Скопје 2014

краток поглед кон иднината:
годината е 2090та, Грчев и Вангел сеуште се главни фактори при дебати за архитектура и урбан развој

леле човече аман, или рушете ги или не ги рушете, дај да го поминеме ова и да се занимаваме со нешто побитно

ДА НАПРАВИМЕ ПАРК СО СПОМЕНИЦИТЕ ОД „СКОПЈЕ 2014“, ОД ОСТАВНИНАТА НА МАЛИОТ ДИКТАТОР, КАЖА ШИЛЕГОВ

Градоначалникот Петре Шилегов не се откажува од намерата спомениците од проектот „Скопје 2014“ да се отстранат, но сега предлага да се направи мементо парк и таму да се дислоцираат. Според градоначалникот Шилегов ваков парк може да се направи на местото на дивата депонија во Општина Ѓорче Петров, која неодамна беше исчистена и на тој начин просторот ќе се заштити од повторно уништување.

„Мораме да биде внимателни, да не предизвикуваме нови поделби и револт во општеството. Треба да имаме меѓусебна почит без разлика дали некому му се допаѓа ‘Скопје 2014‘ или не. Скопје не е град како што сега изгледа центарот, ниту бил, ниту некогаш ќе биде. Но, мора да почитуваме дека некои луѓе сакаат тоа да го гледаат и со ваков парк ќе им го овозможиме тоа. Да не бидеме брутални во отстранувањето туку да имаме еден општествен помирувачки процес“, рече градоначалникот Петре Шилегов на денешната прес-конференција за заедничка инспекциска служба со скопските општини.

Шилегов посочи дека ваков мементо парк има направено во Будимпешта, Унгарија, каде се поставени сите статуи од комунистичкиот период на Унгарија од 1949 до 1989. Во паркот има статуи на Ленин, Маркс и Енгелс, како и на неколку од унгарските комунистички водачи.

„Зошто и ние да не направиме еден парк со оставнината на еден мал диктатор“, рече Шилегов.

Шилегов кажа дека Град Скопје во моментов работи на отстранување на четири споменици кои се донација од Здружението за духовно обединување на Сетинци, Попадици и Крушоради, а не се платени на леарницата.

Од целиот проект „Скопје 2014“ кој сегашната власт како тогашна опозиција жестоко го критикуваше отстранет е само споменикот на Андон Јанев-Ќосето, кој Град Скопје го тргна од пред комплексот судови во март 2018.

https://sdk.mk/index.php/dopisna-mrezha/da-napravime-park-so-spomenitsite-od-skopje-2014-od-ostavshtinata-na-maliot-diktator-kazha-shilegov/

Може тоа и е намерата. Еве за китењето на плоштад во криза изговорот е дека "несмеело на децата да им се одзема радоста" а у суштина радоста само за некој со тендер за китење. Така и тука, умешност е тоа во политиката да се спроведе задна намера под некое емотивно пласирање на алтернативен изговор.

Да спомениците треба да се дизперзираат по плоштади и кружни текови во други населби и градови, најчесто оние места кои се најмногу поврзани со ликовите, на пример Гемиџии во Велес, АСНОМ или Карпош во Куманово (каде плоштадот сеуште се вика Југославија), Цар Самоил во Прилеп, Охрид или Струмица, по тој терк да иде преселувањето. Ама ова не е период за тоа, друг пат, сега за да нема сомнеж не треба да се чепка моментално додека не се реши ова со Бугарија, кое се надевам нема да се завлечка со години.

На Шилеговача сега му текна на некој месец пред истек на мандат, каде нити еден капитален проект не изгради...бар тоа што дојде на бран на антиСкопје02014 незадоволство да го испоштуваше и да корегираше нешто од проектот, ни тоа.

Богдановиќ ја чека Стефоска, а таа го чека него – никако да се договорат за Триумфална порта и куќата на Мајка Тереза



https://mk.tv21.tv/bogdanovik-ja-cheka-stefoska-a-taa-go-cheka-nego-nikako-da-se-dogovorat-za-triumfalna-porta-i-kukata-na-majka-tereza/

ШИЛЕГОВ ТРИ ГОДИНИ НЕ МОЖЕ ДА ГИ ПРОДАДЕ КОЊИТЕ НА КОЦЕ ТРАЈАНОВСКИ ЗА „СКОПЈЕ 2014“

Град Скопје не може да ги продаде коњите липицанери што ексградоначалникот Коце Трајановски ги купи за разгледување на проектот „Скопје 2014“. Двата липицанери Монтоја и Сигојно беа купени во 2013 од Грција, а кочијата беше набевена од Полска и чинеа вкупно околу 40.000 евра.

По доаѓањето на градоначалничката функција на Петре Шилегов проектот беше укинат и коњите од тогаш стојат во штала кај бараките на ЈП „Паркови и зеленило“, на крајот од Градскиот парк. Вработени во претпријатието се грижат за нив оти обидите да се продадат се неуспешни.

„Имавме два обида да ги продадеме ама никој не ги сака. Цената по која ги нудевме за еден коњ беше 18.000 евра, а кочијата и целата опрема 5.300 евра. Сега повторно чекаме да се направи проценка, да ја спуштиме цената и да се обидеме пак да ги продадеме“, велат од ЈП „Паркови и зеленило“.

Неколку пати коњите и кочијата изминативе три години биле изнајмувани за свадби за младенците со кочијата да одат на венчавката или за фотосесија.

Град Скопје пред три години проектот или турите со пајтонот низ Плоштад ги укина бидејќи не биле рентабилни. Годишно за работата на пајтонот и за двата липицанери од буџетот на Град Скопје како субвенции се одвојувале 100.000 денари. Од кога почнал со работа пајтонот па до крајот на 2017 година за него биле потрошени 10,7 милиони денари, а остварениот приход од наплата на карти бил само 1,2 милиони денари.

[URL= ]https://sdk.mk/index.php/dopisna-mrezha/shilegov-tri-godini-ne-mozhe-da-gi-prodade-konite-na-kotse-trajanovski-za-skopje-2014//URL]

(ВИДЕО) Четири години по смената на власта, шајка не му фали на „Скопје 2014“ – зошто?



https://360stepeni.mk/chetiri-godini-po-smenata-na-vlasta-shajka-ne-mu-fali-na-skopje-2014-zoshto/

Фото репортажа од состојбата на зградите и спомениците од овој проект, една деценија подоцна (мора да се посети линкот, не може да се копираат сликите):

https://prizma.mk/raspaganeto-na-skopje-2014/

https://prizma.mk/nedoizgradeniot-barok-od-skopje-2014/?fbclid=IwAR3u9FYLXDYuWQaGxhlvxGjiGzAXJx18Dh4RKPst4yBomejMHiC16e1_R_k

11,5 години поминаа откако првпат се појави идејата на власта предводена од ВМРО-ДПМНЕ да направи интензивна и офанзивна „градска градежна хирургија“ во срцето на Скопје. Изгледаше неостварливо и многумина не веруваа дека ќе се реализира. Проектот „Скопје 2014“, по кој македонската метропола беше прогласена за европска престолнина на кичот уште се гради.