Скопски сообраќај (општо)

Тоа е и проблемот, што оние кои имаат моќ во медиумите не ги поставуваат овие прашања до градоначалникот јавно и секојдневно...повторно курир систем. Треба зборот новинар да се исфрли од македонскит јазик и да се замени со курир.

Не е нормално 20 ентузијасти на БИЛД.мк да имаат повеќе идеи и здрави размислувања од властите...Не е!

Во србија бар имаат на национална телевизија "Шта радите бре!!!" во однос на случувањата во главниот град, ќе имаме "Со кој памет море" и ние за 10 години, нели толку сме позади Србија...


*Ништо против овој кружен тек, само во однос на приоритети и пари зборам.

Edited by alexsend - 22-Jan-2020 at 23:11

Вчера имаше едно комбе и еден багер но ништо поконкретно,можеби вчера беше само најверојатно ќе почнат во текот на месецов.

Очигледно изведувач е Жикол,а некаде е поставена и инфо табла за градежните работи но истите сеуште не се започнати ќе видиме кога и дали ќе започнат...

Предолго траат уличните реконструкции




Градежните работи на булеварот Босна и Херцеговина не се завршени ниту до половина, иако почнаа во септември 2018 година. Рокот на изведба на новопроектираниот булевар беше 18 месеци, а на сообраќајницата сѐ уште се работи на поставување инсталации. Улицата што треба да стане булевар е раскопана од двете страни, а тамошните жители веќе втора година газат по земја и калишта. По вадењето на павер-коцките цели речни корита најпрвин се ископаа пред двата локални маркети, со што на граѓаните им беше оневозможено паркирањето. Откако каналите се потрупаа со земја, павер-елементите од паркингот останаа наредени во повеќе купишта. Сега истиот тој простор повторно е ископан, па во еден дел наместо по тротоар граѓаните мораат да се движат по коловозот и да се изложуваат на опасност.

Граѓаните стануваат нервозни од долгите реконструкции на улиците, а особено реагираат на раскопувањата што се вршат неколкукратно, дури и откако работите се сметаат за завршени. Раскопувањето на улиците по неколкупати за поставување различни инсталации е еден од забележливите проблеми со кои се соочуваат скопјани. Не толку одамна, на 30 декември 2019 година, пишувавме за ова, дека раскопани улици и тротоари, нечистотија, прашина или кал се чeста скопска слика. Градските власти тогаш кажаа дека кога ќе се изгради една сообраќајница две години потоа никој не ќе смее да ја раскопува, освен ако не станува збор за дефект на мрежата.
Булеварот Босна и Херцеговина е фреквентен булевар и ги поврзува општините Бутел и Шуто Оризари, а преку улицата Словенечка и општината Карпош. Раскопаната улица многумина од пешаците ја избегнуваат. Некои од граѓаните што ги користат автобуските линии со броевите 35 и 9, наместо на последна станица слегуваат на претпоследната, за да го избегнат калливиот терен. Булеварот Босна и Херцеговина ќе биде долг околу 1.400 метри и широк 40 метри, ќе има по три коловозни ленти во двата правца, пет метри зелен појас во средината, странично зеленило, како и пешачки и велосипедски патеки од двете страни.

Нов градежен фронт сега се отвори и со изградбата на кружниот тек меѓу улиците Втора македонска бригада и Ќемал Сејфула во општината Чаир, кај семафорите пред поликлиниката. Ќе се поставуваат и водоводна и канализациска мрежа, 40 нови канделабри со висина од седум метри за да се осветли овој потег. Се очекува градежните работи на новиот кружен тек да завршат за два месеца, ако временските услови дозволат реализацијата да оди според планираното. Тамошни жители велат дека е убаво што се гради, бидејќи овој дел од градот навистина беше инфраструктурно запуштен, но треба да се гради навремено и квалитетно, да не се влечкаат работите. Сега тамошните жители ќе бидат вклештени во сите овие градежни активности од две страни. Во слична ситуација се и жителите од општината Аеродром, каде што веќе четири месеци е раскопан булеварот АСНОМ, па сиот сообраќаен метеж, и автомобилски и автобуски, сега е преселен на булеварот Јане Сандански.
– Четири месеци е раскопано и газиме во кал и прашина. Не се поминува од раскопаната земја, а целиот метеж сега се прави на булеварот Јане Сандански. И автобусите од јавниот градски превоз во еден дел имаат изменети траси, а целата таа навалица на терен секој ден ни ги комплицира како пешачењето така и сообраќањето со автомобили – се пожали жителка на општината Аеродром.

Од градот Скопје велат дека градежните активности за проширување на булеварот Босна и Херцеговина се во тек и, според предвидената динамика, треба да завршат во текот на оваа година. Објаснуваат дека раскопувањето по должината на булеварот е во рамките за поставување соодветни инсталации и дека тие се дел од изградбата на булеварот, но не кажаа за какви инсталации станува збор. За зафатите на булеварот АСНОМ велат дека се при крај, но не прецизираат кога ќе финишираат.

– Во однос на изградбата на првата фаза од булеварот АСНОМ, на потег од крстосницата со булеварот Србија до улицата Васко Карангелески, кај хотелот „Русија“, истата таа е во завршна фаза и треба да биде готова во наредниот период. Паралелно, во моментов трае и рокот за пријавување на јавната набавка за втората фаза, која предвидува продолжување на булеварот до кејот на Вардар, како и изградба на мостот преку реката. Во однос на динамиката, сите овие проекти се реализираат во континуитет, каде што истовремено се работи на повеќе различни аспекти предвидени со проектот, но одреден вид работи се поврзани и со соодветни климатски услови – велат од градот Скопје.

Инаку, булеварот Босна и Херцеговина ќе биде долг околу 1.400 метри и широк 40 метри. Новиот булевар ќе има по три коловозни ленти во двата правци, пет метри зелен појас во средината, странично зеленило, како и пешачки и велосипедски патеки од двете страни.

https://www.novamakedonija.com.mk/makedonija/skopje/предолго-траат-уличните-реконструкц/

Za počnuvanje ne e problem,prašanje e kolku vreme ke trae procesot,povtorno ke ima blokiranje na velo i pešačkite pateki pored kejot. Tri godini nemožat da go sredat delot okolu panoramskoto,ova kojznae kolku ke se vleče...

В И С О К 350 метри?
EDIT: Мостовите кај Саем и Сити Мол се потребни, добри и планирани. А каде е чудовиштево од 350 метри? Освен овие две варијанти, од кои ниедна претходно не сум ја видел во политичка програма или говор, ниту пак во некој сериозен план на властите, не ми текнува друга сообраќајница која би одговарала на описот, ниту пак гледам потреба од таква висина, небаре Босфор ќе го премостуваат. Или е грешка на новинарот или се збркал градскиот татко.


Edited by Staro Skopje - 11-Feb-2020 at 23:33

Нели се откажаа од продолжување на Илинденска поради бунарите? Згора на тоа Илинденска не продолжува по/кај Скупи (ант. град или улицата?) и Словенија, ниту пак оди преку Лепенец.

СЕ РЕКОНСТРУИРА ВТОРАТА ФАЗА ОД УЛИЦАТА ИНДИРА ГАНДИ ВО ШУТО ОРИЗАРИ

Екипите на Град Скопје денеска ја почнаа втората фаза од реконструкцијата на улицата Индира Ганди, во општината Шуто Оризари. Обновата на вториот дел од оваа фреквентна сообраќајница е предвидено да заврши во рок од 50 дена.
Како што ветивме минатата есен кога ја почнавме реконструкцијата на првата фаза од улицата Индира Ганди, оваа пролет ја почнуваме реконструкцијата на втората фаза од оваа улица, и тоа во должина од 800 метри, од улицата Бутелски венец до улицата Нов живот. Ќе биде заменет стариот асфалт кој е целосно уништен, ќе се заменат оштетените рабници, а ќе бидат реконструирани и тротоарите. Инвестицијата на Градот Скопје во овој проект изнесува околу 13,5 милиони денари со ДДВ - рече градоначалникот Шилегов, на почетокот на градежните работи на улицата Индира Ганди.

Тој нагласи дека во текот на реконструкцијата на оваа делница, во овој дел од градот ќе биде воведен привремен сообраќаен режим.

- Ги замолувам граѓаните за разбирање и за почитување на тој привремен сообраќаен режим, се со цел што е можно побрзо да ја завршиме реконструкцијата на оваа улица која повеќе од 30 години не е реконструирана. Градот Скопје вложува во сите делови од градот зашто за нас сите граѓани се исти и имаат исти потреби од добра инфраструктура. На почетокот на оваа пролет, кога ќе почне сезоната за садење, овде ќе подигнеме и нов парк - прв парк што ќе го уреди Градот Скопје во Шуто Оризари за потребите на граѓаните – најави Шилегов.





https://www.facebook.com/CityofSkopje/

Зградиве што ги изградија на 3-та Македонска Бригада па и оние повнатре со години немаат асфалтен пат и пристап до зградите,се вози преку тампон и кал...(ова е всушност спроти новиот комплекс Урбан Гарден) во Аеродром







https://www.facebook.com/groups/vozduhsega/

Кај нас ретко некој да почитува правила поготово во сообраќајот,а конкретно за овој пат многу често се коментира,па најдобро би било или да се асфалтира или да се забрани за движење бидејќи се изнесуваат големи колични песок и кал на булеварот и околните улички.