Скопје 2014

Навреда е да не е некој вброен во „интелектуална јавност“? Аман бе луѓе, не бев во тек! Значи 72-годишниот Цане од планинско овчарско село треба да се лути ако сметам дека тој не разбира од уредување на централно градско јадро?

Е сега, тоа што многумина го мислат е дека изборите се референдум за замислените проекти на идната власт! Не, не значи дека ако победи утре Курле, дека со тоа тој има апсолутно право да изгради порцеланско лајно на плоштад. Особено не па ако тоа чини 500.000.000€ и го промени ликот на градот за век и веков!

Затоа постојат експерти, меѓународни конкурси, и секакви алатки за паметно трошење на народните пари кое ќе даде добар резултат!

Меѓутоа во општество како нашето со демократска свест на примитивно ниво, испаѓа дека изборите се репер за што требало да се гради, и на крајот Пеце и Миле од Кратово со својот глас одлучуваат дали да се гради водовод во Дебар (предвиден на страница 69 на програмата број 3 на партијата број 5, која 100 души ја прочитале), и дали да се гради Скопје 2014 или не.

Епа ако ништо во горекажаното не ви е противлогично, тогаш предолго живеете во Македонија, и ако ништо друго може да прочитате странски весник да видите како во поразвиениот свет се справуваат со тоа.

и гитар и култузин ќе ми извините... но колку што знам Центар е општина на Центарци, а Скопје е град на Скопјани... и затоа ве молам не потпаѓајте и не ја форсирајте таа "општонародна идеја и национален интерес"

Глупости...

Мислењето на жителите од другите градови, населби и села (остатокот од државата) и на "дојденците" во Скопје е ирелевантно, важно е САМО мислењето на Скопјани... и на СТРУЧНАТА домашна и странска заедница...

Edited by FoSsiL - 07-Apr-2013 at 13:00

Е извини, ама НЕ е...

Е административен, научен, економски центар.... главен град... Ама не е етнолошки, културен, социолошки, ниту пак историски центар на оваа држава, а во никој случај не е средство или жртва на националистичка и популистичката политика во оваа држава...

Скопје е град на Скопјани (кои живееат во него) и главен град на Република Македонија, ама не е град на сите жители (кои не живеат во Скопје) на Македонија... Барем не би требало нормално да биде... ТОЧКА!

Originally posted by FoSsiL Е извини, ама НЕ е... Е административен, научен, економски центар.... главен град... Ама не е етнолошки, културен, социолошки, ниту пак историски центар на оваа држава, а во никој случај не е средство или жртва на националистичка и популистичката политика во оваа држава... Скопје е град на Скопјани (кои живееат во него) и главен град на Република Македонија, ама не е град на сите жители (кои не живеат во Скопје) на Македонија... Барем не би требало нормално да биде... ТОЧКА!

Дури и да се работи за нешто што е во интерес на сите граѓани на Македонија, а се наоѓа во Скопје, интересот на Скопјани е приоритет... Па така... ако треба да се изгради или направи нешто во Скопје а е важно за цела држава, прво нормално, разумно и многу јасно е дека прво треба да се прашаат Скопјани за нивно мислење, дали за локација, дали естетика, дали функција, што и да е.... па после да се направи нештото...

тоа е исто како сега... им ставиме на Битолчани ролер-коустер по Широк Сокак, или на Прилепчани им изградиме пирамида на Маркови Кули, во Охрид им го поставиме Титаник како споменик на плоштад... итн...

Јес да е Скопје главен град на Македонија, ама тоа не значи дека Скопје треба да се масакрира поради простотилукот кој постои во оваа држава поради некои си измислени "национални" интереси... Мизерии...

Со вакви фрапантно заостанати, неуки и небулозни менија, дури и на форумов кој би требало да е светлина во тунелот вие се чудите зошто ни се случува ова чудо во државава воопшто?

Аман малку барем да размислите пред да зборите! Зошто за Бога има ЛОКАЛНИ ИЗБОРИ И ЛОКАЛНА ВЛАСТ во чија надлежност се токму овие работи (потреба и изглед на објекти, нивната височина и местоположба, просторна организираност на градот...) и зошто токму на овие избори право на глас имаат само лица кои живеат на тоа подрачје? Јас лично не сакам некој од друг град да ми се меша во одлуките кои го засегаат само мојот град и никој друг, исто како што не сакам да се мешам јас во работите на некој друг! Инаку ако го подигнеме тоа на глобално ниво, зошто тогаш имаме различни држави и се поврзано со тоа, кога на крајот на краиштата ова е наша заедничка Земја?! Малку ум вклучете, не само ајде збори колку да се зборело, оти го урнисавте форумов со глупостите, желудникот ми се превртува кога читам!

МГС - стар член на форумов си и би требало да знаеш декаогромен дел од објектите (Театарот, Музејот на Холокаустото, можеби и Музејот на ВМРО...) не се дел од проектот Ск2014! А незнам како сите се апстрахирате од колосалната и умопомрачителната сума потрошена за овој канцер. Живееме во ултра-бедна држава и секое евро има каде паметно да се искористи. Не ги ли читате секојдневните вести на билд за нови и нови анекси на договорите. Нели е тоа очевиден криминал на ангро, за кој што еден ден несомнено треба да завршат луѓе како Чаушеску (да, повикувам на ликвидација и не ми е срам).

Декстер - аргументите дека видиш ли ти ништо не се градело во Скопје пред 2008 (што прво воопшто не е вистина, многу се градеше, а локалната власт имаше многу малку ингеренции и сретства пред децентрализацијата) се тотално несостојателни. Да ги видиме нашите по сите основи два најблиски главни града - Софија и Белград во периодот 1980 - 2005! Тоа се цели 25 години застој во целиот Источен блок! Луѓето таму доживеаа многу пострашни работи од застој - едните војни, другите глад, а и двете тотално понижување со редењата за леб пред камиони! И што требаше да направат Дизниленд заради тоа? Ги гледаш денеска да се глупираат или активно работат на санирање на штетите? Или можеби требаше да пукнат колективно како нации од завист и мака дека немаат нити приближно европска архитектура како Прага, од која и двата града се поголеми?!

Нека никој да не ми реплицира, не самак да влагам во тотално енпотребни дебати. Штом си го сакате, да си го сакате - не ве разубеди ни очигедниот мега-кич ниту колосалните суми потрошени за истиот, така што не очекувам грам да ги помрднете своите ставови. Просто си ги искажувам своите.

инаку, што се однесува до непотебната дискусија што сте ја развиле:

нити Центар е на Центарци, нити Скопје е на Македонија... Скопје е само на жителите што живеат во него, и тука се вклучени сите негови населби, без разлика кој од каде потекнува и што е, ако е постојан жител на градов, тука веќе нема дискусија
за жал, политичките маси, решиле да го исцепкаат градов на посебни општини поради свое добро и поради тоа се наоѓаме во ситуацијата во која се наоѓаме денес
сепак градов е мал и сите се движиме низ него секој ден... што ако сум од Аеродром, кога огромен дел од своето време го поминувам во Автокоманда, Газибаба, Центар и Карпош? и зошто би делел иста судбина со села што се наоѓаат на 30 километри од урбаниов склоп на градов?

џабе расправате кој за кого требало да има право да гласа, проблемот е сосема на друго место...

Интересен е моментот што сите критикувате онаму кај што можете да удрите а не онаму кај што треба. Му се допаѓало на Цане, нели? Цене е крив. Ајде да го исереме прокетот преку Цане, бидејќи немаме муда понатаму да одиме.

Цане ли ги цртал зградиве? Цане ли ги изработувал спомениците? Цане ли ги проектирал мостовите? Каква врска има Цане со тоа? Архитекти, урбанисти, уметници со дипломи од факултети го правеле тоа. Кој е крив сега? Ако проектот е толку лош значи и факултетите што им дале димпломи на овие не се во ред, пред се'? Или тие што им дозволиле првично на овие да бидат во функција на доделувачи на дипломи? Кој е вистинскиот виновник? Коренот или крошната?

Јас можам да бидам на власт и да соберам архитекти и уметници и да им речам сакам Скопје да наликува на Прага за 5 години. Сакам се што има Прага, тон барок, музеи, куполи на секој втор објект, споменици на секој чекор, мостови со многу скулуптури на нив итн. Ако ги бива архитектите и знаат што прават, ќе го направат тоа да изгледа идентично убаво, ако не ги бива ќе направат лош производ. Но повторно се сведува на тоа, кој им дал право на тие лоши архитекти да се добијат дипломи итн. Проблемот е целокупниот систем во целина, и тоа не е од сега тоа влече длабоки корени.

Доста се критикува проектот низ призма на политика или општество, зад зградите стојат архитекти, скулптори, уметници и урбанисти. Можеби идеата за класичен стил потекнува од врвот, но тоа е само идеја, па дури и идејата и воопшто не е лоша. Кој ти дава теба за право да кажеш дека модерното е подобро од класиката? Никој. Тоа е прашање на вкус и креација. Толку.

Прашањето е, кон што е упатена критиката? Кон идеата или кон производот? Очигледно ни самите не знаете.

Edited by HugoGoulding - 07-Apr-2013 at 16:21

Заклучок, ни Пеце ни Миле се криви, туку криви сме ние што сме дозволиле некој да ни кажува дека таква била волјата на народот, изземајќи се себе од одговорност и давајќи си врховни права - ете тоа пријатели мои е проблемот, имаме власт која ни вика дека со тоа што биле изгласани на избори можат што сакат да прават, без да прашаат било кого, макар и се работело за проект од 500.000.000€

@Z|evzek

Па да де... не реков дека трошењето на државни пари е во ред... напротив, воопшто не е...

данокот што го плаќаме се распределува според определени методи, и тука нема дискусии... тоа што државата со државни средства инвестира во одредени општини, тоа друга работа, но тоа жителите од другите општини треба да ги загрижува и да изразат протест, наместо да се восхитуваат и гордеат со нешто од што немаат никаква директна корист ниту пак контакт, а ниту пак е нешто со вистинска и голема вредност и тоа од повеќе аспекти: архитектонска и естетска, историска и културолошка, традиционална, ниту пак некоја посебна просторно-функционална и општествена вредност... единствено има потенцијал за развивање на нов вид на туризам... кога луѓе доаѓаат само за да го видат циркусот што сме го создале... и да ни се смеат секако... А, да, тука е и вредноста во залудно потрошени милиони евра...

Е сега ако некој си има комплекси со архитектурата на западна Европа, од било која причина, тоа е друга работа... малограѓанштина, мислат дека ако имаат класична архитектура ќе станат светски и елитни луѓе,"поголеми", а во исто време притоа слушаат турбо-фолк... е тоа ти е криза на самоидентитет...

Ако некој од внатрешноста си нема проблем неговите пари да се трошат во Скопје за глупости, тоа е негово... но јас си имам проблем моите пари да се трошат во Скопје за глупости, затоа што знам дека на Скопје му се потребни други нешта, на мене и на повеќето разумни Скопјани, па дури и на оние кои не се и кои не знаат што сакаат...

Edited by FoSsiL - 07-Apr-2013 at 18:52