Комплексот „Александрија“ ќе се гради од 1 март

Голем трговски центар со апартмански дел ќе почне да се гради во реонскиот дел на Карпош 3, кај спортската сала „Наум Наумовски - Борче“, позната како „Партизан“, од страната на булеварот Партизански одреди

После неколку години од првите најави, конечно почнува да се реализира големиот комплекс „Александрија“ во Карпош, кај спортската сала „Партизан“. Направено е испитување на тлото и моментално се оградува просторот и се рушат старите објекти. Камен темелник е најавен за 1 март, а инвеститор е „Fashion Group“.

Просторот е опфатен со деталниот урбанистички план „Реонски Центар Карпош 3, западен дел“.  Предвидени се станбени згради, трговски објекти и спортско-рекреативни содржини. Во ДУП-от наместо класични парцели се зацртани „мега-парцели“ кои дозволуваат поголема слобода за моделирање на просторот. За трговските содржини е дозволено максимум 80.000 метри квадратни изградена површина и висина до венец од 22,5 метри, додека за домување е дозволено максимум 42.000 метри квадратни изградена површина и висина до венец од 60 метри.

Ќе се гради ексклузивен трговски центар во Карпош

Инвеститор на објектот е австриска компанија во соработка со „Мен фешн“ од Македонија

Деспина Трајковска


Австриска компанија во соработка со фирмата „Мен фешн“ од Македонија ќе гради ексклузивен трговски центар во Карпош, на просторот меѓу салата „Партизан“ и булеварот „Партизански одреди“. Локацијата веќе се подготвува за отворање на градилиштето. Според најавите, до средината на март официјално ќе бидат поставени темелите на објектот.

Трговскиот центар ќе има приземје и два ката и ќе се протега на површина од 113.000 квадратни метри. Паркирањето ќе биде решено странично и подземно, со капацитет до 2.000 места. Објектот ќе се гради според проект на американска архитектонска компанија, која има искуство во изградба на вакви објекти низ светот, од кои педесетина само во Европа.

Претставници на инвеститорите велат дека трговскиот центар ќе располага исклучиво со комерцијален простор и во него нема да има деловни канцеларии. Освен бутици со ексклузивни брендови, но и марки достапни за нашиот стандард, во центарот ќе има и кафетерии, место за забава, содржини за деца и воопшто, катчиња како во сите светски шопинг-молови.

„На целиот проект е работено речиси три години. Долго траеше постапката на оформување на градежната парцела, која беше целосно во приватна сопственост на повеќе лица. Токму таа процедура ни одзеде најмногу време. Останува сега да ги уплатиме комуналиите во Општина Карпош и во Градот и да ја добиеме дозволата за градба, па работите да стартуваат на терен“, велат претставници на инвеститорите.

Тие се особено горди што и покрај економската криза, сепак, ќе почнат со реализација на планираниот проект вреден речиси 110 милиони евра. Истовремено и поради тоа што отворањето на центарот ќе значи и отворање на нови 2.500 работни места. Рокот за изведба на објектот е две години, а ќе го гради македонска компанија.

Инаку, овој објект е, всушност, првиот што ќе се гради во реонот, кој, според ДУП, треба да се урбанизира со повеќе содржини. Планот дозволува изградба на ексклузивен хотел, градинка, пазар, пензионерски дом, пошта и црква, за која постои маркица во непосредна близина на еден од главните влезови на трговскиот центар, а за која свои средства ќе донира и инвеститорот на ексклузивниот објект.

http://utrinski.com.mk/?ItemID=4D1F93269D5BCE43B9F0E68B92991896

Жан Мо Па, директор на проектот "Александрија"
Во изградба на комплексот "Александрија" ќе инвестираме 70 милиони евра
Модерен бизнис центар, станбен комплекс, маркети, спортски терени, културни објекти, факултети.. Сe на едно место за бизнис заедницата или мал модерен град. Вака ќе изгледа комплексот  "Александрија" по неговата изградба

Изградбата на новиот трговски ги уништи игралиштата на „Партизан“

Деспина Трајковска

За само нецел час вчера заминаа во историјата дел од неколкудецениските игралишта на СРЦ „Партизан“. Тие потонаа во земја по налетот на багерите ангажирани од „Мен фешн“, која си расчистува простор за изградба на трговски центар. Малкумина од вработените од спортскиот центар вчера беа сведоци на уништувањето на игралиштата. Иако револтирани оти наводно инвеститорите недозволено им узурпираат и уништуваат дел од имотот, тие останаа беспомошни. Со образложение дека е неработен ден, ниту Градежната инспекција од Општина Карпош ниту кој било друг надлежен не одговори на апелите од СРЦ „Партизан“ да изврши увид на теренот. Багерите уништија половина од фудбалското игралиште кое рекреативците го користеа буквално до завчера, а очигледно беше оти ќе биде сотрено уште едно помошно повеќенаменско игралиште.

„Ова е невиден упад на инвеститорот, без соодветно одобрение влегува во наш имот, згора на се' во недела кога никој од надлежните не работи за да интервенира на терен. Во случајов, сметаме дека станува збор за класична измама, бидејќи од Општина неодамна ни потврдија дека маркичката за трговскиот центар не навлегува во нашиот имот“, револтирано вчера изјави Крсте Станковиќ, раководител на „Партизан“, кој најави дека денеска ќе инсистира општинарите да ја прекинат изградбата, односно расчистувањето на теренот и веднаш да го разрешат случајот.

Разбирливо, поради неработниот ден, вчера немаше кој да објасни од Општината дали инвеститорот има дозвола за копање на теренот на „Партизан“ и дали воопшто ја обезбеди дозволата за градба откако неодамна ги уплати комуналиите. Недостапни за коментар останаа и од „Мен фешн“.

Инвеститорите на просторот помеѓу салата „Партизан“ и булеварот „Партизански одреди“ планираат да градат ексклузивен трговски центар вреден речиси 110 милиони евра. Трговскиот ќе се простира на површина од 113.000 квадратни метри, а ќе има приземје и два ката. Паркирањето ќе биде решено странично и подземно, со капацитет до 2.000 места. Во трговскиот ќе има исклучиво комерцијален простор, бутици, кафетерии, место за забава, содржини за деца и, воопшто, катчиња како во сите светски шопинг-молови. Трговскиот е предвидено да се изгради во рок од две години.

Неизвесна судбината на отворените терени на СРЦ „Партизан“

Багерите играа фудбал без топка

По реакцијата на ДТВ „Партизан“ од Карпош 4 дека бесправно им се уриваат игралишта од страна на „Мен фешн“, градоначалникот испрати инспектор да ги провери документите за градба

Откако за време на викендот градежните работници ангажирани од фирмата „Мен фешн“ тајно уништија едно фудбалско игралиште во сопственост на ДТВ „Партизан“, вчера градоначалникот на општина Карпош, Стевче Јакимовски, испрати инспектор за да ги провери имотните листови на двете страни. Раководителот на „Партизан“, Крсте Станковиќ, тврди дека во неделата како термити навлегле работниците и без да прашаат им ги уништиле оградата и игралиштето во кое тие самите инвестирале. Станковиќ тврди дека има писмен документ со кој градоначалникот Стевче Јакимовски им гарантира оти сопствениците од „Мен фешн“ нема да навлезат во терените на „Партизан“.

- Многу чудна и монтирана е целата работа околу уривањето на оградата и игралиштето. Во недела и на овие горештини, кога речиси нема никој во „Партизан“, работниците со однапред подготвени столбови влегоа и половината игралиште го заградија и го уништија. Веднаш повикавме полиција, но тие не можеа да сторат ништо освен, како што изјави полицаецот, ако се степаме да интервенира. Но, ние не сме насилници, ние сме спортисти и рекреативци. За вистинско чудо, вчера немаше ниту еден работник. Никаде во светот не се урива спортско игралиште заради изградба на трговски центар. Спортот треба да се негува и гради, а не да се уништува. Чекавме да дојде градежен инспектор, но не знам дали извршил увид. Имаме писмен документ од градоначалникот Јакимовски во кој стои дека игралиштата нема да ни се уриваат. Сега ни останаа само две игралишта, едното со трева, другото со тврда подлога, повеќенаменско.

До вчера ни се уништени три спортски игралишта - вели Станковиќ.

Од „Партизан“ се сомневаат дека фирмата „Мен фешн“ воопшто обезбедила дозвола за градба, иако неодамна ги уплатила комуналиите. Недостапни за коментар останаа од „Мен фешн“.

Од Општината Карпош велат дека целата ситуација ја имаат на увид и дека проблемот ќе се надмине кога инвеститорот и одговорните од „Партизан“ ќе ги покажат имотните листови пред нивната инспекција.

- Уште утрината испратив градежен инспектор. Ќе се направи увид во имотниот лист на „Мен фешн“ и ако фирмата узурпирала простор што не и' припаѓа, тогаш ќе интервенираме во согласност со Законот. Но, јас секако морам да ги демантирам изјавите дека сум дал каква било писмена гаранција дека игралиштата ќе бидат или нема да бидат урнати. Не можам да давам гаранции, тоа не е моја работа ако има имотен лист - изјави градоначалникот Јакимовски.

Додека фирмата „Мен фешн“ го расчистува просторот за изградба на трговски центар, вработените во спортскиот центар сведочеа за уништувањето на игралиштата. Тие ќе инсистираат до општинарите да се прекине изградбата, односно расчистувањето на теренот и веднаш да се реши случајот.

- Невиден упад на инвеститорот. Без соодветно одобрение влегува во наш имот. Сметаме дека станува збор за класична измама, бидејќи од Општината неодамна ни потврдија дека маркичката за трговскиот центар не навлегува во нашиот имот - дополни Станковиќ.

Најголем шопинг-центар во западниот дел од градот

Фирмата „Мен фешн“ на просторот помеѓу салата „Партизан“ и булеварот Партизански одреди планира да гради ексклузивен трговски центар, вреден повеќе од 110 милиони евра. Инвеститорите планираат Центарот да се простира на површина од 113.000 квадратни метри, со приземје и два ката. Паркирањето ќе биде надземно и подземно, со капацитет за 2.000 возила. Трговскиот ќе биде исклучиво со комерцијална содржина - бутици, кафетерии, место за забава, содржини за деца, а ќе се гради две години.

Отпочна изградбата на најголемиот т.ц во југоисточна европа

За почеток од изградбата бенефит ќе имаат и домашните градежни компании кои ќе се вклучат со над илјада работници, а по година и пол откако истиот ќе биде завршен,  ќе треба да вработи околу 2000 луѓе.

Финансиската поддршка од меѓународните но и локални банки е доказ за вербата во стабиноста на македонската економија. Проектот дополнително е поддржан и од европската банка за обнова и развој.