрофа, за обичен извод од дуп се чекаше повеќе од месец дена со се сите процедури... да не зборуваме што сето тоа се блокираше од чисто митаџиски момент, а неретко и од административна мрзливост, небаре имаат во министерството и по општините попамента работа, да отидеш таму ти гарантирам дека над 50% вработени незнаат ни еден закон на памет, а не па нешто повеќе...

кратко и јасно се до воведувањето на регулаторната гиљотина, со која на институциите колективно им се ограничи рокот за одговор, ваквите куршлуси беа секојдневие! сега може да се каже дека почна народ да дише, што е до бирократија, но сега пак се влече она што го велиш лсл дека сме нашле па сме зашле, па нормално повеќето сограѓани се угледуваат на опкружувањето, што од алчност што од неурбанизираност(онаму каде постои населено место) но се надевам дека по расчистувањето со легализацијава, ќе се отвори простор за целосно применување и почитување на правото, бар на поголемиот дел на територијата на државата, особено бидејќи општините основните извори на приход ги влечат преку комуналните такси.



Posted By: lslcrew
Date Posted: 28-Sep-2009 at 01:43
Види макс се слагам околу коцептото дека треба да се разграничи што е од нужда што е од ќеиф и аздисаност. Би одобрил толерантност за оние со нужда но во никој случај легализација и тоа земјиште да добие статус како и секоја друга легална зграда/куќа па да може подеднакво да учествува на пазарот. Едноставно ако е од нужда треба да биде толерирано до крајно решавање на станбено прашање, без можност за препродавање (освен доколку се присатпува кон рушење) што мислам дека е доволно фер. Сепак дивоградба е дивоградба и рачунај дека колку и да секој од нас биде поединствено толератне сепак општеството како целина не може да се поистовети со личност. Усатаври и не се работи за толерантосност, колку што се работи на пример за некоја очајна потреба да решеме треба да проаќа автопат. И мубаетов ниту ми е од позиција со решено станбено прашање и незнам како успеа тоа така да го протолкуваш.


Posted By: Cloverstack
Date Posted: 28-Sep-2009 at 01:56
@ Max

Нормално дека треба да има градација на дивоградбите. Но дури и оние кои се направени од најголема нужда, не смеат да се легализираат доколку пречат на проекти од општ интерес. Со урбанистичките планови пред се треба да спроведуваме долгорочно издржано и ефикасно урбано планирање, а не социјална политика.


Posted By: Max
Date Posted: 28-Sep-2009 at 02:22

јасно општините ако ништо друго треба водејќи се според просторниот план, како и ГУПовите и ДУПовите не смее да дозволи на критични точки некоја дивоградба да преживее! обично оние кои се решаваат на дивоградба, најнапред сигурно и се распрашуваат што и како е во околината предвидено, не ми се верува некој на шашма да крева куќа, но сигурно има и такви случаи, имајќи ја во предвид тоталната незаинтересираност за спроведување и почитување на законите и од страна на системот и од страна на граѓаните!

но имајќи предвид дека социјалниот мир во многу подрачја се купува меѓудругото и на овој начин, надлежните неретко и намерно замижуваат пред дивите градежни стихии, кои не е толку проблем околу легализацијата на истите, туку околу нивната безбедност и статички и инфраструктурно, бидејќи јасно дивоградба неможе и легално да се приклучи на јавните инфраструктурни системи - вода, струја, канализација итн. а патем неможат да извадат ниту полиса за осигурување од непогоди... бар тоа е логикта!?! 



Posted By: Max
Date Posted: 28-Sep-2009 at 02:40

но во сред главен град оваа пракса не е дозволива!

Општината Чаир - рекордер во дивоградби

Бројот на бесправно изградени објекти на територијата на Македонија во 2008 година изнесува 1.946, соопшти вчера Државниот завод за статистика.

По општини, најголем број дивоградби има на територијата на скопската општина Чаир, односно 276 објекти или 14,2 отсто од вкупниот број бесправно изградени објекти. Потоа следуваат општините Охрид со 166 дивоградби, Карпош со 135 дивоградби, Прилеп со 100 дивоградби, Куманово со 95 дивоградби и Ѓорче Петров со 78 бесправно изградени објекти.   http://www.novamakedonija.com.mk/NewsDetal.asp?vest=62491019442&id=10&prilog=0&setIzdanie=21720 - www.novamakedonija.com.mk/NewsDetal.asp?vest=62491019442&id=10&prilog=0&setIzdanie=21720







Posted By: lslcrew
Date Posted: 28-Sep-2009 at 09:40
Вакви исклучителни бројки на дивоградби мислам дека повеќе се рачубнаат како дивоградби пред се поради неплатени комуналии (поради што директно страна општинскиот буџет), одколку што се дивоградби поради непочитување урбаниустички план. Значи требда имаме градација по неколку теми, па така и оваа.


Posted By: lslcrew
Date Posted: 28-Sep-2009 at 09:45
[tube]F_hd8ZrZwkc[/tube]


Posted By: Max
Date Posted: 28-Sep-2009 at 11:01

Previous пулсирајучи простор > http://www.build.com.mk/forum/forum_posts.asp?TID=96&PID=17769#17769 - фарктален урбанизам  LOL

не, општина чаир е феномен, потегот од гази баба преку јаја паша се до топаана е навистина без ред, таму просторот беше густо населен и пред девеесетите, но потоа во транзицијата фракталниот урбанизам на мештаните т.е. немањето свест кај урбанистите за една таква појава си го стори своето, истата ситуација е и со сите здивени а урбани подрачја... и пак ќе речам не е толку голем проблем легализацијата на овие објекти колку што е стравот за тоа колку се тие безбедни за оние кои жиеат во нив! кога сме кај статистиките добро би било да ги ѕирнеме сите... смешното е што пола од дивоградбите отпаѓаат во 2008 на згради од кои две трети станбени а една третина деловни... http://www.stat.gov.mk/statistiki.asp?ss=11.02&rbs=7 - http://www.stat.gov.mk/statistiki.asp?ss=11.02&rbs=7

и не е проблемот толку кај луѓето колку што е кај институциите, прво самите инспектори не се наадлежни да лепат казни, туку само да тераат записници, екстра простор за дивиот да збрка врски или пак инспекторот да има време да го обработи, потоа тука е државата која ваквите казни ги носи на суд, каде се заглавува со процедурата најмалку година дена, и на крај тука е солидарноста на комшиите па кога ќе се крене цела дива населба дали во форма на гаражи, доградби на тераси или пак цели дивоградби, веќе е касно за парцијално решавање па најчесто и се оди на легализација...!




Posted By: Max
Date Posted: 29-Sep-2009 at 22:02
(во иднина) Касапана за Дивоградбите (можеби)

http://blip.tv/file/2659817%20 -
http://www.motionbox.com/videos/7c99dbb61b18e5c5f4?iid=switch_player_hd&type=hd - http://www.motionbox.com/videos/7c99dbb61b18e5c5f4?iid=switch_player_hd&type=hd


Posted By: zabegan
Date Posted: 29-Sep-2009 at 22:11
добро бе политикава стварно служи за да направи кајгана од мозокот на еден обичен човек, па да не знае никој која е правилната постапка, медиумиве па си прават приказни за мали деца и не знаеш кога да им веруваш, лудница Nuts
мене ништо не ми е јасно

еве ќе прашам, што се случува со земјиштето доколку се притвори градителот и се сруши објектот според законите?


Posted By: Max
Date Posted: 29-Sep-2009 at 23:18

досега ништо! останува и понатака сопственост на дивоградителот фактички налик средство со кое е извршено кривичното дело е градбата, а не земјиштето... ова сега е дополнителен репресивен механизам кој би требало да ги одврати идните дивоградители, како и оние кои нема дасе амнестираат со законот т.е. нема да се вклопат во дуповите, но најверојатно новиов механизам ќе падне на уставен, имајќи го во предвид расположението на "експертите"!?  



Posted By: Max
Date Posted: 29-Sep-2009 at 23:43

http://www.time.mk/cluster/364d5cf2ed/index.html - ОПШТИНСКИТЕ ИНСПЕКТОРИ ИЗБРКАНИ ОД ПОПОВА ШАПКА

ова е за пофалба, во очи носење на законот општинарите ревносно си ја вршат работата! а каде беа до сега? незнам воопшто дали има простор нешто да биде легализирано на шара, но според големиот број дивоградби, најверојатно и тука ќе се оди со легализација. од зимско-рекреативните места слична ситуација е со маврово и нижеполе...



Posted By: lslcrew
Date Posted: 29-Sep-2009 at 23:46
Ништо нре праиме со инпекцииве додека не смислиме некој модел како со пајак-службата, на процент!


Posted By: Max
Date Posted: 30-Sep-2009 at 16:16

инспекциите си се добри треба само редовно да влечат полициска придружба со себе, односно најдобро е да имаат посебна служба при МВР која ќе им биде постојано достапна но и специјализирана за вакви и слични ситуации...

еве и охриѓани се наоштриле за ефективно спроведување на законот, иако се си мислам дека и таму инспекторите ќе бидат набркани како кучиња! http://issuu.com/alan.kaou/docs/113amakpress?mode=embed&viewMode=presentation&layout=http%3A%2F%2Fskin.issuu.com%2Fv%2Fcolor%2Flayout.xml&backgroundColor=080000&showFlipBtn=true&pageNumber=6 - Од септември ќе се рушат сите дивоградби во Охрид - Амакпрес - 15.08.2009



Posted By: Cloverstack
Date Posted: 05-Oct-2009 at 15:57

Ќе се легализираат дивоградбите на браната Водоча





 

Дивоградбите на браната Водоча, кај Струмица, ќе се легализираат, најави неодамна началникот на Секторот за урбанизам градежништво и животна средина, Стојан Динев, запрашан дали планираат акција за рушење на дивоградбите

 
 
%20  
- Се очекува изработка на детален урбанистички план, а со тоа и да се легализираат градбите на браната Водоча - вели Динев.

Дивоградбите што го нарушуваат биодиверзитетот на браната, односно што влегуваат во заштитниот појас од 150 метри од брегот, сепак ќе се рушат, вели Динев.

Станува збор за околу 80 бесправно изградени колиби и викенд куќи околу круната на браната Водоча, кои незаконски никнаа на државно земјиште. Тие се рак рана на браната, а дел од викендашите подолг период се организираат да изградат и пристапен пат до куќите. За период од неколку години тука никна и рибарската населба наречена Мадона.

Покрај тоа што сопствениците на викенд куќите узурпирале државно земјиште, жителите на Рич, Белотино, Попчево, села кои се наоѓаат во околината на браната Водоча, се жалат и на узурпација на пасишта за добитокот и на приватни кории. Жители од Попчево поднеле претставка до државниот инспектор за јавни пасишта, но досега нема никаква реакција.

Од водостопанското претпријатие „Струмичко Поле“, кое стопанисува со водите на браната, потврдуваат дека земјиштето околу браната е на државата и тоа не смее да се урбанизира. Од таму посочуваат дека водите на браната се неопходни за наводнување на нивите во десетина села и оваа брана, иако резервна, всушност е „душата“ на Струмица, која не смее да се уништува.

Покрај узурпацијата на земјиштето, се краде и уништува и рибниот фонд во водите на браната, а жителите на околните села посочуваат и на бесправно сечење дрвја во тој дел од струмичката околија.
 
   
Автор: С.Џ.


http://www.novamakedonija.com.mk/NewsDetal.asp?vest=1059109285&id=9&setIzdanie=21804


Posted By: Cloverstack
Date Posted: 30-Jul-2010 at 20:16
хмммм... барем во текстов нема нешто поконкретно за заштита на сообраќајните коридори и други инфраструктурни планови

Комуналии на рака, тапија за рака

Сите објекти-дивоградби што се пониски од 10,2 метри и можат да се вклопат во урбанистичките планови ќе може да се легализираат, предвидува законот за третман на бесправни објекти, кој се очекува да биде усвоен во септември.

Нема да може да се легализираат диви градби што се наоѓаат во национален парк, парк-шума, природен парк, споменик на природата, во заштитени подрачја, ниту објекти што без дозвола изминативе децении се изградиле на археолошки локалитети, во заштитени подрачја на езерски или на речни корита и извори за вода, во заштитени зони на аеродроми и друго.

Работниот текст на законот од вчера е ставен на интернет-страницата на Министерството за транспорт и врски www.mtc.gov.mk. 

- Со цел да се креира ефективно и применливо законско решение, Министерството за транспорт ги повикува сите заинтересирани субјекти да ги достават своите забелешки, идеи и коментари во однос на работниот текст за законот најдоцна до 15 август 2010 година - се вели во огласот на Министерството до јавноста.

Меѓу документите кои сопственикот на бесправно изграден објект треба да ги приложи за легализација се: архитектонски елаборат, уверение за државјанство за физичко лице, односно извод од централен регистар за правно лице, имотен или поседовен лист за земјиштето на кое е изградена бесправната градба. Барањето мора да биде поднесено 6 месеци откако законот ќе биде усвоен. Општината формира комисија за утврдување на фактичката состојба и во рок од три месеци од поднесувањето на барањето за легализација дава согласност за потврдување на бесправната градба во урбанистичко-планската документација. Издавањето на урбанистичката согласност зависи од многу услови: дивоградбата да е изградена на земјиште во сопственост на барателот, право на сопственост да има барателот, намената на градбата да е во согласност со намената на просторот, да постои можност за вклопување во урбанистичко-планската документација и друго. Доколку општинските власти оценат дека се исполнети сите критериуми, на барателот му доставуваат пресметка за плаќање комунални давачки.

- Со давањето на урбанистичката согласност, општината на барателот му доставува пресметка за плаќање надоместок, за уредување на градежното земјиште на кое е изградена бесправната градба и надоместок за уредување на просторот. Доколку барателот достави доказ дека градежното земјиште го уредил на сопствен трошок, општината е должна да го ослободи од плаќање на надоместокот - се вели во предлог-верзијата на законот.

Македонија, како потписничка на Виенската декларација за спречување на нелегална градба, е задолжена да донесе ваков закон. Легализацијата на дивоградбите требаше да се случи уште пред 4 години, но донесувањето на законот постојано се одложуваше.

Конечната бројка на дивоградби во Македонија не е позната. Според статистиката на Републичкиот градежен инспекторат за периодот од 1992 до 2005 година, во земјата изникнале 32.000 дивоградби. Таа се однесуваше на дивоградби како разни помошни објекти, доградби, надградби, тераси, потпокриви. Од оваа бројка, беше потенцирано, дури 8.000 објекти се целосни дивоградби. 

Јорданка Ивановска

 

По легализацијата, оданочување

Градоначалникот Коце Трајановски пред една недела најави позасилена наплата на данокот на имот, велејќи дека со општинските власти ќе формираат комисии што ќе тргнат во „лов“ на оние што не го евидентирале имотот и не плаќаат данок. Трајановски спомена дека постојат цели населби неплаќачи на данокот, не прецизирајќи кои, и се закани дека таму нема да има градежни интервенции се' додека граѓаните не си ги пријават имотите.

Засегнати граѓани што се јавија во нашата редакција прашаа дали изјавата се однесува на населбите каде што стихијно во изминатите децении изникнаа голем број дивоградби. Од Градот појаснија дека не се однесува на нив, бидејќи даночните обврзници се дефинирани според Законот за данокот на имот, а сопствениците на диви градби не ги опфаќа се' до моментот на легализација.

- Градоначалникот не најави дека ќе се собира данок на имот од дивоградбите, туку дека ќе се преземаат координирани активности, заедно со скопските општини за зголемување на бројот на даночни обврзници, согласно Законот за данокот на имот - објаснија од одделението за односи со јавност.

http://dnevnik.com.mk/?ItemID=FBFF92CA77042D489A066DCB2CB4B2BC


Posted By: Cloverstack
Date Posted: 12-Aug-2010 at 21:30
СОПСТВЕНИЦИТЕ НА ДИВОГРАДБИ ПРЕД ИСКУШЕНИЕ
Дивоградбите ќе заглават во документи

Светлана Вукчевиќ

Легализацијата на дивоградбите ќе запре на самиот старт бидејќи во државата нема доволно геотехничари и статичари, кои во предвидениот рок од шест месеци би го изработиле документот што е неопходен за да се поднесе барање за легализација. Во работниот текст на Законот за третман на бесправно изградени објекти за легализација, меѓу другото, се бара и мислење за геомеханичките и за статичките карактеристики на градбата, а во државата има најмногу пет фирми за геомеханички истражувања и неколку стотини статистичари. Конечната бројка на дивоградби општините треба да ја соопштат наскоро, но пред две години ЗЕЛС исфрли шокантна бројка од околу 300.000. Едно геотемеханичко испитувања трае најмалку 12 дена, објаснува Душко Спировски, раководител на фирмата „Геотехника“. Тој додава дека се работи за обемно истражување. Прво треба генерално да се согледа локацијата за да се види дали на објектите има пукнатини над дозволените димензии и слично, а потоа за секој објект се прават истражувања на три дупнатини на тлото. Се земаат и примероци, кои се проверуваат во лабораторија. - Во државата има најмногу пет фирми кои ја работат оваа работа, па во рок од шест месеци нема да може да се опфатат ниту дел од дивоградбите. Инаку, подготвувањето на елаборатот од извршените испитувања чини меѓу 1.500 и 4.000 евра - вели Спировски. Според него, во ред е за легализација да се бара тој елаборат, зашто од сигурноста на еден објект зависи и сигурноста на соседните. Други експерти од градежната област, пак, сметаат дека е вистински апсурд да се бараат такви испитувања, кои покажуваат каква е издржливоста на тлото, за објекти кои постојат и функционираат повеќе децении. И статичарите, за кои, исто така, ќе има доста работа при легализација на објектите се скептични дека ги има доволно за да се запази рокот за поднесување документи за легализација. Искусен градежен инженер-статичар, кој сака да остане анонимен, вели дека во државата има неколку стотини статичари, а бидејќи претстои обемна работа не верува дека ќе можат да ја завршат во рок, оти за еден проект има работа од околу една недела. - Кога проектот го прави проектант, тогаш со сигурност се е како што треба. Прашање е во каква состојба се дивоградбите кои сами, без никаков проект, си ги подигнале сопствениците. Мислам дека голем дел од дивоградбите нема да можат да си го обезбедат елаборатот за статистиката - вели тој. Во работната верзија на законот за дивоградбите за легализација, исто така, се бара и геодетскиот елаборат за нумерички податоци. Слободан Цветковски од геодетската фирма „Агримензор“ вели дека нема да има проблеми за навремено обезбедување на тој документ. Според него, во Македонија има најмалку 50 лиценцирани фирми за геодетски работи, со по најмалку пет вработени. - Секој геодет дневно може да изработи елаборати за два објекта, така што ќе имаме полни раце работа, но таа може да се заврши, иако до легализација на секој поединечен објект треба да се направат три елаборати - вели Цветковски. Тој објаснува дека овој документ е неопходен за да се впише земјиштето во катастарот и да се издаде имотниот лист. Просечната цена на оваа услуга за плац од 1.000 квадрати изнесува од пет до шест илјади денари.

Од плевни од палати

Се очекува целиот процес на легализација на дивоградбите да заврши во рок од три години по донесувањето на законот. Во државата има цели населби и села со доградби и со надградби на индивидуални и на колективни станбени објекти, кои се изградени без дозвола, а ќе треба да се легализираат. Од нив голем дел се без стандарди, направени од плитар, дел се соодветни за живеење, а некои, пак, личат на палати. Ги има во сите општини, а најзагрозено е Скопје, каде процесот на подигање диви населби почнува пред, а се интензивира по земјотресот во 1963 година.

http://vreme.com.mk/DesktopDefault.aspx?tabindex=0&tabid=1&EditionID=2092&ArticleID=146288


Posted By: build.mk
Date Posted: 16-Dec-2010 at 19:24
Владата го усвои Предлог законот за третман на дивоградбите

Со цел решавање на прашањето за бесправно изградените градби на територијата на државата, Владата на Република Македонија усвои текст на Предлог закон за постапување со бесправно изградени градби и истиот ќе биде предложен до Собранието. Со него се опфатени градби од значење за Републиката утврдени со Законот за градење и законската регулатива на Република Македонија, градби со намена производство, дистрибуција и сервиси (тешка и загадувачка индустрија, лесна и незагадувачка индустрија, сервиси и стоваришта), градби со намена за домување во куќи, кои се изградени без или спротивно на одобрение за градење, како и делови на градби со истите намени, кои се изградени без или спротивно на одобрение за градење. Предмет на законот се сите градби на кои до денот на неговото стапување во сила се изведени градежните и инсталатерските работи во целост и истите претставуваат градежна и функционална целина.

Со Предлог законот предвидено е надлежни органи за спроведување на постапката да бидат Мининстерството за транспорт и врски и единиците на локалната самоуправа, со тоа што Министерството ќе ја спроведува постапката за градби од значење за Републиката, а општините за градбите со намена производство, дистрибуција и сервиси и градбите со намена домување во куќи. Бесправните градби кои нема да бидат легализирани со овој закон ќе бидат отстранети согласно одредбите за третман на дивоградби во Законот за градење.

Според предложените законски решенија, постапка за легализација започнува со поднесување на барање за легализација до надлежниот орган од страна на имателот на бесправната градба, во рок од 6 месеци од денот на стапување во сила на законот при што во законот прецизно е наведено која документација треба да се приложи кон барањето. По приемот на барањето се врши идентификација на пријавените бесправни градби преку комисија и надлежниот орган е должен во рок од три месеци од поднесувањето на барањето да утврди дали се исполнети условите за издавање на урбанистичка согласност за потврдување на бесправната градба во идната урбанистичка планска документација.

Бесправната градба во зависност од видот треба да исполнува соодветни стандарди кои се однесуваат на нејзината статика, заштитата од пожар, заштитата на животната средина и здравјето на луѓето, a исполнувањето на овие станадарди се утврдува со елаборатите кои се составен дел на проектот за фактичката состојба на градбата.

По издавањето на урбанистичка согласност, единицата на локална самоуправа во рок од пет работни дена изготвува пресметка за плаќање на надоместок за утврдување на правен статус на бесправна градба и истата му ја доставува на барателот, кој е должен да го плати утврдениот надоместок во рок не подолг од 6 години.

Висината на надоместокот за утврдување на правен статус за градбите со намена домување во куќи изнесува 0,5% од вкупниот годишен приход на членовите на семејната заедница кои се корисници на објектот за кој е поднесено барање утврдување на правен статус, остварен во претходната година, помножен со вкупната површина во метри квадратни, која е утврдена со проектот за фактичка состојба. Висината на надоместокот за утврдување на правен статус за градбите со намена производство, дистрибуција и сервиси е иста со висината на надместокот за уредување на градежно земјиште кој се утврдува во постапката за добивање на одобрение за градење за градби со наведената намена и се пресметува согласно Правилникот за степенот на уредување на градежно земјиште со објекти на комунална инфраструктура и начинот на утврдување на висината на трошоците за уредувањето во зависност од степенот на уреденост, при тоа земајќи ја во предвид изградената површина, утврдена со проектот за фактичка состојба.

По плаќање на надоместокот за легализација, надлежниот орган донесува решение за утврдување на правен статус кое претставува основ за упис на правото на сопственост на бесправната градба во јавната  книга за запишување на правата на недвижностите.

За бесправните градби за кои е издадено решение за утврдување на правен стаус, а кои се изградени на земјиште сопственост на Република Македонија, се предвидува имателите на овие градби, да поднесат барање за откуп на градежното земјиште во рок од 3 месеци од донесувањето на планската документација со која е вклопена бесправната градба. Во спротивно се утврдува долготраен закуп на градежното земјиште, на начин и под услови утврдени со Законот за приватизација и закуп на градежно земјиште во државна сопственост.

Република Македонија има преземено обврски во однос на статусот на дивоградбите согласно Виенската декларација за правилен третман на бесправно изградени градби и неформални населби. Се проценува дека на територија на државата има помеѓу 200 и 300 илјади нелегални објекти по разни основи.

http://www.build.com.mk/?p=6178 - http://www.build.com.mk/?p=6178



Posted By: гитардемон
Date Posted: 16-Dec-2010 at 19:25


Дај на овај јузернејм клајте му нешто како админ или мод, не бигинер или групи или нешто слично

-------------


Posted By: lslcrew
Date Posted: 16-Dec-2010 at 19:41
Да не се прават забуни и на граќаните детално да им се објасни што можеда се лагализира зашро ќе се случи да преовлада мислење дека сме па макар и најлошо поставениот објет врз планиран булевар ќе може да се легализира само с плаќање комуналии. Да не такви забуни што побрзо да се сними едно објанување да врти на терт канал.

А бројкава е застрашувачка. Не дека се е дивоградби што го засмеуваат ако дивоградби, можеи села неплански градени и населби да сги засметуваат, ама добро е што има иницијатива еве колку може да се затвори ова прашање. Не моженикогаш,а ама друго е тековно решавање инциденти друго е ваква бројка. И после тоа стварно да преминат кон отстранување дивоградби.


Posted By: Cloverstack
Date Posted: 17-Dec-2010 at 22:29
ЗАКОНОТ ЌЕ ВЛЕЗЕ ВО СОБРАНИЕТО СО МНОГУ ЗАБЕЛЕШКИ
Дивоградбите ја губат трката со времето?

Елена Костовска


Граѓаните реагираат на високите цени за легализација на дивоградбите утврдени во предлог - законот што го усвои Владата. Според него, надоместот за легализација на куќи изнесува 0,5 проценти од семејниот годишен приход помножен со квадратурата на објектот, а рокот за плаќање е шест години од добивањето дозвола. За месечни приходи од 500 евра и куќа од 100 метри квадратни за легализација ќе треба да се платат 3.000 евра или секој месец треба да се плаќаат по 2.500 денари. Социјалните случаи што легализираат објекти и легализирањето објекти што се од јавен интерес се ослободени од надомест. Парите собрани од надоместот ќе ги користат општините исклучително за реализација на инфраструктурни проекти. Во општините сметаат дека овој закон нема да го реши проблемот со дивоградбите зашто со него не е предвидена легализација на станбените згради и објекти повисоки од 10,2 метри, односно објекти што имаат повеќе од приземје, два ката и поткровје. Во земјава дури 60 проценти од куќите се дивоградби или имаат дел што е бесправно изграден, а постојат и цели населби и села со нелегално изградени куќи. Министерот за транспорт и за врски Миле Јанакиески, пак, смета дека со овој закон ќе се стави крај на дивото градење во земјава. - Ова е историска шанса и очекувам најголем дел од граѓаните да учествуваат во овој процес на легализација. Тие што нема да конкурираат ќе бидат отстранети според Законот за градење - вели министерот Јанакиески. Според предлог-законот за третман на бесправноизградените објекти, за поднесување барање за легализација се потребни уверение за државјанство, доказ за приклучок на комуналната инфраструктура или сметка за јавни услуги, геодетски елаборат за нумерички податоци, архитектонски проект за фактичката состојба на бесправната градба и имотен лист за земјиштето на кое е изградена градбата. Документите за поднесување барање за легализација чинат од 300 до 400 евра. За тие куќи што се изградени на државно земјиште треба да се поднесе барање за откуп на градежното земјиште во рок од три месеци од донесувањето на планската документација со која е вклопена бесправната градба. Во спротивно, се утврдува долготраен закуп на градежното земјиште. Во усвоената верзија на Законот, од потребната документација е исфрлено мислењето за геомеханички и за статички карактеристики на градбите за кое најмногу забелешки имаа општините, а кое чини од 2.000 до 3.000 евра. Граѓаните се плашат дека во рок од шест месеци ќе биде тешко да ја обезбедат целата документација бидејќи геодетите ќе треба да премерат 60 проценти од објектите во државава. Градоначалникот на Скопје и претседател на ЗЕЛС, Коце Трајановски вели дека целта е да се легализираат што поголем број дивоградби, но свесен е дека со него нема да може целосно да се реши прашањето со бесправното градење. - Општините се подготвени да го спроведат, но, сигурно, ќе има проблеми и тешкотии. Ќе се легализира секаде каде што има и најмала можност за тоа, а нема да се легализира таму каде што се предвидени булевари и други важни објекти. Станбените згради ќе бидат ставени за решавање во следната фаза - изјави Трајановски. Рокот во кој сопствениците на дивоградби ќе можат да поднесат барање за нивна легализација изнесува шест месеци. Законот ќе важи осум години, а во тој временски период ќе треба да се донесат детални урбанистички планови таму каде што ги нема за да може да се легализираат цели населби.

http://vreme.com.mk/DesktopDefault.aspx?tabindex=0&tabid=1&EditionID=2194&ArticleID=153286





Какви високи цени па сега, мене ми изгледа дека формулата во законов во поголем број случаи обезбедува поповолна цена за дивоградбите отколку за легалните градби. И плус плаќање на рати.

Ај ве молам кој располага со цените за комуналии во различни зони нека ги постира, па да направиме споредба.


Инаку би сакал да кажам дека овој закон каков-таков мора да се спроведе максимално доследно. А потоа да следи рушење на се што нема да биде легализирано по било каков основ. Во никој случај да не се доведеме во ситуација проблемот да остане да тлее, па после 10 години да правиме реприза и оние што се држат до законите во оваа држава пак да испаднат будали, а да профитираат оние што фаќаат кривини. Така никогаш нема да изградиме ред во оваа општество.

А текстот на предлог законот го побарав на нет и не го најдов, го нема ни на http://www.pravo.org.mk/ - http://www.pravo.org.mk/ (ваљда објавуваат само закони кои стапиле на сила). Ме интересираше делот за максималната висина на опфатените објекти до 10,2 метри кој се спомнува насекаде по медиумите, ама не беше спомнат во соопштенијата на надлежните. Каков е планот за третирање на повисоките објекти? Ќе се дополнува овој закон или?



Posted By: lslcrew
Date Posted: 18-Dec-2010 at 02:50
Најпрво сакам да знам што опфаќа овој закон. Што се е предмет на легализација за да знаеме и бидеме на чисто до каде ќе се иде. Да не биде после злоупотреби па и нешто што лежи на други намени да се легализира или да се користи заради други цели. Формулата за цената дополнително збунува, подобро некоја просечна цена се формулира и да има дефинирано групи на корисници што ќе дбоијат попоусти по други помали цени, а вака дополително пресметки и одолговлекувања па веројатно и че се отвори и друго прашање, ако не се сака тоа, да се извадат на виделина и други бројки за потреб на политиката за лични зработки.  Што па на пример со ненаселени куќи, неможе ти епо дифолт да останат со статус на дивоградби, како тамо ќе се наплаќа/.


Posted By: my Macedonia
Date Posted: 18-Dec-2010 at 11:00
Zakonot e zanikade! Zakonot za divogradbite ne trebaat da se legaliziraat samo za pari, tuku da si vidam malku sto kade se naogja! Zemam primer vo cair: Ako sakaat 15 lugje da si gi legaliziraat svoite kucarki, jas definitivno bi nemal da go naprav toa! Posto  tie mozat da se urivaat i na toa mesto da se gradi nesto ubavo!
Karpos:ako dojde nekoj i saka da legalizira golema ubava zgrada, sto stoi i vo tocnoto mesto, dogas bi go legaliziral! Znaci ne mozes ti vo zentarot na gradot da legaliziras kucarka,posto centarot e centar a ne ruralen kjosh! mislam deka za nekoi kje mu bide krivo zosto drugite bi dobile legalizacija a toj ne ne taka e! ne e rabotataq da sobirame pari, a gradovite ni se kako sela!


Posted By: Max
Date Posted: 18-Dec-2010 at 12:29
колку што разбрав законот стигнал до второ читање во собрание, дали е ова вистина!? конечно после толку години експертизи те со холанѓани те со роднини и сите останати агенции, власта ќе излезе на крај со овој келепурлук кој се влече уште од комунизмот наваму, а и голем дел и од транзицијата наваму,  само едно нешто ме бунидали и самата власт конечно за ефтини пари ќе си ги легализира своите дивоградби


Posted By: lslcrew
Date Posted: 18-Dec-2010 at 14:58
Мајмацедониа многу емотивно му пристапуваш на проблемот. Те на некои ќ му било криво, па ќе му биде ако направил куќа вон секој можност за легализација. Ниту па овој закон треба да е оружје да се збришат некои стари објекти на кои може да има некои поголеми поубави згради. А ниту па го спречува ова, кога ќе дојдат инвеститори секако дека ќе може пак исто да си купат стари објекти согласно урбанистичкиот план да направат зграда. Законов не ги менува урбаниситлките планови. Законов не е ниту за легализација на све за што допро се плати, ниту па ќе може којзнае колку да се маневрира со подобните диоградби што вика Мах.


Posted By: fichot
Date Posted: 18-Dec-2010 at 17:06

„Висината на надоместокот за утврдување на правен статус за градбите со намена домување во куќи изнесува 0,5% од вкупниот годишен приход на членовите на семејната заедница кои се корисници на објектот за кој е поднесено барање утврдување на правен статус, остварен во претходната година, помножен со вкупната површина во метри квадратни, која е утврдена со проектот за фактичка состојба. “

ИМО, ова е тешка глупост која остава простор за триста манипулации, како на пример препишување на имотот на член на семејството кој нема, или му се ниски, примањата. 




-------------


Posted By: гитардемон
Date Posted: 18-Dec-2010 at 17:11
А кој тоа во оваа држава има пријавени примања точно колку што му се?

-------------


Posted By: Max
Date Posted: 19-Dec-2010 at 09:21
има ујп за сите кои работат легално или пензиски за оние кои се пензионирани! туку ова со цениве е вака заради фактот што освен државни има еден куп стамбени дивоградби од висоградбите во скопје, кои како што стојат денес работите немат 1/1, инаку ксмет од сето ова пак ќе имет буџетот што е за поздравување бидејќи ем потенцијално ќе се реши едно горливо прашање ем онаму каде буџетот закржлавил ќе може да се пунктира со овој прилив од дивоградбите (кои воопшто не се мала бројка)... 


Posted By: Cloverstack
Date Posted: 20-Dec-2010 at 03:02
Државата се дума дали да ги руши дивоградбите високи над 10,2 метри
 
Експертите објаснуваат дека Владата и законодавецот намерно направиле ваков „пропуст“ за да се чујат сите мислења додека законот влезе во собраниска процедура  
 
%20  

Предлог-законот што помина на последната владина седница, а што се однесува на легализацијата на дивоградбите, ја остави неразјаснета дилемата дали ќе се дозволи легализација и на објектите што се повисоки од 10,2 метри. Во предлог-текстот се вели дека легализацијата ќе се однесува на сите дивоизградени градби со намена производство, дистрибуција и сервиси (тешка и загадувачка индустрија, лесна и незагадувачка индустрија, сервиси и стоваришта) и градби за домување, станбени куќи, како и делови на градби во и надвор од плански опфат. Во дефинирањето никаде не е спомената висината на објектите. Намерно или случајно не се споменати висококатници или згради како термин туку само станбени куќи. Експертите што ја следат оваа проблематика објаснуваат дека Владата и законодавецот намерно направиле ваков „пропуст“ за да се тактизира додека законот влезе во собраниска процедура и да се чујат сите мислења, особено на оние во Собранието. Градоначалниците се револтирани од она што сега се предлага како решение и велат дека вака законот ќе биде неприменлив и само ќе ги зголеми проблемите.

- Засега законодавците не прифатија во опсегот на легализација да влезат и дивоградбите повисоки од 10,2 метри. Ако остане текстот ваков каков што е сега, по негово донесување од страна на Собранието и излегување во „Службен весник“, треба да настапиме со рушење на оваа категорија градби. Како ова ќе се доживее во практика знаејќи дека е огромен бројот на дивоградби над оваа висина, никој не знае, но може да се претпостави. Генерална оцена е дека вака законот ќе биде неприменлив и ќе отвори многу проблеми, кои ќе мора, ако можат, да ги решаваат општините - вели Зоран Алексов, градоначалникот на Штип.

Засега сé уште постои подотворена врата во Законот да влезат и висококатниците, кои како последна шанса од рушење ја гледаат собраниската процедура на законот, која следува во наредните денови. Доколу останат надвор од законот, општинските багери ќе имаат многу работа во иднина.

Социјален закон по мера на сиромашните

Претставниците од локалната самоуправа велат дека е јасно дека овој закон се правел за да се задоволат пред сé оние што имаат мали или никакви примања. Во понепогодна состојба се оние што имаат високи примања и ќе треба да одвојат повеќе пари за легализација на ист објект за разлика од помалку имотните граѓани. Формулата по која ќе се пресметува давачката за комуналии за дивоградбите, 0,5 проценти од просечниот приход на семејството помножен со квадратурата на објектот, остава можност за многу малверзации и изигрување на законот.

- Може да се случи сите дивоградби да се префрлат во сопственост на лицето од семејството што нема или има најмал приход и така да се издејствува најниска сума за комуналии. Ова е уште понејасно, бидејќи на дивоградба не можете да имате лична карта и постојано место на живеење плус нема утврдена сопственост. Тоа значи дека, на пример, може да ја продадете дивоградбата или да му ја подарите на некој со ниски или никакви примања, тој да си ја легализира за без пари и утре пак да ви ја врати. Вакви и слични комбинации законот нуди во изобилство. Очигледно е дека тешко ќе се добијат релевантни податоци чија е дивоградбата, колку се вистинските примања на сопствениците и како да се постигне истоправност за сите - вели Алексов.

Општините ќе го јадат стапот

Градоначалниците коментираат дека овој закон ќе им донесе многу проблеми ако остане во форма каква што е.

- Оние што ќе платат за легализација сега ќе сакаат да им се изградат патишта, канализација, да им се донесе соодветна линија за електрична енергија и вода, а по вака предвидената формула за тоа ќе нема пари во општинската каса. Тоа ќе значи дека општинскиот буџет што се полнел од легалните плаќачи повторно ќе се троши за оние што го прекршиле законот - појаснува Алексов.

 

Јанакиески: Легализација со само пет документи 
 Брза, едноставна и ефикасна ќе биде процедурата за легализација на дивоградбите во Македонија. Граѓаните ќе треба да приложат само пет документи за легализирање на нивните објекти, изјави вчера во интервју за „Нетпрес“, министерот за транспорт и врски Миле Јанакиески.

- Граѓаните ќе треба да приложат само уверение за државјанство, документ за приклучок на струја, геометарски елаборат, имотен лист и документ за приклучок на вода. При изработката на овој закон особено бевме концентрирани на олеснување на процедурата. Мислам дека тоа и го постигнавме - изјави Јанакиески.
 
   
Автор: Жарко Василевски
http://www.novamakedonija.com.mk/NewsDetal.asp?vest=121810836296&id=10&setIzdanie=22161 - http://www.novamakedonija.com.mk/NewsDetal.asp?vest=121810836296&id=10&setIzdanie=22161


Posted By: Cloverstack
Date Posted: 21-Dec-2010 at 01:53
Од интервјуто на министерот за транспорт и врски, Миле Јанакиески, дадено за МИА - 19.12.2010

Владата неделава го усвои Предлог-законот за постапување со бесправно изградени објекти со кој треба да се реши повеќедеценискиот проблем со дивоградбата. Кога планирате да стапи во сила и какви придобивки предвидува тој за граѓаните?

- Предлог-законот за постапување со бесправно изградени објекти ќе биде предмет на расправа на Собранието на Република Македонија, а откако ќе биде усвоен од страна на Собранието истиот ќе стапи во сила и ќе почне да се применува.
Бенефитот за граѓаните кои живеат во бесправно изградени куќи со овој закон е огромен, затоа што тие конечно ќе можат да остварат сопственост врз својот имот, што значи дека ќе можат да ги стават во правен промет, но само откако ќе бидат реализирани со исполнување на критериумите кои се пропишани во предложениот закон.
Овие градби ќе бидат третирани со закон и нема повеќе да претставуваат објекти кои се нелегално изградени и надвор од законот.

Кои се Вашите очекувања од одѕивот на граѓаните за легализација на дивоизградените објекти и дали сметате дека законот доследно ќе се спроведува во сите општини?

- Очекувам дека граѓаните ќе ја искористат оваа историска можност, која ја презема Владата на Република Македонија за конечно решавање на прашањето со бесправно изградените градби кое долги децении се провлекуваше, без да се преземе речиси ништо. Во самиот процес на изготвување на предлогот на законот, ние контактиравме со градоначалниците на општините во Република Македонија и со ЗЕЛС, организиравме заеднички форуми, со цел да се усогласат ставовите, потребите и очекувањата за да се изготви што поефективно законско решение, кое ќе биде максимално применливо при неговата имплементација. Исто така, работните верзии на текстот на предлог-законот беа подолго време поставени на интернет-страницата на Министерството за транспорт и врски, на видливо место, со цел секој субјект којшто е заинтересиран да го разгледа и да даде свои забелешки и мислења. Најголемиот дел од овие забелешки се вградени и оттука сметам дека нема простор за дилеми дали овој закон ќе се имплементира, затоа што истиот е за добробит и на самите граѓани, но и на локалната самоуправа во насока на подобрување на урбанизацијата и инфраструктурата на општините.

Објавивте податок дека 60 отсто од куќите во Македонија се дивоградби. Зошто досега се допуштала нелегална градба во толкав обем?

- Постојат повеќе причини заради кои во минатото се граделе бесправно изградени објекти. Најголемиот дел од нив се изградени во последните неколку децении од минатиот век и самата бројка на овие градби говори дека законските решенија од областа на градењето во тој период не биле доследно и континуирано применувани.

Сите објекти кои се опфатени со предлогот-закон за третман со бесправно изградени градби откако истиот ќе биде донесен, ќе можат да бидат предмет на легализација, а сите останати ќе се третираат во согласност со одредбите кои се пропишани во Законот за градење.

Важноста на законот е осум години. Дали потоа државата воопшто нема да толерира дивоградби?

- Во периодот на овие осум години е предвидено да се заокружи процесот на легализација на бесправно изградените градби. Имено, согласно предложените законски решенија има конкретни рокови во кои треба да бидат реализирани соодветните постапки.

Првиот рок се однесува на периодот во кој може да се поднесе барање до соодветниот орган за легализација на конкретен бесправно изграден објект и тој рок изнесува 6 месеци откако законот ќе стапи во сила. Значи, она што е најважно за граѓаните кои се засегнати од прашањата кои се третираат со овој закон е дека во дадениот период треба да ја отпочнат постапката за легализација.

Предлог-законот дозволува определениот надоместок да може да се плати одложено и тоа во период до 6 години. Рокот кој се однесува на постапување со овие барања изнесува 3 месеци. Значи, општините ќе треба во рок од три месеци од приемот на барањето за утврдување на правен статус на бесправната градба, да утврдат дали се исполнети условите за вклопување на бесправната градба во урбанистичко-планската документација и издава урбанистичка согласност или донесува решение со кое се одбива барањето за утврдување на правен статус на бесправната градба.

Со законот предвидувате „социјален“ модел за плаќање на надоместокот за утврдување правен статус на бесправната градба. Дали планираните давачки за легализација ќе бидат товар за граѓаните?

- Висината на надоместокот за утврдување на правен статус за градбите со намена домување во куќи изнесува 0,5 % од вкупниот годишен приход на членовите на семејната заедница кои се корисници на објектот остварен во претходната година, помножен со вкупната површина во метри квадратни, која е утврдена со проектот за фактичка состојба. За илустрација, може да земеме пример со семејство кое има вкупни примања од 15.000 денари месечно и  живее во бесправно изградена куќа со вкупна површина од 100 метри квадратни, откако ќе поднесе барање решавање на правниот статус на истата и добие соодветно решение од општината ќе треба во период од 6 години да плаќа годишна рата од 15.000 денари, односно 1.250 денари месечно.

Висината на надоместокот за утврдување на правен статус за градбите со намена производство, дистрибуција и сервиси е иста со висината на надместокот за уредување на градежно земјиште кој се утврдува во постапката за добивање на одобрение за градење.

По плаќање на надоместокот за легализација надлежниот орган донесува решение за утврдување на правен статус кое претставува основ за упис на правото на сопственост на бесправната градба во јавната  книга за запишување на правата на недвижностите.
Барателите, кои се корисници на социјална помош не плаќаат надоместок за утврдување на правен статус на бесправната градба.

Утврдена е постапка за легализирање на објектите што предвидува и обезбедување соодветна документација. Сметате ли дека надлежните органи што треба да ја издадат ќе имаат капацитет да го направат тоа во предвидениот рок и што со оние кои нема да ги соберат потребните документи?

- При изготвувањето на текстот на законот, наша заложба беше одредбите да бидат што поедноставни и да се избегне оптеретувањето на граѓаните со вадење на дополнителни и непотребни документи. Како составен дел на барањето за утврдување на правен статус на бесправна градба, барателите ќе треба да достават уверение за државјанство, доказ за приклучок на комунална инфраструктура, односно сметки за јавни услуги, геодетски елаборат за извршен премер на катастарската или градежната парцела и бесправната градба,  проект за фактичка состојба на бесправната градба изработен од правно лице со соодветна лиценца за проектирање, како и имотен лист за земјиштето на кое е изградена бесправната градба.

Единиците на локалната самоуправа треба подготвени да го почекаат овој закон и очекувам истиот доследно и ефикасно да се применува низ цела Македонија, а самиот предлог на законот предвидува казнени одредби за субјектите кои нема да постапуваат согласно своите надлежности.

http://mtc.gov.mk/new_site/mk/storija.asp?id=3000 - http://mtc.gov.mk/new_site/mk/storija.asp?id=3000


Posted By: build.mk
Date Posted: 06-Jan-2011 at 19:11
Нова нацрт-верзија на законот за дивоградби

Владата се предомисли околу надоместокот кој ќе се плаќа за легализација на бесправно изградените индивидуални куќи и индустриски објекти. Во новата нацрт-верзија на Предлог законот за постапување со бесправно изградени градби, која беше усвоена на првата владина седница во новата година одржана завчера, фигурира нова тарифа за ваквите видови објекти. Со измените тие ќе можат да се легализираат по цена од едно евро за метар квадратен. ../?p=6178 - Првично беше предвидено надоместокот за нивна легализација да се пресметува врз база на вкупните месечни приходи на лицата кои што живеат во објектот . Цената од едно евро за метар квадратен ќе важи и за социјалните случаи, кои со претходното решение беа ослободени од надоместокот.

Текстот на предлог законот ќе биде доставен во собраниска процедура и се очекува да биде изгласан до март годинава, а потоа во наредните шест месеци заинтересираните граѓани и правни лица кои сакаат да извршат легализација на дивоизградените објекти ќе можат да поднесат барање за таа цел. Плаќањето ќе може да се врши на 12 рати, додека по легализацијата на објектите ќе биде можно и откупување на дворните места доколку се во државна сопственост.

Премиерот Никола Груевски нагласи дека со последните измени на законот, дивоградбите ќе се третираат како кривично дело, поради што не очекува понатаму да се практикува ваквиот вид на градење. Премиерот најави дека се подготвуваат и измени во Законот за градба со кои ќе се упрости процедурата за добивање градежна дозвола. Се работи за пакет на закони кои се во подготовка и се очекува најдоцна до крајот на овој месец да ја поминат владината седница и да бидат доставени до Собранието. Според Груевски тоа ќе значи дека сегашните потребни 21 чекор за вадење на градежна дозвола ќе се сведат на 6-7 чекори, истакнувајќи дека ќе се следат искуствата на Данска која е земја со најдобро законодавство во областа на вадење на градежни дозволи во ЕУ.

Градоначалникот на Скопје и прв човек на ЗЕЛС (Заедница на единиците на локална самоуправа), Коце Трајановски, ги поздрави измените во предлог законот. Од друга страна од ААМ (Асоцијација на архитекти на Македонија) реагираат дека не биле вклучени во подготовката на законот и сметаат дека неговите одредби се премногу сложени и неприменливи. Од ААМ бараат уважување на забелешките на урбанистите, планерите и проектантите.


http://www.build.mk/?p=6322 - http://www.build.mk/?p=6322


Posted By: dejan
Date Posted: 07-Jan-2011 at 02:46
И од А1:

Од март ќе можат да се легализираат дивоградбите


Дивоградбите ќе се легализираат за едно евро по метар квадратен. Но, ова ќе важи само за куќите и фабриките кои се нелегално изградени.

„Оној кој има куќа од 80 метри квадратни ќе плати само 80 евра, а тоа може да го направи и на 12 месечни рати. Законот очекуваме Парламентот да го усвои најдоцна до месец март, по што ќе следи шест месечен период за пријавување од страна на граѓаните“, изјави Никола Груевски, претседател на владата.

Повеќе http://a1.com.mk/vesti/default.aspx?VestID=132609 - тука .



Posted By: ebivetre
Date Posted: 07-Jan-2011 at 12:53
Ај энае ли некој - дали овој эакон эначи дека сега јас можам на пример на брэинка да ставам една монтажна викендица на Шапка да речеме буквално кај ќе ми текне, на државно эемјиште и после согласно эаконов да ја легалиэирам? Навистина ме интересира логикава?


Posted By: La Linea
Date Posted: 07-Jan-2011 at 13:00
Новите дивоградби како што би била оваа твоја викендица ќе се смета како кривично дело според новиот закон а не како прекршочно. Дивоградбите изградени пред да изгласа овој закон ќе можат да се легализираат а за твојата викендица мислам дека ќе мора да се руши. Но хипотетички, ако успееш да ја изградиш викендицава пред да се изгласа законот, иако звучи лудо, мислам дека сосема е возможно да си ја легализираш за 100 евра после...

По мое мислење законот е дискриминаторски кон оние кои пред овој закон имаат плаќано многу поголеми суми за легализирање на дивоградбите и од тие причини очекувам да падне на уставен суд. Така да и не би брзал со градење викендици на Шапка, или било каде Smile


-------------
Помогнете во Македонската Википедија - Слободна енциклопедија!


Posted By: Observer
Date Posted: 07-Jan-2011 at 14:05
La Linea законот не е дискриминаторски а дека ќе падне на уставен веројатно ќе падне, сите знаеме зошто. Кои се тие легализирања со повисоки суми за кои зборуваш и дали според истата логика не е дискримнаторски да се легализира дивоградба воопшто за било кои пари по однос на луѓето кои си граделе легално? Не држи логиката за некаква дискриминација иако Устваниот Суд поништи сто закони по тој основ затоа што е најлабав и може да се толкува вака или онака...


Posted By: lslcrew
Date Posted: 07-Jan-2011 at 15:03
Ова е многу слично со законот за увоз на стари возила. Добри начини се и двата за да се легализира онаму каде што ионака по некои логики би било можно а проблем се средствата и комплицираните постпаки. НАстрана сите политички придобвки, ако ова е цената дека изричито во иднина нема да има дивоградби треба да се плати. А дискриминторски не е воопшто зашто јасмо се прецизираат на што се однесуваат законите. Крај краева и ако сакаме да бараме грешка во целава работа со сите сили може да речеме дека е дискриминатроски ишто варираат цените нанедвижности, па и на основни продукти восупермаркети.


Posted By: Max
Date Posted: 07-Jan-2011 at 15:04
законот го токмат подолго време во спрега со европски консултанти, па мошне веројатно да не падне на уставен! инаку ке се легализираат сите дивоградби коивака или онака влегле во катастарските снимања, но сепак немаат имотен лист, потоа мора таа дивоградба да е приклучена на струја и водовод, па преку сето ова во општина докажуваш дека си живеел таму и имаш право на легалзација, но ако не се вклопува никако дивоградбата во дупот на општината, пример таму било предвидено да мине улица или да се гради нешто друго големо, нема да може дивио да си го легализира местото...  


Posted By: StreetStruck
Date Posted: 07-Jan-2011 at 17:33
Дали не е дискриминирачки, тоа што некој во државава се придржувал кон законите секогаш, не зависно каков социјален статус има тој, а некој кој што цел живот гледа да го помине гага, заобиколувајќи ги законите, со цел да извлече корист, пак ќе кажам без разлика на социјаниот статус бидејќи законите и прописите важат за сите без разлика дали си сиромашен или богат, е "наградуван" на некој чуден начин. Ако 40% од граѓаните на оваа држава си имаат уредно платено комуналии, легално се приклучиле на довод за струја, вода, канализација, а останатите 60% ги заобиколиле прописите, што значи тоа дека ова не е дискриминирачки, бидејќи 40 се помалку од овие 60 посто. Ако важи 1 евро за метар квадратен, тогаш ако тој што плаќал се навремено, а на кого му се фаќа околу 10 пати повеќе по регуларна постапка, тогаш нека им се вратат парите на тие луѓе што се совесни граѓани на оваа држава, а што викате, можно е тоа? Одма ќе ви кажам НЕ! А башка што толку години не успеале да платат комуналии, од кога си изградиле, а тие што плаќале морале веднаш да платат. Плус тоа се направија  милион глупости во катастер, па и тие со уредни документи немаат добиено сеуште имотен лист, а утре некој ќе си плати 100 евра и ќе си го добие имотниот лист одма и тоа не е дискриминирачки?
Единствено добро од оваа работа е што ќе се стави колку толку под контрола урбанава мафија и градењето без дозволи, иако и тоа не е сигурно воопшто кај нас.


-------------
"Поробените треба да тежнеат кон слободата, а слободните кон совршенство"- Јане Сандански


Posted By: lslcrew
Date Posted: 07-Jan-2011 at 20:33
Ова е перфектно политичко прашање за што треба да се распиѓе референдум. Тков карактер е. Само сега да се испозамараме и со ова не иде баш. Не зашто е научно или незнам каков прашање, баш затоа ѓот е прашање на солидарност или не и е прашање на идеологија и пристап. Да бевме некаде на друго место прво што ќе се направеше е референдум. Мене ми е највеќе технички да не с забега и да се легализира нешто што е врз булевар. Други аспекти се политички прашања и нека си го креираат пристапот како им се слага на политиката. Нека си направат проценка колку гласови добиваат и колку губат што од некои ќе се осетат дискриминирано. Битен нас ни е техничкиот дел.


Posted By: StreetStruck
Date Posted: 07-Jan-2011 at 23:41
Брат како така гледаш бе какви гласови какви бакрачи, закон е над се, а очигледно не е така, што има тука политички да се гледа на работите. Закон мора да се толкува правнички не политички.Баш ради тие гледишта овде дискутираме за ненормални работи кои не би требало да се спорни, а се. Башка каков референдум кога мнозинството е со дивоградби или недосредена документација, што мислиш како ќе помине референдумот. Ја ја опишав работата каква што е прецизно, а сеа ако сака некој да си толкува како него му одговара бујрум и онака тоа цело време се прави.
А за техничкиот дел ако сакате да зборуваме, па со самото тоа што се легализира дивоградба, значи пак повторувам ДИВОГРАДБА, до некаде у старт е утната работата така. Ок имаш право дека многу треба да се внимава што и како ќе се легализира, но самата легализација за мене е спорна, разбирам дека мора некако да се среди тоа прашање но сите да бидат среќни, задоволни и да се задржат некои стандарди како што кажуваш.А искрено ако некој објект е дивоградба колку техничките моменти и стандардизацијата се задоволени? А ако е за едни мајка, за други маќеа, само револтот е  поголем, што да кажам друго.


-------------
"Поробените треба да тежнеат кон слободата, а слободните кон совршенство"- Јане Сандански


Posted By: Max
Date Posted: 07-Jan-2011 at 23:53
SS ова ние бенчмарк ајде речи обрврска превземена од евроинтеграциите, а законот е токмен доволно долго и како што напоменав повторно со европски потпис читај помош, имаш некаде поназад во нишкава за тоа, така да освен легалистичкиот дел дофрлен е и политичкиот, односно цената по која ке се плаќа квадратот т.е. владата дека нели ете светска криза па ги амортизира шокоите на здивените, ова важи за секоја општина а се надевам ќе почне да важи и за селата, а не само за градовите и предградијата... потоа се останато немилосрдно ќе се урива, но мора прво да се пресече со цел отпадок или нус ефект од транзицијава!


Posted By: ovaj_stariov
Date Posted: 08-Jan-2011 at 00:29
Јас мислам дека тука треба да се обрни внимание на едно друго прашање.
Зошто државата 20 години спиеше,зошто дозволи да никнат толку многу дивоградби?
Така да за цела оваа ситуација колку што граѓаните криви толку е и државата.
За тоа колку е правилен овој закон не можам да коментирам,бидејќи не ми е баш јасно дали со плаќањето на овие 1 евро по квадрат ги имаш истите привилегии како и сите.

-------------
build.mk, гради форумска историја


Posted By: Max
Date Posted: 08-Jan-2011 at 00:41
ги имаш, но да почекаме да го видиме прво законот што предвидува за оние објекти кои немаат асеизмичност, ен. ефикасност итн. и дали воопшто вакви нешта ќе бидат норма во спрега со легализирањето...


Posted By: lslcrew
Date Posted: 08-Jan-2011 at 04:31
Никако другше неможе да се реши ваков проблем. Како ќе натераш тристаилјади во двамилиона да платат не е битно каква давачка. Кој да се обиде по постоен начин да го регулира ова ќе падне од власт. Ќе дојде друг и да се обиде исто пак ќе се случи. Мора да се превземе ваков рез. Затоа е политичко. И што е целта да го пресечеме ваквиот начин на однесување во урбанизмот што се наталожил преку транзицијава и порано и да почнеме на чист терен или да го оставиме статус кво. И не се работи за се, точно се прецизирани услови. Како да некој којзнае колку ќар че направи. Затоа викам дека е прашање за референдум, дали државата треба да е солидарна во случаи на дивоградби каде е можна процедура за озаконување и каде проблем се срествата и каде не се проблем урбаниситчките пречки. И тоа не е за секогаш да остане оваа шема него е еднојратен повеќедекаден пресек. Слично ги наведов и увозот на автомобили каде се таложел проблем и мора да се почне со расчистување на старото да може да се воспоставува нови правила и да може да влезат во работа, а не пак да и оставиме иста ситуација. Мораме да ги завршиме и оставиме веќе некои детски болести на државава.


Posted By: StreetStruck
Date Posted: 08-Jan-2011 at 17:34
@Max: Ок не викам дека не треба да се реши проблемот, јас највеќе реагирав за тоа колку ќе плаќаат оние кои цел живот ги болело уво за се. Зошто да плаќаат 1 евро, кога јас сум платил 10, фер ли е тоа?
Иначе се сложувам дека треба се да се стави под лупа и сеизмичи исправни објекти и се што мора да биде под конец.
@ovaj_stariov: Така е, сосема си во право, не го спомнав тоа, само поради тоа што нема што да се навраќаме како било, едноставно така е државава спиела цело време и баш за тоа се има наталожено целиот проблем. Но факт е дека проблемот не е решен па наместо да се бараат кривци и да се губи време со празни муабети од стилот: вака требаше, вака не требаше, треба да се седне и најидеално да се реши еднаш засекогаш. А после ова, треба да се води сметка и за најмалата ситница, не се застанува со овој закон, колку закони има што треба да се поправат, заради тоа што се искористува на перверзен начин секоја дупка во нив.
Иначе бидејќи праша за привилегиите, баш и тоа е најболно, што важат двојни аршини, барем мене многу ме иритира.


-------------
"Поробените треба да тежнеат кон слободата, а слободните кон совршенство"- Јане Сандански


Posted By: zabegan
Date Posted: 08-Jan-2011 at 20:28
џабе дискутирате, дивоградба е дивоградба, закон си е закон, едното треба да го јаде другото, ама не обратно!
не се сложувам со тоа дека држата не можела да се справи со вакво нешто, па морало да се сведе на ова! не се работи за тоа државата да ги конфискува и сруши пола од градбите во државава, но може да се контролира тој криминал до одреден степен, ако ништо друго, може да се започне со дивогрдабите кои нарушуваат урбанистички планови и во кои лежат повеќе начини на кршење на законот, кај другите дивоградби може да се конфискува имотот, ама не мора да се руши доколку самата градба не претставува проблем
за да се спречи изградба на објекти ќе си се регулира и следи изградбата на објекти, а не да гради секој сешто!
а тоа дека прашањето било политичко и некој требало да задржи власт со него, тоа не ме интересира, ако некој според своите потреби си формира закони, јас не му давам ни поддршка ни глас, а народот богами некој треба да го стегне и да си ги менува навиките кои ги стекнал! ако не пресече некој сега, истото ќе продолжи ќе хаосот ќе се акумулира без разлика какви закони има!


Posted By: Dave Gahan
Date Posted: 08-Jan-2011 at 20:37
Самиот факт што тие што ги болел с$(%)# кога граделе сега треба да поминат по багатела со изговор дека еден ден, кога-тогаш мора да се решат, кажува дека намерите на овој закон не се добри. Уште нешто што се поклопува со овој закон (директно или индиректно) е паѓањето на фамозната ЛУПД на уставен суд, што дополнително ги надополнува сомнителните околности под кои и ова новосервирано ѓубре ќе се применува. Факт е дека еден ден и ова ќе падне на уставен, а уште поголем факт е дека еден куп ѓубре во меѓувреме ќе стане легално - браво за нас! Прашање е до кога со вакви колективни ослободување ќе си ги решаваме малоумните, малограѓански работи што ги правиме секојдневно. Намерно не сакам да влегувам во потемелна анализа, затоа што ова смрди на политика од најмизерен локален карактер....стапот од ова ќе го јадеме во наредните години....

До кога дивоградбите ќе се третираат само како градби за кои не се платени обврските кон општината и ништо друго освен тоа? Како ќе се стаи под контрола урбаната мафија??? Прашање за тој што го спомна ова погоре....

-------------
MAKE CAPITALISM HISTORY


Posted By: Max
Date Posted: 09-Jan-2011 at 00:29
ало луѓе ова е пракса во цел свет каде профучела транзиција! и пак повторувам ова е бенчмарк од еу, а не само нечија политика, јасно има и политика ова со еднаквоста на цената на здивените мали или големи, но сепак во парламент ќе се допегла со еден куп амандмани сигурно, за кои можете да ургирате и секој од вас кај својот парламентарен претставник! затоа престанете да млатите празна слама, има време има начин, а посекако ни е превземена обврска од евроинтеграциите која како закон е пеглана токму со европска помош т.е. советници!


Posted By: гитардемон
Date Posted: 09-Jan-2011 at 01:25
Знаеш и сам дека ЕУ нема никаков удел во регулирањето на цената. Ним им беше задача да нè подучат каков модел да искористиме. Си потпишавме спогодба, како и сите потписници мора и ние да ги легализираме дивоградбите, ама никаде не пишува дека по цена 10 пати пониска од легалните градби.

Не ми е јасно заклучно со кој датум ќе се легализираат дивоградбите? Заклучно со ноември или декември 2010, или имам време да направам вила на Шапка на сред стаза?

-------------


Posted By: Max
Date Posted: 09-Jan-2011 at 01:44
сето тоа може да се испегла амандмански подоцна, кога ќе влезе законот во собрание! битно законот е обврзувачки за нас како претенденти за еу...


Posted By: Max
Date Posted: 10-Jan-2011 at 10:53

но останува голема недоумица како ќе се спроведе овој закон кога пола од општините немаат дупови ако не и повеќе, а капак катастарот сеуште ни е во хаос!!! се додека не се среди квалитетно катастарот и не се исчистат сите спорни нешта во него овој закон нема да биде мноу од корист, и пак земјава ќе остане полна дивоградби!!!

исто голема дилема е, зошто и индустриските објекти би платиле исто како и граѓаните, а сепак остваруваат на див терен профит, за нив мора да има друга цена, не смејат да се стават во ист кош со останатите... се надевам сето ова подоцна ќе се среди амандмански, во спротивно можно е да падне законот на уставен, но тоа нема да го реши проблемот туку само дополнително ќе ја развлече цела ситуација и на штета на граѓаните и на штета на државата т.е. конечно да може слбодно да профункционираат инспекциите и демолерите по општините, а со тоа и да се стави конечно ред во урбанизмот, што е битен момент како за еу интеграциите така и за инвеститорите!!! 



Posted By: Cloverstack
Date Posted: 12-Jan-2011 at 01:59

Дивоградби:легализацијата ќе заглави кај имотноправните проблеми


 

Доколку плацот се води на име на вашиот дедо или прадедо за да почне легализација на куќата што се наоѓа на тоа земјиште мора да се спроведе оставинска постапка, да се подели земјиштето со роднините и да се добие имотен лист

 
 
%20  

Неофицијално, во Македонија има околу 360.000 куќи што се нелегално изградени

Законот за легализација на дивоградбите, кој засега околу 80 проценти од населението, станува топ-тема во државава. Неофицијално, во Македонија има околу 360.000 куќи што се нелегално изградени. Станува збор само за семејни живеалишта, во кои не се бројат зградите за колективно живеење, нивните надградби и доградби, како и деловните објекти што се нелегално изградени. Информацијата, соопштена од премиерот, дека цената за легализација ќе биде едно евро за квадратен метар беше дочекана со воодушевување кај сите оние што имаат дивоградби. Но дали толку лесно и едноставно ќе оди легализацијата? Законот сé уште не е донесен во Собранието, каде што може да претрпи амандмански измени во некои делови.

За проект и за елаборат 24.000 денари


За да истражиме колку би чинело легализација на една куќа од 100 квадратни метри се јавивме во неколку агенции што се занимаваат со катастарски и со геодетски работи, кои ни ги направија пресметките. Пред сé е потребен архитектонски проект, кој во зависност од тоа што се бара од него, нешто што сé уште не е прецизирано во предлог-законот, може да се изработува од 3 до 10 дена. Од тоа зависи и цената, но средна вредност до која дојдовме вели дека изработката на проектот чини од 120 до 180 денари за квадратен метар. Или за 100-квадратна куќа од 12.000 до 18.000 денари. По неговата изработка тој се поднесува во општината во која се наоѓа дивоградбата, со што се добива одобрение за градба и се врши упис во катастарските книги. Следен чекор е изработка на елаборат. Елаборатот се наплаќа посебно и независно од претходниот проект. Цената варира од 4.500 до 6.000 денари, во зависност од големината на куќата, катноста и другите специфики доколку ги има објектот. Дел агенциите имаат цена по квадратен метар, па доколку сакате така да ви се пресмета, тоа би ве чинело од 27 до 30 денари за квадрат. Значи за стоквадратна куќа елаборатот би ве чинел од 3.000 до 6.000 денари. Овој елаборат е битен, бидејќи со него се врши упис на недвижноста во катастарот на градот. Со ова се завршува процедурата за легализација, по што ќе имате легализиран објект на ваше име со имотен лист, се разбира и доколку претходно ги имате платени оние 100 евра за легализација од едно евро за квадрат. Двете постапки во нормални услови би траеле најмногу до 15 дена и би ве чинеле вкупно околу 24.000 денари.

Колкав ќе биде рокот за изработка кога за шест месеци ќе се поднесат над 300.000 барања, никој не знае.

Можни проблеми

Треба да се напомене дека доколку има нерешени имотноправни односи за земјиштето на кое се наоѓа дивоградбата, речиси е невозможно таа да се легализира.

- Доколку плацот се води на име на вашиот дедо или прадедо и не е направена оставинска постапка за земјиштето, тогаш тоа ќе биде пречка за легализација на куќата. Мора да се направи оставинска постапка, да се подели земјиштето со роднините, браќата и сестрите, па да се добие имотен лист за земјиштето, по што може да почне со легализација на куќата што се наоѓа на тоа земјиште - појаснува Димитар Марковски од „Геопроектант“, агенција за катастар и премер на недвижности.

Од агенциите велат дека ваквите случаи се многу чести во државава. Нерасчистени имотноправни пред сé наследни проблеми има речиси во секое семејство. На голем дел парцели што се заглавени во ваквите постапки има семејни куќи што се дивоградби, а кои и со новиот закон нема да можат да се легализираат.

Стотина милиони евра во општинските каси

Освен оние што ќе си ги легализираат објектите, голем ќар од овој закон ќе извлечат и фирмите што се занимаваат со катастарски и инженерски услуги, но и општините во чии буџети ќе се слеат најголемиот дел уплатени средства. Иако никој не знае колку се точно, се претпоставува дека околу 360.000 семејни куќи во државава се дивоградби. За да пресметаме колку би се офајдиле општините од вака спроведената легализација направивме една паушална пресметка за да добиеме приближна слика за парите.

Ако се претпостави дека просечна куќа за едно семејство во Македонија е со површина од 120 квадратни метри и доколку претпоставиме дека половина од бројот на дивоградби ќе се легализираат според новиот закон, тогаш јасно може да се види дека за 180.000 куќи по 120 квадрати по едно евро за легализација се добива 21,6 милион евра. Бројката станува навистина поголема доколку се додадат и деловните објекти, кои имаат многу поголеми површини од семејните куќа, а кои исто така се многубројни пред сé во урбаните општини.

Познавачите на оваа проблематика велат дека вкупно со легализацијата и на куќите и на деловните објекти во општинските каси може да се слеат и до 100 милиони евра. Сумата може да биде и поголема ако се направи нешто во забрзување на имотноправните и оставинските постапки што се водат по судовите и катастарот, а траат подолг период. Општините се обврзани овие пари да ги вложат во инфраструктурни објекти, работа што ќе ја надгледува и контролира Министерството за транспорт и врски.

 
   
Автор: Жарко Василевски

http://www.novamakedonija.com.mk/NewsDetal.asp?vest=11111727556&id=10&prilog=0&setIzdanie=22178 - http://www.novamakedonija.com.mk/NewsDetal.asp?vest=11111727556&id=10&prilog=0&setIzdanie=22178


Posted By: Cloverstack
Date Posted: 13-Jan-2011 at 23:23
Дивоградбите влегоа во Собранието 10,2 метри излегоа од законот
 
Висината од 10,2 метри за дивоградбите отпадна од игра во последниот текст на предлог-законот. Сега објектите се ква­­­лифику­вани по намена, а легализацијата на згради отпаѓа - дозволена е само за оние што се водат како индивидуални куќи наменети за домување  
 
%20  

Според најновиот текст на предлог-законот за легализација на дивоградбите, кој веќе е влезен во собраниска процедура, направени се неколку измени, кои битно ќе го изменат епилогот од дејствувањето на законот на терен. Најбитното е тоа што границата од 10,2 метри, како дозволена висина на дивоградбите што ќе може да се легализираат, е избришана и сега селекцијата на дивоградбите е според намената. Тоа значи дека легализирање ќе биде дозволено само за станбените куќите што се со намена за домување. Висината како критериум не се споменува, што би значело дека и оние над два ката ќе може да се легализираат, но само ако се куќи за индивидуално домување, а не згради за колективно живеење. Така, оние што живеат во висококатници, а имаат станови што се дивоизградени или диводоградени остануваат и понатаму да висат меѓу сé понеизвесната легализација, рушење или, пак, статус кво.

- На сите дискусии и подготовки што се правеа за време на поготвувањето на финалниот текст на предлог-законот не преовладуваше мислењето дека во законот треба да се вметнат и зградите. Поради тоа Владата усвои еден таков текст со кој ќе може да се легализираат куќите, индустриските објекти и државни објекти, но не и зградите. Сепак, пратениците ќе го кажат крајниот збор кога ќе се усвојува законот во парламентот - ни изјави Миле Јанакиески, министерот за транспорт и врски.

Завчера законот бил доставен во Собранието и до март годинава се очекува тој да биде усвоен од пратениците и по неговото излегување во „Службен весник“ да почне да важи. Од Министерството дознаваме дека до сите општини ќе се достават формулари, еден вид барање што треба да го пополнат сите оние што сакаат да ги легализираат своите објекти и со другите потребни документи да можат да аплицираат во општините. Вчера од Министерството за транспорт и врски изнудија од катастарот формирање посебен шалтер само за легализација на дивоградби со кој ќе се забрза постапката по донесувањето на законот. Во тек се и преговори со повеќето геодетски фирми што ќе прават елаборати, проекти и премер за утврдување поевтина цена, која ќе се однесува само за оние што ќе легализираат дивоградби. Иако законот сé уште е на почетната фаза во Собранието, опозицијата веќе најави амандманско дејствување за да се изменат некои членови. Дел граѓани веќе се активираа и почнаа да собираат документи за нивните дивоградби. Шалтерите во катастарот деновиве стануваат сé поатрактивно место за престој на сопствениците на дивоградби.

Потребни документи за легализација на објект

- уверение за државјанство
- доказ за приклучок на комунална инфраструктура и/или сметки за јавни услуги (струја, вода итн.), а доколку бесправниот објект нема инфраструктурни приклучоци, изјава заверена на нотар дадена под кривична и
материјална одговорност со која барателот ќе потврди дека бесправниот објект е изграден пред влегувањето во сила на овој закон
- геодетски елаборат за извршен премер на катастарската или градежната парцела и на бесправниот објект, кој содржи скица на премерување на катастарска или градежната парцела и скици на премерување на
внатрешна површина на бесправниот објект
- проект за фактичка состојба на бесправен објект изработен од правно лице со соодветна лиценца
за проектирање
- имотен лист за земјиштето на кое е изграден бесправниот објект

 
   
Автор: Жарко Василевски
http://www.novamakedonija.com.mk/NewsDetal.asp?vest=11311919242&id=10&setIzdanie=22180 - http://www.novamakedonija.com.mk/NewsDetal.asp?vest=11311919242&id=10&setIzdanie=22180


Posted By: Cloverstack
Date Posted: 17-Jan-2011 at 20:24

Законот за дивоградбите - пропаст за општините

Tрошоците за инфраструктура и за урбанистички планови се неспоредливо поголеми од парите што ќе се инкасираат од легализацијата

Билјана Ангеловска

Или ќе се одреди фер цена за легализирање на бесправно изградените објекти или општините ќе пропаднат во таква финансиска дупка што ќе ја доведе во прашање нивната егзистенција. Градоначалниците укажуваат дека предложената цена од едно евро за квадратен метар дивоградба ќе ги колабира општинските буџети, кои и така тешко ги покриваат тековните потреби.

Општините имаат законска обврска средствата што ќе се соберат од легализацијата да ги инвестираат во изградба на инфраструктура потребна за објектите, како и за носење нови детаљни урбанистички планови за да можат куќите да добијат правен статус. Токму ваквите трошоци целосно ќе ги исцрпат општинските буџети бидејќи парите што ќе се инкасираат од процесот на легализација ќе бидат занемарливи во однос на средствата потребни за целосно спроведување на законот.

Градоначалниците се согласни дека беше крајно време да се донесе закон со кој, конечно, ќе му се застане на пат на бесправното градење. Ја поздравуваат владината одлука да го симне од дневен ред долгогодишниот проблем и да се справи со дивоградбите, особено поради фактот дека законот се носи токму на барање на општините и на ЗЕЛС. Сепак, тие се едногласни во ставот дека колку што е предлогот погоден за граѓаните, толку е катастрофален за општините.

Според градоначалникот на општината Чаир, Изет Меџити, најмногу проблеми при спроведувањето на законот ќе имаат малите и руралните општини, кои, едноставно, нема да бидат во можност да им излезат во пресрет на барањата на граѓаните бидејќи ќе треба да ги сменат детаљните планови, а за такво нешто ќе немаат доволно пари. Тој смета дека ќе биде неопходно да се бара финансиска помош од Владата, или евентуално да се обезбедуваат средства од донатори.

Градоначалникот на Струмица, Зоран Заев, го поздравува обидот да се донесе закон со кој ќе се легализираат дивоградбите, верувајќи дека намерата му е добра. Меѓутоа, според него, вака стокмениот предлог е неуставен бидејќи ги става во повластена положба оние граѓани што не ги почитувале законите. Заев смета дека законот мора да претрпи интервенции во делот што се однесува на плаќањето, така што ќе се овозможи инфраструктурата да се гради со самофинансирање.

„Предложениот закон е сосем в ред во делот што се однесува на стопанските погони, каде што давачките за легализирање се еднакви со надоместокот за уредување на земјиштето. Но, во делот на куќите е катастрофален. Бидејќи парите што ќе се соберат од легализацијата ќе треба да се инвестираат за урбанизација, за изработка на урбанистички планови и за изградба на инфраструктура. Токму тоа ќе не' заглиби уште повеќе, зашто со цена од едно евро за квадрат ние не можеме ништо да направиме “, вели Заев.

Тој како пример ја посочува населбата Суфилар за која треба да се изготват два ДУП. На просторот со површина од 15.000 квадрати има бесправно изградени индивидуални куќи, од чија легализација би се собрале 15.000 евра, наспроти 12 милиони евра колку што чини изградбата на инфраструктурата за населбата.

„Струмица има 24 населени места, а над 80 проценти од куќите во селата се бесправно изградени. Само во Струмица има околу 250 диви објекти. Како може Општината со толку малку пари да го исполни тоа што и' е законска обврска кон сите тие луѓе, чие, пак, уставно право е да имаат изградена инфраструктура. Од друга страна, пак, законот предвидува и глоба од по 3.000 евра за градоначалникот и за раководителот на секторот за урбанизам доколку не му ја изградат инфраструктурата на легализираниот објект“, појаснува Заев, кој предлага да се направи некаква класификација, па објектите до одредена квадратура да имаат повластена цена.

И во општината Кичево не се согласуваат со одредената вредност од едно евро за легализација на бесправно изградените објекти и предлагаат да се направи корекција во цената. Според општинарите, најдобро би било кога би се извршила стручна процена на секоја дивоградба, по што би се плаќало процентуално од нејзината вредност. Со истата методологија со која се пресметува и данокот на имот и на промет би се пресметувала и цената што треба да се плати за да се легализира некој објект.

Од Кичево велат дека за простор од три хектари на кој егзистираат дивоградби се потребни околу 5.000 евра само за да се измени постојниот ДУП, додека од легализацијата на неколкуте куќи ќе се соберат само околу 2.000 евра.

Градоначалниците се надеваат дека нивните забелешки ќе бидат прифатени од изготвувачот на законот и веруваат дека во текот на собраниската расправа, сепак, ќе бидат земени предвид. Во спротивно, доколку остане вака како што се предлага на општините не им се пишува добро. (Б.А.)

http://www.utrinski.com.mk/default.asp?ItemID=AC91299679CC2343B1512912BFAB7705


Posted By: Sale SK
Date Posted: 20-Jan-2011 at 02:57

 

Originally posted by Max

законот го токмат подолго време во спрега со европски консултанти, па мошне веројатно да не падне на уставен! инаку ке се легализираат сите дивоградби коивака или онака влегле во катастарските снимања, но сепак немаат имотен лист, 

На сите им е јасно за кого е законот донесен.За толку кратко време кај нас не можеш пасош да извадиш,камо ли да легализираш дивоградба.

ПС За лична карта се чека 2 години.Доволно кажано.



Posted By: Plugger
Date Posted: 21-Jan-2011 at 07:57

Sale, Ne e bas taka kako sto kazuvas

Jas pasos izvadiv za 3 dena vo 2008 godina, od koga gi skinaa vizite za Shengen zonite vladata donese odluka da mora da se smenat site pasosi,licni karti,vozacki dozvoli i taka nataka da bidat biometriski. I normalno znaes kako ide kaj nas sve se pravi vo 5 do 12 i se sobraa aplikaciite pa normalno e deka ke bide taka, namesto da pocnaa da go pravat toa vo 2007 i 2008 godina koga se chekase do maksimum 10 dena za pasos i licna karta sega im tekna.




Posted By: axel
Date Posted: 02-Mar-2011 at 15:19

ОД ЗАДУТРЕ ПОЧНУВА ГОЛЕМАТА АКЦИЈА ЗА ЛЕГАЛИЗАЦИЈА

Стопирано уривањето дивоградби

Од утре во мирување се управните и судските, односно кривичните пос­тап­ки, поведени пред надлежните судови за веќе изградените ди­вог­рад­би, а општинските градежни инспектори не смеат да ги уриваат ди­вог­рад­би­те кои веќе се изградени

Се стопираат сите постапки за уривање на дивоградбите на територија на це­ла­та држава. Од утре, кога во сила влегува Законот за постапување со бес­прав­но изградени објекти, општинските градежни инспектори не смеат да ги уриваат дивоградбите кои веќе се изградени и мора да ги прекинат си­те процедурите кои ги започнале против нив.
Од утре во мирување се и управните и судските, односно кривичните пос­тап­ки поведени пред надлежните судови за веќе изградените дивоградби.
"Ле­га­ли­за­ци­ја­та за едно евро квадратен метар се однесува на објектите кои се изградени досега. За да се легализираат, тие треба да прет­ста­ву­ва­ат градежна и функционална целина, што значи да бидат изѕидани, пок­ри­е­ни и да имаат спроведено струја и вода. Доколку нема инфраструктурен прик­лу­чок, барателот треба да достави изјава, заверена на нотар, дека об­јек­тот е изграден пред стапување во сила на Законот", велат од Ми­нис­терс­тво­то за транспорт и врски.
До­кол­ку се утврди дека по поднесувањето на барањето за легализација, гра­ѓа­ни­те прават доградби и надградби на објектот, општината нема да го ле­га­ли­зи­ра, без оглед што бесправниот објект ги исполнува условите за ле­га­ли­за­ци­ја.
Оп­шти­на­та е должна во рок од шест месеци од приемот на барањето да од­лу­чи дали ќе го легализира објектот или, пак, ќе издаде решение со кое се одбива барањето.
За­ко­нот дозволува легализација и на дивоградбите изградени во на­ци­о­нал­ни паркови и во подрачје на археолошки локалитет. Тие претходно тре­ба да добијат согласност од Министерството за животна средина и прос­тор­но планирање и од Управата за заштита на културно наследство.
Р. Фотиновска

Нелегализираните куќи на (не)милост на општините

Законот предвидува објектите што не ги исполнуваат условите за легализација да бидат урнати. Но никој точно не знае што ќе се случи со дивоградбите за кои воопшто нема да се покрене постапка за легализација. Од Министерството за транспорт и врски велат дека надлежноста ја имаат општинските градежни инспектори и тие ќе одлучат според Законот за градба. Министерот Миле Јанакиески тврди дека и тие дивоградби ќе бидат урнати, но истовремено додава:
"Општината може и да не ја урне куќата, ама нема да дозволи да ја легализира. Јас се надевам дека општините нема да дозволуваат повеќе дивоградби", вели Јанакиески. 

Ќе се легализираат и викендичките

Со новиот Закон за легализација на дивоградби ќе може да се легализираат и викендичките. За нив важи истата процедура како и за куќите. Потребно е да се изработи геодетски елаборат со имотен лист за земјиштето и да се достави сметка за струја или вода. Доколку објектот нема инфраструктурен приклучок, тогаш барателот треба да приложи изјава заверена на нотар со која потврдува дека дивоградбата е изградена пред влегување во сила на Законот за легализација на дивоградби.
Општината е должна во наредните 5 години да донесе урбанистичко-планска документација и да ја вклопи викендичката во урбанистичкиот план. Цената за легализација на викендичките, исто така, е едно евро за квадратен метар.

http://vest.com.mk/?ItemID=120454FFCFD4EA4FB446D7A7D1423E95


Posted By: build.mk
Date Posted: 05-Aug-2011 at 22:17
Легализацијата на дивоградбите се одвива со различно темпо по градовите

На еден месец до крајниот рок за поднесување на барања, легализацијата на бесправно изградените објекти се одвива со различно темпо во градовите низ Македонија. Со неколку илјади поднесени барања предничат Прилеп, Штип и Куманово, наспроти Гостивар, Кочани и Гевгелија во кои се поднесени неколку стотини апликации досега. Министерот за транспорт и врски Миле Јанакиески пред повеќе од 10 дена информираше дека се поднесени 55.000 барања за легализација на дивоградбите, но се очекува нивниот број забрзано да се зголемува во последниот месец поради фактот што преостануваат уште околу 300.000 граѓани кои сеуште не се решиле да ги поднесат документите.

До денешен ден во Куманово се поднесени 4.000 апликации на граѓаните кои сакаат да го решат деценискиот проблем со бесправно изградените објекти, додека над 3.000 граѓани од Штип досега поднеле барање за да го легализираат сопствениот објект. Локалните власти на Гостивар на општинскиот интернет – портал денес објавија дека ќе се формираат дополнителни комисии за легализација, а до денешен ден се поднесени само 900 барања од граѓаните.

Слично на гостиварската општина, во Гевгелија до Одделението за урбанизам досега се поднесени 700 апликации од страна на граѓаните, а од друга страна се легализирани 183 објекти. И во Кочани до пред неколку денови се поднесени 635 барања за легализација на објектите, а издадени се 207 одобренија за бесправните објекти.

Збирните резултати од општинските портали на македонските градови покажуваат дека процесот на легализација на бесправно изградените објекти допрва ќе добие на масовност. Граѓаните повторно го чекаат последниот ден за да си го остварат сопственото право, а крајниот рок за поднесување на апликациите за легализација на дивоградбите е 3 септември. Со донесениот закон граѓаните може да го решат горливиот децениски проблем по цена од 1 евро за метар квадратен со поднесување на барање, геодетски елаборат, доказ за приклучок на комуналната инфраструктура и уверение за државјанство или копија од лична карта.



Бојан Блажевски

http://www.build.mk/?p=9020 - http://www.build.mk/?p=9020


Posted By: Max
Date Posted: 07-Aug-2011 at 23:53

[tube]It9X9w3ffOA[/tube]

Недоречености во Законот за легализација на дивоградбите?

Општините наплаќаат двоен надоместок за легализација на дивоградби во станбена зграда. За зграда од 1.000 квадратни метри со имотен лист и дополнителни 200 квадратни метри дивоградба се плаќа само еднаш надоместок.

Додека за истата површина без имотен лист се наплатува два пати комуналии, бидејќи во тој случај целиот простор се третира како нелегален. Ова е еден клучен проблем за градежниците. Зад камерите се жалат дека имаат штети врз бизнисот. Прашуваат зошто комуналиите ги чинат двојно повеќе иако при градењето изградиле само неколку квадрати повеќе од дозволеното.

Од Министерството за транспорт и врски пак, за Сител објаснуваат дека на овој начин се спречува нелегално да се гради. Министерството донеле закон со кој се одвојува надоместокот. Еднаш се наплатува за легализација и еднаш за градежно земјиште.

Од таму велат доколку постоечката зграда ги има сите потребни документи таа нема целата да се третира како дивоградба и тогаш надоместокот за комуналии ќе се наплатува само еднаш, но доколку за неа не постои ниту еден документ тогаш нормлано е висината на давачките да биде поголема.

Во првичниот закон беше предвидено легализација само за куќи, но по барање на бизнис заедницата Владата ги вклучи и колективните згради.
http://www.sitel.com.mk/dnevnik/biznis/nedorechenosti-vo-zakonot-za-legalizacija-na-divogradbite - http://www.sitel.com.mk/dnevnik/biznis/nedorechenosti-vo-zakonot-za-legalizacija-na-divogradbite




Posted By: Max
Date Posted: 08-Aug-2011 at 01:16

Box 17: Legalization of illegal construction in informal settlements in Croatia

The problem of illegal construction in Croatia is particularly significant in the coastal areas where it leads to informal settlement formation. In most cases, these are second homes or profit motivated developments that violate of planning and building permits. The problem escalated after 1995 when legalization regulations were revoked and possibilities of connection to infrastructure increased. For example, 9,000 illegal buildings were constructed on the island of Vir and another 1,800 in the coastal area of Rogoznica. The legacy of informal settlements in Croatia dates back to its socialist days. Regulations introduced in 1992 permitted legalization of all informal buildings (estimated at 100,000). Within three years, 35,000 building were legalized. The Directorate for Inspection Affairs within the Ministry of Environmental Protection and Physical Planning has taken measures to solve the problem of informal building. In the past three years, a total of 1,600 informally built buildings were demolished and another 4,000 were legalized. Prior to demolition, a detailed verification is carried out to check if the building is inhabited and/or if the residents also have other real estate. In such cases, demolitions are postponed. Legalization is integrated in the planning process (Tsenkova 2007)...

http://www.unece.org/publications/oes/SelfMadeCities.pdf - http://www.unece.org/publications/oes/SelfMadeCities.pdf

кај нас има ли некакви дополнителни проверки, односно услови чии се објекти може да се легализираат, како е ова регулирано... 



Posted By: mirakuliks
Date Posted: 08-Aug-2011 at 07:44
Originally posted by Max




Додека за истата површина без имотен лист се наплатува два пати комуналии, бидејќи во тој случај целиот простор се третира како нелегален. Ова е еден клучен проблем за градежниците. Зад камерите се жалат дека имаат штети врз бизнисот. Прашуваат зошто комуналиите ги чинат двојно повеќе иако при градењето изградиле само неколку квадрати повеќе од дозволеното.

http://www.sitel.com.mk/dnevnik/biznis/nedorechenosti-vo-zakonot-za-legalizacija-na-divogradbite - http://www.sitel.com.mk/dnevnik/biznis/nedorechenosti-vo-zakonot-za-legalizacija-na-divogradbite



Болдираното со посебен акцент на подвлеченото малку ми звичи како онаа изјавата на една циганка, која се жалеше пред камери дека полицијата ги бркала и не ги оставалa на раат да си крадат.
http://www.youtube.com/watch?v=oObXf7QXiME - http://www.youtube.com/watch?v=oObXf7QXiME






Posted By: antiuser
Date Posted: 09-Aug-2011 at 20:04
Koга ќе се заврши со сегашнава легализација евро-квадрат,после тоа колку би била нормалната цена за легализирање.. квадрат..колку беше претходно пред оваа акција евро=квадрат?


Posted By: Cloverstack
Date Posted: 09-Aug-2011 at 21:57
Originally posted by antiuser

Koга ќе се заврши со сегашнава легализација евро-квадрат,после тоа колку би била нормалната цена за легализирање.. квадрат

Кога ќе се заврши со сегашнава легализација, после тоа нема веќе легализација... барем да се надеваме дека навистина така ќе биде. Инаку која е логиката легализацијата на дивоградби да биде вечна појава?


@ Max
Колку што знам, нема такви дополнителни критериуми како во Хрватска. Ама за секој случај пролистај го законот, како и дополнувањето од 14.04.2011

http://www.pravo.org.mk/documentDetail.php?id=5488 - http://www.pravo.org.mk/documentDetail.php?id=5488



Posted By: Max
Date Posted: 10-Aug-2011 at 14:33

првично беше предвидено легализирање само на станбен и индустриски простор, но потоа со амандман и деловниот го вклучија

Пратениците дадоа амин на амандманот со кој е дозволена легализација и на згради, деловни објекти, катни гаражи. Но, за нив не важи цената од едно евро по метар квадратен туку ќе плаќаат колку што чинат комуналиите во општината каде е дивоградбата. http://daily.mk/A1/legalizacija-na-site-divogradbi-od-sledniot-mesec/610987 - http://daily.mk/A1/legalizacija-na-site-divogradbi-od-sledniot-mesec/610987

  ова како кај хрватите за примарен дом, кај нас не е уредено ни во законот ни во подзаконските акти http://www.mtc.gov.mk/new_site/mk/storija.asp?id=3139 - http://www.mtc.gov.mk/new_site/mk/storija.asp?id=3139 ќе се легализираат сите дивоградби кои ги исполнуваат предвидените услови,  односно сопственикот да е државјанин на земјава, објектот да е приклучен на некоја комунална инфраструктура и да поднесе геодетски елаборат, а наместо архитектонски проект ќе има само процена на објектот, односно статиката  на објектот  ќе ја проценува општинскиот инспектор

жешкиот костен се фрла во рацете на локалната самоуправа, која треба да испраќа комисии на терен, кои со голо око и со фотографирање ќе утврдуваат фактичка состојба на објектите, а понатаму ако им дозволат легализација, истите да ги вметнат во урбанистичките планови, без доволно битни информации за градбата. Експертите од градежништвото коментираат дека за вредноста на еден објект не е битна само утврдената сопственост, туку и нивната статика, динамика, квалитет на употребен материјал и изведба. Оние дивоградби што нема да се легализираат, ќе останат на милост на општинските градежни инспектори, кои како крајна опција можат да наредат нивно уривање.

http://www.novamakedonija.com.mk/NewsDetal.asp?vest=3311923496&id=10&setIzdanie=22221 - http://www.novamakedonija.com.mk/NewsDetal.asp?vest=3311923496&id=10&setIzdanie=22221

дополнително, општините ќе бараат совет од министерствата за објекти во археолошки локалитети, заштитени зони(еколошки, национални паркови, воени области)

Легализацијата на дел дивоградби под знак прашалник?

Легализацијата на дивоградбите во близина на археолошки наоѓалишта или културни знаменистости за кои постои веројатност да бидат дополнително истражувани, е ставена под знак прашалник. Општините за секој диво изграден објект на локација која е заштитена или која може да биде предмет на истражувања, ќе побараат мислење од Министерството за култура. Од одговорот ќе зависи, начинот на кој со нив ќе се постапува, вели градоначалникот на Општина Битола, Владимир Талески.

 И покрај тоа што Законот за легализација на дивоградбите предвидува услови и критериуми за сите категории објекти, во процесот кој пред еден месец започна, се очекуваат различни ситуации на кои ќе треба да одговорат и општините и држвата. Наједноставно ќе биде легализирањето на објекти кои се дивоградби, но се предвидени во ДУП. Решение ќе треба да се најде за градбите кои не се предвидени во ДУП и кои не ги исполнуваат критериумите да бидат впишани во нив. Во Битола има случаи цели населби да се дивоградби предвидени во ДУП, но и населби како на пример Ниже поле, кое сеуште не е урбанизирано.

http://174.120.126.194/~orbiscom/orbis/index.php?option=com_content&view=article&id=2353:2011-04-06-15-42-46&catid=81:lokalni&Itemid=419 - http://174.120.126.194/~orbiscom/orbis/index.php?option=com_content&view=article&id=2353:2011-04-06-15-42-46&catid=81:lokalni&Itemid=419


[tube]AIRb6JPD_d8[/tube]

ова со селата како Нижеполе дополнително збунува бидејќи во нив сите објекти изградени по 1968 се дивоградби, сигурно се предвидуваат дуп-ови за руралните средини, но прашање е дали истите ќе се усогласуваат со просторните планови, односо дали ќе може да се урбанизира нешто во заштитена зона итн.



Posted By: Max
Date Posted: 10-Aug-2011 at 18:14

http://idninatanazdravtemel.gov.mk/ - http://idninatanazdravtemel.gov.mk/

[tube]q64uSXG2BDU[/tube]

идејата за рекламава логична иако нереална, вака беше порано со  доделените но невселени општествени станови, па ако сопстевеникот имал и друг  објект, а диво вселените немале дом, легалниот сопственик го губеше правото... јасно сето ова се влечеше судски...

Објектите кои се изградени на места каде што е предвидено сообраќајница или објекти од јавен карактер нема да бидат предмет на легализација?.
- Не. и овие објекти можат да бидат легализирани доколку општината одлучи да не ја гради сообраќајницата.
Дали би можеле да се легализираат објекти каде што нема детален урбанистички план?
- Може да се легализираат и тие објекти со тоа што со легализацијата општината превзема обврска да ги вметне во наредниот детален урбанистички план.
http://idninatanazdravtemel.gov.mk/index.php?option=com_content&view=article&id=19&Itemid=27&lang=mk - http://idninatanazdravtemel.gov.mk/index.php?option=com_content&view=article&id=19&Itemid=27&lang=mk




Posted By: antiuser
Date Posted: 10-Aug-2011 at 18:40
Originally posted by Cloverstack

Originally posted by antiuser

Koга ќе се заврши со сегашнава легализација евро-квадрат,после тоа колку би била нормалната цена за легализирање.. квадрат

Кога ќе се заврши со сегашнава легализација, после тоа нема веќе легализација... барем да се надеваме дека навистина така ќе биде. Инаку која е логиката легализацијата на дивоградби да биде вечна појава?




http://www.pravo.org.mk/documentDetail.php?id=5488 -



МИСЛЕВ ЗА НОВО ИЗГРАДЕНИ објекти Drool  објекти кои ќе се изградат после  септември


Posted By: Cloverstack
Date Posted: 10-Aug-2011 at 20:26
Тоа не е легализација, тоа се комуналии (надоместок за уредување на градежно земјиште):

http://www.build.mk/forum/forum_posts.asp?TID=1371 - http://www.build.mk/forum/forum_posts.asp?TID=1371




Posted By: Core
Date Posted: 20-Aug-2011 at 18:07
Бидејки ова е мојот прв пост, поздрав до сите форумџии на единствениот специјализиран форум за градежништво во нашава мила Македонија Wink

Во врска со темава, ме интересира дали според законов може да се легализира и надградба на стан и проширување на тераса?
 Бидејки според некои информации тоа не било можно, а во текстовите погоре се спомнува дека и станбени згради се опфатени со законот Confused

Благодарам на одговорите Smile



Posted By: Cloverstack
Date Posted: 27-Aug-2011 at 03:32


Според оваа вест, со постојниот закон не постои таква можност:

ГРАДОНАЧАЛНИКОТ НА КАРПОШ БАРА ЛЕГАЛИЗАЦИЈА НА ТЕРАСИТЕ

Градоначалникот на општина Карпош, Стевче Јакимовски ќе поднесе барање за измени на законот за постапување со бесправно изградените објекти со кои ќе се овозможи нелегално проширените тераси да се легализираат по едно евро за метар квадратен. Според него, доколку останат постоечките законски решенија, граѓаните за да ги легализираат проширените тераси ќе мора да плаќаат по 36 евра по метар квадратен, односно 25 проценти од цената на еден станбен квадрат.     - Сите оние граѓани кои имаат извадено градежни дзоволи за изградба на тераси, нема потреба да поднесуваат барање за легализација. Треба само да ги запишат во Катастар. Зборуваме само за оние кои се изградени како дивоградби и за нив бараме да се корегира законот, вели Стевче Јакимовски, градоначалник на општина Карпош.     Од друга страна пак, министерот за транспорт и врски Миле Јанакиевевски иницијативата на градоначалникот на Карпош ја оцени како обид за собирање политички поени. Според него ,ваквото барање можело да се достави пред донесувањетто на закнот, но остави простор предлогот на Јакимовски дополнително да биде разгледан.     - Го повикувам и него и останатите градоначалници во овој период да се концентрираат што на што поголем број граѓани да им се излезе пресрет, а потоа во зависност од барањата истите ќе ги разгледаме и доколку има потреба ќе се измени законот порача Јанакиевски.     Јанакиевски информираше дека заклучно со денешниот ден се поднесени околу 170 илади барања за легализација и повтори дека законот престанува да важи на трети септември,и нема да биде пролонгиран рокот.

[ Златко Симоновски ]



Posted By: StreetStruck
Date Posted: 27-Aug-2011 at 11:00
Previous Ќе си легализираш куќа од 1000 квадрати за 1 евро по квадрат и ќе дојде некој на кој што се му е легално и си ја проширил терасата само и ќе му речат аааа не ти имаш тераса за тебе е 36 евра по квадрат. Хаха да им го мериш мозокт со кантарче нема да им го измериш.
Кажав на неколку пати и пак ќе кажам, законов е дефинитивно еден од најдискриминирачките за поштениот народ кој стално е со средени сметки, редовно плаќа и е совесен и примерен дел од општествово и згора на се некој на глава им јаде со ова. И уште нешто ако не е цел закон стокмен за собирање на политички поени тогаш не знам за што е донесен. И после магарето ќе му вика на зајакот имаш големи уши (ова се однесува на препукувањето Јанакиески- Јакимовски).


-------------
"Поробените треба да тежнеат кон слободата, а слободните кон совршенство"- Јане Сандански


Posted By: StreetStruck
Date Posted: 27-Aug-2011 at 11:08
И уште нешто да се надоврзам. Иде една реклама нова некоја ваљда, за законов и се појавува едно чиче и вика ТОГАШ НЕ ЗНАЕВМЕ А И НЕМАВМЕ... Моите дедовци и баби покрај тоа што работеле негде, иделе на нива ринтале, нижеле тутун, продавале на пазар за да можат поштено да платат и да им биде се легално. И некој доаѓа и ти вика не знаевме, а милион комисии ти доаѓаат секој ден да ја видат и најмалата промена и да ги потсетат дека треба да си ја подмират обврската кон државата... Епа стварно е за едни мајка за други маќеа. Поздрав.

-------------
"Поробените треба да тежнеат кон слободата, а слободните кон совршенство"- Јане Сандански


Posted By: phenomenon
Date Posted: 07-Sep-2011 at 15:47
        Moже ли некој  од компетентните за оваа тематика, да ни објасни нам, на лаиците, како ќе се изврши легализацијата во селските средини.
 
        Значи, не станува збор за села, како што се Инџиково, Стајковци, Сарај, Маврово, Трпејца, Дојран и сл. Прашувам за села што се ридски и ридско-планински од разбиен тип. Села кои немаат асфалтен пат, немаат водовод, а канализацијата е научна фантастика, немаат училиште, немаат амбуланта, немаат продавница. Ниту пак за нив е изготвен урбанистички план, што само по себе  е контрадикторно: Урбанистички план за рурална средина.
      Според законот, преземен од mtc.gov.mk:
 
       Глоба во износ од 1.000 до 2.000 евра во денарска проттиввредност ќе му се изрече
за прекршок на одговорното лице и на службеното лице во органот надлежен за вршење
на работите од областа на уредувањето на просторот, ако:
- не издаде урбанистичка согласност, односно не донесе решение за одбивање на
барањето за утврдување на правен статус на бесправен објект во рокот утврден во член 11
став (1) на овој закон и
- не донесе решение за утврдување на правен статус на бесправен објект во рокот
утврден во членот 21 став (3) на овој закон.
      
        Сега, тука не е јасно, врз која основа општината ќе даде урбанистичка согласност, ако објектот (маркицата) не ти е вцртана во планот. Во планот, кој не е изготвеен, а нема сметка ниту да го изготвува.
 
         Од Чешиново-Облешево произлегоа со следниот став:
 
На пример, ако од легализацијата планираме да собереме околу 5.000 евра, за изработка на урбанистичката планска документација за една помала населба ќе треба да дадеме од 200.000 до милион евра. Ако немаме пари за плановите, автоматски ќе го прекршиме законот, без оглед што наша законска обврска е нивното донесување“ - објаснуваат надлежните од општината Чешиново - Облешево.

          Според горенаведеното, што е пореално решение:

         - Oпштината да даде 200.000 до милион евра за изработка на урбанистичка документација за секое село од средноиазиски и афрички тип, со огромна површина на селскиот атар и со по 20 старци на умирање.
          - Да мора да ги одбие барањата на странките и покрај комплетната докумантација, а парите за елаборатите и друго, на барателите, да отидат во ветер.
 
         И зошто воопшто некоја општина која кубури со финансиски средства, истите би ги вложувала во изготвување на урбанистички планови за села кои за неколку години ќе станат села-духови?
 
          Ретките млади брачни парови, доколку ги има во таквите села, кои што живеат во куќи изградени од Кралството СХС; дали ним им се исплати да дадат 150 евра за елаборат, плу спари за катастарски премер и плус по едно евро за метар квадратен двор ( а сите знаеме дека селските куќи имаат огромни дворови), или повеќе им се исплати да им ја срушат куќата, а тие да го напуштат селото и да се преселат во град.
 
          Прашањето за понатаму е кој ќе произведува храна, кога никој нема да остане во селата, а нивите ќе станат пусти ледини?
 
         А дали некој од вас би останал, кога откако ќе ги плати сите давачки за куќата, што ќе му излезе повеќе од целокупната вредност на куќата, зашто овде селските куќи не се како во Швајцарија и Скандинавија, би живеел и понатаму со следниве неповолности
         - немање асфалтен пат, ниту макадам, туку во кал до колена и зимоска завеан во снег
         - немање превоз
         - немање училиште, амбуланта и продавница
         - немање водовод, а за канализација може само да сонува.
 
Која би била неговата мотивација да остане на село?

         
 
 


-------------
開始されていないだけの戦いが失われ、


Posted By: BOJAN
Date Posted: 07-Sep-2011 at 16:27
Потполно си во право за овој опсежен текст


Posted By: phenomenon
Date Posted: 07-Sep-2011 at 16:41
Previous
 Се трудев колку што е можно да го упростам, за субкритетите да ме разберат. Би се изненадил ако некој од нив ме удостои со одговор.

-------------
開始されていないだけの戦いが失われ、


Posted By: Max
Date Posted: 07-Sep-2011 at 16:48

мислам дека се што е изградено по селата до 1962 (или 1982 беше) е урбанизирано односно заведено како легален објект во катастар, а како таков мора и да влезе во состав на идниот дуп доколку истиот не постои во општината за тоа населено место... 

едит: ваквите објекти не подлежат на легализација бидејќи правно се урбанизирани (влезени во урбана документација по ситуационен план) http://www.slvesnik.com.mk/Issues/C949825E5BF1478DBBFE20BF0C269EE8.pdf - http://www.slvesnik.com.mk/Issues/C949825E5BF1478DBBFE20BF0C269EE8.pdf  



Posted By: phenomenon
Date Posted: 07-Sep-2011 at 17:01
Originally posted by Max

мислам дека се што е изградено по селата до 1962 (или 1982 беше) е урбанизирано односно заведено како легален објект во катастар, а како таков мора и да влезе во состав на идниот дуп доколку истиот не постои во општината за тоа населено место... 
 
    Во иднот ДУП. Во колку блиска или далечна иднина? А пред ДУП-от, нели треба ГУП? А пред тоа, општ акт за населено место (не знам дали е задожителен).
    И како мислиш по селата било урбанизирано? Веројатно нашите села се урбанизирани, доколку се споредуваат со селата во Камбоџа.


-------------
開始されていないだけの戦いが失われ、


Posted By: lslcrew
Date Posted: 07-Sep-2011 at 18:31
Е се ова ќе беше супер уште да беше јасно на јавноста дека законот е за утврдување правен статус на бесправно изградени објекти или меѓу народот познато како легализација, а не за урбанистичко планирање. Тебе дилемата како тоа нема дуп, а ќе се легализира воопшто и не треба да има дилема, зашто законот нема за цел да ги решава урбаниситчките планови ниту да ги вклопува куќите урбанистички. Законот има врска со катастар кој ќе ги вметне во евиденцијата на постоечки објекти, зашто досега ги немаше. Придобивките на државата се што ќе се наплаќа данок на имот, ќе станат активен матерјал за обрт на капитал, односно можност да бидат предмет на хипотека и ќе има државата евиденција за тоа што го има како градежен капитал, зашто досега имаше непотполна евиденција. А утре некогаш кога катастар ќе ги вметне сите нови податоци, ќе имаме многу поточни урбанистички подлоги и вклопливоста на куќите во урбанистичките планови ќе се дискутира кога ќе дојде време да се носат урбанистичките планови за селата. Зашто тогаш може и да не бидат вметнати па после тоа во иднина некогаш да станат предмет на експорпријација, ако  на местото има предвидено пат. Оваа таканаречена легализација не е никаква гаранција дека куќата ќе пушти корен (иако на рекламата така изгледа) и дека нема да постои институција што утре ќе може да ја урне ако треба. Ние имаме во среде град такви објекти кои во новите планови не се вклопуваат и согласно тие планови таквите објекти се откупуваат од држата, иако кога се градени биле легално изградени и согласно тогашните планови. Така да немојте да правите забуна со урбанизам, ова е една масовна евиденција да знае државата со што располага на терен и тоа соодветно да го оданочи, а елаборатите се за утврдување на физичката сосотојба, позиција, површина за да може да бидат вметнати во катастарот.

И има една друга работа која никој не ја кажува дека еден од условите за интегрирање во Европска Унија е да немаш дивоградби, сите некако ја сакаме ама високите критериуми не сакаме да ги спроведеме, вакви чувствителни и обемни акции како евиденција на сите дивоградби и нивно вметнување во системот на капитал и даноци. А толкава бројка објекти како 350000 нема авторитет, институција или кој сака нека е што ќе се се осуди да ги бута, а и е лудо да се бутаат, крајно нерационално е било што да бутнеш освен ако не ти треба просторот на кој тој објект се наоѓа или па да е во строги центри на градови. (Маџир маало е исклучок него одма би му влегол со булдожер. LOL) Инаку не е дозволена легализација во заштитени подрачја каде што воопшто не смеат да постојат објекти како гранична зона, резервати, околу езера, археолошки наоѓалишта и такви слични опфати.


Posted By: Cloverstack
Date Posted: 14-Jan-2013 at 11:12
Државното земјиште под дивоградбите ќе може да се откупи за едно евро по метар квадртен


Сопствениците на нелегално изградени објекти добија уште една поволност. Со најновата владина одлука која стапува на сила веднаш, за дивоградбите изградени врз државно земјиште се отвора можноста за откуп на земјиштето по цена од едно евро за метар квадратен, а истото се однесува и на дворното место. Според премиерот Никола Груевски, се очекува дека одлуката ќе влијае на речиси 360 илјади семејства, бидејќи најголемиот дел од дивите градби се наоѓаат на државно земјиште, додека помал дел се на приватно. http://www.build.mk/?p=6858 - Процесот на легализација на нелегално подигнатите објекти започна во март 2011 година и во рамки на законскиот рок беа поднесени 354.475 апликации. До средината на минатата година се легализираа над 25.000 објекти.



http://www.build.mk/?p=21986 - #
Објавено на 13.01.2013 во категорија http://www.build.mk/?cat=28 - Вести .

Тагови: http://www.build.mk/?tag=%d0%bb%d0%b5%d0%b3%d0%b8%d1%81%d0%bb%d0%b0%d1%82%d0%b8%d0%b2%d0%b0 - Легислатива

http://www.build.mk/?p=21986 - http://www.build.mk/?p=21986




...
Најголемиот дел од овие 360.000 семејства практично ќе ја имаат можноста по симболична цена за едно евро по метар квадратен да си ги откупат и дворните места, да можат после тоа да имаат не само легализирана куќа, туку и свој двор, да можат доколку во иднина сакаат да ја срушат старата куќа, да изградат нова, да ја доградат, да ја надградат или да ја продадат, да ја дадат под залог за да има поголема вредност да земат кредит, истакна Груевски

...
http://vlada.mk/node/5570 - http://vlada.mk/node/5570


Непрецизно и прилично нејасно беше соопштено и не можам да замислам како би се одвивало ова со дворното место. По кој критериум ќе се одреди површината на дворното место?

Ако е според некои чисто математички/геометриски правила, ќе биде ригидно и во голем број случаи не ќе може да се примени на ситуацијата на терен.

Доколку пак биде според тоа кој колку си земал и си заградил, ќе биде максимално неправедно, а гарантирано ќе продуцира и безброј измами кои ќе следат.

Како и да е, на став сум дека купувањето на земјиштето под дивоградбата за едно евро за метар квадратен е оправдано, но за дворното место е исклучиетлно неправедно. Тоа е груба популистичка мерка, која во максимално подредена ситуација ги става оние кои ги почитуваат правилата на игра. Ако за самите дивоградби беше оправдана легализацијата (поточно беше оправдана само за дел од нив), а истото се однесува и на ефтиниот откуп на земјиштето врз кои се изградени, тогаш за багателниот откуп на присвоеното дворно земјиште нема никаква оправданост и праќа многу лоша порака.


Posted By: The Man
Date Posted: 17-Jan-2013 at 18:29
Каде е ова објавено и каде е подетално објаснето? Не можев да најдам ништо повеќе од овој текст.


Posted By: Cloverstack
Date Posted: 19-Jan-2013 at 16:51


За жал не забележав дека некаде беше подетално објаснето. Имаше само штура објава од владата, од која што произлегоа штурите вести по медиумите кои го пренесоа.

Еве ја владината објава: http://vlada.mk/node/5570 - http://vlada.mk/node/5570


Posted By: The Man
Date Posted: 20-Jan-2013 at 13:31
Така и си мислев. Хаос.


Posted By: smajlimcd
Date Posted: 02-Mar-2013 at 20:31
Zdravo ,

Samo sto se vrativ od Opstina Karpos kade sakav da podnesam baranje za otkup na zemjiste po osnov na divograden legaliziran objekt, kade naidov na GOLEM PROBLEM.
Vrz osnova na izmenite na zakonot za gradezno zemjiste se bara najmalku 70 % od GP da bide izgradena !!!! Vo mojot slucaj imam parcela oformena so DUP GP od 540 m2 i kuka od 89 m2 i garaza 19 m2 i pravnikot vika deka NE ISPOLNUVAM USLOV od najmalku 70 % i po avtomatizam ke bidam ODBIEN NA BARANJETO KAKO NEOSNOVANO !!!! soglasno izmenite na Zakonot za gradezno zemjiste koi denes gi prezentirase Ministerot za Transport i Vrski
Ve molam da ni objasnite za sto se raboti i zosto sme zaglaveni vo procedurata....Zosto se obajvuva edno na mediumite a vo praksa e drugo...Navistina ne e fer
vakviot odnos.
Vi Blagodaram na razbiranjeto
Pozdrav


Posted By: Dragan
Date Posted: 03-Mar-2013 at 12:29
Vo opstina karpos ne se podnesuva baranje za privatizacija odnosno otkup na zemjiste, baranjeto se podnesuva vo ministerstvo za finansii podracna edinica karpos, a prostoriite se naogaat vo paloma bjanka na 6 ti kat najgore, so izglasaniot zakon se dozvoluva otkup na DRZAVNO zemjiste koe go vladeat poveke od 20 god, se potpisuva takva izjava na notar i se dostavuva kako prilog kon baranjeto na otkup na drzavno zemjiste a pri toa imaat dobieno dozvola od opstinata da ja legaliziraat kukata sto bila izgradena kako divo gradba i kako dokaz da pokazat imoten list sto go dobile po pat na legalizacija, plus koj im kazuva za procentite.. tie se gledaat i se vazni kako koeficienti pri izgradenost a ne pri otkup na zemjist.

-------------


Posted By: phenomenon
Date Posted: 28-Oct-2013 at 12:40
Дали легализацијата е еуфемизам за грабеж, пресудете сами врз основа на следниот текст:

http://www.kumanovonews.com/vesti/vesti/drzavata-placa-1-5-evro-za-kvadrat-kuci-i-nivi-vo-rezanovce.html - Државата плаќа Педесетина семејства од кумановското село Режановце ја обвинуваат државата дека по багателна цена сака да им го откупи земјиште на кое ќе се гради надвозник и пат како дел од пругата Куманово-Бељаковце од Коридорот 8. Жителите се жалат дека Министерсвото за финасии одредило единствена цена од 1,5 евро за квадратен метар за првокласно обработливо земјоделско земјиште, плацеви, овоштарници, дворови и куќи, при што за повеќе од десетпати е намалена пазарна вредност на имотот.




Во проценките за плаќање данок земјата ни ја ценат од 2 до 20 евра, а сега кога треба тие да ја платат целосно ја обезвреднуваат - вели претседателот на месната заедница Режановце Трајан Димковски.


Значи овие паразити кога треба нешто да ти земат ќе ти се пикнат в гаќи, а кога треба нешто да ти дадат, ни најскржавиот Евреин не им е рамен.

И кажете ми барем ЕДНА причина зошто овие луѓе да не го напуштат селото, кое патем се наоѓа на 5 километри оддалеченост од Куманово?


-------------
開始されていないだけの戦いが失われ、



Posted By: Jovanj
Date Posted: 19-Dec-2013 at 10:18
Дали некој може да ми каже дали е поминат рокот за легализација на дивоградби?
Имено, имам куќа пр+1 во Гевгелија која е комплетно приватизирана, вклучувајќи и дворно место.
Сега преградив поткровје од 50м2. Не рушев ништо ниту додавав. Значи се е во рамките на веќе постоечкото.
Дали треба да направам некаква легализација на поткровјето, и дали уште важи тоа 1 евро за м2.?
Тука во општината ми кажаа дека тој проект е завршен.


Posted By: Cloverstack
Date Posted: 23-Dec-2013 at 02:58


Не знам како би се третирала твојата интервенција на поткровјето, но според оваа вест рокот за поднесување на документи за легализација на дивоградби сега е до јуни 2014: 

http://www.build.mk/?p=23092 - http://www.build.mk/?p=23092


Dunno



Print Page | Close Window