Градежната фирма „Пелагонија инженеринг“ поднела жалба до второстепената владина комисија за јавни набавки бидејќи Фондот за патишта на тендерот за изградба на магистралниот пат Штип - Струмица не ја прифатил нивната понуда иако била за околу еден милион евра пониска од понудата на „Маврово инженеринг“ и „Конструктор инженеринг“, која го добила тендерот. На тендерот за изградба на делница од околу 10 километри на магистралниот пат М-6 се пријавиле пет компании. Главен критериум за избор на најповолен понудувач била вредноста на изградбата. „Пелагонија инженеринг“ понудила цена од околу шест милиони евра, додека „Маврово инженеринг“ со својот партнер од Хрватска понудил цена од околу седум милиони евра. - Без никакво образложение Фондот за регионални и магистрални патишта во почетокот на ноември не извести дека за најповолен понудувач се избрани „Маврово инженеринг“ и „Конструктор инженеринг“. Поради тоа поднесовме жалба до второстепената владина комисија и еве се уште чекаме членовите на комисијата да се изјаснат по нашата жалба - велат во „Пелагонија инженеринг“. Во Фондот за патишта велат дека не можат да го коментираат случајот бидејќи е во тек жалбена постапка, меѓутоа додаваат дека понудувачите на тендерот се обврзале да исполнат одредени критериуми. Оттаму кратко велат дека на тендерот била избрана понудата со најниска цена. „Време“ дојде до допис од кој се гледа дека во тендерската процедура Фондот за патишта побарал од „Пелагонија инженеринг“ да достави дополнителна документација. „Од документацијата треба да се види тековната состојба на компанијата, решение од Централен регистар, договор за регулирање на односите меѓу капитално поврзаните субјекти и друга документација со која располагате и која ја сметате за потребна“, пишува во дописот до „Пелагонија инженеринг“. Фондот тогаш образложил дека документите се потребни поради утврдување на правната поврзаност меѓу градежната компанија „Пелагонија“ и „Пелагонија инженеринг“. Во одговорот што компанијата го испратила до Фондот биле испратени повеќе документи од УЈП и Трговскиот регистар, од кои се гледа историјата на фирмата „Пелагонија инженеринг“. Таа била основана во 1998 година, а единствен основач била градежната компанија „Пелагонија“. Во октомври 2006 година била извршена промена на основачите и единствен основач станала фирмата „Инвестициско биро“, која станала доминантен сопственик и на градежната компанија „Пелагонија“. Се очекува второстепената владина комисија да каже дали тендерот бил исправен или бил направен пропуст во Фондот за патишта.

В.Н.

Се проширува главната сообраќајна артерија Штип-Струмица

Во тек е изградба на нова делница на магистралниот пат М-6 помеѓу Радовиш и Струмица во должина од точно 10 километри. Оваа делница која поточно се протега помеѓу селата Сурдулци и Радичево од наредната година треба да го замени стариот пат со фамозната коцка, со што Радовиш и Струмица конечно ќе бидат поврзани со современ пат по целата должина. Од Агенцијата за државни патишта соопштуваат дека во моментов трасата е пробиена околу 95%, завршени се поголемиот дел од земјените работи и започнато е со изведба на клучката Калуѓерица. Исто така изведени се сите потпатници, натпатници и мостови, како и каналите за одводнување.

Вредноста на овој проект е околу 424 милиони денари, односно речиси 7 милиони евра, средства обезбедени од државниот буџет. Изведувач е хрватската „Ингра“, а надзорот го врши Заводот за испитување на материјали и развој на нови технологии (ЗИМ Скопје). Изработувач на техничката документација е „Балкан консалтинг“ од Скопје.

Со пуштање во употреба на новиот магистрален пат, стариот ќе продолжи да се користи како регионален. Претходно, во 2006 година беше пуштена во сообраќај новата делница Радовиш – Сурдулци долга 4,56 километри, која исто така претставуваше проблематичен сегмент на магистралниот пат. Градежните работи на тој проект ги изведе градежното претпријатие „Пелагонија“. Просечниот сообраќај (ПГДС) на патот Радовиш – Струмица оваа година изнесува 2923 возила дневно.

Делницата Сурдулци – Радичево се протега од стационажа km 42+700 до стационажа km 52+700 на магистралниот пат М-6

Позначајни објекти на делницата:

- клучка Калуѓерица (km 45+113)

- клучка Радичево (km 51+562)

- 6 мостови

- 2 подпатници и 1 надпатник

- канали и објекти за одводнување

1

Почетокот на трасата кај Сурдулци

2

3

4

5

6

7

8

9

10

11

Армирано-бетонска заштита на наводителни цевки

12

Асфалтирање

13

Изработка на подобрена постелка

14

Изработка на тампонски слој km 49+500

15

Монтажни носачи (Мост Радичево)

http://www.netpress.com.mk/vestiimages/78674/patista%201.jpg">

Внимателно управување со возилата, прилагодување на брзината на движење по влажните и лизгави коловози и почитување на поставената сообраќајна сигнализација. Ова посебно се однесува кога се вози нив клисурите и планинските превои особено на патните правци Катланово - Велес, Демир Капија - Удово и Маврово – Дебар, се наведува во најноват информација од АМСМ.

На сите гранични премини нема подолготрајни задржувања за влез и за излез од државата.

МАКЕДОНСКИ ШУМИ ГИ ОЗЕЛЕНУВА ПАТИШТАТА

Се садат багреми на патот Струмица - Радовиш

МИНИСТЕРСТВО ЗА ТРАНСПОРТ И ВРСКИ

Се гради делницата Штип - Струмица

Во врска со протестите на граѓани од населеното место Јаргулица Министерството за транспорт информира дека во моментот се изведуваат активности за изградба на патниот правец М-6, односно делницата Штип - Струмица, во должина од 10 километри.
- Изградбата на оваа делница започна 2009 година, а во согласност со утврдениот динамичен план предвидено е градежните работи да завршат во текот на 2011 година. Во рамките на проектот за изградба на оваа патна насока, предвидена е изградба на две клучки во близина на населените места Калуѓерица и Радичево, 13 премини, натпатник, два потпатника и шест мостови - информираат од Транспорт.

Од ресорното министерство истакнуваат дека со граѓани од Јаргулица биле разгледани нивните барања и начините на кои може да им се излезе во пресрет.
- На истиот состанок беше констатирано дека идејниот проект е изработен уште во 1996 година, а главниот проект во 2003 година и со истите се предвидува изградба на клучки во близина на населените места Радичево и Калуѓерица, односно на растојание од приближно 7 километри, а Јаргулица е оддалечено од овие клучки 3,5 километри, со што се поврзува до новиот пат. Во тек се градежни активности за изградба на натпатник (мост) преку кој жителите од Јаргулица се поврзуваат директно на стариот пат Штип - Струмица и притоа им е овозможен пристап до нивите, а преку овој пат им е овозможено и поврзување со новиот пат преку клучките кај Радичево и Калуѓерица - велат од Транспорт.

Јаргулица протестира, надлежните ветуваат изградба на патот